Kia គ្រោងបញ្ចេញឡានអគ្គិសនីថ្មី ១១ម៉ូដែល ត្រឹមឆ្នាំ២០២៥

January 15, 2020

ក្រុមហ៊ុនរថយន្តកូរ៉េ Kia បានបង្ហើបពីគម្រោងរបស់ខ្លួន ហៅថា “Plan S” ដោយក្នុងនោះ Kia នឹងបញ្ចេញរថយន្តអគ្គិសនីថ្មីសរុប ១១ម៉ូដែល នៅត្រឹមឆ្នាំ២០២៥។

ក្នុងគម្រោងនេះដែរ Kia នឹងបញ្ចេញរថយន្តអគ្គិសនីដំបូងបង្អស់របស់ខ្លួន នៅឆ្នាំ២០២១ ខាងមុខនេះតែម្តង។ ប្រធាននាយកប្រតិបត្តិក្រុមហ៊ុន Kia នៅអឺរ៉ុប បានឲ្យដឹងនាពេលថ្មីៗនេះ គំរូរថយន្ត Kia Imagine នឹងចូលសង្វាក់ផលិតកម្ម នៅក្នុងឆ្នាំ២០២១ ក្លាយជារថយន្តអគ្គិសនីដំបូងបង្អស់របស់ Kia។

ស្ថិតក្រោមគម្រោង Plan S នេះ Kia នឹងវិនិយោគលុយសរុប ២៥ពាន់លានដុល្លារ ដើម្បីក្លាយជាអ្នកឈានមុខគេក្នុងទីផ្សាររថយន្តអគ្គិសនី នៅត្រឹមចុងឆ្នាំ២០២៥៕

ផ្ទាំងផ្សាយពាណិជ្ជកម្ម

ឡានប្រើសាំងលាយហ្គាស់ តម្លៃខ្ទង់១ម៉ឺនដុល្លារ ចេញមុខអង្រួនចិត្តអ្នកប្រើ

January 14, 2020

ក្រុមហ៊ុនរថយន្ត Dacia បានប្រកាសចេញលក់រថយន្តប្រើសាំង និងហ្គាស់ថ្មីរបស់ខ្លួន ហៅថា Duster TCe 100 Eco-G។ រថយន្ត Duster TCe 100 Eco-G នេះ ប្រើម៉ាស៊ីនពិសេស ដែលអាចសន្សំសំចៃសាំងរហូតដល់ទៅ ៣០% ឯណោះ។

មិនតែប៉ុណ្ណោះ វាអាចរត់ដោយប្រើសាំង ឬហ្គាស់សុទ្ធក៏បានដែរ ដោយសារតែធុងសាំង និងធុងហ្គាស់របស់វា ដាច់ដោយឡែកពីគ្នា។ លើសពីនេះទៅទៀត អ្នកបើកបរអាចចុចផ្លាស់ប្តូរពីការប្រើសាំងទៅហ្គាស់ ឬពីហ្គាស់ទៅសាំង បានយ៉ាងងាយស្រួល ដោយគ្រាន់តែចុចប៊ូតុងមួយប៉ុណ្ណោះ។

រឹតតែពិសេសជាងនេះទៅទៀត នៅពេលប្រើហ្គាស់អស់ ប្រព័ន្ធដ៏វៃឆ្លាតរបស់វានឹងផ្លាស់ប្តូរមកប្រើសាំង ដោយស្វ័យប្រវត្តិតែម្តង។

គួរឲ្យដឹងថា ធុងហ្គាស់របស់ Duster TCe 100 Eco-G ត្រូវបានផលិតចេញពីដែកដ៏រឹងមាំ ហើយទុកនៅកន្លែងដាក់កង់សាគួរ យ៉ាងមានសុវត្ថិភាព។ រថយន្តនេះអាចរត់បានចម្ងាយសរុប ១ ០០០គីឡូម៉ែត្រ នៅពេលចាក់សាំង និងហ្គាស់ពេញ។

រថយន្ត Dacia Duster TCe 100 Eco-G នឹងចេញលក់ក្នុងខែមករានេះ ក្នុងតម្លៃចាប់ពី ១៣ ៩០០ដុល្លារលើទីផ្សារបរទេស៕

