មកលើកនេះប្លែកខ្លាំង! Kia បញ្ចេញម៉ូដែល Sportage ឆ្នាំ ២០២៦ រូបរាងថ្មី ឯតម្លៃចាប់ផ្តើមក្រោម ៣មុឺនដុល្លារ

May 8, 2025

[បរទេស] កាលពីឆ្នាំ ២០២៤ កន្លងទៅ ក្រុមហ៊ុនផលិត Kia បានដាក់បញ្ចេញនៅរថយន្ត Kia Sportage មុខមាត់ថ្មី នៅឯពិព័រណ៍ Los Angeles Auto Show ខណៈពេលនេះ ក្រុមហ៊ុនបានប្រកាសថា Kia Sportage ម៉ូដែលឆ្នាំ ២០២៦ នឹងមានតម្លៃលក់ចាប់ផ្តើមពី ២៨ ៦៩០ ដុល្លារ ដល់ ៣៩ ៥៩០ ដុល្លារ នៅទីផ្សារសហរដ្ឋអាមេរិក ។

Kia Sportage ថ្មីនេះ បំពាក់ម៉ាស៊ីនសាំងចំណុះ ២,៥ លីត្រ ទំហំ ៤ស៊ីឡាំង អាចផលិតកម្លាំងបាន ១៨៧ សេះ និងកម្លាំងរមួល ២៤១ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គ មានទាំងជម្រើសប៉ុង ១ និងប៉ុង ២ ខណៈប្រភេទកូនកាត់ hybrid នឹងមកដល់ពេលក្រោយ។

សម្រាប់រូបរាង និងការឌីស្សាញផ្នែកខាងក្រៅ ទទួលបានការផ្លាស់ប្តូរថ្មីទាំងស្រុងទៅកាងផ្នែកខាងមុខ រួមទាំងប៉ាណាមុខមួយផ្ទាំងធំ អបសងខាងដោយសានុំចង្កៀងមុខលេងការឌីស្សាញបញ្ឈប្រភេទ LED មុខងារដំឡើង-ដំលាក់ហ្វាកូតអូតូ ព្រមទាំងប្រើប្រាស់នៅថាសកង់ទំហំ ១៩អ៉ីញថ្មី ខណៈចង្កៀងផ្នែកខាងក្រោយមានរាងអក្សរ C ។

ចំពោះនៅខាងផ្នែកក្នុងវិញ ត្រូវបានអាប់ឌែតថ្មីទៅលើផ្នែកតាប៊្លូ ដោយបំពាក់ដោយកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ជាប្រភេទអេក្រង់ភ្លោះទំហំ ១២,៣ អ៉ីញ អាចប្រើមុខងារ Apple CarPlay/Android Auto រួមទាំងដំបូលកញ្ចក់បើក panoramic sunroof ឧបករណ៍បំពងសំលេងម៉ាក Harman Kardon និងកន្លែងសាកថ្មឥតប្រើខ្សែផងដែរ ។ លើសពីនេះ ក៏បានបញ្ចូលប្រព័ន្ធជំនួយការអ្នកបើកបរ ADAS ទៀតផង ៕

ផ្ទាំងផ្សាយពាណិជ្ជកម្ម

Volvo បញ្ចេញម៉ូដែលថ្មី ប្រភេទ PHEV អត់សាំងក៏អាចជិះបាន ២០០គីឡូម៉ែត្រ នៅទីផ្សារប្រទេសចិន

May 7, 2025

[បរទេស] ក្រុមហ៊ុនផលិតរថយន្ត Volvo បានធ្វើការដាក់បង្ហាញចេញនៅរថយន្ត Volvo XC70 ស៊េរីថ្មីចុងក្រោយ ប្រភេទ mid-size SUV ប្រើថាមពល PHEV ផលិតឡើងសម្រាប់ផ្តោតនៅទីផ្សាប្រទេសចិន គ្រោងនឹងចេញលក់ជាផ្លូវការនឹងធ្វើឡើងនៅចុងឆ្នាំ ២០២៥ ខណៈតម្លៃក្រុមហ៊ុនមិនទាន់បង្ហាញទេ ។

