[ទីផ្សារបរទេស] ក្រុមហ៊ុនផលិតរថយន្ត Nissan បានធ្វើការដាក់បង្ហាញចេញនៅព័ត៌មានលម្អិតទាក់ទងទៅនឹងរថយន្ត Nissan Note e-Power ម៉ូដែលឆ្នាំ ២០២៤ ទទួលបានការផ្លាស់ប្តូរថ្មី គ្រោងនឹងចេញលក់នៅដើមឆ្នាំ ២០២៤ ជាមួយតម្លៃលក់ចាប់ពី ១៥ ៧៧៩ ដុល្លារ ដល់ ១៧ ៧១១ ដុល្លារនៅទីផ្សារប្រទេសជប៉ុន ។
Nissan Note e-Power មានប្រវែងតួខ្លួនសរុប ៤ ០៤៥ ម.ម ទទឹង ១ ៦៩៥ ម.ម កំពស់ ១ ៥០៥ ម.ម និងប្រវែងគន្លាតកង់មុខ-ក្រោយ ២ ៥៨០ ម.ម ។ សម្រាប់ការរចនានៅផ្នែកខាងក្រៅ ដោយនៅផ្នែកខាងមុខមានប៉ាណាឌីស្សាញថ្មីទាំងស្រុងបែប Digital V-Motion ចង្កៀងមុខ-ក្រោយ LED ព្រមទាំងប្រើប្រាស់នៅថាសកង់ស្ព័រថ្មីទំហំ ១៦ អ៉ីញ និងបានធ្វើឲ្យប្រសើរឡើងនៅប្រព័ន្ធកាម៉េរាផងដែរ ។
ចំពោះនៅផ្នែកខាងក្នុងវិញ មានបំពាក់ជាមួយអេក្រង់កំសាន្ត touchscreen ទំហំ ៩ អ៉ីញ ប្រព័ន្ធសោរឆ្លាតវៃថ្មី កន្លែងសាកថ្មឥតប្រើខ្សែ និងហ្វ្រាំងដៃអេឡិចត្រូនិច ក៏ដូចជាកាម៉េរា ៣៦០ដឹក្រេជាដើម ។
ទាក់ទងទៅនឹងផ្នែកម៉ាស៊ីនវិញ Nissan Note e-Power ទទួលបាន ២ ជម្រើសរួមមាន៖
- ដំណើរការដោយម៉ាស៊ីនសាំងចំណុះ ១,២ និងម៉ូទ័រអគ្គិសនីចំនួន ១ ទំហំ ៣ ស៊ីឡាំង អាចផលិតកម្លាំងបាន ២៨០ សេះ ភ្ជាប់ដោយប្រអប់លេខអូតូ XtronicCVT ប៉ុង១ ជាមួយកម្រិតស៊ីប្រេងចន្លោះពី ៣-៤ លីត្រក្នុងរយៈចម្ងាយ ១០០ គីឡូម៉ែត្រ ។
- ដំណើរការដោយម៉ាស៊ីនសាំងចំណុះ ១,២ និងម៉ូទ័រអគ្គិសនីចំនួន ២ ទំហំ ៣ ស៊ីឡាំង អាចផលិតកម្លាំងបាន ៣៤៩ សេះ ភ្ជាប់ដោយប្រអប់លេខអូតូ XtronicCVT ប៉ុង២ ជាមួយកម្រិតស៊ីប្រេងចន្លោះពី ៣-៤ លីត្រក្នុងរយៈចម្ងាយ ១០០ គីឡូម៉ែត្រ ៕
