GMC បញ្ចេញរូបភាព Teaser នៃភីកអាប់ GMC Canyon ២០២៣ ថ្មី មុនពេលបង្ហាញខ្លួនជាផ្លូវការអាទិត្យក្រោយ

[បរទេស] ក្រុមហ៊ុនផលិតរថយន្ត GMC បានធ្វើការដាក់បញ្ចេញនៅរូបភាព Teaser នៃរថយន្តភីកអាប់ GMC Canyon ស៊េរីឆ្នាំ ២០២៣ គ្រោងនឹងបង្ហាញខ្លួននៅថ្ងៃទី ១១ ខែសីហា ឆ្នាំ ២០២២។ ដើម្បី​បង្កើត​ភាព​ដ៏ទាក់ទាញ​សម្រាប់​រថយន្ត​ភីកអាប់ថ្មី​នេះ ដោយក្រុមហ៊ុនផលិត​រថយន្ដបាន​បង្ហាញ​ពី​ផ្នែក​ខាង​មុខ​នៃ​ AT4X trim ជាមួយ​កញ្ចប់ Edition 1 package។

តាមរូបភាព teaser បានបង្ហាញពីចង្កៀងមុខប្រភេទ split lighting របស់ Canyon AT4X ជាមួយនឹងភ្លើងដែលកំពុងដំណើរការនៅផ្នែកខាងលើដែលលាតសន្ធឹងទៅផ្នែកខាងក្រោម។ ប៉ាណាមុខមានពណ៌ខ្មៅជាមួយនឹងរាងអក្សរ U និង X-like ជាប់ជាមួយរបារនៅខាងមុខកាង និងរបារ Safari ដែលមានពន្លឺដូចដែលមាននៅលើភីកអាប់ Colorado ZR2 Desert Boss។

ពាណិជ្ជកម្ម

ក្នុងនោះ GMC មិននិយាយច្រើនអំពីម៉ូដែលនេះទេ ប៉ុន្តែបានកត់សម្គាល់ថាម៉ូដែលនេះត្រូវបានបំពាក់ផ្តាច់មុខដោយម៉ាស៊ីនចំណុះ ២,៧ លីត្រ  turbocharged ទំហំ ៤ ស៊ីឡាំង អាចផលិតកម្លាំងបាន ២៣៧ សេះ និងកម្លាំងរមួល ៣៥១​ ញ៉ូតុនម៉ែត្រ។ ខណៈ ប្រភេទ mid-level អាចផលិតកម្លាំងបាន ៣១០ សេះ និងកម្លាំងរមួល ៥២៨ ញ៉ូតុនម៉ែត្រ និងចុងក្រោយ AT4X និងអាចជា Denali ដែលផលិតបាន ៣១០ សេះ និងកម្លាំងរមួល ៥៨២ ញ៉ូតុនម៉ែត្រ ។

គួរបញ្ជាក់ផងដែរថា ព័ត៌មានលម្អិតនឹងត្រូវបានចេញផ្សាយនៅសប្តាហ៍ក្រោយ ប៉ុន្តែ GMC បាននិយាយថា Canyon AT4X ជាមួយនឹងកញ្ចប់ Edition 1 នឹងមានសម្រាប់ការកក់ទុកនៅពេលរថយន្តនេះដាក់បង្ហាញជាផ្លូវការ។

Sponsored