មិនធម្មតា! រូបរាងរថយន្តប្រណីតថ្មី របស់ក្រុមហ៊ុនចិន Hongqi

January 9, 2020

រថយន្ត Hongqi H9 បានបង្ហាញមុខមាត់ជាផ្លូវការនៅក្នុងប្រទេសចិន ដែលវាជារថយន្ត Sedan ប្រណីតថ្មីស្ថិតនៅក្រោមក្រុមហ៊ុនរថយន្តល្បីរបស់ចិន Hongqi។

រថយន្តនេះមានរចនាបថគួរឲ្យចាប់អារម្មណ៍ ដោយមានរន្ធខ្យល់ខាងមុខទំហំធំ និងមានដំបូលវែងកោងលាតសន្ធឹង។ Hongqi បានប្រាប់ថាម៉ូដែល H9 នេះមិនមែនឌីហ្សាញដោយអតីតបុគ្គលិក Rolls-Royce ដូចរថយន្តមុននោះទេ ប៉ុន្តែដោយស្នាដៃអ្នកឌីហ្សាញរថយន្តចិន Ding Yangfeng។

រថយន្ត H9 ប្រើប្រាស់ម៉ាស៊ីន ២,០ លីត្រ Turbo កម្លាំង ២៥២ សេះ ហើយក៏មានប្រភេទ ៣,០ លីត្រ Supercharged ដែលមានកម្លាំង ២៧២ សេះ។ វាជាម៉ូដែលដំបូងរបស់ Hongqi ដែលមានម៉ាស៊ីន Supercharged ប៉ុន្តែកម្លាំងវាហាក់មិនខ្លាំងក្លានោះទេ បើប្រៀបនឹង ២,០ Turbo។

នៅផ្នែកខាងក្នុងគឺមានជម្រើសកៅអីអង្គុយបួន ឬ ប្រាំ ហើយតាប្លូគឺជាប្រភេទឌីជីថលសុទ្ធសាធទៀតផង។ Hongqi អះអាងថារថយន្តនេះមានសមត្ថភាពបើកបរស្វ័យប្រវត្តិបានក្នុងកម្រិត “L 2.5”។ ចំពោះតម្លៃ និងកាលបរិច្ឆេទចេញលក់នៅមិនទាន់បង្ហាញឲ្យដឹងនោះទេ៕

ផ្ទាំងផ្សាយពាណិជ្ជកម្ម

ក្រសួងប្រាប់វិធីទិញស្លាកលេខពិសេស ដែលមានតម្លៃថោកបំផុត ២លានរៀល (វីដេអូ)

January 8, 2020

ក្រោយពីបានប្រកាសចេញនូវប្រព័ន្ធលេខពិសេសផ្ទាល់ខ្លួនកាលពីម្សិលមិញរួចមក នៅថ្ងៃនេះក្រសួងសាធារណការ និងដឹកជញ្ជូនបានបញ្ចេញវីដេអូខ្លីមួយ ដើម្បីឲ្យមហាជនបានដឹងអំពីនីតិវិធីនៃការទិញលេខចុះបញ្ជីពិសេសផ្ទាល់ខ្លួនសម្រាប់រថយន្ត។

ទស្សនាវីដេអូខាងក្រោមនេះ ៖

គួរដឹងថាស្លាកលេខពិសេសថ្មីនេះ ម្ចាស់យានយន្តអាចធ្វើការជ្រើសរើសលេខ ឬ អក្សរដែលខ្លួនពេញចិត្តបាន ដោយកំណត់ត្រឹម ៨ តួអក្សរ។ តួលេខ ឬអក្សរកាន់តែតិច តម្លៃកាន់តែថ្លៃ ដែលលេខពិសេសនេះមានតម្លៃចាប់ពី ២ លានរៀល ដល់ ១ ពាន់លានរៀលឯណោះ៕

