Nio នឹងប្រកាសចេញលក់ ES8 ជំនាន់ទី ៣ របស់ខ្លួននៅក្នុងពេលឆាប់ៗនេះ!

June 27, 2025

បន្ទាប់ពីធ្វើការរង់ចាំអស់រយៈពេលជាយូរ ពេលនេះ រូបរាងផ្លូវការរបស់រថយន្ត SUV ដ៏មានឥទ្ធិពលរបស់ក្រុមហ៊ុន Nio គឺ Nio ES8 ជំនាន់ទី ៣ ត្រូវបានបង្ហាញចេញជាផ្លូវការនៅក្នុងប្រទេសចិនហើយ ហើយ Nio ES8 ជំនាន់ទី ៣ នេះគឺអាចនិយាយបានថាជារថយន្តជំនាន់ថ្មីបំផុតហើយ បន្ទាប់ពីជំនាន់ដំបូងវាដែលបានប្រកាសចេញលក់នៅក្នុងឆ្នាំ ២០១៧ ។

ក្នុងនោះ រូបរាងផ្លូវការរបស់រថយន្តនេះ គឺត្រូវបានបង្ហាញចេញដោយក្រសួងឧស្សាហកម្ម និងបច្ចេកវិទ្យាព័ត៌មាន (MIIT) របស់ប្រទេសចិនផ្ទាល់។

ជាមួយនឹងការរចនាឡើងវិញដ៏ទាន់សម័យ រថយន្តសេរ៊ីថ្មីនេះក៏ទទួលបាននូវការរចនាជាមួយទំហំធំជាងមុនផងដែរ ដោយវាមានប្រវែងតួខ្លួនសរុប ៥ ២៨០ ម.ម ទទឹង ២ ០១០ ម.ម កម្ពស់ ១ ៨០០ ម.ម និងប្រវែងគម្លាតកង់ ៣ ១៣០ ម.ម។ វាដំណើរការដោយម៉ូទ័រអគ្គីសនីចំនួន ២ ប៉ុង ២ (AWD) អាចផលិតកម្លាំងសរុបបានចំនួន ៦៩៧សេះ មានល្បឿនអតិបរមា ២២០គីឡូម៉ែត្រ ក្នុងមួយម៉ោង។

លើសពីនេះទៀត វាក៏គាំទ្រនូវការរសាកថ្មល្បឿនលឿន (5C) ដែលជិះបានចម្ងាយ ២៥០ គីឡូម៉ែត្រ ដោយគ្រាន់តែសាកក្នុងរយៈពេលត្រឹមតែ ៥ នាទី ប៉ុណ្ណោះ។

គួរបញ្ជាក់ថា ES8 ថ្មីនេះ ក៏ទទួលបាននូវជម្រើស ៦ និង ៧ កៅអី រួមជាមួយនឹងប្រព័ន្ធរ៉ាដាជុំវិញរថយន្តសម្រាប់ជំនួយដល់ការបើកឲកាន់តែប្រសើរឡើងផងដែរ ហើយគ្រោងនឹងប្រកាសចេញលក់ជាផ្លូវការនៅក្នុងពេលឆាប់ៗខាងមុខនេះនៅក្នុងទីផ្សារប្រទេសចិន ខណៈព័ត៌មានលម្អិតផ្សេងៗ និងតម្លៃមិនទាន់បង្ហាញចេញនៅឡើយទេ៕

ផ្ទាំងផ្សាយពាណិជ្ជកម្ម

Zeekr នឹងបង្ហាញចេញនូវឡានថ្មីរបស់ខ្លួននៅដើមខែក្រោយនេះ!

June 27, 2025

បន្ទាប់ពីលេចឮជាច្រើនដងនៅលើបណ្តាញផ្សព្វផ្សាយ ពេលនេះ ក្រុមហ៊ុន Zeekr បានប្រកាសឲដឹងហើយថា រថយន្តសេរ៊ីថ្មីរបស់ពួកគេគឺម៉ូដែល Zeekr 9x នឹងប្រកាសចេញនៅដើមខែកក្កដាខាងមុខនេះហើយ ហើយនឹងប្រកាសចេញលក់ជាផ្លូវការនៅចុងឆ្នាំ២០២៥ នេះ ជាមួយតម្លៃលក់ចន្លោះពី ៧មុឺនដុល្លារ ទៅ ១៤មុឺនដុល្លារ នៅក្នុងទីផ្សារប្រទេសចិន។

