Bentley អាចនឹងចេញលក់ឡានអត់ប្រើសាំង ដំបូងបង្អស់របស់ខ្លួន នៅឆ្នាំ២០២៥

January 2, 2020

ក្រុមហ៊ុនរថយន្តអង់គ្លេស Bentley ជឿជាក់ថា ខ្លួនអាចនឹងមានរថយន្តអគ្គិសនីផ្ទាល់ខ្លួនរត់លើដងផ្លូវ នៅឆ្នាំ២០២៥ ខាងមុខនេះ។

លោក Adrian Hallmark ប្រធានក្រុមហ៊ុន Bentley បានប្រាប់គេហទំព័រ Auto News ឲ្យដឹងថា រថយន្តអគ្គិសនីនឹងដើរតួយ៉ាងសំខាន់បំផុតមួយ នាពេលអនាគត នៃក្រុមហ៊ុនផលិតរថយន្តអង់គ្លេស។

លោក Hallmark បង្ហើបឲ្យដឹងថា “យើងបាននិយាយរួចមកហើយថា ឆ្នាំ២០២៥ គឺជាពេលលឿនបំផុតដែលយើងអាចមានរថយន្ត Bentley អគ្គិសនី”។

ជាមួយគ្នានេះ ប្រធានក្រុមហ៊ុនខាងលើបានឲ្យដឹងទៀតថា រថយន្តអគ្គិសនីរបស់ Bentley ដំបូងបង្អស់ នឹងកែច្នៃចេញពីម៉ូដែលណាមួយ ដែលកំពុងមានលក់ពេលបច្ចុប្បន្ននេះ។

លើសពីនេះទៅទៀត លោក Hallmark បានបន្ថែមថា មហិច្ឆតារបស់ក្រុមហ៊ុន Bentley គឺប្រើប្រាស់គ្រោងឆ្អឹង PPE ដែលកំពុងត្រូវបានផលិតជាមួយ ក្រុមហ៊ុន Porsche និង Audi៕

ផ្ទាំងផ្សាយពាណិជ្ជកម្ម

Ford មានដំណោះស្រាយថ្មី ដើម្បីលក់ Ranger Raptor នៅអាមេរិកបាន

January 2, 2020

Ford Ranger ត្រូវបានដាក់លក់សារជាថ្មីនៅសហរដ្ឋអាមេរិកកាលពីឆ្នាំ ២០១៩ ប៉ុន្តែអតិថិជនខកចិត្តបន្តិចត្រង់ថាគ្មានប្រភេទ Ranger Raptor។

គួរដឹងថា Ranger Raptor នេះមានលក់តែនៅទីផ្សារក្រៅសហរដ្ឋអាមេរិកដូចជាថៃ និងអូស្ត្រាលី ដែលវាមានបំពាក់ម៉ាស៊ីនម៉ាស៊ូត Twin-Turbo ៤ ស៊ីឡាំង កម្លាំង ២១០ សេះ។ ដោយសារម៉ាស៊ីននេះមិនត្រូវនឹងស្តង់ដារឧស្ម័ននៅអាមេរិកខាងជើង ទើបរថយន្តនេះមិនមានលក់នៅសហរដ្ឋអាមេរិក។

បើតាមសារព័ត៌មានអូស្ត្រាលី Which Car បានឲ្យដឹងថ្មីៗនេះថា Ford កំពុងត្រៀមរៀបចំ Ranger Raptor ដែលដំណើរការដោយម៉ាស៊ីន V8 ចំណុះ ៥,០ លីត្រ របស់រថយន្ត Mustang GT។ របាយការណ៍បានអះអាងទៀតថាគម្រោងការនេះកំពុងចាត់ចែងដោយក្រុមវិស្វករ Ford Australia។ គេមិនទាន់បញ្ជាក់បាននៅឡើយទេថាគម្រោងការនេះនឹងធ្វើឡើងសម្រាប់រថយន្តលក់នៅអូស្រ្តាលីឬយ៉ាងណានោះ។ វាអាចជាដំណឹងល្អមួយសម្រាប់អតិថិជននៅអាមេរិក ដោយសារម៉ាស៊ីន V8 របស់ Mustang គឺអាចប្រើប្រាស់នៅអាមេរិកបាន។ មានន័យថាបើសិនមាន Ranger Raptor ប្រើម៉ាស៊ីន V8 នោះអាចនឹងមានឈ្មួញនាំរថយន្តពីអូស្ត្រាលីទៅលក់នៅអាមេរិកក៏ថាបាន៕

