BMW X3 ប្រើម៉ាស៊ីន Plug-in Hybrid ឆ្នាំ២០២០ ស៊ីសាំងតិចសឹងស្មើម៉ូតូ

January 6, 2020

ក្រុមហ៊ុន BMW បានបង្ហាញតម្លៃរថយន្ត X3 xDrive30e ស៊េរីឆ្នាំ២០២០ ដំណើរការដោយម៉ាស៊ីន Plug-in Hybrid ដែលនឹងមានលក់នៅក្នុងត្រីមាសទី១ នៅសហរដ្ឋអាមេរិក។

រថយន្ត SUV ប្រណីតខ្នាតតូចនេះនឹងមានតម្លៃចាប់ពី ៤៩ ៥៤៥ដុល្លារ ហើយជាគូប្រជែងនៃរថយន្ត Mercedes-Benz GLC 350e (៥១ ៦៤៥ដុល្លារ) និង Volvo XC60 T8 (៥៤ ៩៤៥ដុល្លារ)។

X3 xDrive30e ប្រើម៉ាស៊ីន Plug-in Hybrid ចំណុះ ២,០លីត្រ Turbocharged ទំហំ ៤ស៊ីឡាំង មានកម្លាំង ១៨១សេះ និងម៉ូទ័រអគ្គិសនីមួយកម្លាំង ១០៧សេះ សរុប ២៨៨សេះ។ វាអាចជាន់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៦,១វិនាទី ហើយមានល្បឿនអតិបរមា ២១០គីឡូម៉ែត្រក្នុងមួយម៉ោង។ SUV នេះប្រើប្រអប់លេខអូតូ ៨វគ្គ និងប្រព័ន្ធប៉ុងពីរ អាចអូសសណ្តោងបានទម្ងន់ ២តោនឯណោះ។

ម៉ាស៊ីន Plug-in Hybrid នេះ អាចឲ្យ X3 xDrive30e បើកបរដោយថាមពលអគ្គិសនីសុទ្ធចម្ងាយ ៣២គីឡូម៉ែត្រ ហើយមានកម្រិតស៊ីសាំងត្រឹមតែ ២,៤ ទៅ ២,១លីត្រប៉ុណ្ណោះ សម្រាប់ការបើកបរចម្ងាយ ១០០គីឡូម៉ែត្រ៕

ផ្ទាំងផ្សាយពាណិជ្ជកម្ម

Lexus លក់ឡាន LX 570 បានប៉ុន្មានគ្រឿងនៅឆ្នាំមុន?

January 6, 2020

២០២០ ចូលមកដល់ ក្រុមហ៊ុនផលិតរថយន្តចាប់ផ្ដើមបញ្ចេញរបាយការណ៍អំពីចំនួនលក់ប្រចាំឆ្នាំ ២០១៩។ ក្នុងនោះ Lexus បានបង្ហាញអំពីចំនួនលក់នៅឆ្នាំមុន ដែលមានសរុប ២៩៨ ១១៤ គ្រឿង ថយចុះ ០,១% ធៀបនឹងឆ្នាំមុន។

សម្រាប់ផ្នែករថយន្តតួទាបភាគច្រើនគឺមានការថយចុះ។ ជាក់ស្ដែងម៉ូដែល IS លក់បាន ១៤ ៩២០ គ្រឿង (ថយចុះ ៣៤,៩%) ម៉ូដែល GS លក់បាន ៣៣ ៧៨០ គ្រឿង (ថយចុះ ៤៨,៨% )ម៉ូដែល LS លក់បាន ៥ ៥២៨ គ្រឿង (ថយចុះ ៤០,៦%) និងម៉ូដែល LC លក់បាន ១ ២១៩ គ្រឿង (ថយចុះ ៣៨,៤%)។ ម៉ូដែល ES នៅតែជារថយន្ត Sedan លក់ដាច់បានច្រើនជាងគេរបស់ Lexus ដែលលក់បាន ៥១ ៣៣៦ គ្រឿង (កើនឡើង ៥,៩%) និងម៉ូដែល RC លក់បាន ៤ ៥៩១ គ្រឿង (កើនឡើង ៣៦,៧%)។