ក្នុងនោះ រថយន្ដសេរ៊ីថ្មី Zeekr 9x នេះ គឺមានប្រវែងសរុបដល់ទៅ ៥,២ម៉ែត្រ ឯណ្ណោះ ហើយដំណើរការដោយបច្ចេកវិទ្យាថ្មីរបស់ក្រុមហ៊ុន Zeekr ផ្ទាល់ ដែលរួមបញ្ជូលនូវម៉ាសុីនចំណុះ ២លីត្រ ផលិតកម្លាំងបាន ២៧៥សេះ និងម៉ូទ័រអគ្គិសនីចំនួន ២ ដែលម៉ូទ័រខាងមុខអាចផលិតកម្លាំងបាន ៣៨៩សេះ ហើយម៉ូទ័រខាងក្រោយផលិតកម្លាំងបាន ៤៩៦សេះ ផ្គួបជាមួយអាគុយប្រភេទ Freevoy របស់ CATL អាចបើកបរដោយអគ្គិសនីសុទ្ធបានចម្ងាយ ៣៨០ គីឡូម៉ែត្រ និងគាំទ្រការសាកល្បឿនលឿន (6C) ដែលអាចសាកបានពេញត្រឹមតែ ១០ នាទី ប៉ុណ្ណោះ។

លើសពីនេះ រថយន្តនេះ ក៏ទទួលបាននូវប្រព័ន្ធជំនួយការបើកបរដ៏ទំនើប G-Pilot H9 ដែលប្រើប្រាស់នូវឧបករណ៍ LiDAR ចំនួន ៥ទីតាំង និងកាមេរ៉ា ១៣ទីតាំង ដែលដំណើរការដោយបន្ទះឈីប Nvidia Drive Thor ក៏ដូចជាប្រព័ន្ធបូមខ្យល់ចំនួន ២ ក៏ដូចជាប្រព័ន្ធ dual-valve continuous damping system ផងដែរ។

ចំពោះការរចនាផ្នែកខាងក្នុង និងខាងក្រៅវិញ Zeekr 9X នឹងទទួលបាននូវអេក្រង់ទំហំ ៣០ អ៊ីញ កម្រិត 6K ថាសកង់ទំហំ ២២ អ៊ីញ ចង្កៀងមុខ-ក្រោយ LED ក៏ដូចជាប្រព័ន្ធ ADAS និងមុខងារដ៏ឆ្លាតវៃជាច្រើនទៀតផងដែរ៕

ផ្ទាំងផ្សាយពាណិជ្ជកម្ម

ញាក់សាច់! ឡានអគ្គិសនីសុទ្ធប្រភេទ SUV របស់ Xiaomi លក់បាន ២០ម៉ឺនគ្រឿង ត្រឹមពេល ៣នាទី

June 27, 2025

[បរទេស] ក្រុមហ៊ុន Xiaomi បានធ្វើការប្រកាសថា ក្រុមហ៊ុនលក់រថយន្តអគ្គិសនីសុទ្ធម៉ូដែល Xiaomi YU7 ប្រភេទ SUV បានចំនួនដល់ទៅ ២០០ ០០០ គ្រឿង ត្រឹមរយៈពេល ៣ នាទីប៉ុណ្ណោះ បន្ទាប់ប្រកាសដាក់លក់ជាផ្លូវការនៅទីក្រុងប៉េកាំង ប្រទេសចិន ។

