[ទីផ្សារបរទេស] កាលពីពេលថ្មីៗនេះ ក្រុមហ៊ុនផលិតរថយន្ត Toyota ប្រចាំទីផ្សារប្រទេសអូស្រ្តាលីបានប្រកាសថា ខ្លួននឹងចេញលក់ជាផ្លូវការនូវរថយន្តភីកអាប់ Toyota Tundra ស៊េរីឆ្នាំ២០២៥ នៅក្នុងខែចុងឆ្នាំ២០២៤ នេះ ខណៈតម្លៃប្រហែលចាប់ផ្តើមពី ៩៣ ៤០០ ដុល្លារ។
ចំពោះផ្នែកខាងក្រៅរបស់ភីកអាប់ Toyota Tundra ថ្មីនេះ មានការរចនាប៉ាណាមុខថ្មីទំហំធំ ជាមួយនឹងកាងខាងមុខដែលបានរចនាថ្មីផ្តល់នៅរូបរាងហាប់ណែនជាងមុន ចង្កៀងមុខ-ក្រោយ LED រួមជាមួយការប្រើប្រាស់នូវថាសកង់ទំហំ ២០អ៊ីញ និងសំបកកង់ប្រភេទ Off-Road ជាដើម។ លើសពីនេះទៅទៀត រថយន្តនេះ ក៏មានសមត្ថភាពអូសសណ្តោងបាន ៤ ៥០០ គីឡូក្រាមផងដែរ។
ចំពោះនៅផ្នែកខាងក្នុងវិញ មានភ្ជាប់មកជាមួយអេក្រង់កុងទ័រឌីជីថលទំហំ ១២,៣អ៊ីញ និងអេក្រង់កំសាន្ត touchscreen ទំហំ ១៤ អ៊ីញ អាចប្រើប្រាស់មុខងារ Apple CarPlay និង Android Auto ក៏ដូចជាអំពូល LED កៅអីម៉ាស្សា និងឧបករណ៏បំពងសម្លេង JBL ជាដើម៕
