Mercedes នឹងផលិតឡានអត់ប្រើសាំង EQC ឲ្យបាន ៥០ ០០០គ្រឿងក្នុងឆ្នាំ២០២០

January 25, 2020

ក្រុមហ៊ុន Mercedes បានច្រានចោលនូវរបាយការណ៍អាល្លឺម៉ង់មួយ ដែលអះអាងថា ខ្លួននឹងកាត់បន្ថយចំនួនផលិតនៃរថយន្តអគ្គិសនី Mercedes-Benz EQC ដោយសារតែកង្វះខាតអាគុយអគ្គិសនី។

នាដើមសប្តាហ៍កន្លងទៅនេះ ទស្សនាវដ្តី Manager Magazin បានចេញផ្សាយរបាយការណ៍មួយអះអាងថា កង្វះខាតនៃអាគុយអគ្គិសនីពីអ្នកផ្គត់ផ្គង់ គឺក្រុមហ៊ុន LG Chem បានបង្ខំឲ្យក្រុមហ៊ុន Mercedes កាត់បន្ថយចំនួនផលិតនៃរថយន្ត EQC ពី ៦០ ០០០គ្រឿង មកត្រឹម ៣០ ០០០គ្រឿងវិញ ក្នុងឆ្នាំ២០២០។

ផ្ទុយទៅវិញ លោក Joerg Howe ដែលជាអ្នកនាំពាក្យក្រុមហ៊ុន Mercedes បាននិយាយថា “មិនមានការកាត់បន្ថយចំនួនផលិតលើរថយន្ត EQC ឡើយក្នុងឆ្នាំនេះ។ ក្រុមហ៊ុនមានគម្រោងផលិតរថយន្ត Mercedes-Benz EQC ឲ្យបានប្រហែល ៥០ ០០០គ្រឿងក្នុងឆ្នាំ២០២០”។ នេះបើយោងតាមសេចក្តីថ្លែងការណ៍មួយ ដែលចេញផ្សាយដោយសារព័ត៌មាន Reuters៕

ផ្ទាំងផ្សាយពាណិជ្ជកម្ម

កាប៊ីនឡាន Bentley Flying Spur មានស្បែក ៣៥០បំណែក ប្រើអំបោះដេរប្រវែងជាង ៣គីឡូម៉ែត្រ

January 25, 2020

Bentley Flying Spur ស៊េរីឆ្នាំ២០២០ គឺជារថយន្តដ៏ប្រណីតបំផុតមួយ ហើយមានកាប៊ីនខាងក្នុងស្មុគស្មាញខ្លាំងបំផុតមួយ ផលិតដោយក្រុមហ៊ុនអង់គ្លេស។

ក្នុងនោះ រថយន្ត Flying Spur និមួយៗដែលបរចេញពីរោងចក្រ Bentley សុទ្ធតែមានបំពាក់ស្បែកមិនក្រោម ៣៥០បំណែកឡើយ ដែលប្រើសម្រាប់តុបតែងផ្នែក៦០ ផ្សេងៗគ្នា ដើម្បីធ្វើឲ្យវាក្លាយជារថយន្តមានកាប៊ីនប្រណីតបំផុតមួយ។ មិនតែប៉ុណ្ណោះ គេបានប្រើខ្សែអំបោះប្រវែងជាង ៣គីឡូម៉ែត្រ ដើម្បីដេរស្បែកទាំងនោះ។

គួរឲ្យដឹងថា អ្នកដែលតុបតែង និងដំឡើងកាប៊ីនខាងក្នុងរបស់ Flying Spur សុទ្ធតែទទួលបានការហ្វឹកហាត់យ៉ាងហោចណាស់ ៥ខែ ពី Bentley’s Master Trainers។ ស្បែកដែលប្រើត្រូវបានយកចេញពីគោអឺរ៉ុប ហើយជាស្បែកសល់ពីឧស្សាហកម្មលក់សាច់គោ។ កាប៊ីនខាងក្នុងនិមួយៗ ត្រូវឆ្លងកាត់ដៃបុគ្គលិករបស់ Bentley ចំនួន ១៤១នាក់ឯណោះ។