ផ្ទាំងផ្សាយពាណិជ្ជកម្ម

វីដេអូបង្ហាញរូបរាងស្រស់ៗនៃរថយន្ត Bugatti ដែលប្រើពេលផលិត ៣ឆ្នាំ

January 2, 2020

ដូចបានដឹងម្ដងរួចមកហើយអំពីរថយន្ត Bugatti Chiron Hermès Edition ជារថយន្តកំពូលប្រណីតមានតែមួយគ្រឿងគត់ក្នុងលោក និងចំណាយពេលផលិតរហូតដល់ប្រមាណ ៣ ឆ្នាំឯណោះ។

ពេលនេះវាត្រូវបានដឹកជញ្ជូនទៅកាន់ម្ចាស់របស់វានៅសហរដ្ឋអាមេរិក ហើយមានការបង្ហាញរូបរាងច្បាស់ៗតាមរយៈវីដេអូដែលមានរយៈពេល ១០ នាទី។ ក្នុងវីដេអូមានបង្ហាញអំពីដំណើរការកុម្ម៉ង់ទិញរថយន្ត និងមានបង្ហាញមុខម្ចាស់រថយន្តគឺលោក Manny Khoshbin ជាអ្នកប្រមូលទិញរថយន្តកម្រៗដ៏ល្បីឈ្មោះ។ ចង់ដឹងយ៉ាងណាទស្សនាវីដេអូខាងក្រោម ៖

ផ្ទាំងផ្សាយពាណិជ្ជកម្ម

Mazda ថា ឡានអគ្គិសនីប្រភេទ Long-range បំពុលបរិស្ថានខ្លាំងជាងឡានម៉ាស៊ូតទៀត!

December 31, 2019

កាលពីពេលថ្មីៗកន្លងទៅនេះ Mazda បានបញ្ចេញរថយន្តអគ្គិសនីដំបូងបង្អស់របស់ខ្លួន ម៉ូដែល MX-30 ដែលប្រើកញ្ចប់អាគុយកម្លាំងត្រឹម ៣៥,៥គីឡូវ៉ាត់ម៉ោងប៉ុណ្ណោះ ស្របពេលដែលក្រុមហ៊ុនដទៃទៀតប្រើកញ្ចប់អាគុយធំជាងនេះឆ្ងាយ។

យោងតាមប្រធានផ្នែកស្រាវជ្រាវរបស់ក្រុមហ៊ុន Mazda លោក Christian Schultze បានឲ្យដឹងថា ការប្រើប្រាស់កញ្ចប់អាគុយតូចបែបនេះ គឺដើម្បីជួយដល់ផែនដី។

លោក Christian បានប្រាប់គេហទំព័រ Automotive News ថា កញ្ចប់អាគុយតូច គឺជាទំហំសមល្មមចំពោះការបំភាយឧស្ម័យកាបូនិក (CO2 emission) ដោយក្នុងនោះគិតទាំងការផលិត និងការប្រើប្រាស់ថាមពល។ ផ្ទុយទៅវិញ រថយន្តអគ្គិសនីប្រភេទ Long-range នឹងបំពុលដល់បរិស្ថានខ្លាំង។

មិនតែប៉ុណ្ណោះ ក្រុមហ៊ុន Mazda បានអះអាងថា កញ្ចប់អាគុយកម្លាំង ៩៥គីឡូវ៉ាត់ម៉ោង (មានបំពាក់លើ Tesla Model S និង Model X) នឹងតម្រូវឲ្យមានការបំភាយខ្លាំង។ លើសពីនេះទៅទៀត វានឹងកាន់តែអាក្រក់លើសដើម នៅពេលអ្នកផ្លាស់ប្តូរកញ្ចប់អាគុយថ្មី ក្រោយប្រើរួច ១៦០ ០០០គីឡូម៉ែត្រ (ឬ ១០០ ០០០ម៉ាយ៍)៕