Xiaomi YU7 ផ្តល់នៅជម្រើសថាមពលចំនួន ៣ រួមមាន៖

ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបានសរុបបានដល់ ៣១៥ សេះ និងកម្លាំងរមួល ៥២៨ ញ៉ូតុនម៉ែត្រ ផ្គួបជាមួយអាគុយទំហំ ៩៦,៣ គីឡូវ៉ាត់ម៉ោង សាកថ្មពេញម្តង អាចបើកបរបានចម្ងាយ ៨៣០ គីឡូម៉ែត្រ សម្រាប់ម៉ូដែល standard មានតម្លៃលក់ ៣៥ ០០០ ដុល្លារ
ដំណើរការដោយម៉ូទ័រអគ្គិសនីចំនួន ២ អាចផលិតកម្លាំងបានសរុបបានដល់ ៤៨៩ សេះ និងកម្លាំងរមួល ៥២៨ ញ៉ូតុនម៉ែត្រ ផ្គួបជាមួយអាគុយទំហំ ៩៦,៣ គីឡូវ៉ាត់ម៉ោង សាកថ្មពេញម្តង អាចបើកបរបានចម្ងាយ ៧៧០ គីឡូម៉ែត្រ សម្រាប់ម៉ូដែល Pro មានតម្លៃលក់ ៣៨ ៧០០ ដុល្លារ
ដំណើរការដោយម៉ូទ័រអគ្គិសនីចំនួន ២ អាចផលិតកម្លាំងបានសរុបបានដល់ ៦៨១ សេះ និងកម្លាំងរមួល ៨៦៦ ញ៉ូតុនម៉ែត្រ ផ្គួបជាមួយអាគុយទំហំ ១០១,៧ គីឡូវ៉ាត់ម៉ោង សាកថ្មពេញម្តង អាចបើកបរបានចម្ងាយ ៧៦០ គីឡូម៉ែត្រ សម្រាប់ម៉ូដែល Max មានតម្លៃលក់ ៤៥ ៦០០ ដុល្លារ ។ ទាំង ៣ នេះ គាំទ្រដោយបច្ចេកវិទ្យាសាកថ្មល្បឿនលឿន 800V high-voltage អាចសាកថ្មបានពី ១០-៨០% ប្រើពេល ១២នាទីប៉ុណ្ណោះ ។

សម្រាប់ Xiaomi YU7 ក៏បានបំពាក់ជាមួយប្រព័ន្ធចាប់សញ្ញា LiDAR នៅលើដំបូលខាងមុខ ដែលជំនួយទៅដល់ប្រព័ន្ធសុវត្ថិភាព រួមទាំងប្រព័ន្ធជំនួយការអ្នកបើកបរ ADAS កម្រិតខ្ពស់ផងដែរ ៕

ផ្ទាំងផ្សាយពាណិជ្ជកម្ម

ឡាន EREV ដំបូងរបស់ Xpeng នឹងបញ្ចេញនៅចុងឆ្នាំនេះ!

June 26, 2025

បន្ទាប់ពីបានធ្វើការផលិតនូវរថយន្តអគ្គិសនីអស់រយៈពេលជាច្រើនឆ្នាំ ពេលនេះ ក្រុមហ៊ុន Xpeng ដែលត្រូវបានគេស្គាល់ថាជាក្រុមហ៊ុនផលិតរថយន្តអគ្គិសនីឈានមុខគេក្នុងប្រទេសចិន បាន និងកំពុងធ្វើការផ្លាស់ប្តូរយុទ្ធសាស្ត្ររបស់ខ្លួនហើយ ដោយពួកគេនឹងឆ្ពោះទៅរកការប្រកួតប្រជែងក្នុងទីផ្សាររថយន្តកូនកាត់វិញ ហើយគ្រោងនឹងបង្ហាញចេញនូវរថយន្តកូនកាត់ដំបូងរបស់ខ្លួននៅចុងឆ្នាំ២០២៥ នេះ។

ក្នុងនោះ រថយន្តនេះ គឺមានឈ្មោះថា Xpeng G01 ជាប្រភេទរថយន្ត SUV កៅអី ៣ជួរ មានប្រវែងសរុប ៥,១ម៉ែត្រ និងប្រវែងគម្លាតកង់ ៣ម៉ែត្រ ផលិតឡើងនៅលើគ្រោងឆ្អឹង G-platform ថ្មីទាំងស្រុង ដោយរួមបញ្ចូលនូវបច្ចេកវិទ្យាថ្មី “Kunpeng Super Range Extender” ដែលអាចធ្វើឱ្យរថយន្តបើកបរដោយថាមពលអគ្គិសនីសុទ្ធរហូតដល់ ៤៣០ គីឡូម៉ែត្រ និងសរុប ១ ៤០០ គីឡូម៉ែត្រ។

បន្ថែមពីនេះ Xpeng G01 ក៏នឹងគាំទ្រនូវបច្ចេកវិទ្យាសាកថ្មល្បឿនលឿន 800V ដែលអាចសាកបាន ៨០% ក្នុងរយៈពេលត្រឹមតែ ១២នាទី ផងដែរ។ ចំណែកផ្នែកខាងក្នុង និងខាងក្រៅវិញ នឹងទទួលបាននូវបច្ចេកវិទ្យាទំនើបៗជាច្រើនដូចជាកៅអី Zero Gravity, ទូទឹកកក, អេក្រង់កម្សាន្តនៅផ្នែកខាងក្រោយ និងប្រព័ន្ធជំនួយអ្នកបើកបរខ្ពស់ៗជាច្រើនដូចជាប្រព័ន្ធរ៉ាដារ និងប្រព័ន្ធកាមេរ៉ាជាដើម។