រថយន្ត Bentley Flying Spur បំពាក់ម៉ាស៊ីន Twin-turbocharged ទំហំ ១២ស៊ីឡាំង មានកម្លាំង ៦២៦សេះ ប្រើប្រអប់លេខអូតូ ZF ចំនួន ៨វគ្គ ហើយមានតម្លៃចាប់ពី ២១៦ ០០០ដុល្លារ លើទីផ្សារបរទេស៕

ផ្ទាំងផ្សាយពាណិជ្ជកម្ម

Jeep Wrangler Rubicon Recon ឆ្នាំ២០២០ សមត្ថភាព Off-road កាន់តែខ្លាំង

January 24, 2020

ក្រុមហ៊ុន Jeep បានប្រកាសចេញរថយន្តថ្មីមួយទៀត ម៉ូដែល Wrangler Rubicon Recon ដែលមានសមត្ថភាព Off-road កាន់តែខ្លាំង។

រថយន្ត Jeep Wrangler Rubicon Recon ថ្មីនេះ មានបំពាក់លក្ខណៈពិសេស និងសមត្ថភាពខ្លាំងជាងម៉ូដែល Wrangler ណាៗទាំងអស់។ ជាស្តង់ដារ វាបំពាក់ម៉ាស៊ីនចំណុះ ២,០លីត្រ Turbocharged ទំហំ ៤ស៊ីឡាំង មានកម្លាំង ២៧០សេះ ប្រើប្រអប់លេខអូតូ ៨វគ្គ ហើយមានជំនួយពីប្រព័ន្ធ eTorque Mild Hybrid ទៀតផង។

Wrangler Rubicon Recon បំពាក់យ៉ាន់ពណ៌ខ្មៅទំហំ ១៧អ៊ីង ជាមួយសម្បកកង់ទំហំ ៣៣អ៊ីង ហើយចង្កៀងមុខ ក្រោយ អំពូលកាត់អ័ភ្ទ និងអំពូលបំភ្លឺពេលថ្ងៃ សុទ្ធតែជាប្រភេទ LED ក៏ដូចជាបំពាក់កាងដែកជាដើម។

រថយន្តនេះមានជម្រើសរហូតដល់ទៅ ១០ពណ៌ គឺ Black, Granite Crystal, Sting-Gray, Billet Silver, Ocean Blue, Bikini, Firecracker Red, Punk’N, Hellayella និង Bright White ជាមួយនឹងតម្លៃចាប់ពី ៤២ ៥៤៥ដុល្លារសម្រាប់ប្រភេទទ្វារ២ និង ៤៦ ០៤៥ដុល្លារសម្រាប់ប្រភេទទ្វារ៤៕

ផ្ទាំងផ្សាយពាណិជ្ជកម្ម

Chevrolet Silverado Realtree Edition ឆ្នាំ២០២១ តុបតែងខ្លួនអេមកប់!

January 24, 2020

ក្រុមហ៊ុន Chevrolet បានបញ្ចេញភីកអាប់ថ្មីរបស់ខ្លួន ម៉ូដែល Silverado Realtree Edition ស៊េរីឆ្នាំ២០២១ ដែលមានរូបរាងទាក់ទាញខ្លាំងមែនទែន។

វាត្រូវបានចូលរួមសហការណ៍ផលិតរវាងក្រុមហ៊ុន Chevrolet និង Realtree ដើម្បីបង្កើតរថយន្ត Silverado ដ៏ពិសេស ដែលផ្អែកលើម៉ូដែល Silverado 1500 Custom Trail Boss។

ដើម្បីធ្វើឲ្យរថយន្តភីកអាប់នេះកាន់តែលេចធ្លោ ក្រុមហ៊ុន Realtree បានបន្ថែមតែមយ៉ាងទាក់ទាញនៅផ្នែកខាងក្រៅរថយន្ត។ មិនតែប៉ុណ្ណោះ Silverado Realtree Edition ស៊េរីឆ្នាំ២០២១ នេះ បំពាក់យ៉ាន់ពណ៌ខ្មៅទំហំ ២០អ៊ីង, បូមកល់បន្ថែមកម្ពស់ ២អ៊ីង និងកញ្ចប់ Option “Z71 Off-Road Package” ផងដែរ។

