១. Rolls-Royce Sweptail មានតម្លៃ ១៣លានដុល្លារ
២. Mercedes-Benz Maybach Exelero មានតម្លៃ ៨លានដុល្លារ
៣. Koenigsegg CCXR Trevita មានតម្លៃ ៤,៨លានដុល្លារ
៤. Lamborghini Veneno តម្លៃ ៤,៥លាន ដុល្លារ
៥. W Motors Lykan Hypersport តម្លៃ ៣,៤លានដុល្លារ
អ្នកទិញរថយន្តភាគច្រើនតែងតែចង់ដឹងថា រថយន្តរបស់ពួកគេមានប្រភពចេញពីរោងចក្រប្រទេសណា ។ វាមិនមែនជារឿងពិបាកឡើយ ព្រោះគេអាចដឹងពីប្រភពនៃរថយន្ត តាមរយៈការសង្កេតមើលលើលេខ VIN ចំនួន ១៧ ខ្ទង់របស់រថយន្ត ដែលមាននៅលើផ្នែកជាច្រើន ដូចជា ផ្នែកខាងមុខក្រោមគម្របឡាន, នៅផ្នែកខាងលើនៃតាប្លូ, ខាងក្រោមផ្លិតទឹករថយន្ត និង នៅលើត្រចៀកទ្វាររបស់តៃកុងរថយន្តជាដើម ។
ខ្ទង់ទី ១ នៃលេខ VIN ចំនួន ១៧ ខ្ទង់នោះ គឺជាកូដបញ្ជាក់ពីប្រទេសដើមកំណើតនៃរថយន្ត ដោយវាអាចជាលេខ ឬ អក្សរ និង មានអត្ថន័យខុសៗគ្នា ដូចខាងក្រោម ៖
1-4-5 = សហរដ្ឋអាមេរិក
2 = កាណាដា
3 = ម៉ិកស៊ីកូ
6 = អូស្ត្រាលី
8 = អាហ្សង់ទីន
9 = ប្រេស៊ីល
J = ជប៉ុន
L = ចិន
S = ចក្រភពអង់គ្លេស
M = ថៃ
K = កូរ៉េ
V = បារាំង
ក្រុមហ៊ុន Toyota បានប្រកាសពីមុខងារសុវត្ថិភាពថ្មី ២ ដែលបង្កើតឡើងដើម្បីជួយដល់អ្នកបើកបរដែលពូកែភ្លេចច្រើន ។
មុខងារទី ១ ឈ្មោះថា “Auto Shut Off” ហើយវានឹងបំពាក់លើរថយន្ត Toyota ស៊េរីឆ្នាំ ២០២០ ភាគច្រើន ។ មុខងារនេះនឹងពន្លត់ម៉ាស៊ីនដោយស្វ័យប្រវត្តិ បន្ទាប់ពីរយៈពេលបានកំណត់ណាមួយ ។ វាត្រូវបានបង្កើតឡើងដើម្បីការពារករណីម្ចាស់រថយន្ត ចាកចេញដោយមិនបានពន្លត់ម៉ាស៊ីនរថយន្ត ដែលអាចបណ្តាលឱ្យកើតមានគ្រោះថ្នាក់ ។
ក្រៅពីសមត្ថភាពអាចពន្លត់ម៉ាស៊ីនរថយន្តដោយស្វ័យប្រវត្តិ ក្រុមហ៊ុន Toyota និយាយថា នាពេលអនាគតមុខងារនេះ នឹងអាចផ្ញើសារចូលទៅក្នុងកម្មវិធីទូរស័ព្ទដៃទៀតផង ។
ចំណែកឯមុខងារទី ២ វិញ ឈ្មោះថា “Automatic Park” ។ វានឹងអាចដាក់លេខ “P” ឬ ដាក់ហ្វ្រាំងដៃអេឡិចត្រូនិចដោយស្វ័យប្រវត្តិ ប្រសិនបើអញនកបើកចាកចេញពីរថយន្តដោយមិនបានដាក់លេខ “P” ត្រឹមត្រូវ ៕
