McLaren ចេញរថយន្តស្ព័រថ្មី ផលិតមានកំណត់ កម្លាំងជាង៦០០សេះ

December 9, 2019

McLaren បានប្រកាសចេញរថយន្តស្ព័រម៉ូដែលថ្មី ហៅថា 620R ដែលនឹងផលិតមានចំនួនកំណត់ នៅដើមឆ្នាំក្រោយ។

McLaren បានហៅ 620R ថាជារថយន្តប្រណាំងដែលអាចបើកតាមផ្លូវសាធារណៈស្របច្បាប់ ដោយសារតែវាបានប្រើតួខ្លួន និងផ្នែករឹង Aerodynamic ពីរថយន្តប្រណាំង McLaren 570S GT4 ច្រើន។ ជាមួយគ្នានេះ McLaren អះអាងថា 620R នៅតែរក្សា DNA ជារថយន្តប្រណាំងដដែល។

រថយន្ត McLaren 620R មានកម្លាំងរហូតដល់ទៅ ៦១២សេះ ដែលអាចឲ្យវារត់ពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹម ២,៩វិនាទី ហើយមានល្បឿនអតិបរមាដល់ ៣២០គីឡូម៉ែត្រក្នុងមួយម៉ោង។

620R មាន ៣ពណ៌ឲ្យជ្រើសរើស ហើយនឹងត្រូវផលិតត្រឹម ៣៥០គ្រឿងប៉ុណ្ណោះ ជាមួយនឹងតម្លៃចាប់ពី ៣៣០ ០០០ដុល្លារលើទីផ្សារបរទេស៕

ផ្ទាំងផ្សាយពាណិជ្ជកម្ម

Toyota RAV4 ថ្មី ឈ្នះពានរង្វាន់ “2019 Japan Car of the Year”

December 9, 2019

រថយន្ត Toyota RAV4 ជំនាន់ទី៥ បានឈ្នះពានរង្វាន់រថយន្តប្រចាំឆ្នាំនៅជប៉ុន “2019 Japan Car of the Year” បន្ទាប់ពីខានឈ្នះពានរង្វាន់នេះអស់រយៈពេលជាយូរឆ្នាំ ចាប់តាំងពី Toyota Prius ឈ្នះក្នុងឆ្នាំ២០០៩។

រថយន្ត RAV4 ថ្មី ទទួលបានពិន្ទុសរុប ៤៣៦ពិន្ទុ យកឈ្នះលើរថយន្ត Mazda 3 (៣២៨ពិន្ទុ) និង BMW 3 Series (២៩០ពិន្ទុ)។

មូលហេតុដែល RAV4 អាចទទួលបានជ័យលាភីនេះ ក៏ដោយសារតែកត្តាសំខាន់ៗដូចជា ការបើកបរ, ផាសុខភាព, តម្លៃ និងកន្លែងទុកដាក់ឥវាន់ ជាដើម។

សូមបញ្ជាក់ថា រថយន្ត Toyota RAV4 ជំនាន់ថ្មី ប្រើម៉ាស៊ីនសាំងចំណុះ ២,០លីត្រ ទំហំ ៤ស៊ីឡាំង មានកម្លាំង ១៦៩សេះ និង ម៉ាស៊ីន Hybrid ចំណុះ ២,៥លីត្រ កម្លាំង ២១៥សេះ ប្រើប្រអប់លេខអូតូ ហើយមានទាំងជម្រើសប៉ុងមួយ និងប៉ុងពីរ។ វាមានតម្លៃចាប់ពី ២៣ ៥០០ដុល្លារលើទីផ្សារប្រទេសជប៉ុន៕

ផ្ទាំងផ្សាយពាណិជ្ជកម្ម

Ford Ranger មុខមាត់កាចខ្លាំង ពេលតុបតែងបែបនេះ

December 7, 2019

ក្រុមហ៊ុនជំនាញខាងលេងរថយន្ត Motion R Design បានបង្ហាញគម្រោងការថ្មីអំពីការលេងលើរថយន្ត Ford Ranger ដោយមានបន្ថែមនូវការតុបតែងជាមួយសរសៃកាបូន មើលទៅប្លែកភ្នែកបំផុត។