សម្រាប់ផ្នែក SUV ម៉ូដែល UX ដែលទើបចេញលក់នៅចុងឆ្នាំ ២០១៨ អាចលក់បាន ១ ៩៣៣ គ្រឿង (កើនឡើង ៣ ៥៩២%) ម៉ូដែល NX លក់បាន ៥៨ ៧១៥ គ្រឿង (ថយចុះ ៥,៤%) ម៉ូដែល RX លក់ដាច់បានច្រើនជាងគេគឺ ១១១ ០៣៦ គ្រឿង (ថយចុះ ០,៥%) ម៉ូដែល GX លក់បាន ២៥ ៩៤៥ គ្រឿង (ថយចុះ ២,៩%) និងម៉ូដែលចំណាស់ LX លក់បាន ៤ ៧១៨ គ្រឿង (ថយចុះ ០,៧%)៕

ផ្ទាំងផ្សាយពាណិជ្ជកម្ម

ភីកអាប់ RAM ហក់ឡើងដល់លេខ ២ នៅអាមេរិក

January 6, 2020

ដោយសារកំណើនលក់ខ្លាំងក្លាក្នុងឆ្នាំ ២០១៩ ធ្វើឲ្យម៉ាករថយន្តភីកអាប់ Ram Trucks វ៉ាផុត ម៉ាករថយន្តភីកអាប់លេខ ២ នៅសហរដ្ឋអាមេរិកកាលពីឆ្នាំ ២០១៨ គឺ Chevrolet។

សរុបនៅឆ្នាំ ២០១៩ ក្រុមហ៊ុន Ram Trucks អាចលក់រថយន្តភីកអាប់បាន ៦៣៣ ៦៩៤ គ្រឿង ប្រៀបធៀបនឹងចំនួនលក់ ៥៧៥ ៦០០ គ្រឿង របស់ក្រុមហ៊ុន Chevrolet។ ចំនួនលក់នេះដែរគឺមានការកើនឡើង ១៨% បើធៀបនឹងឆ្នាំមុន ហើយវាជាកំណត់ត្រាថ្មីសម្រាប់ម៉ាកនេះ តាំងពីពេលបំបែកខ្លួនពីក្រុមហ៊ុន Dodge នៅឆ្នាំ ២០០៩ មក។

Ram 1500 គឺជាម៉ូដែលដែលលក់ដាច់បានច្រើនជាងគេ ហើយម៉ូដែលនេះបានផ្លាស់ប្ដូររូបរាងថ្មីទាំងស្រុងសម្រាប់ស៊េរីឆ្នាំ ២០១៩។ ប៉ុន្តែចំនួនលក់បានកើនឡើងក៏ដោយសារការសម្រេចចិត្តរបស់ក្រុមហ៊ុនក្នុងការបន្តផលិតរថយន្ត Ram 1500 ជំនាន់មុន ដោយប្រើឈ្មោះថា Ram 1500 Classic៕

ផ្ទាំងផ្សាយពាណិជ្ជកម្ម

យូរឆ្នាំហើយ ចំនួនលក់ Land Cruiser នៅតែខ្លាំងក្លា

January 4, 2020

Toyota បានបង្ហាញចេញចំនួនលក់រថយន្តប្រចាំឆ្នាំ ២០១៩ ដែលរយៈពេល ១២ ខែកន្លងមកនេះ ក្រុមហ៊ុនអាចលក់រថយន្តបាន ២ ០៨៥ ២៣៥ គ្រឿង មានការថយចុះ ២,០% បើធៀបនឹងឆ្នាំមុន។