វិទ្យាស្ថានធានារ៉ាប់រងសម្រាប់សុវត្ថិភាពផ្លូវហាយវេ IIHS និង រដ្ឋបាលសុវត្ថិភាពចរាចរណ៍ផ្លូវជាតិ NHTSA បានបង្ហាញរថយន្តខ្នាតតូច ចំនួន ៨ ម៉ូដែល ដែលផ្តល់សុវត្ថិភាពខ្ពស់បំផុតប្រចាំឆ្នាំ ២០១៩ ដោយក្នុងនោះរួមមាន ៖
១) Honda Insight៖ វាបំពាក់កញ្ចប់សុវត្ថិភាព Honda Sensing ដោយក្នុងនោះរួមមាន មុខងារ Automatic Emergency Braking, Front Collision Warning, Lane Keeping Assistance និង Adaptive Cruise Control ជាដើម ។
២) Kia Forte៖ វាបំពាក់បច្ចេកវិទ្យាការពារការបុកទង្គិច ដូចជា មុខងារ Forward Collision-Avoidance Assist និង Blind Spot Collision Warning ជាដើម ។
៣) Mazda3 ៖ វាបំពាក់មុខងារសុវត្ថិភាពដូចជា Smart City Brake Support, Smart Brake Support, Blind Spot Monitoring with Rear Cross-Traffic Alert, Lane Departure Warning with Lane-Keep Assist, High Beam Control, Mazda Radar Cruise Control, Driver Attention Alert, Active Driving Display, ហ្វ្រាំង ABS, Dynamic Stability Control និង Traction Control System ជាដើម ។
៤) Hyundai Elantra ៖ វាពាក់មុខងារសុវត្ថិភាព ដូចជា Lane Keeping Assistance, Blind Spot Detection, Rear Crossing Warning, Front Collision Warning និង Self-Emergency Braking ជាដើម ។
៥) Toyota Prius ៖ វាបំពាក់កញ្ចប់ Toyota Safety Sense P ដោយក្នុងនោះរួមមានមុខងារ ដូចជា Automatic Emergency Braking, Front Collision Warning, Pedestrian and Assisted Detection , Automatic Headlights និង Adaptive Cruise Control ជាដើម ។
៦) Kia Soul ៖ វាបំពាក់មុខងារសុវត្ថិភាព ដូចជា Automatic Emergency Braking និង Pre-collision Warning ជាដើម ។
៧) Hyundai Elantra GT ៖ វាបំពាក់មុខងារសុវត្ថិភាព ដូចជា Advance Collision Warning, Emergency Automatic Braking and Pedestrian Detection ជាដើម ។
៨) Toyota Corolla Hatchback ៖ វាបំពាក់មុខងារសុវត្ថិភាព ដូចជា Brake Assist, Electronic Brake-force Distribution, Anti-lock Brake System, Enhanced Vehicle Stability Control និង Traction Control ជាដើម ៕