Volvo XC70 ត្រូវបានផលិតឡើងនៅលើគ្រោងឆ្អឹង SMA platform សម្រាប់ថាមពលម៉ាស៊ីន មិនមានព័ត៌មានបង្ហាញទេ ប៉ុន្តែរំពឹថា អាចបើកបរបានចម្ងាយខ្ទង់ ២០០ គីឡូម៉ែត្រដោយប្រើថាមពលអគ្គិសនីសុទ្ធ ។

សម្រាប់រូបរាង និងការឌីស្សាញផ្នែកខាងក្រៅរបស់រថយន្តនេះ មានភាពទាន់សម័យ ដោយផ្នែកខាងមុខមានរន្ធខ្យល់ទំហំធំ ចំណែកចង្កៀងមុខលេងការឌីស្សាញរាងជាញញួរ ឬហៅថា Hammer headlight ប្រភេទ Matrix-LED ដែលជាអត្តសញ្ញាណរបស់ Volvo ព្រមទាំងប្រើប្រាស់នីថាសកង់ស្ព័រ និងចង្កៀងក្រោយប្រភេទ LED រាងស្លីមឌីស្សាញរាងបញ្ឈរ ។ ចំពោះនៅផ្នែកខាងក្នុង ក៏មិនទាន់មានព័ត៌មានលម្អិតបង្ហាញដែរ ៕

ផ្ទាំងផ្សាយពាណិជ្ជកម្ម

Land Cruiser Prado ឡើងកូដខ្លាំងលក់បានជាង២ពាន់គ្រឿងនៅអូស្រ្ដាលីខាងពីខែមុន

May 7, 2025

យោងតាមទិន្នន័យការលក់រថយន្ដនៅប្រទេសអូស្ត្រាលី ក្នុងខែមេសា ឆ្នាំ២០២៥ រថយន្ត Toyota Land Cruiser Prado បានលក់ដាច់ចំនួន ២ ២៣៣គ្រឿង មានការកើនឡើង ១,១៩៨% បើធៀបនឹងឆ្នាំមុន។ ជាមួយចំនួននៃការលក់កើនឡើងបែបនេះ បានធ្វើឲ្យរថយន្ដឈរនៅចំណាត់ថ្នាក់ទី ៥ ជារថយន្តដែលលក់ដាច់បំផុតនៅប្រទេសអូស្ត្រាលីកាលពីខែមុន។

ក្រឡេកទៅមើលទីផ្សាររបស់រថយន្ត Toyota Prado នៅប្រទេសអូស្រ្ដាលី ពួកគេកំពុងឡើងកូដខ្លាំង ក្រោយលក់បានចំនួន ១០,៦៧៤ គ្រឿងគិតត្រឹមដើមឆ្នាំ ២០២៥ (year-to-date)។ បើនិយាយពីការលក់រួមនៅទីផ្សារអូស្រ្ដាលីវិញ រថយន្ត Toyota HiLux គឺជារថយន្តដែលលក់ដាច់បំផុតនៅប្រទេសអូស្ត្រាលីក្នុងខែមេសា ឆ្នាំ ២០២៥ ជាមួយនឹងការលក់ ៤ ១២១ គ្រឿង បន្ទាប់មក Ford Ranger ៤ ០៣១គ្រឿង, Toyota RAV4 ៣ ៨០៨ គ្រឿង, និង Ford Everest ២ ២៣៤ គ្រឿង។

គិតត្រឹមដើមឆ្នាំ២០២៥នេះ ប្រេនរបស់ជប៉ុន Toyota នៅតែរថយន្ដទទួលបានគាំទ្រខ្លាំងនៅទឹកដីអូស្រ្ដាលី។ ចំពោះរថយន្ត Toyota Land Cruiser Prado ក៏បានប្រកាសជាផ្លូវការនូវតម្លៃរបស់ខ្លួននៅប្រទេសអូស្ត្រាលី មានទាំងម៉ូឌែល GX និង GXL ជាមួយតម្លៃចាប់ពី ៧៨ ៧៧៥ ដុល្លារ ដល់ ១០៨ ៧៥៨ ដុល្លារ៕

ផ្ទាំងផ្សាយពាណិជ្ជកម្ម

ក្រុមហ៊ុនអាមេរិក និងចិន នឹងចាប់ដៃគ្នាដើម្បីវៃយកទីផ្សាររថយន្តបើកបរដោយខ្លួនឯងនៅទូទាំងពិភពលោក!

