Porsche បានពាំនាំកាដូដ៏អស្ចារ្យមួយសម្រាប់អ្នកងុបងល់នឹងរថយន្ត ដោយបញ្ជាក់ថា រថយន្តស្ព័រ 911 ស៊េរីឆ្នាំ២០២០ នឹងមាន Option លេខដៃ ៧វគ្គ។
Option លេខដៃនេះនឹងមិនគិតលុយឡើយ ហើយនឹងមានលើរថយន្ត 911 Carrera S, 911 4S Coupe និង 911 4S Cabriolet ផងដែរ។
ទោះជាយ៉ាងណា លេខដៃនេះនឹងធ្វើឲ្យដំណើរការយឺតបន្តិច ដោយ Porsche អះអាងថា 911 Carrera S នឹងចំណាយពេលប្រមាណ ៤វិនាទីដើម្បីជាន់ពីកុងទ័រ ០ ដល់ ១០០គីឡូម៉ែត្រក្នុងមួយម៉ោង យឺតជាងលេខអូតូដែលប្រើពេលត្រឹម ៣,៣វិនាទីប៉ុណ្ណោះ។
យ៉ាងណាមិញ លេខដៃនេះមិនប៉ះពាល់ដល់ល្បឿនអតិបរមារបស់វាឡើយ ដោយ Porsche និយាយថា 911 នៅតែអាចរត់ដល់ល្បឿន ៣០៦គីឡូម៉ែត្រក្នុងមួយម៉ោង ខណៈលេខអូតូអាចរត់ដល់ល្បឿន ៣០៧គីឡូម៉ែត្រក្នុងមួយម៉ោង។
ងាកមកមើលចំណុចអវិជ្ជមានវិញ រថយន្ត 911 ប្រើលេខដៃ មានទម្ងន់ស្រាលជាង 911 ប្រើលេខអូតូ ដល់ទៅ ៣៨គីឡូក្រាមឯណោះ។ 911 Carrera S លេខដៃនឹងមានតម្លៃចាប់ពី ១១៣ ៣០០ដុល្លារលើទីផ្សារអាមេរិក ខណៈ 911 Carrera 4S Cabriolet មានតម្លៃចាប់ពី ១៣៣ ៤០០ដុល្លារ៕