ផ្ទាំងផ្សាយពាណិជ្ជកម្ម

ក្រុមហ៊ុនអាល្លឺម៉ង់ធំ ៣ ប្រកាសមិនចូលរួមកម្មវិធីតាំងបង្ហាញរថយន្តនៅអាមេរិក

January 14, 2020

New York Auto Show ដែលជាកម្មវិធីតាំងបង្ហាញរថយន្តដ៏ធំមួយ ប្រព្រឹត្តទៅនាខែមេសា ឆ្នាំ ២០២០ នេះ នឹងមិនមានការចូលរួមពីសំណាក់ក្រុមហ៊ុនរថយន្តធំចំនួន ៣ របស់អាល្លឺម៉ង់នោះឡើយ រួមមាន Mercedes-Benz BMW និង Audi។

វាមិនមែនជារឿងថ្មីទេសម្រាប់សហគ្រាសរថយន្ត ដោយចាប់តាំងពី ២ ឆ្នាំមុន ម៉ាករថយន្តល្បីចាប់ផ្ដើមមានទំនោរបង្កើតកម្មវិធីផ្ទាល់ខ្លួន ជាជាងការចូលរួមកម្មវិធីតាំងបង្ហាញរថយន្ត ដោយសារហេតុផលមួយចំនួន។

ម៉ាករថយន្តភាគច្រើននាពេលនេះ គឺប្រុងប្រយ័ត្នខ្លាំងលើការចំណាយ រួមមានការចំណាយលើការផ្សព្វផ្សាយ។ កម្មវិធីតាំងបង្ហាញរថយន្តកាន់តែចំណាយអស់ច្រើនទៅៗ ខណៈដែលការផ្សព្វផ្សាយតាមអ៊ីនធឺណិតគឺចំណាយតិចជាង និងមានប្រសិទ្ធភាពខ្លាំងអាចអូសទាញអតិថិជនមានឥទ្ធិពល ហើយអាចធ្វើឡើង ២៤ ម៉ោងក្នុងមួយថ្ងៃទៀតផង។

New York Auto Show ជាធម្មតាអាចអូសទាញអ្នកចូលរួមបានជាង ១ លាននាក់ ជារៀងរាល់ឆ្នាំ។ យ៉ាងណាក្ដីដោយសារតែខ្ទង់ចំណាយខ្ពស់ ធ្វើឲ្យម៉ាករថយន្តច្រើនចាប់ផ្ដើមគិតគូរឡើងវិញពីតម្លៃនៃកម្មវិធីតាំងបង្ហាញរថយន្ត៕

ផ្ទាំងផ្សាយពាណិជ្ជកម្ម

BMW 7 Series ឆ្នាំ២០២០ ចេញលក់នៅថៃ តម្លៃប៉ុណ្ណឹងម៉េចដែរ?

January 14, 2020

ក្រុមហ៊ុន BMW Thailand បានប្រកាសដាក់លក់រថយន្ត 7 Series ស៊េរីឆ្នាំ២០២០ ជាផ្លូវការ នៅក្នុងប្រទេសថៃ ដែលរថយន្តនេះជាគូប្រជែងរបស់ Mercedes-Benz S-Class។

រថយន្ត BMW 7 Series ថ្មី បានបំពាក់ប៉ាណាផ្នែកខាងមុខថ្មី ទំហំធំជាងមុនខ្លាំងដល់ទៅ ៤០ ភាគរយ បើប្រៀបធៀបទៅនឹងស៊េរីមុន។ ផ្នែកខាងក្រោយវិញ BMW បញ្ជាក់ថា របាក្រូមមានទំហំក្រាស់ជាងមុន ហើយចង្កៀង LED មានរាងស្លីមជាងមុន និងមានរបា LED ដ៏តូចមួយទៀតរត់កាត់ទទឹងផ្នែកខាងក្រោយនោះទៀតផង។