May 7, 2025

ក្រុមហ៊ុនខាងផ្តល់សេវាកម្មដែលល្បីឈ្មោះជាងគេរបស់សហរដ្ឋអាមេរិកគឺ Uber, ក្នុងពេលថ្មីៗនេះ បានប្រកាសចុះនូវកិច្ចសហប្រតិបត្តិការយុទ្ធសាស្ត្រមួយជាមួយក្រុមហ៊ុនចិនចំនួន ៣ ដើម្បីអភិវឌ្ឍន៍ និងពង្រីកសេវាកម្មបើកបរដោយខ្លួនឯងទៅកាន់ទីផ្សារអឺរ៉ុប មជ្ឈិមបូព៌ា និងទីផ្សារអន្តរជាតិផ្សេងៗទៀតជាច្រើននៅជុំវិញពិភពលោក។ សម្រាប់ក្រុមហ៊ុនចិនទាំង ៣ នេះ មានឈ្មោះថា Momenta, Pony.ai និង WeRide ។

គួរឲដឹងថា ក្រុមហ៊ុន Momenta ត្រូវបានបង្កើតឡើងនៅឆ្នាំ ២០១៦ ហើយទទួលបានការឧបត្ថម្ភពីក្រុមហ៊ុនធំៗដូចជា SAIC Motor, General Motors និង Toyota។ ក្រុមហ៊ុននេះ មានបទពិសោធន៍ខ្ពស់ក្នុងការអភិវឌ្ឍកម្មវិធីបើកបរបើកបរដោយខ្លួនឯង ហើយមានផែនការដាក់ឱ្យដំណើរនូវបច្ចេកវិទ្យា Momenta-powered robotaxis របស់ខ្លួនសម្រាប់រថយន្តតាក់សុីរបស់ Uber នៅទីផ្សារអឺរ៉ុបនៅដើមឆ្នាំ ២០២៦ ខាងមុខនេះ។

ចំណែកក្រុមហ៊ុុន Pony.ai វិញ នឹងបង្ហាញនូវបច្ចេកវិទ្យាបើកបរដោយខ្លួនឯងរបស់ខ្លួនសម្រាប់រថយន្តតាក់សុីរបស់ Uber នៅក្នុងទីផ្សារមជ្ឈិមបូព៌ានៅចុងឆ្នាំ ២០២៥ នេះ ហើយពង្រីកបន្ថែមទៅទីផ្សារអន្តរជាតិផ្សេងៗទៀត។ Pony.ai មានការគាំទ្រពីក្រុមហ៊ុន Toyota និង Nio ហើយបានទទួលអាជ្ញាបណ្ណដំណើរការរថយន្តដែលគ្មានមនុស្សបើកនៅក្នុងទីក្រុងប៉េកាំង និងក្វាងចូវ។

ខណៈពេើដែលក្រុមហ៊ុន Momenta និង Pony.ai កំពុងតែរៀបចំក្នុងការចូលបម្រើជាសេវាកម្មបើកបរដោយខ្លួនឯងសម្រាប់់រថយន្តតាក់សុីរបស់ Uber នៅក្នុងទីផ្សារអឺរ៉ុប និងមជ្ឈិមបូព៌ា, ក្រុមហ៊ុន WeRide ដែលជាក្រុមហ៊ុនដ៏ធំបំផុតមួយផ្សេងទៀតនៅចិន ក៏បានចាប់ដៃគូជាមួយ Uber ផងដែរ។ ក្រុមហ៊ុននេះ មានគោលបំណងបង្កើតរថយន្ត robotaxi ចំនួន ៥០ នៅក្នុងទីក្រុង Abu Dhabi ក្នុងពាក់កណ្តាលឆ្នាំ ២០២៥ នេះ ហើយពង្រីកសេវាកម្មនេះជាបន្តបន្ទាប់ទៅកាន់ទីក្រុងចំនួន ១៥ ផ្សេងទៀតក្នុងរយៈពេល ៥ ឆ្នាំ ខាងមុខ។ ក្នុងនោះ WeRide គឺមានការគាំទ្រពី Bosch, Nvidia និង BlackRock ។

ជាមួយគ្នានេះ បើយោងតាមសម្តីរបស់នាយកប្រតិបត្តិរបស់ក្រុមហ៊ុន Uber លោក Dara Khosrowshahi បានបញ្ជាក់ថា កិច្ចសហការនេះ នឹងជួយឱ្យអ្នកប្រើប្រាស់របស់ខ្លួនទទួលបានបទពិសោធន៍នៃការធ្វើដំណើរដោយស្វ័យប្រវត្តិដែលមានតម្លៃសមរម្យ និងមានសុវត្ថិភាពជាងមុន៕