ជាស្តង់ដារ ភីកអាប់នេះបំពាក់ម៉ាស៊ីនចំណុះ ៥,៣លីត្រ ទំហំ ៨ស៊ីឡាំង មានកម្លាំង ៣៥៥សេះ ប្រើប្រអប់លេខអូតូ ៦វគ្ក។ ប៉ុន្តែអតិថិជនក៏អាចជ្រើសយកម៉ាស៊ីនមួយជម្រើសទៀត គឺចំណុះ ៦,២លីត្រ ទំហំ ៨ស៊ីឡាំង មានកម្លាំង ៤២០សេះ ហើយប្រើប្រអប់លេខអូតូ ១០វគ្គ។

Chevrolet Silverado Realtree Edition ថ្មីនេះនឹងចេញលក់នៅរដូវក្តៅ ឆ្នាំ២០២០នេះ ខណៈតម្លៃរបស់វានឹងត្រូវបង្ហាញនៅពេលក្រោយ៕

ផ្ទាំងផ្សាយពាណិជ្ជកម្ម

មើលរូបរាងដំបូងនៃ SUV ប្រណីតរបស់រុស្ស៊ី ស្រដៀង Rolls-Royce Cullinan

January 24, 2020

រថយន្ត Aurus Komendant ដែលជា SUV ប្រណីតរបស់ក្រុមហ៊ុនផលិតរថយន្តថ្មីថ្មោងរបស់រុស្ស៊ី ត្រូវបានប្រទះឃើញបើកបរសាកល្បងនៅប្រទេសស៊ុយអែត ដោយមានបិទបាំងមុខមាត់ជិតតែម្ដង។

ទោះមានការបិទបាំងជិត ប៉ុន្តែគេអាចមើលដឹងអំពីរចនាបថខ្លះៗរបស់រថយន្ត ដោយផ្នែកខាងមុខវាមានការរចនារន្ធខ្យល់ ហាក់ស្រដៀងនឹងរថយន្ត Rolls-Royce Cullinan អ៊ីចឹងដែរ ហើយអំពូលភ្លើងក៏មានរចនាបថមិនខុសពី SUV ប្រណីតរបស់ Rolls-Royce ប៉ុន្មានដែរ។

ចំពោះផ្នែកខាងក្នុង តាមដែលរូបភាពបានបង្ហាញគឺវាស្រដៀងនឹងរថយន្តប្រភេទ Sedan របស់ក្រុមហ៊ុន Aurus Motors ដែលប្រកាសចេញកន្លងទៅ។ រថយន្តនេះរំពឹងថាប្រើប្រព័ន្ធម៉ាស៊ីន Hybrid មានម៉ាស៊ីនសាំងចំណុះ ៤,៤ លីត្រ ៨ ស៊ីឡាំង ដែលអាចផលិតកម្លាំង ៥៩០ សេះ ដូចមានលើរថយន្ត Senat Sedan ដែរ។

ការបញ្ចេញលក់ Aurus Komendant នេះ អាចនឹងធ្វើឡើងនាអំឡុងឆ្នាំ ២០២២ ខាងមុខនេះ ដោយនៅឆ្នាំ ២០២១ ក្រុមហ៊ុននឹងបញ្ចេញលក់រថយន្ត Aurus Senat ឲ្យអតិថិជនរុស្ស៊ីជាមុនសិន៕

ផ្ទាំងផ្សាយពាណិជ្ជកម្ម

មកស្គាល់ឡាន SUV ប្រណីតល្បឿនលឿនជាងគេក្នុងលោក

January 24, 2020

Bentley Bentayga Speed អាចរត់ដល់ល្បឿន ៣០៦ គ.ម/ម៉ ដែលអាចឲ្យវាក្លាយជារថយន្ត SUV ល្បឿនលឿនជាងគេនាពេលបច្ចុប្បន្ននេះ។

Bentley អាចដណ្ដើមតំណែងរបស់ Lamborghini Urus បានត្រឹម ០,៥ ម៉ាយ/ម៉ ដោយបានបង្កើនសមត្ថភាពម៉ាស៊ីន Twin-Turbo ចំណុះ ៦,០ លីត្រ ចំនួន ១២ ស៊ីឡាំង ឲ្យបញ្ចេញកម្លាំងបាន ៦២៦ សេះ ដែលលើស Bentayga ធម្មតា ២៦ សេះ។