បើមើលលើចំនួនលក់ ច្បាស់ណាស់ថា Toyota ត្រូវការកែសម្រួលរថយន្តចំណាស់ៗមួយចំនួនរបស់ខ្លួន។ ប៉ុន្តែគេភ្ញាក់ផ្អើលពេលឃើញថាចំនួនលក់របស់ Land Cruiser ដែលជារថយន្តមានអាយុកាលចាស់ជាងគេនោះ មានការកើនឡើងចំនួនលក់។

Toyota អាចលក់ចេញ Land Cruiser បាន ៣ ៥៣៦ គ្រឿង ដែលមានការកើនឡើង ៩,៧%។ រថយន្ត SUV មួយទៀតដែលកើនចំនួនលក់គឺ RAV4 ដែលលក់បាន ៤៤៨ ០៧១ គ្រឿង កើនឡើង ៤,៩%។ គួរដឹងថាចាប់ផ្ដើមពី ២០២០ ទៅ ក្រុមហ៊ុន Toyota នឹងសម្រុកបញ្ចេញរថយន្តថ្មីៗ ដោយក្នុងរយៈពេល ៣៦ ខែខាងមុខ នឹងមានការប្រកាសចេញថ្មី ៣១ លើក។

លោក Jack Hollis អនុប្រធាននិងនាយកគ្រប់គ្រងទូទៅនៃសាខា Toyota បានលើកឡើងថា ៖ “២០១៩ គឺជាឆ្នាំដ៏ខ្លាំងក្លាសម្រាប់ Toyota។ យើងនៅអាចរក្សាតំណែងលេខមួយផ្នែក Hybrid, រថយន្តធម្មតា, រថយន្ត SUV, រថយន្តដឹកទំនិញខ្នាតតូច និងចំនួនលក់រាយ។ ប៉ុន្តែយើងមិនឈប់ត្រឹមនេះទេ។ យើងកំពុងត្រៀមខ្លួនសម្រាប់ឆ្នាំ ២០២០ ដែលកាន់តែប្រសើរជាងនេះ ដោយនឹងបញ្ចេញរថយន្តថ្មី នឹងបន្តឈរតំណែងកំពូលផ្នែក Hybrid បន្តទៀត៕”

ផ្ទាំងផ្សាយពាណិជ្ជកម្ម

ចំនួនលក់រថយន្តនៅជប៉ុនធ្លាក់ចុះ ក្រោយដំឡើងថ្លៃពន្ធ

January 4, 2020

ចំនួនលក់រថយន្តថ្មីនៅក្នុងប្រទេសជប៉ុនបានធ្លាក់ចុះជាលើកដំបូងក្នុងរយៈពេល ៣ឆ្នាំចុងក្រោយ បន្ទាប់ពីមានការដំឡើងពន្ធក្នុងត្រីមាសទី៤ នៃឆ្នាំ២០១៩។

រថយន្តប្រមាណ ៥,២គ្រឿងត្រូវបានទិញយកទៅប្រើប្រាស់ នៅក្នុងឆ្នាំ២០១៩ ធ្លាក់ចុះបន្តិច បើប្រៀបធៀបនឹងឆ្នាំ២០១៨ សរុបចំនួន ៥,២៧លានគ្រឿង។

ការធ្លាក់ចុះនៃចំនួនលក់នេះ បណ្តាលមកពីការដំឡើងពន្ធប្រើប្រាស់ ពី ៨% ទៅ ១០% កាលពីថ្ងៃទី០១ តុលា ឆ្នាំ២០១៩ បង្កឲ្យចំនួនលក់ធ្លាក់ចុះ ២៥% ក្នុងខែតុលា និង ១៣% ក្នុងខែវិច្ឆិកា។