ផ្ទាំងផ្សាយពាណិជ្ជកម្ម

Haval Raptor ជំនាន់ថ្មី ប្រើម៉ាសុីនសាំងសុទ្ធត្រៀមបង្ហាញខ្លួននៅចិន

May 7, 2025

ក្រុមហ៊ុន Great Wall Motor (GWM) បានបញ្ចេញជាផ្លូវការនូវរូបភាពរថយន្ត Haval Raptor ម៉ូឌែលប្រើម៉ាស៊ីនសាំងសុទ្ធជាប្រភេទរថយន្ដ compact SUV ហើយភ្ជាប់មកជាមួយការរចនាថ្មីទាំងស្រុងដែលមើលទៅមានលក្ខណៈ ពិសេសហាប់ណែននិងខ្លាំងជាងម៉ូឌែល plug-in hybrid (PHEV) ដែលកំពុងដាក់លក់ននាពេលបច្ចុប្បន្ន។

ចំណុចលេចធ្លោរបស់រថយន្ត Haval Raptor ប្រើប្រាស់ម៉ាស៊ីនសាំង៖

ប៉ាណាខាងមុខរចនាមក (front grille) ជារាងរបារបញ្ឈរ បន្ថែមរន្ធខ្យល់ចេញចូល ចង្កៀងមុខមានជ្រុង និងកាងខាងក្រោមត្រូវបានតុបតែងដោយបន្ទះការពារពណណ៍ប្រាក់ (silver skid plate) ដែលផ្តល់នូវរូបរាងជាទម្រង់ឡានបែប Off-road
ការរចនាតួរថយន្តបែបប្រអប់ (boxy design) នៅតែរក្សាបានអត្តសញ្ញាណដើមរបស់ខ្លួននិងបំពាក់មកជាមួយកង់សាគួរនៅខាងក្រោយ
ផ្នែកខាងក្រោយរចនាឡើងដោយមានជ្រុង និងបំពាក់មកជាមួយចង្កៀងបែបបញ្ឈរ

បច្ចុប្បន្នរថយន្ដ Haval Raptor ម៉ូឌែល plug-in hybrid (PHEV) គឺកំពុងមានលក់នៅប្រទេសចិន ក្នុងតម្លៃចាប់ពី ១៦៥ ៨០០ ដល់ ១៩២ ៨០០យ័ន ស្មើនិង ២២ ៨០០ ដល់ ២៦ ៥០០ដុល្លារ។

រថយន្ត Haval Raptor ត្រូវបានដាក់លក់ដំបូងក្នុងរដូវស្លឹកឈើជ្រុះ ឆ្នាំ ២០២៣ ដោយបំពាក់ប្រព័ន្ធ plug-in hybrid Hi4 របស់ GWM។ ដំបូង រថយន្តនេះមិនសូវលក់ដាច់ទេ ដូច្នេះម៉ូដែលដែលបានកែលម្អត្រូវបានដាក់លក់ក្នុងរដូវផ្ការីក ឆ្នាំ ២០២៤។ ទន្ទឹមនឹងនេះ ដំណើរការទីផ្សាររបស់ម៉ាក Haval ទាំងមូលមានភាពធ្លាក់ចុះបន្តបន្ទាប់តាំងពីឆ្នាំ ២០២៤ មក។ ក្នុងខែមីនា ការលក់រថយន្ត Haval Raptor PHEV មានចំនួន ៥ ៥៦៥ គ្រឿង កើនឡើង ១៦៦.១% បើធៀបនឹងឆ្នាំមុន និង ៥៦.៧% បើធៀបនឹងខែមុន។ ក្នុងត្រីមាសទីមួយ ការលក់សរុបមានចំនួន ១៤ ១៥៩ គ្រឿង ជាប់ចំណាត់ថ្នាក់ទី ៦០ ក្នុងបញ្ជីរថយន្ត SUV ដែលលក់ដាច់បំផុតនៅប្រទេសចិន៕