ប្រភព ៖ zing
ភ្លើងសញ្ញាលើតាប្លូរថយន្តមានច្រើនប្រភេទ ដែលបញ្ជាក់នូវអត្ថន័យផ្សេងៗពីគ្នា។ យ៉ាងណាភ្លើង ៣ ប្រភេទខាងក្រោមនេះទាមទារឲ្យអ្នកបើកបរយកចិត្តទុកដាក់បំផុត នៅពេលសុខៗវាលោតឡើងលើតាប្លូ។
១. ភ្លើងព្រមានពីសីតុណ្ហភាពម៉ាស៊ីន
ភ្លើងនេះលោតឡើងដើម្បីព្រមានដល់អ្នកបើកបរថាសីតុណ្ហភាពម៉ាស៊ីនឡើងលើសពីកម្រិតធម្មតា។ ត្បិតថាវាបញ្ជាក់ពីកើនឡើងនៃសីតុណ្ហភាពម៉ាស៊ីន ប៉ុន្តែនៅពេលដែល Sensor វាស់កម្ដៅម៉ាស៊ីនមានបញ្ហា ឬ បញ្ជូនទិន្នន័យមិនត្រឹមត្រូវ ក៏ភ្លើងនេះលោតឡើងដែរ។
ម៉ាស៊ីនឡើងកម្ដៅខ្លាំងអាចធ្វើឲ្យប៉ះពាល់ដល់ដំណើរការម៉ាស៊ីនធ្ងន់ធ្ងរ ហេតុនេះគួរអែបរថយន្តចូលកន្លែងសុវត្ថិភាព។ បន្ទាប់មកពិនិត្យមើលធុងទឹកនៃម៉ាស៊ីនរថយន្តពីបរិមាណទឹក ប្រសិនបើមានតិចតួចព្យាយាមចាក់បំពេញ។ បើសិនបញ្ហាមិនអាចដោះស្រាយបាន គួរទាក់ទងទៅកាន់យានដ្ឋានដើម្បីសណ្ដោងរថយន្តទៅពិនិត្យ។
២. ភ្លើងប្រេងម៉ាស៊ីន
ភ្លើងនេះលោតឡើងនៅពេលដែលបរិមាណប្រេងរំអិលក្នុងម៉ាស៊ីនមានកម្រិតតិចតួច ធ្វើឲ្យខ្វះជាតិរំអិលសម្រាប់ដំណើរការគ្រឿងម៉ាស៊ីនដែលរវៃ។ ដូចនេះប្រសិនបើភ្លើងសញ្ញាលោតឡើង អ្នកត្រូវបញ្ឈប់រថយន្តហើយស្វែងរកជំនួយទើបប្រសើរ។
៣. ភ្លើងអាគុយ
ភ្លើងនេះមិនសូវធ្ងន់ធ្ងរដូចជាភ្លើងទាំងពីរខាងលើទេ ប៉ុន្តែក៏ត្រូវដោះស្រាយឲ្យបានឆាប់បំផុតដែរ។ ភ្លើងនេះលោតឡើងនៅពេលដែលអាគុយជិតអស់ថាមពល មិនគ្រប់គ្រាន់សម្រាប់ការបញ្ឆេះម៉ាស៊ីន។
ប្រសិនភ្លើងនេះលោតឡើងពេលកំពុងបើកបរសុខៗ អ្នកមិនត្រូវពន្លត់រថយន្តនោះឡើយ ត្រូវបើកបរឲ្យដល់ផ្ទះ ឬ យានដ្ឋានជួសជុល ព្រោះម៉ាស៊ីនរថយន្តអាចនឹងមិនឆេះម្ដងទៀតនោះទេ៕
បើទោះជាអ្នកបើកបរមួយចំនួន ចេះបើកបរស្ទាត់ជំនាញក៏ដោយ តែមិនប្រាកដថាពួកគេដឹងគន្លឹះទាំង ៥ នេះដែរ។ ដូច្នេះថ្ងៃនេះ ខេមបូអូតូ សូមនាំលោកអ្នកមកយល់ដឹងអំពីគន្លឹះទាំង ៥ ចំណុចដូចជា៖
១. កញ្ចក់មើលក្រោយ អ្នកត្រូវតែសារ៉េវាអោយបានធំ អាចមើលការវ៉ាជេញ ឬយានយន្តនៅខាងក្រោយ។ ប្រសិនបើអ្នកមិនធ្វើការ សារ៉េវាអោយត្រឹមត្រូវនោះទេ អ្នកអាចមានបញ្ហាអ្វីមួយកើតឡើយបាន។
