Chevrolet Trailblazer ឆ្នាំ២០២១ ចេញតម្លៃផ្លូវការ មិនដល់២ម៉ឺនដុល្លារ

December 12, 2019

រថយន្ត SUV ខ្នាតតូចថ្មី Chevrolet Trailblazer នឹងចេញលក់នៅលើទីផ្សារសហរដ្ឋអាមេរិកនាឆ្នាំក្រោយ ដោយចែកចេញជា ៥ប្រភេទ គឺ L, LS, LT, Activ និង RS។

រថយន្ត Chevrolet Trailblazer ប្រភេទ Base Model (L) បំពាក់ម៉ាស៊ីនចំណុះ ១,២លីត្រ ទំហំ ៣ស៊ីឡាំង មានកម្លាំង ១៣៧សេះ ប្រើប្រអប់លេខអូតូ CVT និងប៉ុងមួយវិលកង់មុខ FWD មានតម្លៃចាប់ពី ១៩ ៩៩៥ដុល្លារ។

ដោយឡែក Trailblazer LS មានតម្លៃចាប់ពី ២២ ៤៩៥ដុល្លារ ប្រើប៉ុងមួយដូចគ្នា តែអាចជ្រើស Option ប៉ុងពីរបាន។ វាប្រើម៉ាស៊ីនចំណុះ ១,៣លីត្រ ទំហំ ៣ស៊ីឡាំង មានកម្លាំង ១៥៥សេះ។

រីឯ Trailblazer LS មានតម្លៃចាប់ពី ២៤ ៥៩៥ដុល្លារ មានទាំងជម្រើសម៉ាស៊ីនចំណុះ ១,២លីត្រ និង ១,៣លីត្រ ព្រមទាំងជម្រើសប៉ុងមួយ និងប៉ុងពីរផងដែរ។

ក្រៅពីនោះ Trailblazer Activ និង RS ប្រើម៉ាស៊ីនចំណុះ ១,៣លីត្រ និងប៉ុងមួយស្តង់ដារ តែអាចជ្រើស Option ប៉ុងពីរបាន៕

ផ្ទាំងផ្សាយពាណិជ្ជកម្ម

លេងសើចម៉េចបាន ថតបង្ហោះផ្លូវខូច បានរង្វាន់ទៀត!

December 11, 2019

ភ្នំពេញ៖ នៅថ្ងៃនេះ ទី១១ ខែធ្នូ ឆ្នាំ២០១៩ នៅលើទំព័រផ្លូវការរបស់ក្រសួងសាធារណការ និងដឹកជញ្ជូន បានធ្វើការបង្ហាញជាផ្លូវការកម្មវិធីថែទាំផ្លូវ សម្រាប់បងប្អូនប្រជាពលអាចធ្វើការរាយការណ៍ផ្លូវខូចខាត ដើម្បីអាចចាត់វិធានការទាន់ពេលវេលា។ អ្វីដែលពិសេសនោះគឹថា រិះគន់បានផ្លូវស្អាតហើយ ទទួលបានរង្វាន់ថែមទៀត។ ការជ្រើសរើសអ្នកឈ្នះរង្វាន់នឹងធ្វើឡើងសម្រាប់បងប្អូនណា ដែលបានធ្វើការរាយការណ៍ដោយមានភ្ជាប់រូបភាព ខ្លឹមសារ និងទីតាំងត្រឹមត្រូវបានច្រើនជាងគេ ហើយលទ្ធផលអ្នកឈ្នះរង្វាន់ នឹងត្រូវប្រកាសនៅថ្ងៃទី១៤ ធ្នូ ២០១៩ នៅទំព័រហ្វេសបុកផ្លូវការ របស់ក្រសួងផ្ទាល់តែម្តង។

រូបភាព៖ ក្រសួងសាធារណការ និងដឹកជញ្ជូន Ministry of Public Works and Transport – MPWT