គួរបញ្ជាក់ថា រថយន្តនេះ នឹងប្រកាសចេញលក់ជាផ្លូវការនៅដើមឆ្នាំ២០២៦ ជាមួយតម្លៃលក់ប្រហែលពី ៣៤ ៤០០ ដុល្លារ ទៅ ៤១ ៣០០ដុល្លារ នៅក្នុងទីផ្សារប្រទេសចិន៕

ផ្ទាំងផ្សាយពាណិជ្ជកម្ម

Ford Explorer ឆ្នាំ ២០២៦ ទទួលបានការអាប់ដេត ព្រមទាំងបន្ថែមម៉ូដែល Off-road ថ្មី

June 26, 2025

[បរទេស] ក្រុមហ៊ុនផលិតរថយន្ត Ford បានធ្វើការដាក់បញ្ចេញជាផ្លូវការនៅរថយន្ត Ford Explorer ស៊េរីថ្មីចុងក្រោយ បន្ថែមម៉ូដែល Tremor ដែលផ្តោតសំខាន់ទៅអតិថិជនចូលចិត្តបែប Off-road style សម្រាប់នៅទីផ្សារសហរដ្ឋអាមេរិក ខណៈតម្លៃលក់រំពឹងថាចាប់ពីខ្ទង់ ៥២ ០០០ ដុល្លារឡើងទៅ ។

Ford Explorer Tremor ថ្មីនេះ ត្រូវបានឌីស្សាញឡើងផ្តល់នៅភាពហាប់ណែនជាងមុនបែបផ្សងព្រេង ដោយទទួលបានថាសកង់ទំហំ ១៨អ៉ីញ ស្រោបសំបកប្រភេទ all-terrain ដែលមានសមត្ថិភាបបើកបរនៅលើគ្រប់ស្ថានភាពផ្លូវ ជាពិសេសគឺ Off-road ក៏ដូចជាកាងដែកការពារបាតក្រោមទាំងផ្នែកមុខ-ក្រោយ រូមទាំងកាងដែក roof-rial លើដំបូល ។ មិនត្រឹមតែប៉ុណ្ណោះ ក៏បានធ្វើឲ្យប្រសើរឡើងបន្ថែមនៅប្រព័ន្ធជើងក្រោយ Suspension ថ្មីទៀតផង ។

ចំពោះនៅផ្នែកខាងក្នុង ក៏បានតុបតែងបែបរ Off-road ជាមួយនឹងឡូហ្គោអក្សរ Tremor រួមទាំងថ្នេដេរពណ៌លឿង ហើយបានភ្ជាប់មកជាមួយកុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១៣,២ អ៉ីញ អាចប្រើ Google Built-in ក៏ដូចជា speaker ម៉ាក B&O ១៤ គ្រាប់ជាដើម ប្រព័ន្ធកាមេរ៉ា ៣៦០ដឺក្រេ និងប្រព័ន្ធបើកបរស្វ័យប្រវត្តិ Ford Blue Cruise Hand-free ផងដែរ ។

រថយន្តនេះ នៅតែប្រើប្រាស់ម៉ាស៊ីនដដែល ពោលគឺម៉ាស៊ីន V6 ចំណុះ ៣,០ លីត្រ EcoBoost អាចផលិតកម្លាំងបាន ៤០៦ សេះ ភ្ជាប់ដោយប្រអប់លេខអូតូប្រភេទ SelectShift ១០វគ្គ ប្រភេទបើកបរប៉ុង ២ AWD full-time 4-wheel drive system ជាមួយនឹងប្រព័ន្ធចាក់សោរប៉ុង Torsen limit-slip differential ដើម្បីបង្កើនប្រសិទ្ធភាពការអូសទាញលើផ្លូវរអិល ៕

