យោងតាមលោក John Elkann ប្រធាន និងជានាយកប្រតិបត្តិក្រុមហ៊ុន Exor ដែលជាម្ចាស់ភាគហ៊ុនដ៏សំខាន់នៅ Stellantis បានបង្ហាញថា ក្រុមហ៊ុនមានគោលដៅលក់រថយន្តកូនកាត់ និងអគ្គីសនីសុទ្ធអោយបានចំនួន ៤០ ម៉ឺនគ្រឿងនៅឆ្នាំ ២០២១ ដែលច្រើនជាងចំនួនបីដងនៃចំនួនលក់នៅឆ្នាំ ២០២០។ ដើម្បីសម្រេចគោលដៅនៃការលក់នេះ លោកបានបន្តទៀតថា វានឹងមានជំនួយពីរថយន្តម៉ូឌែលថ្មីៗរបស់ក្រុមហ៊ុនចំនួន ១១ម៉ូឌែលផងដែរ។
តាមរយ:តួលេខនៃការលក់ពីឆ្នាំ ២០២០ បានបង្ហាញថា ការលក់រថយន្តអគ្គិសនីកំពុងកើនឡើង។ ទោះបីជាការលក់សរុប បានធ្លាក់ចុះ ២០ ភាគរយក៏ដោយ ក៏រថយន្តយន្តអគ្គិសនីបានកើនឡើង ៦៧ ភាគរយក្នុងឆ្នាំ ២០២០ និងចំនួនលក់សរុបបាន ១៣,៦ ភាគរយ កើនឡើង ៦,៥ ភាគរយផងដែរ។ ដូចគ្នានឹងក្រុមហ៊ុនផលិតរថយន្តភាគច្រើនដែរ Stellantis និងផលិតរថយន្តប្រភេទអគ្គិសនីសុទ្ធសម្រាប់ទីផ្សារអ៊ឺរ៉ុបទាំងមូលនៅឆ្នាំ ២០២៥។
Stellantis ត្រូវបានបង្កើតឡើងជាផ្លូវការកាលពីដើមឆ្នាំនេះ តាមរយៈការរួមបញ្ចូលគ្នានៃក្រុមហ៊ុនរថយន្ត Fiat Chrysler Automobiles ជាមួយ Groupe PSA។ ហើយពេលឥឡូវនេះវា គឺជាក្រុមហ៊ុនផលិតរថយន្តធំជាងគេទីបួននៅលើពិភពលោក ដែលរួមមានម៉ាកយីហោរថយន្ត Citroen, Opel, Peugeot, Vauxhall, Aberth, Jeep, Dodge, Chrysler, Masarati, Ram និង Alfa Romeo៕
