[ទីផ្សារបរទេស] ចំនួនអ្នកកុម្ម៉ង់ទិញរថយន្ត MazdaCX-60 ស៊េរីឆ្នាំ២០២៣ បានហក់ឡើងខ្លាំងក្រោយពីបានបើកលក់បានរយៈពេលជាង២ខែរួចមក ដោយចំនួនកុម្ម៉ង់ទិញលើសពីការរំពឹងទុករបស់ក្រុមហ៊ុនពីរដងឯណោះ។
ពេលប្រកាសចេញដំបូង Mazda រំពឹងថាអាចលក់រថយន្ត CX-60 បានខ្ទង់ ២ពាន់គ្រឿង ក្នុងមួយខែ ប៉ុន្តែគិតចាប់ពីថ្ងៃទី២៤ ខែមិថុនា មកទល់ពេលនេះ ការកុម្ម៉ង់ទិញមានរហូតដល់ ៨ ៧២៦គ្រឿង នៅឯប្រទេសជប៉ុន ដែលលើសពីការរំពឹងរបស់ Mazda។
ផ្ទាំងផ្សាយពាណិជ្ជកម្ម
នៅប្រទេសជប៉ុន រថយន្ត CX-60 មានចំនួនបួនប្រភេទ រួមមានម៉ាស៊ីនសាំង, ម៉ាស៊ីនម៉ាស៊ូត, Hybrid និង PHEV ហើយរថយន្ត Hybrid ប្រើម៉ាស៊ីនម៉ាស៊ូតទទួលបានការពេញនិយមជាងគេ តាមពីក្រោយដោយរថយន្តម៉ាស៊ីនម៉ាស៊ូត។
នៅឯប្រទេសជប៉ុន រថយន្ត Mazda CX-60 ស៊េរីឆ្នាំ២០២៣នេះ មានតម្លៃចាប់ពីប្រមាណ ២ម៉ឺនដុល្លារ ដល់ប្រមាណ ៤,៣ម៉ឺនដុល្លារ៕
ផ្ទាំងផ្សាយពាណិជ្ជកម្ម