កញ្ចប់ដែលមានឈ្មោះថា CFRP នេះ ត្រូវបានគេរៀបរាប់ថាជាកញ្ចប់ធ្វើឲ្យរថយន្តនេះក្លាយជារថយន្ត Off-Road មានរូបរាងប្លែកដាច់គេលើទីផ្សារ និងមានសមត្ថភាពខ្លាំង។ វាមានបំពាក់ដោយយ៉ាន់ Alloy ទំហំ ២០ អ៊ីញ ស្រោបដោយសម្បកកង់ប្រភេទ Off-Road ហើយសរសៃកាបូនមានបំពាក់លើផ្នែកខាងក្រៅជាច្រើនកន្លែង។

Motion R Design នឹងគិតថ្លៃប្រមាណ ៥២ ៥០០ ដុល្លារ សម្រាប់កញ្ចប់កែរូបរាងមួយនេះ ដែលតម្លៃនេះគឺថ្លៃបើធៀបនឹងតម្លៃរបស់ Ford Ranger នៅសហរដ្ឋអាមេរិកមានចាប់ពី ២៤ ៤១០ ដុល្លារប៉ុណ្ណោះ៕

ផ្ទាំងផ្សាយពាណិជ្ជកម្ម

បុរសម្នាក់ចំណាយ ៥០ដុល្លារ ព្រីនឡានភីកអាប់ Cybertruck

December 7, 2019

ដោយហេតុតែចូលចិត្តរថយន្តភីកអាប់ Tesla បុរសម្នាក់ឈ្មោះ Roger Kappler បានបង្កើតនូវកូនរថយន្តនេះជាមួយភ្លើង LED ពិតៗ។

ខ្លួននៃកូនរថយន្ត Cybertruck នេះគឺបានព្រីនចេញដោយប្រើម៉ាស៊ីនព្រីន 3D ដោយព្រីនចេញជាពណ៌ស ហើយចំណាយពេលសរុបដល់ ២៤ ម៉ោងក្នុងការព្រីន ក្រោយមកគេបានលាបថ្នាំ និងដុសខាត់ដើម្បីឲ្យដូចនឹងរថយន្តដែលក្រុមហ៊ុនបង្ហាញ។ សម្រាប់បង្អួចវិញ Kappler ប្រើប្រាស់ប្លាស្ទិក ហើយភ្លើង LED មុខក្រោយ ដំណើរការដោយថ្ម AA ដែលដាក់នៅផ្នែកខាងក្រោយរថយន្ត។

Kappler ប៉ាន់ស្មានថាបន្ថែមពីលើការប្រើពេលព្រីន ២៤ ម៉ោង កូនរថយន្ត Cybertruck នេះត្រូវចំណាយពេលបន្ថែមទៀត ១៥ ម៉ោង និងចំណាយប្រមាណ ៥០ ដុល្លារលើវត្ថុធាតុ៕

ផ្ទាំងផ្សាយពាណិជ្ជកម្ម

Toyota ឈប់ផលិតឡាន Corolla ប្រើសាំងនៅអង់គ្លេស ឲ្យប្រើតែ Hybrid សុទ្ធ

December 7, 2019

ក្រុមហ៊ុន Toyota UK បានបោះបង់ចោលជម្រើសម៉ាស៊ីនសាំងលើរថយន្ត Corolla និងផ្តល់តែជម្រើសម៉ាស៊ីន Hybrid សុទ្ធប៉ុណ្ណោះ។

រថយន្ត Toyota Corolla ដែលដាក់លក់លើទីផ្សារអង់គ្លេស ប្រើម៉ាស៊ីនចំណុះ ១,៨លីត្រ Hybrid កម្លាំង ១២០ និង ២,០លីត្រ Hybrid កម្លាំង ១៨១សេះ ហើយក៏បន្ថែមម៉ូដែល GR Sport និង Trek ផងដែរ។