ការធ្លាក់ចុះនៃចំនួនលក់នេះទៀតសោធ ត្រូវគេរំពឹងថា នឹងបន្តកើតឡើងនៅឆ្នាំ២០២០ នេះទៀត។ សមាគមន៍ Japan Automobile Tyre Manufacturers Association បានរំពឹងចំនួនលក់ត្រឹមក្រោម ៥,១លានគ្រឿងប៉ុណ្ណោះសម្រាប់ឆ្នាំ២០២០៕

ផ្ទាំងផ្សាយពាណិជ្ជកម្ម

Tesla បញ្ចុះតម្លៃឡាន Model 3 នៅចិន ដូចដែលសន្យាមែន

January 4, 2020

Tesla បានធ្វើការបញ្ចុះតម្លៃរថយន្ត Model 3 ដែលផលិតនៅប្រទេសចិន សម្រាប់ទីផ្សារប្រទេសចិនដែលពេលនេះមានតម្លៃចាប់ពី ២៩៩ ០៥០ យ័ន ស្មើប្រមាណ ៤២ ៩០០ ដុល្លារ ថយចុះ ១៦%។

Tesla បានប្រាប់ឲ្យដឹងថាការបញ្ចេញរថយន្ត Model 3 ផលិតក្នុងស្រុកនឹងចាប់ផ្ដើមជាផ្លូវការនៅថ្ងៃទី ៧ ខែមករា។ អំឡុងកម្មវិធីពិសេសមួយ Tesla បានដឹកជញ្ជូនរថយន្ត ១៥ គ្រឿងដំបូងចេញពីរោងចក្រទៅឲ្យបុគ្គលិករបស់ខ្លួន ក្រោយពីរោងចក្រនៅសៀងហៃចាប់ផ្ដើមសាងសង់បានត្រឹមមួយឆ្នាំប៉ុណ្ណោះ។

គួរដឹងថា ៣០% នៃគ្រឿងសម្ភារៈផលិតគឺមានការផ្គត់ផ្គង់ពីក្នុងស្រុក ចំណែកនៅសេសសល់គឺដឹកជញ្ជូនពីក្រៅស្រុក។ ប៉ុន្តែក្រុមហ៊ុនមានគោលបំណងថានឹងអាចមានការផ្គត់ផ្គង់ ១០០% ពីដៃគូនៅប្រទេសចិននៅត្រឹមឆ្នាំ ២០២០៕

ផ្ទាំងផ្សាយពាណិជ្ជកម្ម

ឡានប្រណីត Genesis របស់កូរ៉េ កំពុងលក់ដាច់ខ្លាំងនៅអាមេរិក

January 4, 2020

២០១៩ គឺជាឆ្នាំដ៏ពិសេសមួយរបស់ក្រុមហ៊ុនរថយន្តប្រណីតកូរ៉េ Genesis (ក្រុមហ៊ុនមែកធាងរបស់ Hyundai) ខណៈក្រុមហ៊ុនេះលក់រថយន្តដាច់បានចំនួន ២១ ២៣៣គ្រឿងនៅសហរដ្ឋអាមេរិក។ តួលេខនេះកើនឡើងទ្វេដងបើប្រៀបធៀបនឹងឆ្នាំ២០១៨ ត្រឹម ១០ ៣១១គ្រឿង។

តួលេខនេះបានបង្ហាញឲ្យឃើញយ៉ាងច្បាស់ថា រថយន្ត Genesis កំពុងទទួលបានការចាប់អារម្មណ៍ខ្លាំង និងទីផ្សារធំទៅៗ។

គួរឲ្យដឹងថា ក្រុមហ៊ុន Genesis បានលក់រថយន្តប្រភេទ Sports Sedan ម៉ូដែល G70 ដាច់ច្រើនបំផុត សរុប ១១ ៩០១គ្រឿង។ ដោយឡែក រថយន្ត Sedan ខ្នាតធំ ដូចជាម៉ូដែល G80 និង G90 លក់បានត្រឹម ៧ ០៩៤គ្រឿង និង ២ ២៣៨គ្រឿងប៉ុណ្ណោះ ក្នុងឆ្នាំ២០១៩។