ផ្ទាំងផ្សាយពាណិជ្ជកម្ម

BYD Sealion 7 វ៉ាដាច់ Tesla Model Y នៅទីផ្សារប្រទេសអូស្រ្តាលី

May 7, 2025

[បរទេស] យោងតាមទិន្នន័យរបស់ VFACTS និង Electric Vehicle Council (EVC) បានឲ្យដឹងថា រថយន្តអគ្គិសនីសុទ្ធ BYD Sealion 7 បានវ៉ាដាច់រថយន្ត Tesla Model Y ក្លាយជារថយន្តអគ្គិសនីដែលលក់ដាច់បំផុតរបស់ប្រទេសអូស្ត្រាលី (EV) នៅក្នុងខែមេសា ឆ្នាំ ២០២៥ ។

ក្នុងនោះ រថយន្តអគ្គិសនីសុទ្ធ BYD Sealion 7 លក់បានចំនួន ៧៤៣ គ្រឿង ឈរកំពូលតារាង ខណៈ Tesla Model Y លក់បានចំនួនសរុប ២៨០គ្រឿងប៉ុណ្ណោះ ឈរនៅលេខរៀងទី ៨ នៃការលក់ក្នុងខែមេសា ឆ្នាំ ២០២៥ នៅប្រទេសអូស្រ្តាលី ។

គួរឲ្យដឹងថា Tesla Model Y ជារថយន្តអគ្គិសនីសុទ្ធ EV ដែលលក់ដាច់បំផុតរបស់ប្រទេសអូស្ត្រាលី ចាប់តាំងពីឆ្នាំ ២០២៣ ត្រូវបានទម្លាក់ដោយ BYD Sealion 7 ដោយសារតែម៉ូដែល Tesla Model Y នេះ មិនមែនជាម៉ូដែល Juniper ស៊េរីឆ្នាំ ២០២៥ នោះទេ ៕

ផ្ទាំងផ្សាយពាណិជ្ជកម្ម

Tesla បញ្ចេញកញ្ចប់អាប់ដេតតម្លៃ ២ពាន់ដុល្លារ ធ្វើឲ្យរថយន្ដ Model Y ជាន់ស្ទុះជាងមុន

May 6, 2025

ក្រុមហ៊ុន Tesla កំពុងប្រើប្រាស់បច្ចេកវិទ្យាអាប់ដេតតាមប្រព័ន្ធ (over-the-air) ដើម្បីដាក់ចេញមុខងារថ្មីមួយ។ មុខងារថ្មីនេះតម្លៃ ២ ០០០ដុល្លារ មានឈ្មោះថា Acceleration Boost គឺអាចរកទិញបានដោយផ្ទាល់តាមរយៈកម្មវិធី Tesla app ប្រើដើម្បីបង្កើមន ថាមពលបន្ថែមលើរថយន្ត Model Y Juniper ដែលត្រូវបានកែលម្អថ្មី។

កញ្ចប់អាប់ដេតនេះអាចបង្កើនកម្លាំងប្រមាណ ១០០សេះ បន្ថែមធ្វើរថយន្ដ Tesla Model Y អាចបើកបរកាន់តែលឿន ដើម្បីយកឈ្នះគូប្រជែងរបស់ខ្លួន។ កញ្ចប់ Acceleration Boost ត្រូវបានគេមើលឃើញថាជាស្ពានឆ្ពោះទៅកាន់ការបំពាក់លើម៉ូឌែល Model Y Performance នាពេលអនាគត។

ជាកញ្ចប់អាប់ដេតនេះ វានឹងកាត់បន្ថយពេលវេលាបង្កើនល្បឿន ដែលរថយន្ដនេះជាន់ស្ទុះពីកុងទ័រ ០-១០០ គ.ម/ម៉ោង ប្រើពេល ៤.៦ វិនាទី មកត្រឹមតែ ៤.២ វិនាទីប៉ុណ្ណោះ។ ការអាប់ដេតនេះក៏មានសម្រាប់ Model Y ជំនាន់មុនផងដែរ ហើយគឺជាមុខងារស្តង់ដារលើម៉ូដែល Launch Edition ថ្មី។

នេះជាយុទ្ធសាស្ត្រទីផ្សាររបស់ Tesla ក៏ដូចជាក្រុមហ៊ុនផលិតរថយន្តផ្សេងទៀតធ្លាប់បានធ្វើរឿងស្រដៀងគ្នាបែបនេះដែរ។ ពួកគេបានផ្តល់ជម្រើសដូចគ្នានេះដល់ Model Y ជំនាន់ចាស់ផងដែរ ហើយគេជឿជាក់ថាអត្រាអ្នកទិញ (take rate) គឺខ្ពស់គួរសមសម្រាប់ការលល់កញ្ចប់អាប់ដេតបែបនេះ៕

