McLaren ចុះប៉ាតង់ឈ្មោះឡានថ្មី ៣ម៉ូឌែល ទំនងសម្រាប់ Supercar ថ្មីរបស់ខ្លួន

ក្រុមហ៊ុនផលិតរថយន្តទំនើបរបស់អង់គ្លេស McLaren បានធ្វើការចុះប៉ាតង់ឈ្មោះថ្មីរហូតចំនួន ៣ម៉ូឌែល សម្រាប់រថយន្ត Supercar ដែលត្រៀមខ្លួនមកដល់នាពេលឆាប់ៗខាងមុខ។

យោងតាមគេហទំព័ររថយន្ត CarBuzz បានបង្ហាញថាឈ្មោះ Solus, Aeron និង Aonic ត្រូវបានចុះប៉ាតង់ឈ្មោះកម្មសិទ្ធ នៅការិយាល័យកម្មសិទ្ធបញ្ញាចក្រភពអង់គ្លេស ក្រោមថ្នាក់ទី១២ (Class 12) សម្រាប់រថយន្ត គ្រឿងបរិក្ខា និងគ្រឿងបន្លាស់។

ពាណិជ្ជកម្ម

គួររំលឹកផងដែរថាកាលពីខែកុម្ភៈកន្លងទៅ លោក Roger Ormisher អនុប្រធានផ្នែកទំនាក់ទំនង និង PR របស់ McLaren បានថា ការសម្រេចចិត្តបន្ថែមលើការដាក់ឈ្មោះម៉ូឌែលថ្មីពុំទាន់បានធ្វើនៅឡើយ ដោយក្នុងចំណោមរថយន្ត Supercar ម៉ូឌែល Artura កូនកាត់ Hybridថ្មី នឹងត្រូវបានទទួលមកពីឈ្មោះ Mc Laren Alphanumeric។

សម្រាប់តម្រុយឈ្មោះម៉ូឌែលថ្មីនេះ ពាក្យថា Solus មានន័យថា ម្នាក់ឯង ឬ Alone ហើយវាប្រហែលជាអាចបង្ហាញខ្លួនជាមួយកៅអីតែមួយ ដូចគួរប្រជែង Ferrari Monza SP1។ ចំណែកពាក្យថា Aeron មានន័យថា របស់ពីរ ឬ Couple of Things៕

Sponsored