អ្នកឈ្នះរង្វាន់ទូរស័ព្ទ iPhone, OPPO និង Airpod ត្រូវទៅបង្ហាញខ្លួន ដើម្បីទទួលរង្វាន់ នៅក្នុងកម្មវិធីបិទយុទ្ធនាការ បណ្តុះបណ្តាល និងផ្សព្វផ្សាយ បច្ចេកទេសជួសជុលថែទាំផ្លូវ និងកម្មវិធីថែទាំផ្លូវ (ROAD CARE Mobile App) នៅសណ្ឋាគារ ប្រេសុីដង់ (President Hotel) ថ្ងៃទី១៦ ធ្នូ ២០១៩។

ព័ត៌មានលម្អិត: ០៨៥ ៩២ ៩០ ៩០ | ០១៥ ៩២ ៩០ ៩០ | ០៦៧ ៩២ ៩០ ៩០ | ០២៣ ៤២ ៦៦ ៤០

ទាយយកដោយឥតគិតថ្លៃ៖
- App Store: roadcare.mpwt.gov.kh/ios
– Play Store: roadcare.mpwt.gov.kh/android

ផ្ទាំងផ្សាយពាណិជ្ជកម្ម

ឡូយ! Mitsubishi Triton ពិសេសរូបរាងប្លែក មានត្រឹម ១២០ គ្រឿង

December 11, 2019

Mitsubishi Motors Malaysia បានប្រកាសចេញលក់រថយន្ត Triton Knight ជាម៉ូដែលមានចំនួនកំណត់ ដែលនឹងលក់ត្រឹម ១២០ គ្រឿងប៉ុណ្ណោះ។ Triton Knight នេះគឺផលិតផ្អែកលើប្រភេទ Adventure X ដែលមានតម្លៃប្រមាណ ៣៣ ១០០ ដុល្លារ។

Triton Knight នេះមានកាងមុខលាបពណ៌ប្រផេះ, មានក្បាំងការពារគម្របមុខ, កញ្ចក់ចំហៀងពណ៌ខ្មៅ និងមានរចនារូបរាងខាងក្រៅដោយស្ទីកគ័រ Knight ហើយផ្នែកខាងក្នុងវិញមានកម្រាលជើងដែលដេរឌីហ្សាញដោយអំបោះក្រហមជុំវិញ ហើយរថយន្តនេះមានតែជម្រើសពណ៌សប៉ុណ្ណោះ។

Triton Knight នេះមានម៉ាស៊ីនម៉ាស៊ូត Turbo ចំណុះ ២,៤ លីត្រ ដែលមានកម្លាំង ១៨១ សេះ ភ្ជាប់ជាមួយប្រអប់លេខ ៦ វគ្គ និងប្រព័ន្ធបើកបរ Super Select 4WD-II ហើយមានយ៉ាន់ទំហំ ១៨ អ៊ីញផងដែរ៕

ផ្ទាំងផ្សាយពាណិជ្ជកម្ម

ទាល់តម្រិះ Infiniti យករថយន្ត Tesla Model 3 លក់ឲ្យអតិថិជន

December 11, 2019

កាលពីថ្មីៗនេះចៅហ្វាយក្រុង Sherbrooke នៃខេត្ត Quebec ប្រទេសកាណាដាដែលជាអតិថិជនស្ម័គ្រស្មោះម្នាក់របស់ Infiniti ត្រូវការស្វែងរកទិញរថយន្តដែលមិនប៉ះពាល់ដល់បរិស្ថាន។ ដើម្បីកុំឲ្យបាត់បង់អតិថិជន ហាងលក់រថយន្ត Infiniti ក្នុងស្រុក ក៏សម្រេចយករថយន្ត Tesla Model 3 មកលក់ឲ្យ។

ហាងលក់រថយន្ត Infiniti ថែមទាំងបានប្រកាសការលក់នេះលើទំព័រ Facebook របស់ខ្លួន និងបានហៅវាថាជាដំណោះស្រាយក្នុងពេលបច្ចុប្បន្ន រហូតដល់ពេលរថយន្តអគ្គិសនីម៉ាក Infiniti បង្ហាញមុខក្នុងហាងលក់។

ហាង Infiniti នៅ Sherbrooke បានបញ្ជាក់ថារថយន្តអគ្គិសនីម៉ាក Infiniti ជាច្រើនគ្រឿងរំពឹងថានឹងបង្ហាញមុខនៅត្រឹមឆ្នាំ ២០២១ ខាងមុខនេះ៕

