Honda បញ្ចេញគំរូឡាន GT ផលិតជាមួយ Dongfeng នៅឯពិព័រណ៍រថយន្ត Shanghai Auto Show 2025

May 9, 2025

[បរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅគំរូរថយន្តអគ្គិសនីសុទ្ធ Honda GT ប្រភេទ sedan នៅឯពិព័រណ៍រថយន្ត Shanghai Auto Show 2025 ក្នុងប្រទេសចិន ។

រថយន្តនេះ ត្រូវបានផលិតឡើងជាការសហការគ្នារវាងក្រុមហ៊ុន Honda និង Dongfeng នៅប្រទេសចិន ផ្តល់នៅជម្រើសប្រើម៉ូទ័រអគ្គិសនីចំនួន ១ និងប្រើម៉ូទ័រអគ្គិសនីចំនួន ២ ខណៈទំហំអាគុយ រួមទាំងចម្ងាយនៃការបើកបរក្រុមហ៊ុនមិនទាន់បង្ហាញនៅឡើយទេ ។

សម្រាប់រូបរាង និងការឌីស្សាញផ្នែកក្រៅ ផ្តោតសំខាន់លើប្រព័ន្ធលំហូរខ្យល់ Aerodynamic ផ្តល់នៅភាពស្ព័រខ្លាំង ដោយផ្នែកខាងមុខមានប៉ាណាបិទជិត ចង្កៀងមុខ-ក្រោយ LED លេងការឌីស្សាញដូចគ្នាទៅនឹងម៉ូដែល Honda S7 ព្រមទាំងប្រើប្រាស់កញ្ចក់ចំហៀងជាប្រភេទកាមេរ៉ា រួមទាំងដៃទ្វារប្រភេទ Flush-door ផងដែរ ។

ចំពោះនៅផ្នែកខាងក្នុងវិញ មានអេក្រង់កំសាន្ត touchscreen ទំហំធ ១២,៨ អ៉ីញ សម្រាប់បញ្ជាមុខងារទូទៅដែលមានបំពាក់នៅលើរថយន្ត និងកុងទ័របង្ហាញព័ត៌មានឌីជីថល កន្លែងសាកថ្មឥតប្រើខ្សែជាដើម ។ លើសពីនេះ ក៏បានភ្ជាប់មកជាមួយប្រព័ន្ធសុវត្ថិភាព Honda Sensing 360+ ផងដែរ ៕

ផ្ទាំងផ្សាយពាណិជ្ជកម្ម

រកឃើញគូរប្រជែង Toyota bZ7 ហើយ គឺគំរូឡាន Honda GT ប្រើថាមពលអគ្គិសនីសុទ្ធ

May 9, 2025

[បរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅគំរូរថយន្តអគ្គិសនីសុទ្ធ Honda GT ប្រភេទ sedan នៅឯពិព័រណ៍រថយន្ត Shanghai Auto Show 2025 ក្នុងប្រទេសចិន ។

រថយន្តនេះ ត្រូវបានផលិតឡើងជាការសហការគ្នារវាងក្រុមហ៊ុន Honda និង GAC នៅប្រទេសចិន ផ្តល់នៅជម្រើសប្រើម៉ូទ័រអគ្គិសនីចំនួន ១ និងប្រើម៉ូទ័រអគ្គិសនីចំនួន ២ ខណៈទំហំអាគុយ រួមទាំងចម្ងាយនៃការបើកបរក្រុមហ៊ុនមិនទាន់បង្ហាញនៅឡើយទេ ។

សម្រាប់រូបរាង និងការឌីស្សាញផ្នែកក្រៅ ផ្តោតសំខាន់លើប្រព័ន្ធលំហូរខ្យល់ Aerodynamic ផ្តល់នៅភាពស្ព័រខ្លាំង ដោយមានគម្របខាងរាងចោទចុះក្រោម ជាប់ជាមួយចង្កៀងមុខ LED ឌីស្សាញរាងស្លីម មើលទៅរាងកាច ព្រមទាំងប្រើប្រាស់ថាសកង់ស្ព័រទំហំ ២០អ៉ីញ កញ្ចក់ចំហៀងជាប្រភេទកាមេរ៉ា រួមទាំងដៃទ្វារប្រភេទ Flush-door ចង្កៀងក្រោយ LED លាតសន្ទឹងពេញផ្ទៃខាងក្រោយ និងកាង spoiler បើក-បិទដោយអូតូផងដែរ ។

