ឃើញថ្លៃថែទាំឡានតម្លៃខ្ទង់លានដុល្លារ ចង់ធ្លាក់ភ្នែក

December 3, 2019

លោក Manny Khoshbin ដែលជាអ្នកប្រមូលទិញរថយន្តមានតម្លៃម្នាក់ បានបង្ហាញអំពីថ្លៃចំណាយលើការជួសជុលរថយន្ត Bugatti Veyron ដែលជារថយន្តផលិតមានកំណត់និងមានតម្លៃខ្ទង់លានដុល្លារឯណោះ។

លោក Manny ដែលមានរថយន្ត Bugatti Veyron ចំនួនពីរគ្រឿងក្នុងឃ្លាំងរថយន្តរបស់ខ្លួននោះ បានប្រាប់អំពីថ្លៃចំណាយសំខាន់ៗលើការថែទាំរថយន្តនេះដែលមានដូចខាងក្រោម ៖

ការប្ដូរប្រេងម៉ាស៊ីនដែលតម្រូវឲ្យប្ដូរមួយឆ្នាំម្ដង អស់ ២៥ ០០០ ដុល្លារ
ការប្ដូរកង់ដែល Bugatti ណែនាំឲ្យប្ដូររៀងរាល់ ២ ទៅ ៣ ឆ្នាំ ម្ដង អស់សរុប ៣៨ ០០០ ដុល្លារ
ការប្ដូរយ៉ាន់ដែលតម្រូវឲ្យប្ដូររាល់ពេលជិះបាន ១៦ ម៉ឺនគីឡូម៉ែត្រ ត្រូវចំណាយអស់ ៥០ ០០០ ដុល្លារ

សរុបទៅការចំណាយលើការថែទាំរយៈពេលប៉ុន្មានឆ្នាំដំបូងនៃការប្រើរថយន្តនេះគឺអស់ដល់ខ្ទង់ ១០ ម៉ឺនដុល្លារឯណោះ។ យ៉ាងណាក្ដីការចំណាយខ្ទង់ប៉ុណ្ណេះ មិនច្រើនសម្រាប់អ្នកដែលមានលទ្ធភាពទិញរថយន្តតម្លៃខ្ទង់លានដុល្លារជិះនោះទេ៕

ផ្ទាំងផ្សាយពាណិជ្ជកម្ម

Honda Passport ឆ្នាំ២០២០ ចេញតម្លៃលក់ផ្លូវការ ថ្លៃជាងស៊េរីមុនបន្តិច

December 3, 2019

Honda បានប្រកាសតម្លៃលក់នៃរថយន្ត Passport ស៊េរីឆ្នាំ២០២០ ជាផ្លូវការ ដោយតំឡើងថ្លៃវាបន្តិច បើប្រៀបធៀបទៅនឹងស៊េរីមុន។

រថយន្ត Honda Passport ចែកចេញជា ៣ម៉ូដែល គឺ Sport តម្លៃ ៣១ ៩០០ដុល្លារ, EX-L តម្លៃ ៣៦ ៤១០ដុល្លារ និង Touring តម្លៃ ៣៩ ២៨០ដុល្លារ នៅលើទីផ្សារសហរដ្ឋអាមេរិក សម្រាប់ប្រភេទប៉ុងមួយ។

ដោយឡែក រថយន្ត Honda Passport ប្រភេទប៉ុងពីរមានដល់ ៤ប្រភេទ គឺ Sport តម្លៃ ៣៣ ៩៩០ដុល្លារ, EX-L តម្លៃ ៣៨ ៤១០ដុល្លារ, Touring តម្លៃ ៤១ ២៨០ដុល្លារ និង Elite តម្លៃ ៤៣ ៧៨០ដុល្លារ។

ទោះបីជាយ៉ាងណា រថយន្ត Passport ថ្មីនៅតែរក្សារូបរាងដដែល មិនផ្លាស់ប្តូរអ្វីឡើយ។ មិនតែប៉ុណ្ណោះ វានៅតែបំពាក់ម៉ាស៊ីនសាំងចំណុះ ៣,៦លីត្រ ទំហំ ៦ស៊ីឡាំង មានកម្លាំង ២៨០សេះ និងប្រអប់លេខអូតូ ៩វគ្គដដែល៕