ផ្ទាំងផ្សាយពាណិជ្ជកម្ម

រថយន្ដ៤ម៉ូឌែល ត្រៀមដាក់លក់នៅចិនអាចនឹងក្លាយជាគូប្រកួតប្រជែង Tesla Model Y

June 26, 2025

Tesla Model Y ជារថយន្តដែលលក់ដាច់បំផុតនៅប្រទេសចិនកាលពីឆ្នាំមុន ដោយលក់សរុបបានចំនួន ៤៨០ ៣០៩គ្រឿង។ កាលពីខែមុន រថយន្ដនេះបានដណ្តើមយកតំណែងជារថយន្ត SUV លក់ដាច់បំផុតប្រចាំខែឧសភានៅទីផ្សារប្រទេសចិន។ ប៉ុន្តែបើគិតពីការលក់សរុប តាំងពីខែ មករា ដល់ ឧសភា មានធ្លាក់ចុះ ២៤% បើធៀបទៅឆ្នាំមុន មូលហេតុដោយសារបច្ចុប្បន្នទីផ្សារកាន់ប្រកួតប្រជែងខ្លាំង។

ខាងក្រោមនេះជារថយន្ដរបស់ចិន៤ម៉ូឌែល ដែលគេចាត់ថាជាគូប្រជែងរបស់ Tesla ត្រៀមដាក់លក់នៅចិន៖

Xiaomi YU7 : ជារថយន្ត SUV អគ្គិសនីរបស់ Xiaomi ដែលនឹងចាប់ផ្តើមដាក់លក់នៅថ្ងៃទី ២៦ ខែមិថុនា។ វាត្រូវបានគេរំពឹងថានឹងមានលក្ខណៈពិសេសល្អជាង Model Y ផ្ដល់ជូនរយៈចម្ងាយនៃការបើកបរឆ្ងាយជាង និងការសាកថ្មលឿន។ តម្លៃរបស់រថយន្ដនេះត្រូវបានគេរំពឹងថាមានតម្លៃខ្ទង់ ២៥០ ០០០ យន់ ឬស្មើនិង ៣៤ ៩០០ ដុល្លារ។

Xpeng G7 : ជារថយន្ត SUV មួយទៀតពី Xpeng បានចាប់ផ្តើមបើកការកក់ទុកមុននៅថ្ងៃទី ១១ ខែមិថុនា ហើយបានទទួលការកក់ ១០ ០០០ គ្រឿងក្នុងរយៈពេល ៤៦ នាទី។ រថយន្ដមានតម្លៃលក់មុនគឺ ២៣៥ ៨០០ យន់ ស្មើនិង ៣២ ៥០០ដុល្លា។ រថយន្ដនេះត្រូវបានគេដឹងថាមានបច្ចេកវិទ្យាឆ្លាតវៃខ្ពស់។

Onvo L90 : ជារថយន្ត SUV ធំទំហំ ៦ ឬ ៧ កៅអី ម៉ាកឃីហោ Onvo ស្ថិតក្រោមក្រុមហ៊ុន Nio។ វាត្រូវបានគេរំពឹងថានឹងដាក់លក់នៅសប្តាហ៍ទី ២ នៃខែកក្កដា។ បច្ចុប្បន្ន Onvo លក់រថយន្តតែមួយគត់គឺ L60 ត្រូវបានដាក់លក់កាលពីខែកញ្ញាឆ្នាំមុន។ យ៉ាងមិញចំពោះតម្លៃរបស់ L90 ក្រុមហ៊ុនមិនទាន់បានបញ្ជាក់ជាផ្លូវការនៅឡើយទេ។

Li Auto i8 : ជារថយន្ត SUV អគ្គិសនីទាំងស្រុងទី ២ របស់ Li Auto ដែលនឹងដាក់លក់នៅចុងខែកក្កដា។ វាជាប្រភេទរថយន្ត SUV ដ៏ប្រណិត ដែលមានកម្លាំងខ្លាំង រួមបញ្ចូលជាមួយរយៈចម្ងាយបើកបរកាន់តែឆ្ងាយ។

នៅប្រទេសចិន រថយន្ត Tesla Model Y បានដាក់ក្នុងតម្លៃ ២៦៣ ៥០០យន់ ឬស្មើនិង ៣៦ ៧៤០ដុល្លារ សម្រាប់ម៉ូឌែល RWD បំពាក់មកជាមួយអាគុយទំហំ ៦២.៥ kWh អាចបើកបរបាន ៥៩៣ គីឡូម៉ែត្រ តាមស្តង់ដារវាស់ចម្ងាយ CLTC ៕