ចំពោះនៅផ្នែកខាងក្នុងវិញ មានអេក្រង់កំសាន្ត touchscreen ទំហំធ ១២,៨ អ៉ីញ សម្រាប់បញ្ជាមុខងារទូទៅដែលមានបំពាក់នៅលើរថយន្ត និងកុងទ័របង្ហាញព័ត៌មានឌីជីថល កន្លែងសាកថ្មឥតប្រើខ្សែជាដើម ។ លើសពីនេះ ក៏បានភ្ជាប់មកជាមួយប្រព័ន្ធសុវត្ថិភាព Honda Sensing 360+ ផងដែរ ៕

ផ្ទាំងផ្សាយពាណិជ្ជកម្ម

គោលដៅលក់ឡាន EV ចំនួន ១,៥ លានគ្រឿងក្នុងឆ្នាំក្រោយរបស់ Toyota ប្រហែលត្រូវលុបចោល!

May 9, 2025

ក្រុមហ៊ុន Toyota ដែលជាក្រុមហ៊ុនរថយន្តធំមួយនៅជប៉ុន បានប្រកាសឲដឹងថា ពួកគេកំពុងនឹងពិចារណាក្នុងការផ្លាស់ប្តូរលើផែនការលក់រថយន្តអគ្គិសនីចំនួន ១,៥ លានគ្រឿងក្នុងឆ្នាំ ២០២៦ វិញ បន្ទាប់ពីស្ថានភាពទីផ្សារនៃការលក់រថយន្តនាពេលសព្វថ្ងៃនេះមានការផ្លាស់ប្តូរយ៉ាងលឿន និងសម្ពាធនយោបាយពាណិជ្ជកម្មថ្មីៗជាបន្តបន្ទាប់ ក្រោយពីការឡើងកាន់តំណែងរបស់ប្រធានាធិបតីអាមេរិកលោក ដូណាល់ ត្រាំ និងការវាយលុកក្នុងទីផ្សារជាច្រើននៅជុំវិញពិភពលោករបស់ក្រុមហ៊ុនផលិតរថយន្តចិន។

ក្នុងនោះ ក្រុមហ៊ុន Toyota អាចនឹងកាត់បន្ថយគោលដៅលក់រថយន្តរបស់ខ្លួនដែលបានកំណត់ពីចំនួន ១,៥ លានគ្រឿងក្នុងឆ្នាំ ២០២៦ ទៅចំនួន ១លានគ្រឿង វិញ។

គួរឲដឹងថា ក្នុងឆ្នាំមុន ក្រុមហ៊ុន Toyota បានលក់រថយន្តអគ្គិសនីបានចំនួនប្រហែលតែ ១៤៥ ០០០ គ្រឿង ឫ ១ភាគរយ ប៉ុណ្ណោះ នៃរថយន្តសរុបចំនួន ១០,២ លានគ្រឿង ដែលពួកគេបានលក់។ ជាមួយគ្នានេះ ដើម្បីឲការលក់រថយន្ត EV របស់ខ្លួន អាចប្រជែងនឹងទីផ្សារបាន ក្រុមហ៊ុនមួយនេះក៏បានចាប់ផ្តើមបង្ហាញចេញនូវរថយន្ត EV ថ្មីៗរបស់ខ្លួនដូចជា Urban Cruiser, C-HR+ និង bZ4X នៅអឺរ៉ុប និង bZ3X នៅប្រទេសចិនផងដែរ ដែល bZ3X នៅទីផ្សារចិនគឺមានតម្លៃត្រឹមតែ ១មុឺនដុល្លារ ប៉ុណ្ណោះ។

គួរឲដឹងថា ក្រុមហ៊ុន Toyota ក៏គ្រោងនឹងបញ្ចេញនូវរថយន្ត EV ថ្មីៗរបស់ខ្លួនចំនួន ១០ ម៉ូឌែលផ្សេងទៀត (មានទាំងម៉ូឌែលរបស់ Toyota និង Lexus ) នៅក្នុងតំបន់សំខាន់ៗជាច្រើនជុំវិញពិភពលោកមុនឆ្នាំ ២០២៧ ផងដែរ៕

