ក្រុមហ៊ុន Toyota បានប្រកាសចេញរថយន្ត GR Supra ស៊េរីឆ្នាំ២០២១ ប្រភេទប្រើម៉ាស៊ីនតូច នៅក្នុងប្រទេសអង់គ្លេស ដោយវាមានតម្លៃធូរថ្លៃច្រើន។
រថយន្ត Toyota GR Supra 2.0 មានបំពាក់ម៉ាស៊ីនសាំងចំណុះ ២,០លីត្រ ទំហំ ៤ស៊ីឡាំង ហើយមានតម្លៃចាប់ពី ៦២ ៥០០ដុល្លារ ថោកជាងប្រភេទម៉ាស៊ីនធំ ៣,០លីត្រ ដល់ទៅ ៩ ៥០០ដុល្លារឯណោះ។
ផ្ទាំងផ្សាយពាណិជ្ជកម្ម
ខណៈពេលដែលតម្លៃខាងលើគឺសម្រាប់ម៉ូដែល 2.0 Pro វាក៏មានម៉ូដែលមួយទៀតហៅថា Fuji Speedway Edition ដែលមានតម្លៃចាប់ពី ៦៤ ៤០០ដុល្លារ។
បើទោះបីជាប្រើម៉ាស៊ីនតូចមែន ប៉ុន្តែរថយន្ត GR Supra 2.0 មានកម្លាំងរហូតដល់ទៅ ២៥៤សេះ ដែលអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៥,២វិនាទី ហើយមានល្បឿនអតិបរមា ២៥០គីឡូម៉ែត្រក្នុងមួយម៉ោង។ មិនតែប៉ុណ្ណោះ ដោយសារតែប្រើម៉ាស៊ីនតូចជាង ដូច្នេះវាក៏មានទម្ងន់ស្រាលជាងដែរ ពោលគឺស្រាលជាង ១០០គីឡូក្រាម បើប្រៀបនឹងប្រភេទប្រើម៉ាស៊ីន ៣,០លីត្រ៕
ផ្ទាំងផ្សាយពាណិជ្ជកម្ម