ផ្ទាំងផ្សាយពាណិជ្ជកម្ម

Rolls-Royce លក់រថយន្តបានច្រើនមិនធ្លាប់មានក្នុងប្រវត្តិសាស្ត្រ

January 8, 2020

នៅឆ្នាំ ២០១៩ ក្រុមហ៊ុន Rolls-Royce អាចលក់រថយន្តបានដល់ទៅ ៥ ១៥២ គ្រឿង ដែលមានការកើនឡើង ២៥% បើធៀបនឹងឆ្នាំ ២០១៨ ជាចំនួនលក់ច្រើនបំផុតមួយមិនធ្លាប់មានក្នុងប្រវត្តិសាស្ត្រ ១១៦ ឆ្នាំរបស់ក្រុមហ៊ុន។

SUV កំពូលប្រណីតម៉ូដែល Cullinan បានរួមចំណែកយ៉ាងធំក្នុងការជួយឲ្យចំនួនលក់មានកំណើនខ្ពស់ ហើយម៉ូដែលផ្សេងទៀតដូចជា Phantom Ghost Wraith និង Dawn ក៏មានតម្រូវការខ្ពស់ណាស់ដែរ។

រថយន្ត ៥ ១៥២ គ្រឿង គឺលក់តាមរយៈបណ្ដាញរបស់ក្រុមហ៊ុននៅទូទាំងសកលលោក ដែលមានហាងលក់ចំនួន ១៣៥ កន្លែង ក្នុងប្រទេសជាង ៥០។ ទីផ្សារធំជាងគេរបស់ Rolls-Royce នៅឆ្នាំ ២០១៩ នៅតែជាអាមេរិកខាងជើង តាមពីក្រោយដោយប្រទេសចិន និងអឺរ៉ុប៕

ផ្ទាំងផ្សាយពាណិជ្ជកម្ម

Aston Martin នឹងចេញឡានប្រើម៉ាស៊ីន V12 ថ្មី ផលិតតែ ៨៨គ្រឿងគត់

January 8, 2020

Aston Martin ទើបតែបានប្រកាសពីរថយន្តម៉ូដែលថ្មីមួយ ហៅថា V12 Speedster ដែលនឹងប្រើម៉ាស៊ីនទំហំ ១២ស៊ីឡាំង និងផលិតមានចំនួនកំណត់។

ថ្វីបើប្រកាសចេញរថយន្តថ្មី ប៉ុន្តែ Aston Martin មិនទាន់បានបង្ហាញរូបរាងផ្លូវការរបស់វាឡើយ ក្រៅពីរូប Render មួយសន្លឹក។ ទោះជាយ៉ាងណា Aston Martin V12 Speedster មានការរចនាបំផុសគំនិតតាមរថយន្ត DBR1 និង CC100 Speedster Concept។

V12 Speedster នឹងប្រើម៉ាស៊ីនចំណុះ ៥,២លីត្រ Twin-turbocharged ទំហំ ១២ស៊ីឡាំង មានកម្លាំងរហូតដល់ទៅ ៦៩០សេះ។ រថយន្តនេះនឹងប្រើប៉ុងមួយ វិលកង់ក្រោយ និងប្រអប់លេខអូតូ ZF ៨វគ្គ។

សូមបញ្ចាក់ថា រថយន្តស្ព័ររបស់ Aston Martin នេះ នឹងផលិតត្រឹមតែ ៨៨គ្រឿងប៉ុណ្ណោះ។ ខណៈក្រុមហ៊ុនមិនទាន់ប្រកាសតម្លៃ គេហទំព័រ Top Gear បានប៉ាន់ប្រមាណថា វាអាចនឹងមានតម្លៃចន្លោះពី ៩៨៣ ០០០ដុល្លារ ទៅ ១លានដុល្លារ៕

ផ្ទាំងផ្សាយពាណិជ្ជកម្ម

Mini ចេញឡានបើកដំបូងថ្មីម៉ូដែល Sidewalk ឆ្នាំ២០២០ ឡើងគួរឲ្យស្រលាញ់!