យ៉ាងណាមិញ គម្រោងដ៏ធំសម្រាប់ក្រុមហ៊ុនរថយន្តប្រណីតខាងលើ គឺការបញ្ចេញលក់ SUV ដំបូងបង្អស់របស់ខ្លួន ម៉ូដែល GV80 និង GV70 ព្រមទាំងរថយន្តអគ្គិសនីមួយទៀតផង៕

ផ្ទាំងផ្សាយពាណិជ្ជកម្ម

Tesla កាន់តែជិតផលិតបានអាគុយជិះបាន ១ លានម៉ាយ

January 3, 2020

Tesla ទំនងជាបោះជំហានកាន់តែជិតក្នុងការបង្កើតអាគុយ ដែលក្រុមហ៊ុនអះអាងថានឹងអាចបើកបរបានដល់ចម្ងាយ ១ លានម៉ាយ (១,៦ លានគីឡូម៉ែត្រ) ឯណោះ។

ក្រុមហ៊ុនអាមេរិកនេះបានសហការជាមួយអ្នកជំនាញរូបវិទ្យាមកពីសកលវិទ្យាល័យកាណាដា Dalhousie University ហើយគេបានចុះប៉ាតង់សម្រាប់បច្ចេកវិទ្យាអាគុយលីចូមថ្មី ដែលអះអាងថាមានអាយុកាលលើសអាគុយលីចូមដែលប្រើប្រាស់លើរថយន្តអគ្គិសនីដទៃទៀតភាគច្រើន។

លោក Elon Musk បានប្រាប់ឲ្យដឹងអំពីកិច្ចការនេះកាលពីខែមេសា ឆ្នាំ ២០១៩។ អាគុយប្រភេទនេះអាចមិនសំខាន់សម្រាប់អតិថិជន Tesla ទូទៅនោះទេ ដោយសារអាយុកាលដែលគេប្រើប្រាស់រថយន្តជាមធ្យមនៅអាមេរិកគឺប្រមាណ ១៥០ ០០០ ម៉ាយ ប៉ុណ្ណោះ។ យ៉ាងណាក្ដីអាគុយនេះអាចសំខាន់សម្រាប់រថយន្តដឹកទំនិញចម្ងាយឆ្ងាយ ដែលជាទូទៅបើកបរចម្ងាយរហូតដល់ ១៥០ ០០០ ម៉ាយក្នុងមួយឆ្នាំ៕

ផ្ទាំងផ្សាយពាណិជ្ជកម្ម

Lexus ថយចុះចំណែកទីផ្សារនៅអាមេរិក

January 3, 2020

តាមតួលេខនៃការលក់របស់ Edmunds បានបង្ហាញថាទំហំទីផ្សាររបស់រថយន្ត Lexus នៅសហរដ្ឋអាមេរិកបានថយចុះមកនៅត្រឹម ១៣% ធ្លាក់ចំណុចកំពូល ១៨% ដែលមានកាលពី ១០ ឆ្នាំមុន។

នេះក៏ដោយសារតែរថយន្ត SUV ខ្នាតធំរបស់ Lexus ម៉ូដែល Lexus GX និង Lexus LX មិនទាន់មានការផ្លាស់ប្ដូរថ្មីឲ្យឃើញជាដំកំភួននៅឡើយទេ។ រថយន្តទាំងពីរនៅប្រើប្រាស់គ្រោងឆ្អឹងចាស់ និងប្រើប្រាស់ប្រព័ន្ធកម្សាន្តចាស់ដដែល។ ចំណែក Lexus RX ដែលចេញជាប្រភេទកៅអី ៣ ជួរនៅឆ្នាំ ២០១៧ មិនឃើញមានការចាប់អារម្មណ៍ខ្លាំងពីអតិថិជនដូចដែលក្រុមហ៊ុនរំពឹងទុកនោះឡើយ។

