បន្ទាប់ពីបានចេញលក់រថយន្តដំណើរការដោយថាមពលអគ្គិសនី នៅក្នុងប្រទេសថៃជាលើកដំបូងរួចមក ឥឡូវនេះក្រុមហ៊ុន Mini បានបង្ហាញរថយន្តដែលមានល្បឿនលឿនបំផុតរបស់ខ្លួន គឺ Mini John Cooper Works GP។
រថយន្ត Mini John Cooper Works GP ស៊េរីឆ្នាំ២០២០ ដែលមានរូបរាងដូចរថយន្តប្រណាំងនេះ បានឌីហ្សាញចេញមកបែបស្ព័រ និងមើលទៅកាចតែម្តង។
ផ្ទាំងផ្សាយពាណិជ្ជកម្ម
វាបំពាក់ម៉ាស៊ីនចំណុះ ២,០លីត្រ Turbo ទំហំ ៤ស៊ីឡាំង មានកម្លាំង ៣០៦សេះ ប្រើប្រអប់លេខអូតូ ៨វគ្គ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹម ៥,២វិនាទី ហើយមានល្បឿនអតិបរមាដល់ ២៦៥គីឡូម៉ែត្រក្នុងមួយម៉ោង។
រថយន្តស្ព័រខ្នាតតូចតែកម្លាំងខ្លាំងនេះ ត្រូវបានដាក់លក់តម្លៃ ៤,២លានបាត ឬប្រហែលខ្ទង់ ១២៩ ៥០០ដុល្លារ នៅក្នុងប្រទេសថៃ៕
ផ្ទាំងផ្សាយពាណិជ្ជកម្ម