២. រៀនប្រើអារម្មណ៍ អោយស្ថិតនៅជាមួយកង់រថយន្ត ដើម្បីប្រាកដថាកង់រថយន្តរបស់អ្នកបានជាន់ ឬ ប៉ះវត្ថុអ្វីមួយ ឬ សន្មត់ថាបានគេចចេញពីឧបសគ្គ។
៣. កុំបង្វិលកង់រថយន្ត នៅពេលដែលអ្នកឈប់បម្រុងនឹងបទ រឺចូលចំណត ព្រោះថាប្រសិនបើមានការប៉ះ ឬបុកពីខាងក្រោយធ្វើអោយអ្នកអាចចូលគន្លងផ្លូវរបស់គេ។
៤. ដៃចង្កូត អ្នកត្រូវកាន់អោយត្រូវតាមមាត្រដ្ឋាន ១០ លើ ២ចំនុច ដូចរូបខាងក្រោម៖
៥. ប្រើប្រាស់ហ្វ្រាំងដៃជានិច្ច ដើម្បីប្រាកដថារថយន្តត្រូវបានឈប់ ១០០% ដោយមិនមានការរអិលថយក្រោយ។
ក្រុមហ៊ុនរថយន្តជប៉ុន Lexus បានដាក់បង្ហាញម៉ូដែល RX ស៊េរីឆ្នាំ ២០២០ ជាផ្លូវការ ដោយបាន Update ទាំងរូបរាង និង លក្ខណៈពិសេសរបស់វា ។
ជាលើកដំបូងបង្អស់ហើយដែល RX ស៊េរីឆ្នាំ ២០២០ បំពាក់អេក្រង់ Touchscreen ទំហំ ៨ អ៊ីងមកស្តង់ដារ តែអាច Upgrade ឡើងទៅ ១២,៣ អ៊ីងបាន ។ វាក៏មានមុខងារ Apple CarPlay និង Android Auto ទៀតផង ។
RX ថ្មីបំពាក់មុខងារសុវត្ថិភាពមកស្តង់ដារជាច្រើន មានដូចជា Road Sign Assist, Lane Tracing Assist, Daytime bicyclist detection, All-Speed Dynamic Radar Cruise Control, និង Pre-Collision System ។
ផ្នែកខាងមុខ RX ថ្មី មានការផ្លាស់ប្តូរបន្តិចបន្តួច ដោយបំពាក់ចង្កៀងបែបស្រឡូនជាងមុន ព្រមទាំងអំពូលកាត់អ័ព្ទថ្មី ។ Lexus នៅតែមិនចោលសំណាញ់ប៉ាណាដ៏ធំរបស់ខ្លួន ជាមួយនឹងចង្កៀងក្រោយរូបរាងអក្សរ L ដ៏ទាក់ទាញ ។ RX ថ្មីមានជម្រើសយ៉ាន់ ១៨ អ៊ីង និង ២០ អ៊ីង ព្រមទាំងបន្ថែមពណ៌ថ្មី ២ បន្ថែមទៀត គឺ Moonbeam Beige Metallic និង Nori Green Pearl ។
Lexus RX មានចំនួន ៤ ម៉ូដែល គឺ RX 350, RX 350L, RX 450h និង RX 450hL ។ 450h និង 450hL ប្រើម៉ាស៊ីន Hybrid ចំណុះ ៣,៥ លីត្រ ទំហំ ៦ ស៊ីឡាំង ជាមួយនឹងម៉ូទ័រអគ្គិសនីចំនួន ៣ មានកម្លាំងសរុប ៣០៨ សេះ ។ ចំណែកឯ 350 និង 350L វិញ ប្រើម៉ាស៊ីនសាំងចំណុះ ៣,៥ លីត្រ ទំហំ ៦ ស៊ីឡាំង មានកម្លាំង ២៩៥ សេះ ៕
ប្រភព ៖ autoguide