BMW Thailand បានយកតែម៉ូដែល 730Ld និង 745Le មកលក់ប៉ុណ្ណោះ នៅលើទីផ្សាររបស់ខ្លួន។ BMW 730Ld បំពាក់ម៉ាស៊ីនម៉ាស៊ូតចំណុះ ៣,០លីត្រ មានកម្លាំង ២៦៥សេះ, ប្រើប្រអប់លេខអូតូ ៨វគ្គ, ប្រើប៉ុងពីរ, យ៉ាន់ ១៩អ៊ីង និងតម្លៃ ៦,០៩៩លានបាត ស្មើនឹង ២០១ ៥០០ដុល្លារ។

ដោយឡែក BMW 745Le ដំណើរការដោយម៉ាស៊ីនប្រភេទ Plug-in Hybrid មានកម្លាំង ៣៩៤សេះ អាចបើកបរដោយថាមពលអគ្គិសនីសុទ្ធ ៥០គីឡូម៉ែត្រ។ វាក៏ប្រើប៉ុងពីរដែរ ហើយមានតម្លៃ ៦,៣៩៩លានបាត ស្មើនឹង ២១១ ៥០០ដុល្លារ៕

ផ្ទាំងផ្សាយពាណិជ្ជកម្ម

៣៨ ឆ្នាំហើយ ឡាន Ford F-Series នៅតែគ្មានអ្នកផ្ដួលបាន

January 14, 2020

ផ្អែកតាមរបាយការណ៍ប្រចាំឆ្នាំ ២០១៩ ដែលបូកសរុបដោយ MSN Auto បានបង្ហាញថា Ford F-Series នៅតែជារថយន្តដែលលក់ដាច់បានច្រើនជាងគេនៅសហរដ្ឋអាមេរិក ដែលវាបានកាន់កាប់តំណែងនេះអស់ ៣៨ ឆ្នាំមកហើយ។ ខាងក្រោមជារថយន្តទាំង ១០ លក់ដាច់បំផុតប្រចាំឆ្នាំ ២០១៩ នៅទីផ្សារអាមេរិក ៖

១. Ford F-Series លក់បាន ៨៩៥ ៥២៦ គ្រឿង

២. Ram Truck លក់បាន ៦៣៣ ៦៩៤ គ្រឿង

៣. Chevrolet Silverado លក់បាន ៥៧៥ ៦០០ គ្រឿង

៤. Toyota RAV4 លក់បាន ៤៤៨ ០៧១ គ្រឿង

៥. Honda CR-V លក់បាន ៣៨៤ ១៦៨ គ្រឿង

៦. Nissan Rogue លក់បាន ៣៥០ ៤៤៧ គ្រឿង

៧. Chevrolet Equinox លក់បាន ៣៤៦ ០៤៨ គ្រឿង

៨. Toyota Camry លក់បាន ៣៣៦ ៩៧៨ គ្រឿង

៩. Honda Civic លក់បាន ៣២៥ ៦៥០ គ្រឿង

១០. Toyota Corolla លក់បាន ៣០៤ ៨៥០ គ្រឿង

ផ្ទាំងផ្សាយពាណិជ្ជកម្ម

មើលរូបរាង SUV ស៊េរីថ្មីរបស់ក្រុមហ៊ុនចិន ស្អាតប្លែកភ្នែក

January 13, 2020

ម៉ាករថយន្ត UNI ដែលបង្កើតក្រោមការសហការរវាងក្រុមហ៊ុនរថយន្តក្នុងស្រុកចិន Changan Automobile និងក្រុមហ៊ុនរថយន្តអាមេរិក Ford បានបង្ហាញចេញរថយន្តម៉ូដែលដំបូងរបស់ខ្លួនគឺ UNI T។

រថយន្តនេះគឺមានប្រវែង ៤៥១៥ ម.ម ទទឹង ១៨៧០ ម.ម និងមានប្រវែងពីកង់មុខទៅកង់ក្រោយ ២៧១០ ម.ម។ ការឌីហ្សាញនៃរថយន្ត UNI T គឺបែបទាន់សម័យ ដែលបង្កើតឡើងក្នុងគោលដៅអូសទាញអតិថិជនវ័យក្មេងលើទីផ្សារប្រទេសចិនផ្ទាល់តែម្ដង។