January 8, 2020

ក្រុមហ៊ុន Mini បានបញ្ចេញរថយន្តបើកដំបូងថ្មី ម៉ូដែល Sidewalk ស៊េរីឆ្នាំ២០២០ ជាមួយនឹងជម្រើសពណ៌បែបខ្យូតៗជាច្រើន។

រថយន្តម៉ូដែលពិសេស Mini Sidewalk នេះ បំពាក់យ៉ាន់ ១៧អ៊ីង, មានឡូហ្គូ Sidewalk បញ្ជាក់ថាជាម៉ូដែលពិសេស, ពូកស្បែកមានថ្នេរដេរ និង ដៃចង្កូតស្បែក ជាដើម។ មិនតែប៉ុណ្ណោះ វាបានបំពាក់ចង្កៀងមុខ LED, អំពូលកាត់អ័ព្ទ LED និង ប្រព័ន្ធភ្លើងក្នុងកាប៊ីន ផងដែរ។

រថយន្ត Mini Sidewalk មានម៉ាស៊ីនចំនួន ៣ជម្រើស គឺ ចំណុះ ១,៥លីត្រ ទំហំ ៣ស៊ីឡាំង កម្លាំង ១០២សេះ, កម្លាំង ១៣៦សេះ និង កម្លាំង ១៩២សេះ។ វាប្រើប្រអប់លេខដៃ ៦វគ្គមកស្តង់ដារ ខណៈប្រអប់លេខអូតូ dual-clutch ៧វគ្គ ជា option។

Mini Sidewalk ឆ្នាំ២០២០ នឹងចេញលក់ជាផ្លូវការនៅខែមីនាខាងមុខ ប៉ុន្តែក្រុមហ៊ុនមិនទាន់ប្រកាសតម្លៃរបស់វានៅឡើយទេ៕

ផ្ទាំងផ្សាយពាណិជ្ជកម្ម

ផ្អើលគេផ្អើលឯងអស់! ក្រុមហ៊ុន Sony បង្ហាញរថយន្តអគ្គិសនីឈ្មោះ Sony Vision-S នៅ CES ២០២០ (វីដេអូ)

January 7, 2020

នៅក្នុងព្រឹត្តិការណ៍ពិពរណ៌គ្រឿងអេឡិចត្រូនិចអន្តរជាតិ CES ២០២០ បានធ្វើអោយមហាជនមានការភ្ញាក់ផ្អើលដោយសារតែការបង្ហាញ រថយន្តគំរូ អគ្គិសនីរបស់ខ្លួនជាលើកដំបូង ប្រភេទ Sedan ឈ្មោះ Sony Vison-S។ យើងដឹងហើយថាក្រុមហ៊ុន Sony ជាក្រុមហ៊ុនរបស់ជប៉ុនដែលមានក្រុមហ៊ុនចម្រុះល្បីៗជាច្រើននៅក្នុងនោះ ពីផលិតផលបែបកំសាន្ត កាម៉េរ៉ា និងជាច្រើនផ្សេងទៀត។

រថយន្តនោះមាន Vision-S មានលក្ខណះពិសេស សេនស័រ ៣៣ផ្នែក ដោយបំពាក់ទាំងក្រៅ ក្នុងរថយន្ត មុខងារជាច្រើននៃអេក្រង់ដ៏ធំ Widescreen ឧបករណ៌បំពងសម្លេង ៣៦០ដឺក្រេ និងជាមួយមុខងារភ្ជាប់ជានិច្ច (always-on connectivity) ដោយគ្រឿងបង្គុំមួយចំនួនពីក្រុមហ៊ុន BlackBerry និង Bosch។

វាក៏ជាការផលិតឡើងតាមរយះ “newly-designed EV platform” ដែលមានន័យថា គ្រោងឆ្អឹងរថយន្តអគ្គិសនីដែលរចនាថ្មីជានិច្ច ដោយវិស័យករផលិតពី Magna ហើយ Sony ក៏បានបង្ហាញពីគម្រោងបន្ទាប់ទៀតគឺផលិតរថយន្តប្រភេទ SUVផងដែរ។