អ្នកប្រើប្រាស់រថយន្តភាគច្រើនតែងចង់បានរថយន្តដែលមានបំពាក់ប្រព័ន្ធហ្វ្រាំង ABS ដោយយល់ថាប្រព័ន្ធហ្វ្រាំងមួយនេះមានសុវត្ថិភាពលើសពីប្រព័ន្ធហ្វ្រាំងធម្មតា។ ទោះជាយ៉ាងណា ពួកគេប្រហែលជាមិនទាន់ដឹងច្បាស់ថាប្រព័ន្ធហ្វ្រាំង ABS មានដំណើរការពិសេសបែបណានៅឡើយទេ។
ហ្វ្រាំង ABS នៅពេលដែលចាប់ហ្វ្រាំងបន្ទាន់នៅល្បឿនលឿន កង់រថយន្តនឹងមិនស្អិតជាប់នៅនឹងកន្លែងភ្លាមៗនោះទេ ដោយចាប់លែងៗ ដូច្នេះអ្នកបើកបរអាចបញ្ជាទិសដៅរថយន្តបាន មិនដូចហ្វ្រាំងធម្មតានោះទេ។
ចំណែកឯហ្វ្រាំងធម្មតា នៅពេលដែលអ្នកចាប់ហ្វ្រាំងបន្ទាន់នៅល្បឿនលឿន ឬចាប់ហ្រ្វាំងនៅលើផ្លូវរអិល កង់នឹងត្រូវ Lock (ស្អិតជាប់នៅនឹងកន្លែង) ភ្លាមៗ។ កង់ដែល Lock ជាប់មិនអាចឆ្លើយតបនឹងការបញ្ជារបស់ចង្កូតបាននោះទេ ធ្វើឲ្យអ្នកមិនអាចបញ្ជាទិសដៅយានយន្តដើម្បីគេចចេញពីឧបសគ្គនៅខាងមុខបានឡើយ ហើយអាចបង្កជាគ្រោះថ្នាក់ដល់អ្នកដទៃ រួមទាំងខ្លួនឯងផ្ទាល់។
ចង់ដឹងកាន់តែច្បាស់ សូមទស្សនាវីដេអូលម្អិតខាងក្រោមនេះ ៖
ក្រុមហ៊ុន Volkswagen បានបន្ថែមជម្រើសម៉ាស៊ីនម៉ាស៊ូតលើ SUV ខ្នាតតូចម៉ូដែល T-Cross ។ T-Cross មាន ៣ ម៉ូដែល គឺ SE, SEL និង R-Line ដែលមានតម្លៃចាប់ពី ២៦ ៩០០ ដុល្លារនៅលើទីផ្សារបរទេស ។
រថយន្តតួខ្ពស់នេះប្រើម៉ាស៊ីនម៉ាស៊ូតចំណុះ ១,៦ លីត្រ ប្រភេទ TDI មានកម្លាំង ៩៤ សេះ ហើយប្រើប្រអប់លេខដៃ ៥ វគ្គ ឬ ជម្រើសលេខអូតូ ៧ វគ្គ ប្រភេទ DSG ។ វាអាចរត់ស្ទុះពីកុងទ័រ ០ ដល់ ១០០ គីឡូម៉ែត្រក្នុងមួយម៉ោង ប្រើពេល ១១,៩ វិនាទីសម្រាប់លេខដៃ និង ១២,៥ វិនាទីសម្រាប់លេខអូតូ ។
T-Cross ប្រើម៉ាស៊ីនម៉ាស៊ូតនេះមានកម្រិតស៊ីប្រេងជាមធ្យមត្រឹមតែ ៥,៣ លីត្រប៉ុណ្ណោះ ក្លាយជា SUV ស៊ីប្រេងតិចបំផុតរបស់ក្រុមហ៊ុន Volkswagen ។
ថ្វីបើមានតម្លៃខ្ទង់ ២ ម៉ឺនដុល្លារមែន តែ T-Cross បានបំពាក់មុខងារពិសេសៗជាច្រើន ដូចជា Adaptive Cruise Control , Lane Assist , Blind Spot Monitor និង Lane Keeping System ជាដើម ៕
ក្រុមហ៊ុន Bentley បានបង្ហាញរថយន្ត Sedan កំពូលប្រណីតម៉ូដែលថ្មីរបស់ខ្លួន គឺ Flying Spur ស៊េរីឆ្នាំ ២០២០ ជាផ្លូវការ ។