ផ្ទាំងផ្សាយពាណិជ្ជកម្ម

រថយន្តអគ្គិសនីគម្រូ Toyota រចនាបែបផ្សងព្រេងបោះតង់ កំពុងទទួលបានការចាប់អារម្មណ៍

May 6, 2025

រថយន្តអគ្គិសនីគម្រូ bZ5 FieldGo មានការរចនាស្រដៀងទៅនឹងរថយន្ត bZ5 ប៉ុន្តែមានលក្ខណៈខុសគ្នា ដោយមានបំពាក់ឧបករណ៍ជាច្រើន ដើម្បីជំនះឧបសគ្គផ្លូវលំបាកនិងប្រើសម្រាប់ការបោះតង់ កំពុងធ្វើឲ្យអ្នកដែលនិយម ធ្វើដំណើរកម្សាន្ដបែបផ្សងព្រេងបោះបង់ ពេញចិត្តលើម៉ូឌែលនេះយ៉ាងខ្លាំង។

រថយន្ត Toyota bZ5 បំពាក់មកជាមួយអាគុយ LFP Blade ហើយអាចសាកលឿនពី ៣០% ទៅ ៨០% ក្នុងរយៈពេល ២៧ នាទី។ រថយន្តនេះអាចបើកបរបានចម្ងាយ ៦៤៣ គីឡូម៉ែត្រ គិតតាមស្ដង់ដារវាស់ចម្ងាយ CLTC ។ រថយន្តអគ្គិសនីគម្រូនេះ ត្រូវបានរចនាមកប្លែក ដោយភ្ជាប់ជាមួយទ្រុងលើដំបូល ហើយបន្ថែមមកជាមួយឧបករណ៍បោះតង់ ខណៈកៅអីខាងក្រោយអាចបត់រាបស្មើ សម្រាប់ធ្វើជាគ្រែគេង។ រថយន្ត bZ5 មើលទៅហាក់ដូចជាត្រៀមខ្លួនរួចជាស្រេចសម្រាប់ដំណើរផ្សងព្រេងបែបបោះតង់ ជាពិសេសបំពាក់មកជាមួួយសំបកកង់បែប Off-Road សម្រាប់ឆ្លងកាត់ផ្លូវពិបាកៗ។

នេះគឺជាយុទ្ធសាស្រ្ដថ្មីមួយទៀតរបស់ក្រុមហ៊ុន Toyota ដែលពួកគេផលិតរថយន្ដមកតាមតម្រូវរបស់អ្នកប្រើប្រាស់ចង់បាន។ ការបោះតង់កម្សាន្ដ បានក្លាយជាសកម្មភាពដែលពេញនិយមយ៉ាងខ្លាំងនៅក្នុងប្រទេសចិន អំឡុងពេលបច្ចុប្បន្ន ដោយសារការប្រកបការងារនិងរស់នៅទីក្រុងធ្វើឲ្យមនុស្សជួបបញ្ហាស្រ្ដេស បានជាហេតុធ្វើឲ្យពួគកេស្វែងរកវិធីនាំគ្រួសាររបស់ពួកគេចេញពីទីក្រុងដែលមានមនុស្សកកកុញ ហើយត្រឡប់ទៅស្វែងរកការសម្រាកជាមួយធម្មជាតិវិញ។ រថយន្ត EV របស់ចិនភ្ជាប់មកជាមួយនូវមុខងារផាសុកភាព និងបច្ចេកវិទ្យាជាច្រើន ដែលធ្វើឱ្យពួកវាស័ក្តិសមសម្រាប់ប្រើប្រាស់សម្រាប់ដំណើរផ្សងព្រេងបែបបោះតង់។

