[បរទេស] ក្រុមហ៊ុនផលិតរថយន្ត Chevrolet បានធ្វើការដាកបង្ហាញចេញនៅវីដេអូ teaser របស់រថយន្តភីកអាប់ Colorado ZR2 ស៊េរីឆ្នាំ ២០២៣ ថ្មី និងបានប្រកាសថានឹងដាក់បង្ហាញខ្លួនជាផ្លូវការនៅថ្ងៃទី ២៨ ខែកក្កដា ឆ្នាំ ២០២២ ។
នៅក្នុងឈុតខ្លីៗ បានបង្ហាញពីផ្នែកចង្កៀងមុខ និងចង្កៀងខាងក្រោយដែលបង្ហាញពីជម្រើសការរចនាថ្មីដ៏ខ្លាំងក្លាសម្រាប់ Colorado ដែលនឹងមកដល់នាពេលខាងមុខនេះ។ វាក៏បង្ហាញផងដែរនៅ “Safari Bar” ដែលអាចជួយបិទប្រព័ន្ធកាំមេរ៉ា HD Surround Vision ជួយឲ្យអ្នកបើកបរលើលំបាក Off-Road កាន់តែល្អប្រសើរ។
ចំពោះផ្នែកម៉ាស៊ីនរបស់រថយន្ត ZR2 នៅតែមិនទាន់ដឹងនៅឡើយ ទោះជាយ៉ាងណាក៏ដោយ របាយការណ៍បានបង្ហាញថា រថយន្តនេះអាចទទួលបានម៉ាស៊ីនចំណុះ ២,៧ លីត្រ ទំហំ ៤ស៊ីឡាំង ពីរថយន្ត GMC Sierra ដែលធ្វើឲ្យមានកម្លាំង ៣១០ សេះ និងកម្លាំងរមួល ៤៧២ ញ៉ូតុនម៉ែត្រ ។
គួរបញ្ជាក់ផងដែរ ការផលិតរថយន្តភីកអាប់ Chevrolet Colorado ស៊េរីឆ្នាំ ២០២៣ ថ្មី ត្រូវបានគេរំពឹងថានឹងធ្វើឡើងនៅរោងចក្រដូចគ្នាទៅនឹងម៉ូដែលបច្ចុប្បន្ននៅ Wentzville រដ្ឋ Missouri ៕