ផ្ទាំងផ្សាយពាណិជ្ជកម្ម

Jaguar F-Type ឆ្នាំ២០២០ ចេញហើយ រចនាកាន់តែទាក់ទាញ

December 3, 2019

ក្រុមហ៊ុនរថយន្តអង់គ្លេស Jaguar បានបញ្ចេញរថយន្តស្ព័រ F-Type ស៊េរីឆ្នាំ២០២០ ជាផ្លូវការ ដោយបានអាប់ដេតរូបរាងផ្នែកខាងក្រៅ និងធ្វើឲ្យផ្នែកខាងក្នុងកាន់តែទំនើប ព្រមទាំងបន្ថែមជម្រើសម៉ាស៊ីនជាច្រើន។

រថយន្ត Jaguar F-Type ថ្មី បានកែកុនលើផ្នែកប៉ាណាមុន និងចង្កៀងមុខ-ក្រោយថ្មីកាន់តែស្លីម មើលទៅរឹតតែកាចជាងមុន។ ដោយឡែកផ្នែកខាងក្នុងវិញ វាបំពាក់កុងទ័រឌីជីថល និងអេក្រង់បង្ហាញព័ត៌មានថ្មីផងដែរ។ មិនតែប៉ុណ្ណោះ វាក៏បានបំពាក់កៅអីស្បែកថ្មីទៀតផង។

ឥឡូវនេះ F-Type ឆ្នាំ២០២០ ផ្តល់ជម្រើសម៉ាស៊ីនដូចជា ម៉ាស៊ីនសាំងចំណុះ ២,០លីត្រ Turbo កម្លាំង ៣០០សេះ ប្រើប៉ុងមួយវិលកង់ក្រោយ និងម៉ាស៊ីនទំហំ ៦ស៊ីឡាំងកម្លាំង ៤៥០សេះ ដែលមានទាំងជម្រើសប៉ុងមួយ និងប៉ុងក្រោយ។ ពួកវាដំណើរការដោយប្រអប់លេខអូតូ ៨វគ្គ។

ដោយឡែក F-Type SVR លែងមានទៀតហើយ តែជំនួសដោយ F-Type R វិញ ដែលបំពាក់ម៉ាស៊ីនចំណុះ ៥,០លីត្រ Supercharged ទំហំ ៨ស៊ីឡាំង មានកម្លាំង ៥៧៥សេះ ប្រើប៉ុងពីរស្តង់ដារតែម្តង។

F-Type ថ្មី ត្រូវគេរំពឹងថានឹងមានលក់នៅក្នុងប្រទេសថៃ នាដើមឆ្នាំក្រោយ ជាមួយតម្លៃចន្លោះពី ៦ ទៅ ៧,៥លានបាត (ខ្ទង់ ២០ម៉ឺន ទៅ ២៥ម៉ឺនដុល្លារ) សម្រាប់ម៉ូដែលម៉ាស៊ីន ២,០លីត្រ៕

ផ្ទាំងផ្សាយពាណិជ្ជកម្ម

រថយន្តទាំង ១០ ម៉ាកដែលលក់ដាច់បំផុតនៅប្រទេសចិន

December 3, 2019

ប្រទេសចិន៖ តាមទិន្នន័យដែលចេញដោយ Focus2move ពីរថយន្តដែលលក់ដាច់បំផុតក្នុងប្រទេសចិនក្នុងឆ្នាំ ២០១៩ នេះគឺមានរថយន្ត Volkswagen Lavida បើគិតមកដល់ខែតុលា ឆ្នាំ២០១៩ លក់បាន ៤១១១៦៤ គ្រឿង ឈរនៅលំដាក់ថ្នាក់លេខ ១ រីឯលេខ ២បានទៅលើរថយន្ត Nissan Sylphy ហើយរថយន្តរបស់ចិនក៏ជាប់លេខ ៣-៤ផងដែរ គឺរថយន្ត Haval H6 និង Wuling Mini Truck និងក្នុងនោះរថយន្ត Corolla ជាប់ចំណាត់ថ្នាក់លេខ ៥។

ខាងក្រោមនេះជាទិន្នន័យបង្ហាញលក់ និងការប្រៀបធៀបការលក់កាលពីឆ្នាំមុន ទាំង ១០ម៉ាក៖

ផ្ទាំងផ្សាយពាណិជ្ជកម្ម

ឡានមួយទឹកស៊េរីខ្ពស់ លក់ធូរថ្លៃហើយមានធានាទៀត!