យ៉ាងណាក្ដីបើតាមនាយកគ្រប់គ្រងទូទៅរបស់សាខា Lexus ប្រចាំនៅ Maryland បានមានជំនឿជាក់ថា ៖ “យើងនឹងឃើញ Lexus កើនឡើងចំណែកទីផ្សារឡើងវិញក្នុងរយៈពេល ២ ៣ ៤ ៥ ឆ្នាំ និងជារៀងដរាបតទៅ។”

បើតាមការចេញផ្សាយកន្លងទៅ រថយន្ត Lexus LX ដែលមានការផ្លាស់ប្ដូររូបរាងថ្មីទាំងស្រុង នឹងលេចមុខនៅឆ្នាំ ២០២១ ខាងមុខ។ ប៉ុន្តែ Lexus នឹងត្រូវប្រឈមមុខនឹងគូប្រជែងថ្មីពីកូរ៉េខាងត្បូង គឺក្រុមហ៊ុន Genesis ដែលក្រុមហ៊ុននេះនឹងបញ្ចេញរថយន្ត SUV ប្រណីតខ្នាតធំក្នុងពេលដ៏ខ្លីខាងមុខនេះ។

ទន្ទឹងនឹងនេះដែរ រថយន្ត ៣ ម៉ូដែលរបស់ Lexus ជាប់ជារថយន្តគួរឲ្យទុកចិត្តបំផុតក្នុងចំណោមរថយន្តកំពូលទាំង ១០ នៅក្នុងតារាងរបស់ Consumer Reports៕

ផ្ទាំងផ្សាយពាណិជ្ជកម្ម

ពិតអត់ Toyota កំពុងធ្វើតេស្ត Supra ម៉ាស៊ីន៨?

January 3, 2020

មនុស្សមួយចំនួននៅតែត្អួញត្អែរចំពោះរថយន្ត Toyota Supra ឆ្នាំ២០២០ ដែលប្រើម៉ាស៊ីនរបស់ BMW។

បើទោះបីជាម៉ាស៊ីនទំហំ ៦ស៊ីឡាំង (B58) របស់ BMW គឺជាម៉ាស៊ីនដ៏អស្ចារ្យមួយ ប៉ុន្តែមនុស្សមួយចំនួននៅតែឆ្ងល់ថា ហេតុអ្វី Toyota មិនព្រមបង្កើតម៉ាស៊ីន 3JZ ទំហំ ៦ស៊ីឡាំង ដើម្បីជំនួសម៉ាស៊ីន 2JZ ដ៏ល្បីរបស់ខ្លួន ខណៈអ្នកខ្លះទៀតចង់ឲ្យប្រើម៉ាស៊ីនចំណុះ ៥,០លីត្រ ទំហំ ៨ស៊ីឡាំងរបស់ Lexus RC F និង LC 500 តែម្តង។

ថ្មីៗនេះ Channel YouTube មួយមានឈ្មោះថា Nenkatsu បានបង្ហោះវីដេអូមួយបង្ហាញឲ្យឃើញ Toyota ធ្វើតេស្តរថយន្ត Supra ដែលមានសំឡេងដូចម៉ាស៊ីនទំហំ ៨ស៊ីឡាំង។

រថយន្ត Supra ក្នុងវីដេអូនោះត្រូវបានគេហៅថា Supra GT300 ហើយវាត្រូវបានបង្កើតឡើងដើម្បីប្រណាំងនៅក្នុងកម្មវិធី GT Series របស់ប្រទេសជប៉ុន។ កម្មវិធីនេះផ្តល់សិទ្ធិអាចឲ្យអ្នកប្រកួតកែច្នៃ និងផ្លាស់ប្តូរគ្រប់យ៉ាង ដូចជា Aerodynamics, ប្រព័ន្ធជើងក្រោម និងម៉ាស៊ីនផងដែរ។