រថយន្ត Bentley Flying Spur ជំនាន់ទី ៣ នេះ មានប្រវែងវែងជាងម៉ូដែលមុនបន្តិច ហើយប្រវែងពីកង់មុខទៅកង់ក្រោយរបស់វា ត្រូវបានពង្រីក ១៣ សង់ទីម៉ែត្រ ដើម្បីផ្តល់កន្លែងដាក់ជើងកាន់តែធំទូលាយសម្រាប់អ្នកដំណើរខាងក្រោយ ។
បើក្រឡេកមើលតែមួយភ្លែត នោះអ្នកប្រាកដជាយល់ថា Flying Spur ថ្មីនេះមានរូបរាងស្រដៀងស៊េរីមុន ប៉ុន្តែក្រុមហ៊ុនផលិតរថយន្តអង់គ្លេសខាងលើ បញ្ជាក់យ៉ាងច្បាស់ថា វាជាការរចនាជំនាន់ថ្មីដ៏ថ្មីស្រឡាងតែម្តង ។ ការរចនាម៉ូដខាងក្រៅរបស់វារឹតតែរលើបរលោង , អង្គអាច និង ស្រស់ស្អាតជាងមុន ។
មិនតែប៉ុណ្ណោះ Flying Spur ២០២០ បំពាក់ចង្កៀងប្រភេទ LED Matrix ជាមួយនឹងការរំលេចរចនាបទគ្រីសស្តាល់ ព្រមទាំងអក្សរ “B” ខាងក្នុងនោះផងដែរ ។ លើសពីនេះទៅទៀត វាបំពាក់យ៉ាន់ទំហំ ២១ អ៊ីងមកស្តង់ដារតែម្តង ប៉ុន្តែក៏មានជម្រើសយ៉ាន់ទំហំ ២២ អ៊ីង ដែលធំបំផុតមិនធ្លាប់មានពីមុនមក លើម៉ូដែល Flying Spur នេះ ។
ក្រុមហ៊ុន Bentley បានឱ្យដឹងថា ពណ៌តួខ្លួនផ្នែកខាងក្រៅស្តង់ដាររបស់វា ឥឡូវនេះមានរហូតដល់ទៅ ១៧ ជម្រើសឯណោះ ។ អ្នកក៏អាចជ្រើសរើសប៉ាណាខាងក្រោមផ្នែកខាងមុខរថយន្តពណ៌ខ្មៅ ឬ ក្រូមេផងដែរ ។
ផ្នែកខាងក្នុងរបស់ Flying Spur បានបំពាក់គ្រឿងបរិក្ខាធ្វើឡើងដោយដៃ ហើយកៅអីរបស់វាមានរហូតដល់ទៅ ១៥ ពណ៌ ព្រមទាំងអេក្រង់ Touchscreen ទំហំ ១២,៣ អ៊ីង ដែលលាក់ចូលទៅក្នុងតាប្លូវិញ ដោយគ្រាន់តែចុចប៊ូតុងមួយប៉ុណ្ណោះ ។ វាបំពាក់ឧបករណ៍បំពងសំឡេង ១០ គ្រាប់ តែអាច Upgrade ដាក់ប្រព័ន្ធសំឡេង Bang & Olufsen ១៦ គ្រាប់ កម្លាំង ១ ៥០០ វ៉ាត់ ឬ ប្រព័ន្ធសំឡេង Naim ១៩ គ្រាប់ កម្លាំង ២ ២០០ វ៉ាត់ ។
សូមបញ្ជាក់ថា រថយន្ត Bentley Flying Spur ជំនាន់ថ្មីនេះ ប្រើម៉ាស៊ីនសាំងចំណុះ ៦,០ លីត្រ Twin-turbo ទំហំ ១២ ស៊ីឡាំង (W12) មានកម្លាំង ៦២៦ សេះ ហើយប្រើប្រព័ន្ធបើកបរប៉ុងពីរ AWD តាមរយៈប្រអប់លេខអូតូ ប្រភេទ Dual-clutch ៨ វគ្គ ។ Flying Spur អាចស្ទុះពីកុងទ័រ ០ ដល់ ១០០ គីឡូម៉ែត្រក្នុងមួយម៉ោង ប្រើពេលត្រឹម ៣,៨ វិនាទីប៉ុណ្ណោះ ហើយមានល្បឿនអតិបរមា ៣៣៣ គីឡូម៉ែត្រក្នុងមួយម៉ោង ។
Bentley មិនទាន់បានបញ្ចេញតម្លៃលក់ផ្លូវការឡើយ ប៉ុន្តែការបញ្ជាទិញនឹងបើកដំណើរការនៅខែកញ្ញា ៕