ផ្ទាំងផ្សាយពាណិជ្ជកម្ម

Mazda EZ-6 ជារថយន្តដែលមានសុវត្ថិភាពខ្ពស់បំផុតលំដាប់ទី៣

June 26, 2025

[បរទេស] កាលពីពេលថ្មីៗកន្លងទៅនេះ រថយន្តអគ្គិសនី Mazda EZ-6 ស៊េរីថ្មីចុងក្រោយ ដែលផលិតឡើងរវាងក្រុមហ៊ុន Changan-Mazda បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំប្រទេសចិន C-NCAP ដោយទទួលបានចំណាត់ថ្នាក់ផ្កាយ ៥។

សម្រាប់ការធ្វើតេស្តសុវត្ថិភាពនេះដែរ រថយន្តអគ្គិសនី Mazda EZ-6 បានទទួលពិន្ទុទៅលើការ៖

ការការពារអ្នកបើកបរ រួមទាំងអ្នករួមដំណើរបាន ៩៧ ភាគរយ
ការពារគ្រោះថ្នាក់ពីការបុកប៉ះបាន ៩០,៨ ភាគរយ
មុខងារជំនួយការបើកបរ និងសុវត្ថិភាពបាន ៨៨,០២ ភាគរយ
ការការពារអ្នកថ្មើរជើង ឬអ្នកធ្វើដំណើរនៅតាមដងផ្លូវបាន ៧៩,៣៧ ភាគរយ

គួរឲ្យដឹងថា សម្រាប់លិទ្ធផលនេះ បានធ្វើឲ្យរថយន្ត Mazda EZ-6 ដែលផលិតនៅក្នុងប្រទេសចិននេះ បានក្លាយជារថយន្តដែលមានសុវត្ថិភាពខ្ពស់បំផុតលំដាប់ទី៣ ដែលបានធ្វើតេស្តចេញពីអង្គភាពវាយតម្លៃប្រចាំប្រទេសចិន C-NCAP បន្ទាប់ពីម៉ូដែល Xiaomi SU7 និងម៉ូដែល Zeekr Mix ៕

ផ្ទាំងផ្សាយពាណិជ្ជកម្ម

Nissan Armada NISMO 2026 ចេញមកបែបកាច កម្លាំងក៏ខ្លាំងរូបរាងកាន់តែទាក់ទាញ

June 25, 2025

Nissan Armada NISMO 2026 ជារថយន្ត SUV ខ្នាតធំមួយក្នុងត្រកូល Nissan។ រថយន្ដស៊េរីថ្មីនេះ រចនាជាពិសេសតាមលំនាំបែប Fast & Furious ផ្ដល់កម្លាំងខ្លាំងជាងមុននិងរូបរាងកាន់តែអំណាច។

ក្រុមហ៊ុន Nissan បន្តពង្រីកជម្រើសនៃរថយន្ដ SUV ខ្នាតធំដោយចេញម៉ូឌែលថ្មីគឺ 2026 Nissan Armada NISMO។ រថយន្ដនេះនៅតែប្រើម៉ាស៊ីន Twin-turbo ទំហំ៦សុីឡាំង ចំណុះ ៣.៥ ដូច Armada ទូទៅ ប៉ុន្តែ Nissan បានបន្ថែមកម្លាំង ៣៥សេះ ចូលទៅទៀតដើម្បីបង្កើនកម្លាំងបានរហូតដល់ ៤៦០សេះ។

រថយន្ត Armada បំពាក់មកជាមួួប្រព័ន្ធបំពង់ផ្សែងដែលបានកែសម្រួលឡើងវិញផងដែរ ប៉ុន្តែយើងមិនទាន់អាចស្តាប់សម្លេងរបស់វាបាននៅឡើយ។ បន្ថែមពីរថយន្ដក៏បំពាក់មកជាមួយប្រព័ន្ធ “Active Sound Enhancement” ដែលក្រុមហ៊ុន Nissan និយាយថាវាអាចកំណត់សម្លេងម៉ាស៊ីននៅក្នុងកាប៊ីនការតម្រូវរបស់អ្នកប្រើប្រាស់។ Nissan Armada NISMO ក៏បានកែសម្រួលប្រពព័ន្ធចង្កូត និងបំពាក់មកជាមួយប្រព័ន្ធព្យួរខ្យល់ (air suspension) ដើម្បីផ្ដល់ផាកសុខភាពដល់អ្នកបើកបរ។