ការបង្កើនកម្លាំងប៉ុណ្ណេះ អាចឲ្យរថយន្តរត់ពី ០ ដល់ ១០០ គ.ម/ម៉ ប្រើពេលតែ ៣,៩ វិនាទី (ប្រភេទធម្មតាប្រើពេល ៤,១ វិនាទី)។ ទស្សនាវីដេអូបង្ហាញអំពី Bentley Bentayga Speed ដែលមានតម្លៃ ២៤៣ ១២៥ ដុល្លារ ៖

ផ្ទាំងផ្សាយពាណិជ្ជកម្ម

Suzuki អាចឈប់លក់ Jimny នៅអឺរ៉ុបព្រោះហេតុផលមួយ

January 24, 2020

ផ្អែកតាមការចុះផ្សាយរបស់ Autocar India បានឲ្យដឹងថារថយន្ត Jimny នឹងត្រូវ Suzuki ដកចេញពីទីផ្សារអឺរ៉ុប ដោយសារការរឹតបន្តឹងលើការបញ្ចេញឧស្ម័នកាបូនឌីអុកស៊ីត ដែលនឹងចាប់ផ្ដើមអនុវត្តន៍នៅឆ្នាំ ២០២១។

ប្រភពដដែលបានបញ្ជាក់ថាក្រុមហ៊ុនរថយន្តជប៉ុនបានណែនាំឲ្យហាងចែកចាយរថយន្តក្នុងស្រុក ឈប់ទទួលការកុម្ម៉ង់សម្រាប់រថយន្ត Jimny ដែលត្រូវអនុវត្តន៍តាមភ្លាមៗ។ នេះមានន័យថារថយន្ត Jimny អាចនឹងត្រូវឈប់លក់លើទីផ្សារអឺរ៉ុបចាប់ពីអំឡុងឆ្នាំ ២០២០ នេះ។

ចាប់ពីឆ្នាំ ២០២១ ក្រុមហ៊ុនរថយន្តនីមួយៗអាចលក់រថយន្តដែលបញ្ចេញឧស្ម័នកាបូនឌីអុកស៊ីតជាមធ្យម ៩៥ ក្រាម ក្នុងមួយគីឡូម៉ែត្រ។ ក្រុមហ៊ុនដែលល្មើសនឹងច្បាប់នេះនឹងត្រូវពិន័យយ៉ាងធ្ងន់។

ចំពោះរថយន្ត Jimny គឺប្រើម៉ាស៊ីន K15B ចំណុះ ១,៥ លីត្រ ៤ ស៊ីឡាំង ដែលបញ្ចេញឧស្ម័នកាបូនឌីអុកស៊ីត ១៥៤ ក្រាម/មួយគីឡូម៉ែត្រ សម្រាប់ប្រភេទប្រើលេខដៃ និង ១៧០ ក្រាម/មួយគីឡូម៉ែត្រ សម្រាប់ប្រភេទលេខអូតូ៕

ផ្ទាំងផ្សាយពាណិជ្ជកម្ម

នៅសល់ Bugatti Chiron មិនដល់ ១០០គ្រឿងទៀតមិនទាន់រកម្ចាស់ឃើញ

January 24, 2020

ឆ្នាំនេះគឺខួបទី ៥ នៃការចាប់ផ្ដើមការផលិតរថយន្ត Bugatti Chiron ដែលបានចាប់ផ្ដើមកាលពីឆ្នាំ ២០១៦ ហើយពេលនេះមាន Chiron មិនដល់ ១០០ គ្រឿងទៀត មិនទាន់រកម្ចាស់ឃើញ ក្នុងចំណោមរថយន្តដែលមានផលិតត្រឹម ៥០០ គ្រឿង។

ក្រុមហ៊ុន Bugatti បានប៉ាន់ស្មានថានឹងសម្រេចការផលិតរថយន្តទាំង ៥០០ គ្រឿង ដែលមិនរាប់បញ្ចូលប្រភេទផ្សេងដូចជា Divo ឬ Centodieci គឺនឹងត្រូវបញ្ចប់នៅចុងឆ្នាំ ២០២១។ នេះបើតាមការលើកឡើងរបស់លោក Stephan Winkelmann នាយកប្រតិបត្តិក្រុមហ៊ុន។