គួរឲ្យដឹងថា Corolla GR Sport ថ្មី ដើរតួជារថយន្តបែបស្ព័រ ដោយបំពាក់លក្ខណៈពិសេសជាច្រើនលើសម៉ូដែលធម្មតា ហើយក៏មានភាពទាក់ទាញខ្លាំងផងដែរ។

វាប្រើកុងទ័រឌីជីថលទំហំ ៧អ៊ីង, អេក្រង់បង្ហាញព័ត៌មាន អាចភ្ជាប់មុខងារ Apple CarPlay និង Android Auto, កុងទ័រពណ៌បាញ់លើកញ្ចក់, ចង្កៀង LED និងមុខងារ Toyota Safety Sense ជាដើម។

ដោយឡែក Corolla Trek វិញ មានតួខ្លួនវែងជាប្រភេទ Wagon ផ្តល់កន្លែងផ្ទុកឥវាន់កាន់តែធំទូលាយ ហាក់បីដូចជារថយន្ត SUV ខ្នាតតូចអីចឹង៕

ផ្ទាំងផ្សាយពាណិជ្ជកម្ម

Nissan បង្ហាញរូបរាង GT-R50 ដែលនឹងផលិតលក់ឆ្នាំក្រោយ

December 7, 2019

ដើម្បីអបអរសាទរខួបលើកទី៥០ នៃរថយន្ត Nissan Skyline និងក្រុមហ៊ុន Italdesign ពួកគេបានសហការគ្នាបង្កើតរថយន្តស្ព័រ Nissan GT-R50 ឡើង ដែលនឹងបង្ហាញខ្លួនជាផ្លូវការនៅឆ្នាំក្រោយតែម្តង។

រថយន្ត Nissan GT-R50 ត្រូវបានបង្ហាញជាគំរូរថយន្ត នៅកម្មវិធី 2018 Goodwood Festival of Speed ប៉ុន្តែឥឡូវនេះ Nissan បានប្រកាសថា GT-R50 នឹងត្រូវផលិតចំនួនមានកំណត់ត្រឹម ៥០គ្រឿងប៉ុណ្ណោះ។

Nissan បានបញ្ជាក់ទៀតថា រថយន្ត GT-R50 មួយគ្រឿងដំបូងបង្អស់នឹងត្រូវដាក់តាំងបង្ហាញក្នុងកម្មវិធី 2020 Geneva Motor Show ក្នុងខែមីនា ឆ្នាំ២០២០។

រថយន្ត Nissan GT-R50 ប្រើម៉ាស៊ីនចំណុះ ៣,៨លីត្រ Twin-turbo ទំហំ ៦ស៊ីឡាំង មានកម្លាំង ៧១០សេះ ហើយមានតម្លៃ ១,១២លានដុល្លារ៕

ផ្ទាំងផ្សាយពាណិជ្ជកម្ម

អត់និយាយលេងទេណា យកឡានទៅប្តូរប្រេងចំនេញលុយ!

December 7, 2019

ភ្នំពេញ៖ សម្រាប់បងប្អូនប្រើប្រាស់រថយន្តតូយ៉ូតាទាំងអស់ ដែលជិត និងដល់ពេលកំណត់ សម្រាប់ការប្តូរប្រេងម៉ាស៊ីនរថយន្ត គួរទៅស្នាក់ការណ្តាល (ទឹកថ្លា) របស់តូយ៉ូតា ដើម្បីទទួលបានការបញ្ចុះតម្លៃចាប់ពី ១០ដុល្លារ – ២៥ដុល្លារ និងពិនិត្យប្រព័ន្ធសុវត្ថិភាពដោយឥតគិតថ្លៃ រាល់ពេលលោកអ្នកយករថយន្តទៅទទួលសេវាកម្មថែទាំ ចាប់ពីម៉ោង ៨ព្រឹក-៨៖៣០នាទីព្រឹក និងម៉ោង ៣ល្ងាច-៥ល្ងាច រៀងរាលថ្ងៃ។
ដើម្បីទទួលបានការផ្តល់ជូននេះ សូមធ្វើការណាត់ទុកមុនតាមរយៈ ០១៧ ៦៦៦ ១៦៩ / ០១៧ ២២២ ៨៥៧។