កាប៊ីនរថយន្តត្រូវបានតុបតែងដោយពណ៌ក្រហម ដោយមានការបំពាក់នូវក្រណាត់ microsuede ពណ៌ក្រហមលេងបញ្ចូលគ្នាជាមួយកៅអីស្បែកពណ៌ប្រផេះ (charcoal leather seats) និងបន្ទាត់ Highlight ក្រហមនៅតាបឡូ។ កៅអីខាងមុខជាប្រភេទកៅចុចអូតូ អាចបញ្ជាសារេបាន ១២របៀប មានមុខងារកម្ដៅនិងម៉ាស្សា ។

បន្ថែមពីដៃចង្កូតមានមុខងារកម្ដៅ អ្វីដែលមិនអាចខ្វះបានគឺឧបករណ៍បំពងសម្លេង Armada NISMO បានបំពាក់មកជាមួយ Speaker Klipsch ចំនួន១២គ្រាប់។ តម្លៃ និងការចេញលក់ Nissan Armada NISMO មិនទាន់ប្រកាសជាផ្លូវការទេ ប៉ុន្តែសន្មត់ថា តម្លៃប្រហែល ៧០ ០០០ដុល្លារ ហើយនឹងមាន ជម្រើស ៧ កៅអីប៉ុណ្ណោះ៕

ផ្ទាំងផ្សាយពាណិជ្ជកម្ម

តែ ២ខែ Mazda ទទួលបានការកក់ដល់ទៅ ៣មុឺនគ្រឿង សម្រាប់ឡាន EV ថ្មីរបស់ខ្លួន!

June 25, 2025

បន្ទាប់ពីបានធ្វើការនាំយករថយន្ត Mazda EZ-60 ស៊េរីថ្មីចុងក្រោយរបស់ខ្លួនទៅដាក់តាំងបង្ហាញនៅក្នុងពិព័រណ៍រថយន្ត Shanghai Auto 2025 ពេលនេះ រថយន្តសេរ៊ីថ្មីរបស់ក្រុមហ៊ុនផលិតរថយន្ត Mazda នេះ គឺទទួលបាននូវចំនួនច្រើនជាង ៣មុឺនគ្រឿងហើយ ហើយគ្រោងនឹងប្រកាសចេញលក់ជាផ្លូវការនៅក្នុងខែកញ្ញខាងមុខនេះ នៅក្នុងទីផ្សារប្រទេសចិន។

ក្នុងនោះ Mazda EZ-60 ត្រូវបានផលិតឡើងរួមគ្នារវាងក្រុមហ៊ុន Mazda និង Changan ដោយប្រើប្រាស់នូវគ្រោងឆ្អឹង EPA platform មានជម្រើសថាមពលចំនួន ២ រួមមាន ប្រើអគ្គីសនីសុទ្ធ (EV) អាចបើកបរបានចម្ងាយ ៦០០ គីឡូម៉ែត្រ នៅពេលសាកថ្មពេញម្តង និងអាចបើកបរបានចម្ងាយ ១ ៣០០ គីឡូម៉ែត្រ សម្រាប់ម៉ូដែលអគ្គិសនីលាយសាំង (EREV) ។

គួរឲ្យដឹងថា សម្រាប់លក្ខណៈពិសេសរបស់រថយន្តនេះ គឺមានទំហំធំជាមួយប្រវែងតួខ្លួនសរុប ៤ ៨៥០ ម.ម ទទឹង ១ ៩៣៥ ម.ម កំពស់ ១ ៦២០ ម.ម ប្រវែងគម្លាតកង់មុខ-ក្រោយ ២ ៩០២ ម.ម និងការផ្នែកខាងក្រៅបែបស្ព័រខ្លាំង ដោយផ្នែកខាងមុខមានចង្កៀងមុខ LED លេងការឌីស្សាញរាងស្លីមអូសកាត់ក្រោមប៉ាណា មានឡូហ្គោ Mazda ថ្មីនៅចំកណ្តាល កញ្ចក់ចំហៀងប្រើជាប្រភេទកាមេរ៉ាឌីជីថល ក៏ដូចដៃទ្វារប្រភេទ flush-door ព្រមទាំងថាសកង់ស្ព័រទំហំ ២១អ៉ីញ និងចង្កៀងក្រោយឌីស្សាញរាងស្លីមប្រភេទ LED ជាដើម។