នាយកប្រតិបត្តិក្រុមហ៊ុនក៏បានឲ្យដឹងថានៅឆ្នាំ ២០២០ ក្រុមហ៊ុននឹងមានដំណឹងភ្ញាក់ផ្អើលមួយចំនួនត្រូវបង្ហាញ ដោយនៅឆ្នាំនេះនឹងបញ្ចេញរថយន្តមហាកម្លាំងម៉ូដែលថ្មី។ មានការប៉ាន់ស្មានថារថយន្តស៊េរីថ្មីបន្ទាប់របស់ Bugatti នឹងជាប្រភេទ SUV៕

ផ្ទាំងផ្សាយពាណិជ្ជកម្ម

Smart ចេញឡានអត់ប្រើសាំង តម្លៃខ្ទង់២ម៉ឺនដុល្លារ

January 23, 2020

ក្រុមហ៊ុន Smart (ស្ថិតក្រោមក្រុមហ៊ុន Mercedes) បានបញ្ចេញរថយន្តអគ្គិសនីរបស់ខ្លួន ដែលមានតម្លៃចាប់ពីខ្ទង់ ២ម៉ឺនដុល្លារ នៅលើទីផ្សារបរទេស។

រថយន្តអគ្គិសនីរបស់ Smart នេះចែកចេញជា ៣ម៉ូដែលគឺ EQ ForTwo Coupe (ជិះបាន២នាក់) មានតម្លៃ ២២ ០០០ដុល្លារ, EQ ForTwo Cabriolet (អាចបើកដំបូល ហើយជិះបាន២នាក់) មានតម្លៃ ២៦ ៦០០ដុល្លារ និង EQ ForFour (ជិះបាន៤នាក់) មានតម្លៃ ២២ ៥០០ដុល្លារ។

រថយន្ត Smart EQ នេះ បំពាក់ម៉ូទ័រអគ្គិសនីមួយមានកម្លាំង ៨២សេះ ប្រើប៉ុងមួយវិលកង់ក្រោយ និងប្រអប់លេខអូតូ ១វគ្គ។ សាកភ្លើងមួយពេញ វាអាចបើកបានចម្ងាយ ១១០គីឡូម៉ែត្រ ល្អសម្រាប់ការបើកបរក្នុងទីក្រុង ហើយអាចបើកដល់ល្បឿនអតិបរមា ១៣០គីឡូម៉ែត្រក្នុងមួយម៉ោង។

អាគុយអគ្គិសនីដែលសាកជាមួយនឹងឆ្នាំងសាកកម្លាំង ២២គីឡូវ៉ាត់ម៉ោង អាចឲ្យ Smart EQ សាកភ្លើងពី ១០ ទៅ ៨០% ប្រើពេលមិនដល់ ៤០នាទីឡើយ ហើយប្រើពេលមិនដល់ ៦ម៉ោងឡើយដើម្បីសាកភ្លើងមួយពេញនៅផ្ទះ៕

ផ្ទាំងផ្សាយពាណិជ្ជកម្ម

ដឹងថ្ងៃចេញលក់ឡាន Tesla ថ្មី Model Y ហើយ!

January 23, 2020

ថ្ងៃចេញលក់រថយន្ត Tesla Model Y កំពុងតែខិតជិតមកដល់នាពេលឆាប់ៗខាងមុខនេះ បន្ទាប់ពីវាបានបង្ហាញខ្លួនលើគេហទំព័ររបស់ទីភ្នាក់ងារ National Highway Traffic Safety Administration’s (NHTSA)។

មិនតែប៉ុណ្ណោះ អ្នកប្រើបណ្តាញសង្គម Twitter ម្នាក់ បានបង្ហោះសារអះអាងថា មានការបញ្ជាក់ចេញលក់រថយន្ត Model Y ពីបុគ្គលិកក្រុមហ៊ុន Tesla ដែលចាប់ផ្តើមក្នុងរយៈពេល ២សប្តាហ៍ទៀត។

គួរឲ្យដឹងថារថយន្ត Model Y នឹងមកចូលរួមជាមួយនឹងសិស្សច្បងរបស់វា គឺ Model S, Model 3 និង Model X។ សរុបមក Tesla នឹងមាន Model S, 3, X និង Y (S3XY ឬគេហៅថា SEXY)។