សូមទស្សនាវីដេអូ (នាទី ៥.៤៨)៖

ផ្ទាំងផ្សាយពាណិជ្ជកម្ម

ចង់ដាក់ឈ្មោះខ្លួនឯងលើស្លាកលេខឡាន បានហើយចាប់ពីថ្ងៃនេះ! (វីដេអូ)

January 7, 2020

ភ្នំពេញ៖ នៅលើទំផ្លូវការរបស់ក្រសួងសាធារណការ និងដឹកជញ្ជូន បានប្រកាស វត្តមានជាផ្លូវការនៃលេខចុះបញ្ជីពិសេសផ្ទាល់ខ្លួនសម្រាប់រថយន្ត ចាប់ថ្ងៃទី០៧ មករា ២០២០នេះហើយ នៅផ្សារទំនើបអុីអន២ សែនសុខ!!!

ចង់ដឹងពីដំណើរការយ៉ាងនោះ សូមទស្សនាវីដេអូ៖

ផ្ទាំងផ្សាយពាណិជ្ជកម្ម

BMW យកឈ្នះ Mercedes ក្លាយជាម៉ាកប្រណីតកំពូលប្រចាំអាមេរិក

January 7, 2020

BMW បានក្លាយជាក្រុមហ៊ុនរថយន្តប្រណីតអាចលក់រថយន្តបានច្រើនជាងគេនៅអាមេរិក ដោយបិទបញ្ចប់ឆ្នាំ ២០១៩ ក្រុមហ៊ុនអាចលក់រថយន្តបាន ៣២៤ ៨២៦ គ្រឿង។

ចំនួនលក់មានកំណើន ៤,៤% បើធៀបនឹងឆ្នាំ ២០១៨ ហើយ BMW បានលើកឡើងថាកើនឡើងដោយសារម៉ូដែល X3, X5 និង X7។ ក្រុមហ៊ុនបានបញ្ជាក់ដែរថា 3-Series ជំនាន់ថ្មី គឺជារថយន្ត Sedan ដ៏ខ្លាំងក្លាមួយ អាចលក់បានចំនួនច្រើន។

តួលេខបានបង្ហាញថាចំនួនលក់ប្រភេទរថយន្តតួខ្ពស់របស់ BMW បានកើនឡើង ៣៥,៥% ធៀបនឹងឆ្នាំ ២០១៨ ចំណែករថយន្តតួទាបវិញបានធ្លាក់ចុះ ១៤,៤%។

Mercedes នៅមិនឆ្ងាយពី BMW ប៉ុន្មាននោះទេ ដោយលក់រថយន្តបាន ៣១៦ ០៩៤ គ្រឿងនៅឆ្នាំ ២០១៩។ ធៀបនឹងឆ្នាំ ២០១៨ ចំនួនលក់គឺមានការកើនឡើងត្រឹមតែ ១៣៥ គ្រឿងប៉ុណ្ណោះ។

លេខបីគឺ Lexus ដែលអាចលក់រថយន្តបាន ២៩៨ ១១៤ គ្រឿង (ថយចុះ ០,១%)។ ទីបួនគឺ Audi ដែលកើនចំនួនលក់ ០,៤% អាចលក់បាន ២២៤ ១១១ គ្រឿង ហើយទីប្រាំគឺម៉ាករថយន្តប្រណីតរបស់ជប៉ុន Acura ដែលលក់រថយន្តបាន ១៥៧ ៣៨៥ គ្រឿង ថយចុះ ១%៕