ចំណែកផ្នែកខាងក្នុងវិញ ទទួលបានអេក្រង់កំសាន្ត touchscreen ដែលមានកម្រិតបង្ហាញ 5K ទំហំដល់ទៅ ២៦,៤៥ អ៉ីញ ឯណ្ណោះ រួមជាមួយកុងទ័រស្លាយបង្ហាញលើកញ្ចក់ (HUD) កម្រិត 3D ក៏ដូចជាឧបករណ៍បំពងសំលេងចំនួន ២៣ ចំណុច កន្លែងសាកថ្មឥតប្រើខ្សែ រួមទាំងមុខងារសំខាន់ៗ និងប្រព័ន្អ ADAS ជាច្រើនទៀតផងដែរ៕

ផ្ទាំងផ្សាយពាណិជ្ជកម្ម

Hyundai Kona ប្រើ Hybrid ដាក់លក់នៅប្រទេសហ្វីលីពីន តម្លៃតែ ២ម៉ឺនដុល្លារជាង

June 25, 2025

[បរទេស] បន្ទាប់ពីបាត់វត្តមានរយៈពេល ៣ឆ្នាំមក មកពេលរថយន្ត Hyundai Kona ស៊េរីថ្មីចុងក្រោយ បានត្រលប់មកកាន់ទីផ្សារប្រទេសហ្វីលីពីនជាផ្លូវការឡើងវិញ ជាប្រភេទ Hybrid ហើយមានតម្លៃលក់ចាប់ពី ២៦ ៥៣០ ដុល្លារ ដល់ ២៩ ៣០០ ដុល្លារ ។

រថយន្តនេះ ដំណើរការដោយប្រព័ន្ធកូនកាត់ Hybrid ធ្វើការជាមួយម៉ាស៊ីនសាំងចំណុះ ១,៦ លីត្រ និងម៉ូទ័រអគ្គិសនីចំនួន ១ អាចផលិតកម្លាំងបាន ១៤១ សេះ និងកម្លាំងរមួល ១៤៤ ញ៉ូតុនម៉ែត្រ ភ្ជាប់ដោយប្រអប់លេខ ៦វគ្គ ប្រភេទ dual-clutch ព្រមទាំងបច្ចេកវិទ្យា regenerative braking technology ផងដែរ ។

រថយន្តនេះ ទទួលបានឌីស្សាញដ៏ទាក់ទាញហើយ Hyundai អះអាងថា ជួយទៅដល់ប្រព័ន្ធ aerodynamic បានយ៉ាងល្អ ហើយមានប្រវែងតួខ្លួនសរុប ៤ ៣៥៥ ម.ម ទទឹង ១ ៨២៥ ម.ម កំពស់ ១ ៥៧៥ ម.ម និងប្រវែងគន្លាតកង់មុខ-ក្រោយ ២ ៦៦០ ម.ម ។ ចំពោះនៅផ្នែកខាងមុខ មានប៉ាណាបិទជិតដូចទៅនឹងរថយន្តប្រើអគ្គិសនីសុទ្ធ និងអំពូលបំភ្លឺពេលថ្ងៃលាតសន្ទឹងពេញផ្នែកខាងមុខ ដាច់ចេញពីសនុំចង្កៀងបំភ្លឺផ្លូវ ព្រមទាំងប្រើប្រាស់នៅថាសកង់ស្ព័រទំហំ ១៨ អ៉ីញជាដើម ។

ចំពោះនៅផ្នែកខាងក្នុង ត្រូវបានយកការឌីស្សាញចេញពីរថយន្ត Ioniq 5 ដោយទទួលបានកៅស្បែកចុចអូតូ ខ្យល់ត្រជាក់-ក្តៅ កុងទ័របង្ហាញព័ត៌មានឌីជីថលថ្មីទំហំ ១២,៣ អ៉ីញ និងអេក្រង់កំសាន្តទំហំ ១២,៣ អ៉ីញរួមចូលគ្នាជាអេក្រង់ភ្លោះ អាចប្រើមុខងារ Apple CarPlay/Android Auto កន្លែងសាកថ្មឥតប្រើខ្សែ ដំបូលកញ្ចក់ Sunroof និងកាំម៉េរា ៣៦០ ដឺក្រេជាដើម ។ លើសពីនេះ ក៏ទទួលបានកញ្ចប់សុវត្ថិភាព Hyundai SmartSense active safety technology package ដែលបញ្ចូលនៅមុខងារជំនួយការអ្នកបើកបរសំខាន់ៗ និងចាំបាច់ជាច្រើន៕