ផ្ទាំងផ្សាយពាណិជ្ជកម្ម

Elon Musk ចង់បង្កើតផ្លូវក្រោមដី អាចការពារគ្រោះរញ្ជួយដី សម្រាប់ឡានអគ្គិសនី

December 31, 2019

CEO ក្រុមហ៊ុន Tesla លោក Elon Musk មានគម្រោងចង់សាងសង់ផ្លូវក្រោមដីជាច្រើនកន្លែង ក្រោមទីក្រុងធំៗមួយចំនួន។

ថ្មីៗលោក Elon បានបង្ហោះ Poll នៅលើបណ្តាញសង្គម Twitter ដើម្បីឲ្យអ្នកប្រើប្រាស់ធ្វើការបោះឆ្នោត លើផ្លូវក្រោមដីដែលអាចការពារគ្រោះរញ្ជួយដី នៅក្រោមទីក្រុងធំៗ ដើម្បីដោះស្រាយបញ្ហាស្ទះចរាចរ ដោយក្នុងនោះទទួលបានការបោះឆ្នោតសរុប ១ ៤៥៨ ៥៤៨នាក់។

ក្នុងនោះដែរ លោក Elon បានអះអាងថា ផ្លូវក្រោមដីនោះសម្រាប់តែរថយន្តអគ្គិសនីប៉ុណ្ណោះ មិនឲ្យមានផ្សែងបំពុលឡើយ។

គួរឲ្យដឹងថា បច្ចុប្បន្នគេកំពុងសាងសង់ផ្លូវក្រោមដីពី Las Vegas Convention Center ទៅកាន់ Strip courtesy of The Boring Company ក្នុងទីក្រុង Winchester រដ្ឋ Nevada សហរដ្ឋអាមេរិក ដែលរំពឹងថានឹងរួចរាល់នៅឆ្នាំ២០២០។ គម្រោងនោះមានផ្លូវក្រោមដីចំនួន២ ដែលអ្នកដំណើរនឹងធ្វើដំណើរតាមរថយន្តបើកបរស្វ័យប្រវត្តិ មានល្បឿនដល់ទៅ ២៥០គីឡូម៉ែត្រក្នុងមួយម៉ោងឯណោះ៕

ផ្ទាំងផ្សាយពាណិជ្ជកម្ម

Toyota Yaris ឆ្នាំ ២០២០ លេងរូបរាងបែប TRD ប្លែកភ្នែកមិនធម្មតា

December 31, 2019

Toyota នឹងធ្វើការបង្ហាញចេញរថយន្ត Yaris GR ថ្មីនៅក្នុងកម្មវិធីតាំងបង្ហាញរថយន្ត Tokyo Auto Salon ប៉ុន្តែក្នុងពេលដំណាលគ្នានោះក្រុមហ៊ុនក៏មានការបង្ហាញពិសេសជាមួយរថយន្ត Yaris ធម្មតាផងដែរ។

នោះគឺគ្រឿងតុបតែង TRD និង Modellista សម្រាប់រថយន្ត Toyota Yaris ស៊េរីឆ្នាំ ២០២០។ ចំពោះគ្រឿងតុបតែង TRD នឹងធ្វើឲ្យរថយន្ត Yaris ប្រែរូបរាងប្រៀបដូចជារថយន្តស្ព័រខ្នាតតូច មានភាពអង់អាចជាទីបំផុត។ ចំណែកគ្រឿងតុបតែង Modellista វិញធ្វើឲ្យរថយន្ត Yaris កាន់តែទាក់ទាញលើសពីធម្មតា។

គ្រឿង TRD

គ្រឿង Modellista

គួរដឹងថា Tokyo Auto Salon គឺជាកម្មវិធីធំប្រចាំឆ្នាំមួយ ដែលក្នុងនោះមានការដាក់តាំងបង្ហាញរថយន្តដែលមានតុបតែងរូបរាងពិសេស ខុសពីធម្មតា ដោយវានឹងប្រព្រឹត្តទៅនាថ្ងៃទី ១០ ខែមករា ដល់ ១២ មករា ឆ្នាំ ២០២០៕