ផ្ទាំងផ្សាយពាណិជ្ជកម្ម

ពលរដ្ឋនៅន័រវេស ស្រលាញ់បរិស្ថានខ្លាំង នាំគ្នាទិញឡានអគ្គិសនីជិះព្រោងព្រាត

January 7, 2020

កាលពីឆ្នាំ២០១៩ រថយន្តអគ្គិសនីចំនួន ១៤២ ៣៨១គ្រឿង ត្រូវបានទិញយកទៅប្រើប្រាស់នៅក្នុងប្រទេសន័រវេស។ បើយោងតាមសហព័ន្ធ Norwegian Road Federation បានឲ្យដឹងថា រថយន្តអគ្គិសនីបានរួមចំណែករហូតដល់ទៅ ៤២% នៃចំនួនលក់រថយន្តសរុបប្រចាំឆ្នាំ កើនឡើងពី ៣១% ក្នុងឆ្នាំ២០១៨។

ក្នុងរយៈពេលដូចគ្នានោះ Tesla បានលក់រថយន្តដាច់ចំនួន ១៨ ៧៩៨គ្រឿង ដោយក្នុងនោះរថយន្ត Tesla Model 3 មាន ១៥ ៦៨៣គ្រឿង។

យោងតាមសារព័ត៌មាន Bloomberg ឲ្យដឹងថា ន័រវេស គឺជាប្រទេសប្រើប្រាស់រថយន្តអគ្គិសនីដ៏ធំមួយ ដោយសារតែពលរដ្ឋស្រលាញ់បរិស្ថានខ្លាំង និងការលើកលែងពន្ធសម្រាប់រថយន្តអគ្គិសនីផងដែរ។

គួរឲ្យដឹងផងដែរថា ន័រវេស គឺជាទីផ្សារធំបំផុតលំដាប់ទី៣ របស់ក្រុមហ៊ុនរថយន្តអគ្គិសនី Tesla ហើយរថយន្តដែលលក់ដាច់ខ្លាំងបំផុតគឺ Model 3 និង Nissan Leaf។ មិនតែប៉ុណ្ណោះ ន័រវេស មានមហិច្ឆតាចង់ឲ្យពលរដ្ឋប្រើរថយន្តអគ្គិសនីសុទ្ធ ត្រឹមឆ្នាំ២០២៥ ទៀតផង៕

ផ្ទាំងផ្សាយពាណិជ្ជកម្ម

Lamborghini ចេញឡាន Huracan EVO ថ្មី ប្រើប៉ុងមួយ តែអះអាងថាសប្បាយបើកជាងមុន

January 6, 2020

Lamborghini បានបញ្ចេញរថយន្តស្ព័រម៉ូដែលថ្មីមួយទៀតហៅថា Huracan EVO RWD ដែលប្រើប្រព័ន្ធបើកបរប៉ុងមួយវិលកង់ក្រោយ។

ក្រុមហ៊ុនរថយន្តស្ព័រអ៊ីតាលីខាងលើអះអាងថា Huracan EVO RWD នឹងផ្តល់បទពិសោធន៍បើកបរកាន់តែអស្ចារ្យ និងសប្បាយជាង រថយន្ត Huracan EVO AWD ដែលប្រើប៉ុងពីរទៅទៀត។

រថយន្ត Huracan EVO RWD បំពាក់ម៉ាស៊ីនចំណុះ ៥,២លីត្រ Naturally-aspirated ទំហំ ១០ស៊ីឡាំង មានកម្លាំង ៦០២សេះ ហើយប្រើប្រអប់លេខ dual-clutch ៧វគ្គ និងមានមុខងារ Launch Control។ វាអាចជាន់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៣,៣វិនាទី ហើយមានល្បឿនអតិបរមា ៣២៥គីឡូម៉ែត្រក្នុងមួយម៉ោង។

ថ្វីបើវាស្ទុះយឺតជាង Huracan EVO AWD ប៉ុន្តែ Lamborghini អះអាងថា Huracan EVO RWD ត្រូវបានបង្កើតឡើងដើម្បីឲ្យការបើកបរ កាន់តែសប្បាយ ទាំងលើផ្លូវសើម និងផ្លូវស្ងួត។ ក្នុងនោះវាបានបំពាក់ប្រព័ន្ធទប់លំនឹង Performance Traction Control System (P-TCS) ផងដែរ។