ជម្រើសម៉ាស៊ីនមានពីរគឺ ១,៥ លីត្រ Turbo និង ២,០ លីត្រ Turbocharged។ ចំពោះតម្លៃ និងថ្ងៃខែចេញលក់រំពឹងថានឹងដឹងពេលរថយន្តនេះបង្ហាញមុខជាសាធារណៈនៅក្នុងខែមេសា ក្នុងកម្មវិធីតាំងបង្ហាញរថយន្តនៅទីក្រុងប៉េកាំង៕

ផ្ទាំងផ្សាយពាណិជ្ជកម្ម

Subaru បង្ហាញចេញរថយន្តពិសេស មានឈ្មោះកាត់សាហាវអស់ស្ទះ

January 13, 2020

Subaru បានយករថយន្ត Forester ស៊េរីពិសេសមួយ ដាក់តាំងបង្ហាញក្នុងកម្មវិធីតាំងបង្ហាញរថយន្ត Singapore Motor Show ឆ្នាំ ២០២០។

រថយន្តដ៏ពិសេសនេះគឺមានការលេងរូបរាងខុសប្លែកពីធម្មតា ដែលគេឲ្យឈ្មោះវាថា Forester Ultimate Customized Kit Special ហើយបើហៅកាត់គឺពិបាកស្ដាប់បន្តិច។ ទាក់ទងនឹងឈ្មោះកាត់ដ៏សាហាវនេះ Subaru បានដកវាចេញពីកម្មវិធីតាំងបង្ហាញរថយន្ត Singapore Motor Show ក្រោយទទួលបានមតិអវិជ្ជមាន។

ទស្សនាវីដេអូបង្ហាញរូបរាង Forester Ultimate Customized Kit Special ៖

ផ្ទាំងផ្សាយពាណិជ្ជកម្ម

ឡានកូរ៉េប្រណីត Genesis G90 ឆ្នាំ២០២០ តម្លៃស្មើឡានអគ្គិសនី Tesla Model S

January 13, 2020

យោងតាមគេហទំព័រ Cars Direct បានបង្ហាញថា រថយន្តកូរ៉េប្រណីត Genesis G90 ស៊េរីឆ្នាំ២០២០ នឹងចែកចេញជា ២ម៉ូដែល គឺ 3.3T Premium និង 5.0 Ultimate។

ចំពោះតម្លៃរថយន្ត Genesis G90 3.3T Premium នឹងចាប់ផ្តើមពី ៧៣ ១៩៥ដុល្លារ នៅលើទីផ្សារសហរដ្ឋអាមេរិក ខណៈ ម៉ូដែល G90 5.0 Ultimate នឹងមានតម្លៃចាប់ពី ៧៦ ៦៩៥ដុល្លារ។ បន្ថែម Option ប៉ុងពីរ AWD ចំនួន ២ ៥០០ដុល្លារទៀត នោះ Genesis G90 5.0 Ultimate AWD នឹងមានតម្លៃចាប់ពី ៧៩ ១៩៥ដុល្លារ ស្មើនឹងរថយន្តអគ្គិសនី Tesla Model S។

គួរឲ្យដឹងថា G90 3.3T Premium ប្រើម៉ាស៊ីនចំណុះ ៣,៣លីត្រ Turbocharged ទំហំ ៦ស៊ីឡាំង មានកម្លាំង ៣៦៥សេះ ខណៈ G90 5.0 Ultimate ប្រើម៉ាស៊ីនចំណុះ ៥,០លីត្រ ទំហំ ៨ស៊ីឡាំង មានកម្លាំង ៤២០សេះ។ ពួកវាប្រើប្រអប់លេខអូតូ ៨វគ្គដូចគ្នា។

G90 មានបំពាក់លក្ខណៈពិសេសមកស្តង់ដារជាច្រើន ដូចជា អេក្រង់ Touchscreen ទំហំ ១២,៣អ៊ីង, មុខងារ Apple CarPlay និង Android Auto ព្រមទាំងប្រព័ន្ធជំនួយការបើកបរ ដោយក្នុងនោះរួមមានមុខងារ ដូចជា Rear Cross-traffic Alert, Lane Keeps Assist និង Safe Exit Assist ជាដើម៕

ផ្ទាំងផ្សាយពាណិជ្ជកម្ម

Lamborghini នឹងបញ្ចេញ SUV ម៉ូដែលថ្មីមួយទៀត!