ផ្ទាំងផ្សាយពាណិជ្ជកម្ម

BMW X7 ប្រភេទភីកអាប់ មានតែមួយនេះគត់ក្នុងលោក

December 31, 2019

BMW X7 ប្រភេទភីកអាប់គឺជារថយន្តដ៏គួរចាប់អារម្មណ៍មួយដែល BMW បានផលិត។ ត្បិតថាវានឹងមិនត្រូវចូលរោងចក្រផលិតលក់លើទីផ្សារមែន ប៉ុន្តែវាពិតជាប្លែកអារម្មណ៍បំផុត។

រថយន្តនេះបានបង្ហាញមុខលើកដំបូងកាលពីខែកក្កដា ដោយបង្កើតឡើងក្នុងគោលបំណងតាំងបង្ហាញ ហើយថ្មីៗនេះគេបានយកវាតាំងបង្ហាញនៅ BMW Welt នៅក្បែរទីស្នាក់ការរបស់ BMW នៅទីក្រុង Munich។

ដោយសាររថយន្តនេះផលិតឡើងផ្អែកតាម X7 ធម្មតា ហេតុនេះផ្នែកខាងក្នុងរបស់វាមានទំហំធំៗជារថយន្តភីកអាប់ដទៃទៀត ប៉ុន្តែឃ្លុបដាក់ឥវ៉ាន់ផ្នែកខាងក្រោយមានប្រវែងខ្លីជាងភីកអាប់នានា។ ជាក់ស្ដែងពេលដាក់ម៉ូតូ BMW F850 GS ចូលគឺមិនបានពេញស៊ប់នោះទេ។ គួរដឹងថា ការបង្កើតរថយន្តដែលមានតែមួយក្នុងលោកនេះ គឺចំណាយពេលប្រហែល ១០ ខែ៕

ផ្ទាំងផ្សាយពាណិជ្ជកម្ម

មកស្គាល់ត្រាក់ទ័រលឿនបំផុតក្នុងលោក ជិះបាន ២៤៧ គ.ម/ម៉

December 30, 2019

JCB Factrac Two ឬហៅដោយខ្លីថា WFT គឺជាត្រាក់ទ័រល្បឿនលឿនជាងគេក្នុងលោក ដែលបានទទួលស្គាល់ដោយសៀវភៅកំណត់ត្រាពិភពលោកកាលពីដើមឆ្នាំ។

នៅពេលសាងកំណត់ត្រា ត្រាក់ទ័រនេះបើកបរដោយ Guy Martin ដែលវាអាចបើកបរបានដល់ល្បឿន ២៤៧,៤៧ គ.ម/ម៉ ដោយបើកបរលើដងផ្លូវនៅទីលាន Elvington ចក្រភពអង់គ្លេស។ ជាមួួល្បឿននេះវាអាចឈ្នះកំណត់ត្រាចាស់ ដែលមានល្បឿនបើកបរត្រឹមតែ ១៦៦,៧ គ.ម/ម៉។

គួរដឹងត្រាក់ទ័រនេះទទួលបានការកែសម្រួលលើគ្រឿងម៉ាស៊ីន ដោយម៉ាស៊ីនដើមរបស់វាមានចំណុះ ៧,២ លីត្រ របស់វាអាចបង្កើតកម្លាំងបាន ១០១៦ សេះ មាន ៦ ស៊ីឡាំង និងម៉ាស៊ីនម៉ាស៊ូត៕

ផ្ទាំងផ្សាយពាណិជ្ជកម្ម

ទួរគីខ្ចីដៃក្រុមហ៊ុនអ៊ីតាលី ឌីហ្សាញរថយន្តដំបូងរបស់ខ្លួន

December 30, 2019

ក្រុមហ៊ុនឌីហ្សាញអ៊ីតាលីឈ្មោះ Pininfarina ដែលល្បីឈ្មោះដោយបានឌីហ្សាញរថយន្ត Ferrari ភាគច្រើននោះ នៅពេលនេះក្រុមហ៊ុនបានជួយប្រទេសទួរគី ផលិតរថយន្តក្នុងស្រុកជាលើកដំបូង។

