នៅទីបំផុត រថយន្ត Acura Integra ស៊េរីឆ្នាំ២០២៣ បានចូលរោងចក្រផលិតជាផ្លូវការហើយ នៅឯទីក្រុង Marysville, រដ្ឋ Ohio សហរដ្ឋអាមេរិក។
វាគឺជាលើកដំបូងក្នុងប្រវត្តិសាស្រ្តហើយ ដែលរថយន្ត Acura Integra ត្រូវបានផលិតនៅក្នុងសហរដ្ឋអាមេរិក ហើយវានឹងចូលរួមជាមួយនឹងម៉ូដែលផ្សេងទៀតរបស់ Acura ដូចជា TLX, RDX, MDX និង NSX Type S ផងដែរ។
ផ្ទាំងផ្សាយពាណិជ្ជកម្ម
រថយន្ត Acura Integra ឆ្នាំ២០២៣ មានបំពាក់ម៉ាស៊ីនសាំង turbocharged ទំហំ ៤ស៊ីឡាំង មានកម្លាំង ២០០សេះ ហើយមានទាំងជម្រើសលេខដៃ ៦វគ្គ និងលេខអូតូ CVT។
គួរឲ្យដឹងថា រថយន្ត Acura Integra ឆ្នាំ២០២៣ ត្រូវបានដាក់លក់ក្នុងតម្លៃចាប់ពី ៣០ ៨០០ដុល្លារ សម្រាប់ទីផ្សារសហរដ្ឋអាមេរិក ហើយវានឹងចេញលក់នៅដើមខែមិថុនា ខាងមុខនេះតែម្តង៕
ផ្ទាំងផ្សាយពាណិជ្ជកម្ម