មិនត្រឹមតែទទួលបានការផ្តល់ជូនដ៏ពិសេសប៉ុណ្ណោះទេ នៅទីនោះ លោកអ្នកក៏អាចទទួលទានកាហ្វេដ៏ឆ្ងាញ់ពិសារ រួមជាមួយបន្ទប់មើលកុន កន្លែងក្មេងលេង និងបន្ទប់រង់ចាំដ៏ធំទូលាយ ផ្តល់នូវផាសុកភាពបំផុត។

ក្រុមហ៊ុនធានាជូនអតិថិជននូវទំនុកចិត្ត ប្រកបដោយគុណភាពជាចំបងដែលមានសេវាកម្មដូចជា៖
? សេវាកម្មថែទាំរថយន្ត
? សេវាកម្មជួសជុលទូទៅ
? សេវាកម្មតោន និងបាញ់ថ្នាំ

គ្រប់សេវាកម្មទាំងអស់ គឺធានាជូននូវគុណភាពរួមជាមួយគ្រឿងបន្លាស់សុទ្ធ ១០០% ពីរោងចក្រតូយ៉ូតា។
សម្រាប់ព័ត៍មានបន្ថែមសូមទាក់ទង ០១៧ ២២២ ៨៥៧ / ០១៧ ៣៣៣ ៧១៩

Facebook : https://www.facebook.com/toyotacambodiaaftersales
Website : http://toyota.com.kh/en

ផ្ទាំងផ្សាយពាណិជ្ជកម្ម

ចេញតម្រុយថា Ford F-150 ប្រភេទអគ្គិសនីអាចមានប្រើម៉ូទ័ររហូតដល់ ៤

December 6, 2019

ប៉ាតង់ដែលចុះកម្មសិទ្ធិបញ្ញាដោយក្រុមហ៊ុន Ford បានលេចចេញលើអនឡាញប្រទះឃើញដោយវិបសាយ Mach-E Club ដែលមានរៀបរាប់អំពីគ្រោងឆ្អឹងដែលរថយន្តភីកអាប់ Ford F-150 ប្រភេទអគ្គិសនីអាចនឹងប្រើ ហើយមានប្រភេទប្រើម៉ូទ័រអគ្គិសនីចំនួនបួនកំពុងស្ថិតក្រោមការផលិត។

រូបគំនូរដែលបានបញ្ចូលក្នុងប៉ាតង់ដែលចុះបញ្ជីជាមួយការិយាល័យប៉ាតង់និងកម្មសិទ្ធិបញ្ញានៅអាមេរិក បានបង្ហាញអំពីរថយន្តដែលមានម៉ូទ័រអគ្គិសនីចំនួនពីរ គឺមួយនៅមុខ និងមួយទៀតនៅក្រោយ។ យ៉ាងណាក្ដីប៉ាតង់បានរៀបរាប់អំពីភាពអាចទៅរួចនៃម៉ូទ័រអគ្គិសនីចំនួន ៤ ដែលអាចផ្ដល់ថាមពលដល់កង់នីមួយៗ។

Ford បានបង្ហាញអំពីគម្រោងការផលិតរថយន្ត F-150 ប្រើថាមពលអគ្គិសនីសុទ្ធកាលពីដើមឆ្នាំ ២០១៩។ រថយន្តប្រភេទនេះអាចនឹងប្រកាសចេញលឿនបំផុតនៅឆ្នាំ ២០២១។ នេះបើតាមការបង្ហាញរបស់លោក Ted Cannis ថ្នាក់ដឹកនាំមួយរូបរបស់ Ford ដែលបានលើកឡើងកាលពីខែកញ្ញា៕

ផ្ទាំងផ្សាយពាណិជ្ជកម្ម

ចេញរូបភាពពិតរថយន្ត SUV កំពូលប្រណីតរបស់កូរ៉េស៊េរីឆ្នាំ ២០២០

December 6, 2019

រូបភាពដែលបង្ហាញពីរូបរាងនៃរថយន្ត Genesis GV80 ត្រូវបានលេចចេញមុនថ្ងៃប្រកាសចេញជាផ្លូវការ ដែលរថយន្ត SUV របស់កូរ៉េខាងត្បូងមួយនេះនឹងជាគូប្រជែងរថយន្តអឺរ៉ុបដូចជា Audi Q7, BMW X5 និង Mercedes-Benz GLE ជាដើម។