រថយន្តដំបូងរបស់ទួរគីមានឈ្មោះថា TOGG C-SUV ដែលជារថយន្តប្រភេទអគ្គិសនី មានបំពាក់ដោយបច្ចេកវិទ្យាទំនើបៗជាច្រើន។ TOGG មកពាក្យពេញថា “Türkiye’nin Otomobili Girisim Grubu” ឬជាភាសាអង់គ្លេស “Turkey’s Automobile Enterprise Group” ហើយបង្កើតឡើងដោយក្រុមហ៊ុនទួរគីធំៗចំនួន ៥ ជាមួយគោលដៅតែមួយគឺផលិតរថយន្តក្នុងស្រុក។

TOGG C-SUV នឹងមានជម្រើសអាគុយចំនួនពីរ ដែលមួយជិះបានចម្ងាយប្រមាណ ៣០០ គីឡូម៉ែត្រ និងមួយទៀតជិះបាន ៥០០ គីឡូម៉ែត្រ។ TOGG ប្រាប់ថាអាគុយរថយន្តនឹងអាចសាកដល់ ៨០% ក្នុងពេលមិនដល់ ៣០ នាទីឡើយ។

TOGG C-SUV ប្រភេទ Base នឹងមានម៉ូទ័រអគ្គិសនីដែលផ្ដល់កម្លាំងបាន ២០០ សេះ ចំណែកប្រភេទ AWD (ប៉ុងពីរ) អាចផ្ដល់កម្លាំងបាន ៤០០ សេះ។ រថយន្តនេះរំពឹងថានឹងចេញលក់នៅឆ្នាំ ២០២២ ហើយក្រុមហ៊ុននឹងបន្តបញ្ចេញរថយន្តសរុប ៥ ម៉ូដែល ដែលប្រើគ្រោងឆ្អឹងរថយន្តអគ្គិសនីនេះ៕

ផ្ទាំងផ្សាយពាណិជ្ជកម្ម

SUV ថ្មីរបស់ Kia នឹងមានរាងស្អាតកប់បែបនេះ!

December 30, 2019

កាលពីខែមីនាកន្លងទៅ ក្រុមហ៊ុន Kia បានដាក់បង្ហាញគំរូរថយន្ត Imagine Concept ដែលជា SUV អគ្គិសនី មានរូបរាងទាក់ទាញខ្លាំង។

ឥឡូវនេះរបាយការណ៍ពី Automotive News Europe បានឲ្យដឹងថា គំរូរថយន្ត Kia Imagine នឹងក្លាយជារថយន្តផលិតច្រើនសម្បើម ក្នុងរយៈពេលមួយ ឬពីរឆ្នាំទៀត។

ប្រធាននាយកប្រតិបត្តិ ក្រុមហ៊ុន Kia European លោក Emilio Herrera បានឲ្យដឹងថា Kia Imagine នឹងប្រើគ្រោងឆ្អឹងរថយន្តអគ្គិសនី ហើយអាចបំពាក់ម៉ាស៊ីនអគ្គិសនី, Plug-in Hybrid និង Hybrid ផងដែរ។ មិនតែប៉ុណ្ណោះ Kia មានបំណងចង់បញ្ចេញរថយន្តប្រើអ៊ីដ្រូហ្សែន នៅឆ្នាំ២០២០ ឬដើមឆ្នាំ ២០២១ ទៀតផង។

យ៉ាងណាមិញ Kia Imagine នឹងក្លាយជារថយន្តដែលមានរូបរាងទាក់ទាញខ្លាំងបំផុតមួយ លើទីផ្សាររថយន្តបច្ចុប្បន្ន នៅពេលវាចូលជាសង្វាក់ផលិតកម្ម និងចេញលក់ជាផ្លូវការ នាពេលឆាប់ៗខាងមុខនេះ៕