ផ្ទាំងផ្សាយពាណិជ្ជកម្ម

ត្រាំ នឹងបញ្ចុះពន្ធលើរថយន្តអង់គ្លេសដែលនាំចូលប្រទេសខ្លួន

May 9, 2025

សហរដ្ឋអាមេរិក និងចក្រភពអង់គ្លេស បានប្រកាសចុះហត្ថលេខាលើកិច្ចព្រមព្រៀងពាណិជ្ជកម្មថ្មីមួយ ដោយមានការចូលរួមប្រកាសពីប្រធានាធិបតី Donald Trump និងនាយករដ្ឋមន្ត្រី Keir Starmer ដើម្បីកាត់បន្ថយពន្ធនាំចូលរថយន្តពីអង់គ្លេសទៅអាមេរិក។

ក្នុងនោះ រាល់រថយន្ត ១០០ ០០០ គ្រឿងដំបូង ដែលនាំចូលពីចក្រភពអង់គ្លេសទៅអាមេរិកនឹងត្រូវផ្ដល់ពន្ធត្រឹមតែ ១០% ប៉ុណ្ណោះ ប៉ុន្តែចំនួនផ្សេងទៀតដែលត្រូវនាំចូលបន្ថែមនឹងនៅតែបង់ពន្ធ ២៥% ដដែល។ ចំពោះការប្រកាសនេះ បានធ្វើឲក្រុមហ៊ុនរថយន្តអង់គ្លេសជាច្រើនដូចជា Jaguar Land Rover, Mini, Bentley, McLaren និង Rolls-Royce មានភាពភ្ញាក់ផ្អើលជាខ្លាំង ដោយសារតែពួកគេអាចនាំចេញរថយន្តបានច្រើនជាងមុន ប៉ុន្តែត្រូវចំណាយលើការបង់ពន្ធតិចជាងមុន។

ទោះបីជាការបញ្ចុះពន្ធនេះមានផលល្អសម្រាប់ចក្រភពអង់គ្លេសក៏ដោយ ក៏ក្រុមហ៊ុនផលិតរថយន្តអាមេរិកជាច្រើនបានបង្ហាញការខកចិត្ត និងការមិនពេញចិត្តជាច្រើនផងដែរ ដោយពួកគេអះអាងថា កិច្ចព្រមព្រៀងនេះបានផ្តល់អត្ថប្រយោជន៍លើសលប់ដល់ក្រុមហ៊ុនអង់គ្លេស ខណៈដែលក្រុមហ៊ុននៅកាណាដា និងម៉ិកស៊ិកវិញដែលជាដៃគូសេដ្ឋកិច្ចដ៏ជិតស្និទ្ធមិនទទួលបានអត្ថប្រយោជន៍ដូចគ្នានេះសោះ និងបារម្ភថារថយន្តអង់គ្លេសគឺអាចមានតម្លៃថោកជាងរថយន្តដែលផលិតនៅក្រោមសន្ធិសញ្ញា USMCA ៕

គួរបញ្ជាក់ថា បើទោះបីជាមានការរិះគន់លើកិច្ចព្រមព្រៀងនេះក៏ដោយ ក៏ការបញ្ចុះពន្ធនេះត្រូវបានគេអះអាថផងដែរថានឹងពង្រឹងទំនាក់ទំនងពាណិជ្ជកម្មអន្តរជាតិ ជួយលើកស្ទួយវិស័យផលិតរថយន្ត និងកសិកម្មរបស់ប្រទេសទាំងពីរយ៉ាងមាននិរន្តរភាពផងដែរ៕

ផ្ទាំងផ្សាយពាណិជ្ជកម្ម

រថយន្ដអគ្គិសនី Li Auto i8 នឹងដាក់លក់នៅចិនខែកក្កដា ជាមួយតម្លៃជាង៥មុឺនដុល្លារ

May 9, 2025

រថយន្ត Li Auto i8 គឺជារថយន្ត SUV អគ្គិសនីដំបូងគេរបស់ម៉ាកយីហោនេះ ដែលនឹងចេញលក់ក្នុងទីផ្សារប្រទេសចិន នៅខែកក្កដា ឆ្នាំ ២០២៥។ រថយន្តអគ្គិសនីនេះបានដាក់ពាក្យស្នើសុំអាជ្ញាប័ណ្ណលក់នៅប្រទេសចិនកាលពីខែមេសា ក្រោយបានបង្ហាញពីលក្ខណៈបច្ចេកទេសសំខាន់ៗរបស់ខ្លួនរួចមក។