នៅមិនទាន់ច្បាស់នៅឡើយទេថា តើរថយន្តគម្រូ bZ5 FieldGo នឹងក្លាយជាការពិតឬអត់។ យ៉ាងមិញនៅឯពិព័រណ៍ក្រុងសៀងហៃ រថយន្តគម្រូនេះត្រូវបានដាក់តាំងបង្ហាញរួមជាមួយរថយន្តអគ្គិសនីរបស់ក្រុមហ៊ុន Toyota ជាច្រើនទៀត រួមមាន bZ3, bZ3X, robotaxi bZ4X, bZ5, និង bZ7។ ក្រុមហ៊ុន Toyota បានពន្លឿនយុទ្ធសាស្ត្រប្រើប្រាស់រថយន្តអគ្គិសនីរបស់ខ្លួន នៅក្នុងប្រទេសចិនបានយ៉ាងឆាប់រហ័ស ដោយពួកគេបានដាក់លក់រថយន្ត SUV អគ្គិសនីទីបីក្នុងត្រកូល bZ គឺ bZ3X នៅដើមខែមីនា ហើយទទួលបានជោគជ័យយ៉ាងខ្លាំង។

ចំពោះរថយន្ត bZ3X ត្រូវបានទទួលការគាំទ្រយ៉ាងខ្លាំង ក្រោយដាក់លក់ជាមួយតម្លៃល្អ ពីចន្លោះតម្លៃ ១០៤ ៨០០ ដល់ ១៥៤ ៨០០ យ័ន ឬស្មើនិង ១៤ ៤០០ ដល់ ២១ ៣០០ ដុល្លារ ក្នុងរយៈពេលមួយម៉ោងដំបូងនៃការដាក់លក់ ក្រុមហ៊ុន Toyota បានទទួលការកក់ទុក (pre-orders) ជាង ១០,០០០ គ្រឿង៕

ផ្ទាំងផ្សាយពាណិជ្ជកម្ម

អស់បារម្ភរឿងគ្មានភាពរួសរាយរាក់ទាក់ និងការផ្តល់ព័ត៌មានអំពីរថយន្ត! ក្រុមហ៊ុនលក់ឡាននៅម៉ាឡេស៊ីប្រើរ៉ូប៉ូតអោយលក់រថយន្តជំនួសមនុស្ស

May 6, 2025

[បរទេស] ក្រុមហ៊ុនផលិតរថយន្តរបស់ប្រទេសចិន Chery បានបោះជំហានថ្មីជាមួយការប្រើប្រាស់រ៉ូប៉ូត ក្នុងការផ្តល់នូវសេវាកម្មសម្រាប់អតិថិជន ដូចជាការលក់រថយន្ត ការនាំភ្ញៀងទស្សនាអគារតាំងបង្ហាញទាំងមូល និងសេវាកម្មផ្សេងៗ។ ដោយរ៉ូប៉ូតដែលធ្វើការជំនួសមនុស្សនេះមានឈ្មោះថា “Mornine” កំពុងដាក់អោយដំណើរការនៅអគារលក់នៃក្រុមហ៊ុនបុត្រសម្ព័ន្ធរបស់ខ្លួន Omoda នៅក្នុងទីក្រុងកូឡាឡាំពួ ប្រទេសម៉ាឡេស៊ី។

ក្នុងនោះ រ៉ូប៉ូតនេះត្រូវបានបង្កើតឡើងដោយប្រើប្រាស់នូវតួរគ្រោង AiMOGA Platfiom ជាមួយការប្រើប្រាស់នូវ AI របស់ Deepseek អាចផ្តល់នូវព័ត៌មានបានច្រើនភាសារ បម្រើភេសជ្ជ: ដើម្បីធ្វើយ៉ាងណាផ្តល់នូវសេវាកម្មដល់អតិថិជនយ៉ាងមានប្រសិទ្ធភាព។

គួរបញ្ជាក់ផងដែរថា សម្រាប់ រ៉ូប៉ូតនេះគឺ Chery បានបង្ហាញចេញផ្លូវការនៅឆ្នាំ២០២៣ និងដាក់អោយដំណើរការនៅឆ្នាំ២០២៥ នេះ ជាមួយតម្លៃខ្ទង់ ៥៧ ០០០ដុល្លារក្នុងមួយគ្រឿង និងត្រូវបានផលិតសរុបចំនួន ២២០គ្រឿងប៉ុណ្ណោះ៕

ផ្ទាំងផ្សាយពាណិជ្ជកម្ម

ការបន្ថែមពន្ធគយរបស់លោក ត្រាំ ត្រូវបានរំពឹងថាផលិកម្មរថយន្តទូទាំងពិភពលោកកាត់បន្ថយជាង ១លានគ្រឿង