December 2, 2019

ភ្នំពេញ៖ នៅលើទំព័រផ្លូវការរថយន្តមួយទឹក មានធានារបស់ក្រុមហ៊ុនតូយ៉ូតាផ្លូវការ ប្រចាំប្រទេសកម្ពុជា បានប្រកាសនូវការផ្តល់ជូនតម្លៃពិសេស សម្រាប់ចុងឆ្នាំដល់អតិថិជនទាំងអស់ ដែលមានម៉ូដែលតូយ៉ូតាជាច្រើនជម្រើសដូចខាងក្រោម៖

? Fortuner សេរ៊ី ២០១៦ ដល់ ២០១៩ តម្លៃចាប់ពី ៤៩០០០ដុល្លារឡើងទៅ
? Hilux Revo សេរី ២០១៦ ដល់ ២០១៨ តម្លៃចាប់ពី ៣៩០០០ដុល្លារឡើងទៅ
? Hilux Rally សេរី ២០១៩ និង ២០២០ តម្លៃចាប់ពី ៤៨០០០ដុល្លារឡើងទៅ
? Avanza សេរី ២០១៤ និង ២០១៨ តម្លៃចាប់ពី ១៨០០០ដុល្លារឡើងទៅ
? Hiace សេរី ២៩០១៧ តម្លៃចាប់ពី ៤៣៥០០ដុល្លារ
? Corolla សេរី ២០១៦ ២៦៥០០ដុល្លារ
? Vios សេរី ២០១៨ ២៥៥០០ដុល្លារ

លើសពីនេះក្រុមហ៊ុនក៏មានផ្តល់ជូនសេវាកម្ម ទិញចូល | លក់ចេញ | ប្តូរសេរី | | បង់រំលស់

អតិថិជនអាចទស្សនារថយន្តដោយផ្ទាល់នៅក្រុមហ៊ុនតូយ៉ូតា ដែលស្ថិតនៅលើ មហាវិថីសធារណរដ្ឋឆែកក្បែរក្រសួងទេសចរណ៌ ឬទាក់ទងលេខទូរស័ព្ទផ្នែកលក់៖ ០១៧ ៣៣៣ ១៧៧ ឬ ផ្នែកបង់រំលស់ ៖ ០៨៩ ៧៧៧ ៦៥០ ឬផ្នែកទិញចូល ៖ ០១៧ ២២២ ៨៧៥។

ផ្ទាំងផ្សាយពាណិជ្ជកម្ម

Mercedes ផលិតរថយន្តប្រណីត S-Class ជំនាន់បច្ចុប្បន្នបាន ៥០ម៉ឺនគ្រឿង ហើយ១ភាគ៣នាំចេញទៅចិន

December 2, 2019

សង្វាក់ផលិតកម្ម Sindelfingen របស់ក្រុមហ៊ុន Mercedes-Benz ក្នុងប្រទេសអាល្លឺម៉ង់ បានធ្វើការផលិតរថយន្ត S-Class ជំនាន់បច្ចុប្បន្ននេះចំនួន ៥០០ ០០០ គ្រឿងហើយ ចាប់តាំងពីវាចាប់ផ្ដើមបង្ហាញមុខនៅឆ្នាំ ២០១៣ មក។

តួលេខនេះធ្វើឡើយចំនួនផលិតនៃរថយន្ត S-Class សរុបមានប្រមាណ ៤ លានគ្រឿង រាប់ចាប់តាំងពីម៉ូដែល 220 ដែលចេញឆ្នាំ ១៩៥១។ វាជាសមិទ្ធផលដ៏អស្ចារ្យមួយដោយសារ S-Class ជារថយន្តប្រណីតតម្លៃថ្លៃ ដែលមានតម្លៃចាប់ពី ៩៤ ២៤០ ដុល្លារ សម្រាប់ S 450 ទៅ ១៧៣ ០០០ ដុល្លារសម្រាប់ S 560។

ជោគជ័យរបស់វាធ្វើឲ្យ S-Class ក្លាយជារថយន្ត Saloon ប្រណីតលក់ដាច់បានច្រើនជាងគេក្នុងលោក។ គួរចាប់អារម្មណ៍នោះគឺទីផ្សារធំសម្រាប់ S-Class ជំនាន់បច្ចុប្បន្នគឺប្រទេសចិន ដែលមានចំណែកទីផ្សារជាង ១ ភាគ ៣ នៃចំនួនរថយន្តដែលបានផលិត។ ទីផ្សារធំទីពីរគឺសហរដ្ឋអាមេរិក និងតាមពីក្រោយដោយប្រទេសអាល្លឺម៉ង់៕

ផ្ទាំងផ្សាយពាណិជ្ជកម្ម

Bugatti ចេញលក់ Chiron ស៊េរីពិសេស តម្លៃថោកបំផុត ៣,៣ លានដុល្លារ ផលិតត្រឹម ២០គ្រឿងក្នុងលោក

