[បរទេស] ក្រុមហ៊ុនផលិតរថយន្ត Nissan បានធ្វើការដាក់បង្ហាញចេញនៅរថយន្ត Nissan Magnite ស៊េរីថ្មីចុងក្រោយ ទទួលបានការអាប់ដេតថ្មី ដែលមានតម្លៃលក់ចាប់ពី ៧ ១៣០ ដុល្លារឡើងទៅ នៅទីផ្សារប្រទេសឥណ្ឌា ។
Nissan Magnite ផលិតឡើងនៅលើគ្រោងឆ្អឹង CMF-A+ architecture ដំណើរការដោយម៉ាស៊ីនសាំងចំណុះ ១,0 លីត្រ Turbocharged ទំហំ ៣ស៊ីឡាំង អាចផលិតកម្លាំងបាន ៩៩ សេះ និងកម្លាំងរមួល ១៤៥ ញ៉ូតុនម៉ែត្រ ភ្ជាប់ដោយប្រអប់លេខអូតូ X-Tronic CVT ។
សម្រាប់ការចនាផ្នែកខាងក្រៅរបស់រថយន្តនេះទទួលការផ្លាស់ប្តូរថ្មីរួមមាន ប៉ាណាមុខមួយផ្ទាំងធំ រួមទាំងកាងខាងមុខថ្មី ចង្កៀងមុខ-ក្រោយ LED ព្រមទាំងប្រើប្រាស់នៅថាសកង់ស្ព័រថ្មីផងដែរ ។
ចំពោះនៅផ្នែកខាងក្នុង មានបំពាក់កុងទ័របង្ហាញព័ត៌មានទំហំ ៧ អ៉ីញ និងអេក្រង់កំសាន្ត touchscreen ទំហំ ៨អ៉ីញ អាចប្រើមុខងារ Apple CarPlay និង Android Auto ភ្លើងលម្អ រួមទាំងពោងសុវត្ថភាព ៦ចំនុចជាដើម ៕