រថយន្ត Li Auto i8 នឹងមានវត្តមានក្នុងទីផ្សារប្រទេសចិននៅខែកក្កដាខាងមុខនេះ ដាក់លក់ក្នុងតម្លៃប្រមាណ ៤០០ ០០០ យ័ន ស្មើនិង ៥៤ ៤០០ ដុល្លារ។ រថយន្តនេះប្រើប្រាស់អាគុយប្រភេទ ternary (NMC) គាំទ្រការសាកថ្មល្បឿន 5C ផងដែរ។

កាលពីថ្ងៃទី ៨ ខែឧសភា រូបភាពបែកធ្លាយ (spy shots) នៃផ្នែកខាងក្នុងរបស់ Li i8 បានលេចឡើងនៅលើអុីនធឺណិត។ ចំពោះផ្នែកខាងក្នុងរបស់ Li i8 គឺស្រដៀងគ្នាទៅនឹងរថយន្តម៉ាក Li ផ្សេងទៀត។ រថយន្តនេះអាចនឹងបំពាក់មកជាមួួយអេក្រង់ចំនួនពីរទំហំ ១៥.៧ អុីញ ហើយអាចនឹងមិនមានកុងទ័របង្ហាញព័ត៌មានទេ ប៉ុន្តែជំនួសមកវិញ វាមាន Head-up display (បង្ហាញព័ត៌មានលើកញ្ចក់)។

កុងសូលកណ្តាលរបស់ Li Auto i8 ប្រើកន្លែងសាកថ្មឥតខ្សែ (wireless charging pads) ចំនួនពីរ និងកន្លែងដាក់កែវមួយគូ។ បន្ថែមពីនេះក៏កន្លែងដាក់អីវ៉ាន់ធំទូលាយមួយនៅក្រោមកុងសូលកណ្តាល។

Li Auto i8 មានប្រវែងតួខ្លួនសរុប ៥ ០៨៥មម ទឹទឹង ១ ៩៦០មម កម្ពស់ ១ ៧៤០មម មានគម្លាតកង់មុខក្រោយប្រវែង ៣ ០៥០មម និងមានទម្ងន់ ២ ៦១០ គីឡូក្រាម។ រថយន្ដនេះដំណើរដោយប៉ុង២ (4WD) ហើយប្រើម៉ូទ័រអគ្គិសនីចំនួនពីរ អាចផលិតកម្លាំងសរុបបាន ៥៣៦សេះ។ បើនិយាយពីកម្លាំងម៉ូទ័រអគ្គិសនីខាងមុខអាចផលិតកម្លាំងបាន ២០១សេះ ខណៈម៉ូទ័រអគ្គិសនីខាងក្រោយអាចផលិតកម្លាំងបាន ៣៣៥សេះ។ រថយន្ដអាចបើកបរ Top Speed បានក្នុងល្បឿនអតិបរមារ ១៨០គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

BYD Sealion 07 DM-i ប្រភេទ PHEV ចេញលក់ជាផ្លូវការ តម្លៃខ្ទង់ ២មុឺនដុល្លារ

May 9, 2025

[បរទេស] ក្រុមហ៊ុនផលិតរថយន្ត BYD បានធ្វើការដាក់ចេញលក់ជាផ្លូវការនៅរថយន្ត BYD Sealion 07 DM-I ស៊េរីថ្មីចុងក្រោយ ជាមួយតម្លៃលក់ចាប់ពី ២៣ ៥០០ ដុល្លារ ដល់ ២៨ ៥០០ ដុល្លារ នៅទីផ្សារប្រទេសចិន ។

BYD Sealion 07 ដំណើរការដោយបច្ចេកវិទ្យា DM-i ជំនាន់ទី ៥ ដែលជាបច្ចេកវិទ្យា PHEV ធ្វើការរួមគ្នាជាមួយម៉ាស៊ីនសាំងចំណុះ ១,៥លីត្រ អបម៉ូទ័រអគ្គិសនីចំនួន ២ អាចបើករបានចម្ងាយ ១៥០ គីឡូម៉ែត្រដោយប្រើថាមពលអគ្គិសនីសុទ្ធ ខណៈប្រើអគ្គិសនី លាយសាំងបញ្ចូលគ្នា អាចបើកបានចម្ងាយ ១ ៣២០ គីឡូម៉ែត្រ និងមានកម្រិតស៊ីប្រេងខ្ទង់ ៤,៧លីត្រ/១០០ គីឡូម៉ែត្រ ។ បន្ថែមពីនេះក្រុមហ៊ុន BYD ក៏បានប្រកាសចេញលក់ប្រព័ន្ធដ្រូនឆ្លាតវៃសម្រាប់រថយន្តនេះ ដែលមានឈ្មោះថា Eye of God C-high-end (DiPilot 100) ផងដែរ។