ផ្ទាំងផ្សាយពាណិជ្ជកម្ម

អេមណាស់! Honda Civic Sport Line ឆ្នាំ២០២០ រចនាកាត់តាម Civic Type R

December 11, 2019

Honda បានបញ្ចេញរថយន្ត Civic ប្រភេទ Sport Line ថ្មី ស៊េរីឆ្នាំ២០២០ នៅលើទីផ្សារអឺរ៉ុប ដែលមានការរចនាកាត់តាមរថយន្ត Civic Type R មើលទៅពិតជាទាក់ទាញខ្លាំងមែនទែន។

ក្រៅពីមានរូបរាងទាក់ទាញ Civic Sport Line ក៏បំពាក់យ៉ាន់ Alloy ទំហំ១៧អ៊ីង, ចង្កៀងប្រភេទ Full LED និង Daytime Running Light ហើយបន្ថែមជម្រើសពណ៌តួខ្លួនពណ៌ខៀវថ្មី ហៅថា Obsidian Blue ទៀតផង។

រីឯផ្នែកខាងក្នុងវិញ វាបានបំពាក់ប្រព័ន្ធបង្ហាញព័ត៌មាន Honda Connect ជាមួយមុខងារ Apple CarPlay និង Android Auto ព្រមទាំងកាមេរ៉ាមើលក្រោយ មកស្តង់ដារតែម្តង។

ក្រៅពីនោះក៏មានប្រព័ន្ធ Honda’s Sensing ដែលរួមបញ្ចូលមុខងារដូចជា Collision Mitigation Braking System, Adaptive Cruise Control, Lane Departure Warning, Lane Keeping Assist System និង Traffic Sign Recognition មកស្តង់ដារតែម្តង។

សូមបញ្ជាក់ថា រថយន្ត Honda Civic Sport Line បំពាក់ម៉ាស៊ីនសាំងចមណុះ ១,០លីត្រ Turbocharged ទំហំ ៣ស៊ីឡាំង មានកម្លាំង ១២៤សេះ ហើយមានទាំងជម្រើសលេខដៃ និងអូតូ ៦វគ្គ។

វានឹងចេញលក់នៅខែមករា ឆ្នាំ២០២០ ដោយមានតម្លៃចាប់ពី ៣៣ ៥៦០ដុល្លារលើទីផ្សារអឺរ៉ុប សម្រាប់ម៉ូដែលលេខដៃ និង ៣៥ ៤០៥ដុល្លារសម្រាប់ម៉ូដែលលេខអូតូ៕

ផ្ទាំងផ្សាយពាណិជ្ជកម្ម

Range Rover ចេញរថយន្ត Velar Black Edition កាចខ្លាំង ផលិតតែ៥០០គ្រឿងគត់

December 11, 2019

ក្រុមហ៊ុន Land Rover បានពង្រីកត្រកូល Range Rover Velar របស់ខ្លួន ដោយបញ្ចេញម៉ូដែល R-Dynamic Black Edition ថ្មី។

ផ្អែកលើម៉ូដែល D180 R-Dynamic SE រថយន្ត Velar R-Dynamic Black Edition ថ្មីនេះនឹងត្រូវផលិតត្រឹមតែ ៥០០គ្រឿងប៉ុណ្ណោះ ជាមួយនឹងតម្លៃចាប់ពី ៧៤ ៩៥៩ដុល្លារលើទីផ្សារបរទេស។ វានឹងចេញលក់នៅដើមឆ្នាំ២០២០ ខាងមុខនេះតែម្តង។

រថយន្ត Velar R-Dynamic Black Edition នេះមានលក្ខណៈពិសេសដូចជា មានតួខ្លួនបែបក្រម៉ៅ ២ជម្រើស គឺ ខ្មៅ និងប្រផេះ ជាមួយយ៉ាន់ Alloy ខ្មៅរលោង ទំហំ២១អ៊ីង, ដំបូងកញ្ចក់ Panoramic Glass Roof និងដៃចង្កូតមានមុខងារកម្តៅជាដើម។