December 2, 2019

Bugatti ទើបបានបង្ហាញរថយន្តផលិតមានចំនួនកំណត់ពីរប្រភេទនៃម៉ូដែល Chiron ដែលមានឈ្មោះថា Noire Sportive និង Noire Élégance។

រថយន្តទាំងពីរគឺផលិតចេញដោយទទួលបានគំនិតពីម៉ូដែល Bugatti La Voiture Noire បង្ហាញមុខកាលពីដើមឆ្នាំដែលមានផលិតតែមួយគ្រឿងប៉ុណ្ណោះក្នុងលោក។

ចំពោះរូបរាងខាងក្រៅរបស់ Noire Élégance មានស្រោបដោយសរសៃកាបូនយ៉ាងទាក់ទាញ។ វាមាននូវកង់ថ្មី, មានដុំហ្វ្រាំងពណ៌ខ្មៅ ហើយកញ្ចក់មើលចំហៀងមានរចនាដោយពណ៌រលើបរលោង។ ចំណែកផ្នែកខាងក្នុងវិញមានរំលេចដោយសារធាតុស្បែកពណ៌ថ្មី។

Chiron Noire Sportive ឯណោះ គឺមានស្រោបនូវសរសៃកាបូនពីខាងក្រៅដូចគ្នា។ ប៉ុន្តែផ្នែកខាងក្នុងវិញគឺមានរំលេចដោយពណ៌ខ្មៅលើផ្នែកជាច្រើន ច្រើនជាងលើម៉ូដែល Élégance។

សរុបទៅ Bugatti នឹងផលិតរថយន្តត្រកូល Noire នេះត្រឹម ២០ គ្រឿងប៉ុណ្ណោះ ដោយវាមានតម្លៃចាប់ផ្ដើមពីប្រមាណ ៣,៣ លានដុល្លារ។ ការដឹកជញ្ជូននឹងចាប់ផ្ដើមនៅត្រីមាសទី ២ ឆ្នាំ ២០២០ ហើយអតិថិជនដែលបានធ្វើការកុម្ម៉ង់ Chiron Sport អាចប្ដូរបន្ថែមរូបរាងខាងក្រៅ និងខាងក្នុងឲ្យដូចជា Noire បានដោយបន្ថែមប្រមាណ ១១ ម៉ឺនដុល្លារ៕

ផ្ទាំងផ្សាយពាណិជ្ជកម្ម

SUV កៅអី៣ជួរ Mazda CX-8 ថ្មី ចេញតម្លៃលក់នៅថៃ

December 2, 2019

ក្រុមហ៊ុន Mazda Sales Thailand បានបញ្ចេញរថយន្ត SUV កៅអី៣ជួរថ្មី CX-8 បន្ថែមក្នុងត្រកូល CX-5 និង CX-3 ដែលមានស្រាប់។

រថយន្តតួខ្ពស់អាចអង្គុយបានច្រើនគ្នានេះមានជម្រើសម៉ាស៊ីន២ គឺ ម៉ាស៊ីនម៉ាស៊ូត ចំណុះ ២,២លីត្រ កម្លាំង ១៩០សេះ និងម៉ាស៊ីនសាំងចំណុះ ២,៥លីត្រ កម្លាំង ១៩២សេះ។ ម៉ាស៊ីនទាំង២នេះដំណើរការជាមួយប្រអប់លេខអូតូ ៦វគ្គ និងប្រព័ន្ធប៉ុងមួយវិលកង់មុខ តែក៏មាន Option ប៉ុងពីរផងដែរ សម្រាប់ម៉ូដែលប្រើម៉ាស៊ីនម៉ាស៊ូត។

រថយន្ត Mazda CX-8 ប្រើម៉ាស៊ីនសាំង មានតម្លៃខ្ទង់ ៥២ ៨០០ដុល្លារសម្រាប់ម៉ូដែល S និង ៥៦ ០០០ដុល្លារសម្រាប់ម៉ូដែល SP នៅលើទីផ្សារប្រទេសថៃ។ ដោយឡែក ប្រភេទប្រើម៉ាស៊ីនម៉ាស៊ូតវិញ មានតម្លៃខ្ទង់ ៦២ ៧០០ដុល្លារសម្រាប់ម៉ូដែល XDL និង ៦៦ ០០ដុល្លារសម្រាប់ម៉ូដែល Exclusive។

គួរឲ្យដឹងថា នៅក្នុងប្រទេសថៃ រថយន្ត Mazda CX-8 ជាគូប្រជែងរបស់រថយន្ត Toyota Fortuner, Honda CR-V, Nissan X-Trail និង Peugeot 5008 ជាដើម៕