សម្រាប់ការឌីស្សាញផ្នែកខាងក្រៅ ទទួលបានការឌីស្សាញថ្មីជាមួយចង្កៀងមុខ-ក្រោយ LED រាងស្លីម អូសកាត់ពីផ្នែកម្ខាងទៅផ្នែកម្ខាង ចំណុចលេចធ្លោនៃគឺការបំពាក់នៅប្រព័ន្ធដ្រូនឆ្លាតវៃ ដែលជាបច្ចេកវិទ្យាដែលបង្កើតឡើងដោយក្រុមហ៊ុន BYD សហការជាមួយក្រុមហ៊ុន DJI។

ផ្នែកខាងក្នុងបំពាក់មកជាមួយអេក្រង់កុងទ័រឌីជីថលទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១៥,៦ អ៉ីញ ក៏ដូចជាកន្លែងសាកថ្មឥតប្រើខ្សែ កៅអីខាងមុខ និងខាងក្រោយ មានមុខងារខ្យល់ត្រជាក់-ក្តៅ ចំពោះកៅអីខាងមុខ មានបន្ថែមនៅមុខងារម៉ាស្សា ៕

ផ្ទាំងផ្សាយពាណិជ្ជកម្ម

Toyota Corolla Cross ស៊េរីឆ្នាំ 2026 នឹងបង្ហាញខ្លួននៅទីផ្សារអូស្រ្ដាលីចុងឆ្នាំនេះ

May 8, 2025

រថយន្ត Toyota Corolla Cross ជាម៉ូឌែលមួយ ពេញនិយមបំផុតមួយនៅប្រទេសអូស្ត្រាលី ហើយគ្រោងនឹងដាក់លក់នៅត្រឹមដំណាច់ឆ្នាំនេះហើយ។

រថយន្ដនេះត្រូវបានបង្ហាញខ្លួននៅប្រទេសថៃកាលជាង ១២ខែមុន ប៉ុន្តែឥឡូវនេះទើបតែបានបង្ហាញខ្លួនកាលពីយប់មិញ នៅទីផ្សារអឺរ៉ុប។ ម៉ូឌែលកំពូលគឺជាប្រភេទ GR Sport ថ្មីដែលមានរូបរាងបែបស្ព័រ បំពាក់មកជាមួយបូម (uniquely tuned suspension) និង មុខងារ Sport mode ថែមទៀត។

រថយន្ត Toyota Corolla Cross ជាអ្នកត្រួសត្រាយនូវមុខងារថ្មី AWD-i Snow Extra mode សម្រាប់ការបើកបរក្នុងរដូវរងាប្រកបដោយស្ថិរភាព និងការគ្រប់គ្រងបានក្នុងស្ថានភាពផ្លូវកាន់តែប្រសើរជាងមុន បន្ថែមមកជាមួយការបើកបរកាន់តែស្ងាត់ រលូន និងមានផាសុកភាព កាត់បន្ថយសំឡេងរំខាន។

រូបរាងថ្មីដែលត្រូវបានកែលម្អយ៉ាងពិសេស សម្រាប់អតិថិជននៅតំបន់អឺរ៉ុប។ ចំពោះរូបរាងខាងក្រៅមានបំពាក់មកជាមួយ ប៉ាណាផ្នែកខាងមុខរាងក្រឡាសំបុកឃ្មុំ វាមិនត្រឹមតែបង្កើតឡើងដើម្បីតែភាពស្រស់នទាន់សម័យ និងទំនើបប៉ុណ្ណោះទេ វាក៏ជួយបង្កើនលំហូរខ្យល់ទៅកាន់ម៉ាស៊ីនបានយ៉ាងល្អផងដែរ។ នៅខាងក្នុងកាប៊ីនមានភាពធំទូលាយ ការរចនាថ្មីបែបទំនើបរួមបញ្ចូលទាំងកន្លែងដាក់លេខថ្មី និងកុងសូលកណ្តាលកាន់តែធំ៕