រថយន្ត SUV ដ៏ទាក់ទាញនេះប្រើម៉ាស៊ីនចំណុះ ៥,០លីត្រ Supercharged ទំហំ ៨ស៊ីឡាំង មានកម្លាំង ៥៤២សេះ៕

ផ្ទាំងផ្សាយពាណិជ្ជកម្ម

Tesla ពន្លឿនការផលិតរថយន្ត Cybertruck ប្រភេទថ្លៃជាងគេ ទំនងមកពីហេតុផលមួយ

December 10, 2019

នៅពេលដែល Tesla បើកទទួលការកក់រថយន្ត Cybertruck របស់ខ្លួន ក្រុមហ៊ុននិយាយថាប្រភេទ Tri-Motor ដែលជាប្រភេទមានកម្លាំងខ្លាំងនិងថ្លៃជាងគេនឹងចូលរោងចក្រផលិតនៅចុងឆ្នាំ ២០២២, ចំណែកប្រភេទ Single-Motor និង Dual-Motor ចូលរោងចក្រផលិតនៅឆ្នាំ ២០២១។

យ៉ាងណាក្ដី Tesla បានធ្វើការផ្លាស់ពេលផលិតវិញ ដោយប្រភេទ Tri-Motor និង Dual-Motor នឹងចាប់ផ្ដើមផលិតនៅចុងឆ្នាំ ២០២១។ ចំណែកប្រភេទ Single នឹងត្រូវពន្យារពេលដល់ចុងឆ្នាំ ២០២២ វិញ។

ហេតុផលនៃការផ្លាស់ប្ដូរនេះទំនងជាមកពីប្រភេទ Tri-Motor និង Dual-Motor មានអ្នកកក់ទិញច្រើនសន្ធឹកបើធៀបនឹងប្រភេទ Single។ ជាក់ស្ដែងលោក Elon Musk ធ្លាប់បានប្រាប់ថាក្នុងចំណោមរថយន្ត Cybertruck ចំនួន ១៤៦ ០០០ គ្រឿងដែលគេកក់ មាន ៤១% គឺយក Tri-Motor, ៤២% យក Dual-Motor និងមាន ១៧% ប៉ុណ្ណោះទិញយក Single-Motor។

Cybertruck មានជម្រើសចំនួន ៣ គឺ ៖

Single Motor RWD តម្លៃ ៣៩ ៩០០ដុល្លារ មានចម្ងាយបើកបរជាង ៤០០គីឡូម៉ែត្រ
Dual Motor តម្លៃ ៤៩ ៩០០ដុល្លារ មានចម្ងាយបើកបរជាង ៤៨០គីឡូម៉ែត្រ
Tri-Motor AWD អាចរត់ស្ទុះពីកុងទ័រ ០ ដល់ ១០០គីឡូម៉ែត្រក្នុងមួយម៉ោង ប្រើពេលត្រឹមតែ ២,៩វិនាទីប៉ុណ្ណោះ ហើយមានល្បឿនអតិបរមា ២១០គីឡូម៉ែត្រក្នុងមួយម៉ោង និងចម្ងាយបើកបរជាង ៨០០គីឡូម៉ែត្រ ឯតម្លៃវិញគឺ ៦៩ ៩០០ដុល្លារ៕

ផ្ទាំងផ្សាយពាណិជ្ជកម្ម

Toyota នឹងបញ្ចេញរថយន្តថ្មី ៣១ ម៉ូដែល នៅក្នុងពេល ៣ឆ្នាំខាងមុខ

December 10, 2019

ក្រុមហ៊ុនជប៉ុន Toyota នឹងបង្ហាញចេញរថយន្តថ្មីចំនួន ៣១ ម៉ូដែលនៅក្នុងរង្វង់ ៣ ឆ្នាំទៅមុខទៀត ដែលក្នុងនោះរួមមានរថយន្តម៉ូដែលថ្មី, រថយន្តស៊េរីថ្មី មានជាប្រភេទ SUV និងភីកអាប់ផងដែរ។

