[ទីផ្សាបរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅរថយន្ត Honda HR-V ស៊េរីឆ្នាំ ២០២៣ថ្មី នៅសហរដ្ឋអាមេរិកនៅដើមខែមិថុនា ឆ្នាំ ២០២២ ដោយក្រុមហ៊ុន Honda របស់សហរដ្ឋអាមេរិកទើបបានប្រកាសថា រថយន្ត Crossover បានឈានដល់ការកុម្ម៉ង់ទុកមុនជាង ៦ ០០០ គ្រឿង ក្នុងរយៈពេលតែមួយខែប៉ុណ្ណោះ ។
សម្រាប់ Honda HR-V ដែលលក់នៅសហរដ្ឋអាមេរិក បានសង្កត់ធ្ងន់ទៅលើភាពរឹងមាំជាងមុន និងភ្ជាប់មកជាមួយការរចនាដែលខុសប្លែកពី HR-V របស់ជប៉ុន និងថៃ រួមជាមួយនឹងទំហំតួខ្លួនធំជាងផងដែរ។
មិនតែប៉ុណ្ណោះ ផ្នែកខាងក្នុង Honda HR-V របស់អាមេរិចត្រូវបានរចនាឡើងខុសពីជប៉ុន និងថៃផងដែរ ដោយមានការកែលម្អផ្នែកផ្សេងៗឲ្យមានគុណភាពកាន់តែប្រសើរ ដោយបានបំពាក់ដោយកុងទ័រព័ត៌មានប្រភេទ LCD ទំហំ ៧ អ៊ីញ ដែលអាចបង្ហាញពីប្រតិបត្តិការនៃប្រព័ន្ធ Honda Sensing ខណៈពេលដែលអេក្រង់កំសាន្តទំហំ ៧ អ៊ីញ ក៏ត្រូវបានបំពាក់ជាមួយផងដែរ។
ចូលទៅកាន់ផ្នែកម៉ាស៊ីនវិញ រថយន្ត Honda HR-V ស៊េរីថ្មីនៅអាមេរិកមានម៉ាស៊ីនសាំងចំណុះ ២,០ លីត្រ ទំហំ ៤ ស៊ីឡាំង ផលិតកម្លាំងបាន ១៥៨សេះ កម្លាំងរមួល ១៨៧ ញ៉ូតុនម៉ែត្រ ភ្ជាប់ជាមួយប្រអប់លេខអូតូ CVT និងប៉ុង២៕