ផ្ទាំងផ្សាយពាណិជ្ជកម្ម

ស្ងាត់ៗ! Hyundai បញ្ចេញឡានអគ្គិសនី EV ផលិតនៅចិន សាកថ្មម្តងជិះបាន ៧០០គីឡូម៉ែត្រ

May 8, 2025

[បរទេស] ក្រុមហ៊ុនផលិតរថយន្ត Hyundai ប្រចាំនៅទីផ្សារប្រទេសចិន បានធ្វើការដាក់បង្ហាញចេញផ្លូវការជាសលក Global Debut នៅរថយន្តអគ្គិសនីសុទ្ធ Hyundai Elexio ប្រភេទ mid-size SUV គ្រោងនឹងចេញនៅចុងឆ្នាំ ២០២៥ ខណៈតម្លៃមិនទាន់បង្ហាញនៅឡើយទេ ។

Hyundai Elexio ជារថយន្តដំបូងគេដែលបានផលិតនៅលើគ្រោងឆ្អឹងផ្តោតសំខាន់លើរថយន្តប្រើអគ្គិសនីសុទ្ធរបស់ Hyundai គឺគ្រោងឆ្អឹង E-GMP platform បំពាក់ជាមួយអាគុយ ដែលអាចផ្តល់នៅចម្ងាយបើកបរបាន ៧០០ គីឡូម៉ែត្រនៅពេលសាកថ្មពេញម្តង បើសាកថ្មពីស្ថានីយល្បឿនលឿន បានបិ ៣០-៨០% ប្រើរយៈពេល ២៧នាទី ។

ទាក់ទងទៅនឹងរូបរាង និងការឌីស្សាញផ្នែកក្រៅរបស់រថយន្ត Hyundai Elexio មានការរចនាផ្នែកខាងក្រៅប្លែកពីរថយន្តអគ្គិសនីដ៏ទៃ ដោយផ្នែកខាងមុខមានចង្កៀងបំភ្លឺផ្លូវ LED ឌីស្សាញជាគ្រាប់គ្រីស្គាល់ ព្រមទាំងប្រើប្រាស់នៅថាសកង់ស្ព័រទំហំ ២០អ៉ីញ និងចង្កៀងក្រោយ LED អូសកាត់ពីផ្នែកម្ខាងទៅផ្នែកម្ខាង ។

ចំពោះនៅផ្នែកខាងក្នុងវីញ ត្រូវបានឌីស្សាញបែប minimalistic ប្រើអេក្រង់កំសាន្ត touchscreen គាំទ្រដោយឈីប Qualcomm 8295 សម្រាប់បញ្ជាមុខងារទូទៅនៅលើរថយន្ត ព្រមទាំងបញ្ចូលនៅប្រព័ន្ធជំនួយការអ្នកបើកបរ HarmonyOS Intelligent Mobility system ផងដែរ ៕

ផ្ទាំងផ្សាយពាណិជ្ជកម្ម

Geely នឹងទិញយកភាគហ៊ុនដែលនៅសល់របស់ Zeekr ដើម្បីក្លាយជាម្ចាស់ពេញសិទ្ធ!

May 8, 2025

ក្នុងពេលថ្មីៗនេះ ក្រុមហ៊ុន Geely Automobile បានធ្វើការប្រកាសឲដឹងថា ពួកគេនឹងទិញយកភាគហ៊ុនដែលនៅសល់របស់ក្រុមហ៊ុន Zeekr Group ដែលជាក្រុមហ៊ុនបុត្រសម្ព័ន្ធរបស់ខ្លួន។ ជំហាននេះ នឹងធ្វើឲ្យ Geely ក្លាយជាម្ចាស់ពេញសិទ្ធរបស់ Zeekr ហើយធ្វើឲ្យ Zeekr ដកខ្លួនចេញពីទីផ្សារហ៊ុន New York Stock Exchange (NYSE) ដែលពួកគេបានចូលរួមក្នុងឆ្នាំ ២០២៣។ ខណៈពេលបច្ចុប្បន្ននេះ Geely គឺកាន់កាប់ភាគហ៊ុនរបស់ Zeekr ប្រហែល ៦៥,៧% ប៉ុណ្ណោះ ហើយកំពុងស្នើទិញភាគហ៊ុនដែលនៅសល់បន្ថែមទៀត។