រថយន្តទាំង ៣១ ម៉ូដែលនេះ ច្បាស់ណាស់នឹងមានប្រភេទប៉ុងពីរនៃម៉ូដែល Avalon និង Camry, មានរថយន្ត RAV4 Prime ដែលជាប្រភេទ Plug-in Hybrid, រថយន្ត Highlander ឌីហ្សាញថ្មី, Lexus LC បើកដំបូល។ ក្រៅពីនេះនៅផ្នែកភីកអាប់នឹងមានរថយន្ត Tacoma និង Tundra ផងដែរ។

ការប្រកាសអំពីការបញ្ចេញរថយន្តថ្មីប្រមាណ ១០ គ្រឿងក្នុងមួយឆ្នាំនេះ គឺធ្វើឡើងដោយលោក Bob Carter ជាអនុប្រធានផ្នែកលក់នៃ Toyota អាមេរិកខាងជើង ដែលប្រកាសកាលពីដើមខែធ្នូ៕

ផ្ទាំងផ្សាយពាណិជ្ជកម្ម

រថយន្ត Rolls-Royce Phantom ពាសដែក តម្លៃដល់ទៅ ៣,៣ លានដុល្លារ

December 9, 2019

ក្រុមហ៊ុន Klassen Luxury ដែលជាក្រុមអាល្លឺម៉ង់ល្បីឈ្មោះមួយ បានបង្ហាញអំពីគម្រោងការកែច្នៃរថយន្ត Rolls-Royce Phantom ស៊េរីថ្មី មកជារថយន្តពាសដែកនិងជាប្រភេទរថយន្ត Limo មានតួខ្លួនវែង។

ប្រវែងពីកង់មុខទៅកង់ក្រោយនៃរថយន្តប្រភេទពិសេសគឺមានដល់ទៅ ៤៨២២ ម.ម និងប្រវែងសរុប ៧០៣២ ម.ម ឯណោះ លើស Phantom EWB ប្រមាណ ១០៥០ ម.ម។ រថយន្តនេះគឺមានបំពាក់អាវក្រោះការពារគ្រាប់កម្រិត B7 ដែលអាចការពារអ្នកដំណើរក្នុងរថយន្តបានយ៉ាងល្អប្រសើរបំផុត។

រថយន្តនេះនឹងមានទម្ងន់ធ្ងន់ដល់ទៅ ២,៦ តោន ដោយសារមានពាសនូវដែក។ ចំណែកម៉ាស៊ីនក្រុមហ៊ុន Klassen មិនបានផ្លាស់ប្ដូរនោះទេ ដោយនៅតែប្រើម៉ាស៊ីន ៦,៧៥ លីត្រ Twin-Turbo ១២ ស៊ីឡាំង ដែលផលិតកម្លាំងបាន ៥៦៣ សេះ។

ចំពោះរថយន្តនេះអតិថិជនអាចធ្វើការកុម្ម៉ង់ ហើយនឹងទទួលបានក្នុងរយៈពេល ៦ ខែពីក្រោយការកុម្ម៉ង់ ដែលវាមានតម្លៃប្រមាណ ៣,៣ លានដុល្លារ៕

ផ្ទាំងផ្សាយពាណិជ្ជកម្ម

ទស្សនាវីដេអូរថយន្តភីកអាប់អគ្គិសនី Cybertruck បើកលើដងផ្លូវ ប្លែកភ្នែកយ៉ាងណា

December 9, 2019

រថយន្តគំរូនៃរថយន្តភីកអាប់អគ្គិសនី Tesla Cybertruck ត្រូវបានគេប្រទះឃើញបើកបរនៅលើដងផ្លូវនាទីក្រុង Los Angeles ហើយអ្នកបើកបរទំនងជាលោក Elon Musk ដែលជានាយកប្រតិបត្តិ Tesla ផ្ទាល់តែម្ដង។

រថយន្តនេះត្រូវបានគេចាប់អារម្មណ៍ថា វាមានការឌីហ្សាញភ្លើងមុខខុសពីរថយន្តដែលបង្ហាញដល់ពិភពលោកកាលពីប៉ុន្មានសប្ដាហ៍មុន។ អំពូលភ្លើងមុខរបស់រថយន្តមួយនេះ គឺមានបន្ថែមនូវអំពូលភ្លើងដូចរថយន្តធម្មតា និងមានភ្លើងឲ្យសញ្ញានៅផ្នែកទាំងសងខាងផងដែរ។