ផ្ទាំងផ្សាយពាណិជ្ជកម្ម

Toyota Yaris Ativ ឆ្នាំ២០២០ ចេញថ្មី ស៊ីសាំងកាន់តែតិចជាងមុន

December 2, 2019

ក្រុមហ៊ុន Toyota Motor Thailand បានអាប់ដេតផ្នែកមេកានិចដល់រថយន្ត Yaris Ativ ស៊េរីឆ្នាំ២០២០ ដើម្បីឲ្យស័ក្កសមនឹងឈ្មោះរថយន្តបែបសន្សំសំចៃ។

ឥឡូវនេះ រថយន្ត Yaris Ativ ថ្មី ដែលបំពាក់ម៉ាស៊ីនសាំងចំណុះ ១,២លីត្រ ទំហំ ៤ស៊ីឡាំង មានកម្លាំង ៩២សេះ ដំណើរការជាមួយប្រអប់លេខអូតូ CVT ព្រមជាមួយមុខងារ Automatic Stop/Go មានកម្រិតស៊ីសាំង ២៣,៣គីឡូម៉ែត្រក្នុងមួយលីត្រ។

គួរឲ្យដឹងថា រថយន្ត Yaris Ativ ស៊េរីមុន ដែលមានកម្លាំងតិចជាងត្រឹម ៨៦សេះ មានកម្រិតស៊ីសាំង ២០គីឡូម៉ែត្រក្នុងមួយលីត្រ។

រថយន្តខ្នាតតូចលក្ខណៈគ្រួសារនេះមានតម្លៃខ្ទង់ ២០ ៤០០ដុល្លារសម្រាប់ម៉ូដែល High, ១៩ ៧០០ដុល្លារសម្រាប់ម៉ូដែល Mid និង ១៨ ១០០ដុល្លារសម្រាប់ម៉ូដែល Entry នៅលើទីផ្សារប្រទេសថៃ។ វាជាគូប្រជែងនឹងរថយន្ត Mazda 2, Mitsubishi Attrage, Honda City និង Nissan Almera ផងដែរ៕

ផ្ទាំងផ្សាយពាណិជ្ជកម្ម

ត្រឹមប៉ុន្មានថ្ងៃ រថយន្តអគ្គិសនី Ford Mustang Mach-E First Edition ត្រូវគេកក់អស់គ្មានសល់

November 30, 2019

រយៈពេលមិនដល់ ២សប្តាហ៍ បន្ទាប់ពីរថយន្ត Ford Mustang Mach-E បានបង្ហាញខ្លួនជាផ្លូវការ ឥឡូវនេះប្រភេទ First Edition ត្រូវបានគេកក់បាត់អស់គ្មានសល់ឡើយ នៅក្នុងសហរដ្ឋអាមេរិក។

Ford បានបើកឲ្យកក់រថយន្ត Mustang Mach-E នៅលើគេហទំព័ររបស់ខ្លួន ដោយគ្រាន់តែកក់លុយ ៥០០ដុល្លារមុនប៉ុណ្ណោះ ប៉ុន្តែឥឡូវនេះប្រភេទ First Edition ត្រូវបានលុបចេញពីគេហទំព័រនោះបាត់ទៅហើយ។

ជាមួយគ្នានេះ ក្រុមហ៊ុន Ford បានឆ្លើយតបថា រថយន្តអគ្គិសនី Ford Mustang Mach-E First Edition ត្រូវបានគេកក់ទុកអស់បាត់ទៅហើយនៅសហរដ្ឋអាមេរិក។ ទោះជាយ៉ាងណា Ford មិនបានបង្ហាញឡើយ ថាចំនួននោះសរុបប៉ុន្មាន។

គួរឲ្យដឹងថា រថយន្ត Mustang Mach-E នឹងត្រូវផលិតត្រឹមតែ ៥០ ០០០គ្រឿងប៉ុណ្ណោះ ក្នុងរយៈពេល១ឆ្នាំដំបូងនៃផលិតកម្ម ដោយសារតែការផ្គត់ផ្គង់ចំនួនអាគុយអគ្គិសនីមានកំណត់។

រថយន្ត Ford Mustang Mach-E First Edition ឆ្នាំ២០២១ មានតម្លៃចាប់ពី ៥៩ ៩០០ដុល្លារ ប្រើកញ្ចប់អាគុយកម្លាំង ៩៨,៨គីឡូវ៉ាត់ម៉ោង ប៉ុងពីរ មានកម្លាំង ៣៣២សេះ ហើយមានចម្ងាយបើកបរ ៤៣៥គីឡូម៉ែត្រ៕

ផ្ទាំងផ្សាយពាណិជ្ជកម្ម