January 13, 2020

យោងតាមគេហទំព័រ Autoblog បានឲ្យដឹងថា ក្រុមហ៊ុន Lamborghini នឹងបញ្ចេញរថយន្ត SUV ម៉ូដែលថ្មីមួយទៀត ហៅថា Urus ST-X។

Lamborghini Urus ST-X នឹងបង្ហាញខ្លួនក្នុងអំឡុងព្រឹត្តិការណ៍ 2020 Lamborghini Super Trofeo World Final ក្នុងទីក្រុង Misano ប្រទេសអ៊ីតាលី នៅថ្ងៃទី៣១ តុលា ដល់ ថ្ងៃទី០១ វិច្ឆិកា ឆ្នាំ២០២០ ខាងមុខនេះ។

ទោះបីជាយ៉ាងណាក៏ដោយ មិនទាន់មានព័ត៌មានលម្អិតបន្ថែម ទាក់ទងនឹងរថយន្ត SUV ថ្មីរបស់ Lamborghini ឡើយ ប៉ុន្តែមានពាក្យចចាមអារ៉ាមថា Urus ថ្មីអាចនឹងប្រើម៉ាស៊ីន Plug-in Hybrid ផងដែរ។

គួរឲ្យដឹងថា រថយន្ត Lamborghini Urus ធម្មតាប្រើម៉ាស៊ីនចំណុះ ៤,០លីត្រ Twin-turbocharged ទំហំ ៨ស៊ីឡាំង មានកម្លាំង ៦៤១សេះ ហើយមានល្បឿនអតិបរមារហូតដល់ទៅ ៣០៥គីឡូម៉ែត្រក្នុងមួយម៉ោង និងមានតម្លៃចាប់ពី ២០០ ០០០ដុល្លារលើទីផ្សារបរទេស។

ដោយឡែក គេរំពឹងថា Urus ST-X នឹងមានដំណើរការខ្លាំងជាងនេះ ហើយក៏មានតម្លៃថ្លៃជាងនេះផងដែរ៕

ផ្ទាំងផ្សាយពាណិជ្ជកម្ម

Lexus ចេញឡាន UX Blue Edition លេងខ្លួនពណ៌ខៀវ រឹតតែស្អាត

January 11, 2020

ក្រៅពីដាក់តាំងបង្ហាញ រថយន្ត NX 300 ម៉ូដែលពិសេសហៅថា Bronze Edition ក្រុមហ៊ុន Lexus ក៏បានដាក់តាំងបង្ហាញរថយន្ត UX ម៉ូដែលពិសេសហៅថា Blue Edition នៅក្នុងកម្មវិធី 2020 Tokyo Auto Salon នាទីក្រុងតូក្យូ ប្រទេសជប៉ុន ផងដែរ។

រថយន្ត Lexus UX Blue Edition មានតួខ្លួនពណ៌ខៀវ Celestial Blue យ៉ាងស្រស់ស្អាត និងទាក់ទាញ ជាងពណ៌ធម្មតាទៅទៀត។

ផលិតផ្អែកលើ UX 200 រថយន្តម៉ូដែលពិសេស Blue Edition នេះ បំពាក់យ៉ាន់ពណ៌ Dark Gray Metallic ទំហំ ១៧អ៊ីង, ហើយរំលេចតួខ្លួនជាមួយពណ៌ខ្មៅ ខណៈលើតាប្លូខាងក្នុងមានរំលេចនូវពណ៌ខៀវ និង កៅអីពណ៌ខ្មៅ ជាមួយថ្នេរដេរពណ៌ស ផងដែរ។

ជាស្តង់ដារ UX Blue Edition បំពាក់ចង្កៀង និងអំពូលកាត់អ័ព្ទ LED, រឺហ្គែរលើដំបូល, ឃ្លុបក្រោយអូតូ និងហ្វ្រាំងជំនួយពេលចូលចតជាដើម។ រថយន្តនេះត្រូវបានដាក់លក់ក្នុងតម្លៃ ៣៦ ៩៥០ដុល្លារ នៅលើទីផ្សារប្រទេសជប៉ុន៕