គួរឲដឹងថា Zeekr គឺជាក្រុមហ៊ុនផលិតរថយន្តអគ្គិសនី (EV) ដែលត្រូវបានបង្កើតឡើងក្នុងឆ្នាំ ២០២១ ដោយផ្តោតទៅលើរថយន្តអគ្គិសនីឆ្លាតវៃកម្រិតខ្ពស់សម្រាប់ទីផ្សារពិភពលោក ហើយបានចុះបញ្ជីនៅលើទីផ្សារហ៊ុន New York (NYSE) ក្នុងឆ្នាំ ២០២៣។ ក្នុងនោះ ប្រសិនបើការទិញនេះទទួលបានភាពជោគជ័យ នោះ Zeekr នឹងមិនជាក្រុមហ៊ុនសាធារណៈទៀតទេ វានឹងក្លាយជាក្រុមហ៊ុនឯកជនដែលមានម្ចាស់តែមួយគត់គឺ Geely ។

ជាមួយគ្នានេះ ចំពោះការប្រកាសនៃការទិញយកភាគហ៊ុនដែលនៅសល់នេះក៏បានជួយឱ្យតម្លៃភាគហ៊ុនរបស់ Zeekr កើនឡើងជាង ១១% ផងដែរ៕

ផ្ទាំងផ្សាយពាណិជ្ជកម្ម

Jaecoo J8 រថយន្ដ SUV ប្រណិតរបស់ចិន ដាក់លក់នៅអូស្រ្ដាលីជាមួយតម្លៃ៥មុឺនដុល្លារ

May 8, 2025

Jaecoo J8 ជារថយន្ដ SUV ប្រណិតរបស់ក្រុមហ៊ុន Chery បានប្រកាសពីតម្លៃដាក់លក់នៅទីផ្សារអូស្រ្ដាលី ជាមួយតម្លៃចាប់ពី ៤៩ ៩៩០ ដល់ ៥៤ ៩៩០ដុល្លារ។

2025 Jaecoo J8 pricing and specs: Luxury SUV with budget price រថយន្ដ Jaecoo J8 មានទាំងជម្រើស ៥កៅអីនិង ៧កៅអី ប៉ុន្តែសម្រាប់ទីផ្សារអូស្រ្ដាលី មានលក់តែជម្រើស៥កៅអីប៉ុណ្ណោះ។ រថយន្ដនេះដំណើរការដោយម៉ាសុីនសាំងចំណុះ ២.០ លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ២៤៥សេះ កម្លាំងរមួល ៣៨៥ញូតុនម៉ែត្រ ផ្គូផ្គងជាមួយប្រអប់លេខអូតូ ៨ វគ្គ។

សម្រាប់តម្លៃវិញ Jaecoo J8 Track 2WD (ប្រើប៉ុង១) មានតម្លៃ ៤៩ ៩៩០ដុល្លារ និង Jaecoo J8 Track 4WD (ប្រើប៉ុង២) មានតម្លៃ ៥៤ ៩៩០ដុល្លារ។ ចំពោះកម្រិតសុីសាំងវិញម៉ូែឌល Track 2WD (ប្រើប៉ុង១) សុីសាំង ៨.៣លីត្រ/១០០គ.ម និងម៉ូឌែល Track 4WD (ប្រើប៉ុង២) សុីសាំង ៨.៦លីត្រ/១០០គ.ម។

Jaecoo J8 Malaysia preview official-3 - Paul Tan's Automotive News ចំពោះផ្នែកខាងក្នុងរថយន្ដបានបំពាក់មកជាមួយអេក្រង់កម្សាន្ដទំហំ ១២.៣ អុីញ, កុងទ័រឌីជីថលទំហំ ១២.៣អុីញ, ឧបករណ៍បំបងសំឡេងចំនួន ១៤គ្រាប់, កៅអីស្បែក មានមុងងារខ្យល់ក្ដៅខ្យល់ត្រជាក់និងម៉ាស្សា។ បន្ថែមពីរថយន្ដនេះក៏បំពាក់មកជាមួយពោងសុវត្ថិភាពចំនួន ៨គ្រាប់។