Audi RS6 Avant ឆ្នាំ២០២១ ចេញតម្លៃលក់ហើយ តែជាង១០ម៉ឺនដុល្លារប៉ុណ្ណោះ!

ក្រុមហ៊ុន Audi បានប្រកាសតម្លៃលក់ជាផ្លូវការនៃរថយន្តម៉ូដែល RS6 Avant ស៊េរីឆ្នាំ២០២១ នៅលើទីផ្សារសហរដ្ឋអាមេរិក ដោយចាប់ពី ១០៩ ៩៩៥ដុល្លារ។

រថយន្តគូទហើម Audi RS6 Avant នេះបំពាក់ម៉ាស៊ីនចំណុះ ៤,០លីត្រ twin-turbo ទំហំ ៨ស៊ីឡាំង មានកម្លាំង ៥៩២សេះ ប្រើប្រអប់លេខអូតូ ៨វគ្គ និងប្រព័ន្ធប៉ុងពីរ AWD អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ៣,៥វិនាទីប៉ុណ្ណោះ។

ពាណិជ្ជកម្ម

មិនតែប៉ុណ្ណោះ RS6 Avant មានល្បឿនអតិបរមាដល់ ២៥០គីឡូម៉ែត្រក្នុងមួយម៉ោង ចំពោះម៉ូដែលប្រើហ្វ្រាំងធម្មតា និង ៣០៥គីឡូម៉ែត្រក្នុងមួយម៉ោង ចំពោះម៉ូដែលប្រើ Option ហ្វ្រាំងប្រភេទសេរ៉ាមិច។ ក្រៅពីនោះ វាក៏បំពាក់ប្រព័ន្ធចង្កូត all-wheel steering និង ប្រព័ន្ធបូម RS adaptive air suspension ទៀតផង។

ដោយឡែកផ្នែកខាងក្នុងវិញ វាបំពាក់កៅអីស្បែកបែបស្ព័រ, ប្រព័ន្ធបង្ហាញព័ត៌មាន MMI ផ្នែកខាងលើ ទំហំ ១០,១អ៊ីង, អេក្រង់បង្ហាញព័ត៌មានផ្នែកខាងក្រោម ទំហំ ៨,៦អ៊ីង និង កុងទ័រឌីជីថលទំហំ ១២,៣អ៊ីង៕

Sponsored