May 6, 2025

[បរទេស] ពន្ធគយរបស់ប្រធានាធិបតី Donald Trump មិនត្រឹមតែជំរុញឱ្យតម្លៃទំនិញប្រើប្រាស់ប្រចាំថ្ងៃ និងរថយន្ត ឡើងថ្លៃប៉ុណ្ណោះទេ ប៉ុន្តែគេក៏ត្រូវបានគេរំពឹងថានឹងបណ្តាលឱ្យមានការថយចុះនៃផលិតកម្មរថយន្តសរុបនៅឆ្នាំនេះ និងជាពិសេសអាមេរិកខាងជើង ដោយបរិមាណនៃការលក់រថយន្តរបស់សហរដ្ឋអាមេរិកក៏រំពឹងថានឹងធ្លាក់ចុះផងដែរ។

ក្នុងនោះយោងតាមអ្នកវិភាគមកពី S&P Global Mobility បានព្យាករណ៍ថានៅ ឆ្នាំ២០២៥ នឹងមានរថយន្តថ្មីចំនួន ៨៧,៩ លានគ្រឿងដែលត្រូវបានផលិតនៅទូទាំងពិភពលោក មានការធ្លាក់ចុះ ២% ឬស្មើនឹង ១,៥៥លានគ្រឿង ធៀបនឹងឆ្នាំមុន។ ចំណែកទីផ្សារសហរដ្ឋអាមេរិច យោងតាមសារព័ត៌មាន Nikkei Asia បង្ហាញថរថយន្តស្ទើរតែ ៥០% នៃរថយន្តថ្មីទាំងអស់ដែលបានលក់នៅទីផ្សារសហរដ្ឋអាមេរិចត្រូវបានផលិតនៅទីផ្សារអន្តរជាតិ លើសពីនេះគ្រឿងបន្លាស់រថយន្តចន្លោះពី ៣០% ទៅ ៦០% ក៏ត្រូវបាននាំចូលផងដែរ។ ជាមួយនឹងហេតុផលនេះ វាអាចទៅរួចដែលថាផលិតកម្មរថយន្តនៅអាមេរិកខាងជើងអាចធ្លាក់ចុះ ៩% សម្រាប់លទ្ធផលពេញមួយឆ្នាំ២០២៥ ខណៈដែលបរិមាណលក់នៅសហរដ្ឋអាមេរិកអាចធ្លាក់ចុះ ៣% ។

គួររំលឹកផងដែរថា ផលប៉ះពាល់នៃពន្ធគយអាចមានរយៈពេលយូរ ជាហេតុធ្វើអោយក្រុមហ៊ុនផលិតរថយន្តជាច្រើនរួមទាំង Audi និង Jaguar Land Rover បានបញ្ឈប់ការនាំចេញទៅកាន់សហរដ្ឋអាមេរិក ហើយនឹងធ្វើការតាមរយៈសារពើភ័ណ្ឌដែលមានស្រាប់របស់ពួកគេ ដោយសង្ឃឹមថា Trump អាចនឹងបន្ធូរបន្ថយពន្ធបន្ថែមលើឧស្សាហកម្មរថយន្តនៅក្នុងប៉ុន្មានខែខាងមុខនេះ។

ហើយក៏មានក្រុមហ៊ុនខ្លះបានជួបពិភាក្សាដើម្បីរកដំណោះស្រាយ ជាក់ស្តែងកាលពីខែមុន នាយកប្រតិបត្តិក្រុមហ៊ុន VW Group លោក Oliver Blume បានបង្ហើបថា Audi បានកំពុងពិភាក្សាជាមួយរដ្ឋបាល Trump អំពីការបង្កើតរោងចក្រនៅសហរដ្ឋអាមេរិក ខណៈដែល VW មានរោងចក្ររួចហើយនៅក្នុងសហរដ្ឋអាមេរិក ប៉ុន្តែសម្រាប់រថយន្ត Audi ទាំងអស់ដែលលក់នៅអាមេរិចគឺត្រូវបាននាំចូល ដូច្នេះទើបត្រូវបានជួបពិភាក្សាជាមួយរដ្ឋបាល Trump អំពីការបង្កើតរោងចក្រនៅសហរដ្ឋអាមេរិក៕

ផ្ទាំងផ្សាយពាណិជ្ជកម្ម