[បរទេស] ក្រុមហ៊ុនផលិតរថយន្ត Kia បាននាំយកគំរូរថយន្តអគ្គិសនីសុទ្ធ Kia PV5 WKNDR Concept ប្រភេទ Van Off-road ខ្នាតតូច ដាក់តាំងបង្ហាញនៅឯពិព័រណ៍រថយន្ត LA Auto Show 2024 ដែលកំពុងធ្វើឡើងនៅប្រទេសសហរដ្ឋអាមេរិក ។
សម្រាប់គំរូទនេះត្រូវបានផលិតឡើងនៅលើគ្រោងឆ្អឹង Platform Beyond Vehicle ជាមួយការឌិស្សាញផ្នែកខាងក្រៅមានលក្ខណៈហាប់ណែនផ្តោតទៅលើការផ្សងព្រេង Adventure ជាមួយរូបរាងបែបជ្រុង បំពាក់ថាសកង់ស្រោបដោយសំបកក្រាស់ ក៏ដូចជាទ្វារចំហៀងជាប្រភេទរូតជាដើម ។
ចំពោះនៅផ្នែកខាងក្នុងដូចជា កៅអី អាចដកចល័តបាន ឬដកចេញបានផងដែរ ព្រមទាំងអាចផ្លាស់ប្តូរទៅជាជារថយន្តតាក់ស៊ីបានត្រឹមរយៈពេលប៉ុន្មាននាទីប៉ុណ្ណោះ ។ មិនត្រឹមតែប៉ុណ្ណោះ ក្រុមហ៊ុន Kia នឹងប្រើប្រាស់បច្ចេកវិទ្យា AI technology ដើម្បីផ្តល់នៅកម្មវិធីដ៏សំបូរបែបដែលតម្រូវតាមតម្រូវការរបស់អតិថិជនរបស់ខ្លួនចង់បានទៀតផង ។
ទាក់ទងទៅនឹងផ្នែកថាមពលម៉ាស៊ីនវិញ ក្រុមហ៊ុនមុនទាន់បង្ហាញនៅឡើយនោះទេ ៕
