រថយន្ត Mazda6 ស៊េរីឆ្នាំ ២០២១ ទើបចេញលក់នៅប្រទេសម៉ាឡេស៊ីជាផ្លូវការជាមួយប្រភេទចំនួនពីរ ដែលជារថយន្តនាំចូលពីប្រទេសជប៉ុនផ្ទាល់តែម្ដង។
សម្រាប់រថយន្ត Mazda6 2.0L មានតម្លៃចាប់ពីប្រមាណ ៤១ ២៨៤ដុល្លារ ខណៈរថយន្ត Mazda6 2.5L មានតម្លៃចាប់ពីប្រមាណ ៥០ ១៥៥ដុល្លារ។ គួរដឹងថារថយន្ត Mazda6 ស៊េរីឆ្នាំ ២០២១ មិនមានការផ្លាស់ខ្លាំងប៉ុន្មានឡើយលើរូបរាងខាងក្រៅ ហើយម៉ាស៊ីនក៏នៅរក្សាដដែលផងដែរ។
រថយន្តនេះនៅបន្តប្រើម៉ាស៊ីន SkyActiv-G ចំណុះ ២,០លីត្រ ៤ស៊ីឡាំង អាចផលិតកម្លាំងបាន ១៦២សេះ និងម៉ាស៊ីនចំណុះ ២,៥លីត្រ អាចផលិតកម្លាំងបាន ១៩២សេះ។ ទាំងពីរប្រភេទនេះគឺមានប្រើប្រាស់ប្រព័ន្ធបើកបរវិលកង់មុខ, លេខអូតូ៦វគ្គ, បច្ចេកវិទ្យា i-Stop និងបច្ចេកវិទ្យា G-Vectoring ផងដែរ។
បន្ថែមពីនេះរថយន្ត រថយន្ត Mazda6 ស៊េរីឆ្នាំ ២០២១ មានបន្ថែមនូវមុខងារ Apple CarPlay ទៅក្នុងអេក្រង់កម្សាន្តទំហំ ៨អ៊ីញផងដែរ ហើយក៏មានមុខងារ Android Auto ដូចមុនផងដែរ៕