រថយន្ត GV80 ស៊េរីឆ្នាំ ២០២០ នឹងត្រូវបង្ហាញចេញជាផ្លូវការនៅថ្ងៃទី ១៩ ខែធ្នូ ក្នុងប្រទេសកូរ៉េខាងត្បូង។ គួរដឹងថានេះគឺរថយន្តប្រភេទ SUV ដំបូងគេបំផុតរបស់ម៉ាករថយន្តប្រណីត Genesis របស់កូរ៉េ ដែលវាជាម៉ាកសាខារបស់ក្រុមហ៊ុន Hyundai។

រថយន្ត SUV ប្រណីតនេះនឹងមានលក់លើទីផ្សារជាមួយម៉ាស៊ីនសាំងចំនួនពីរប្រភេទ គឺម៉ាស៊ីនចំណុះ ២,៥ លីត្រ ៤ ស៊ីឡាំង Turbocharged ផលិតកម្លាំងបាន ៣០៣ សេះ និងម៉ាស៊ីន ៣,៥ លីត្រ ៦ ស៊ីឡាំង ផលិតកម្លាំងបាន ៣៨៥ សេះ។ ទីផ្សារមួយចំនួនក៏នឹងមានជម្រើសម៉ាស៊ីនម៉ាស៊ូតដែលមានចំណុះ ៣,០ លីត្រ ៦ ស៊ីឡាំង កម្លាំង ២៧៧ សេះ ហើយវាក៏នឹងមានប្រភេទ Plug-in Hybrid ផងដែរ៕

ផ្ទាំងផ្សាយពាណិជ្ជកម្ម

Subaru ចេញរថយន្ត Forester X-Edition ត្រូវម៉ាច់អ្នកចូលចិត្ត Off-road

December 6, 2019

រថយន្ត Subaru Forester ស៊េរីឆ្នាំ២០២០ ទទួលបានម៉ូដែលពិសេសថ្មីមួយទៀត ហៅថា X-Edition។

រថយន្ត Subaru Forester X-Edition ដែលនឹងចេញលក់នៅថ្ងៃទី២៣ មករា ២០២០ ក្នុងប្រទេសជប៉ុន ទទួលបានការអាប់ដេតរូបរាង និងលក្ខណៈពិសេសមួយចំនួនលើសពី រថយន្ត Forester ធម្មតា។ មិនតែប៉ុណ្ណោះ វាបានតុបតែងរថយន្តជាមួយនឹងពណ៌ខ្មៅ ដើម្បីឲ្យមើលទៅរឹតតែកាច និងស្ព័រផងដែរ។

មិនតែប៉ុណ្ណោះ វាបានបំពាក់ប្រព័ន្ធ EyeSight Safety Plus ដោយក្នុងនោះរួមមានទាំងកាមេរ៉ាមើលផ្នែកខាងមុខ និងក្រោយមកស្តង់ដារតែម្តង ដែលវាអាចជួយកាត់បន្ថយ Blind Spot ងាយស្រួលដល់ការបើកបរលុកព្រៃ ឬផ្លូវលំបាក។

សូមបញ្ជាក់ថា រថយន្ត Forester X-Edition ថ្មីនេះ ប្រើម៉ាស៊ីនចំណុះ ២,៥លីត្រ ប្រភេទ Boxer Engine ទំហំ ៤ស៊ីឡាំង មានកម្លាំង ១៨១សេះ ប្រើប្រអប់លេខអូតូ CVT និងប្រព័ន្ធប៉ុងពីរ Symmetrical AWD ស្តង់ដារតែម្តង។ វានឹងត្រូវដាក់លក់ក្នុងតម្លៃចាប់ពី ២៩ ២៥០ដុល្លារ៕