Mercedes ចេញរថយន្ត SLC Final Edition តម្លៃជិត ៥ម៉ឺនដុល្លារ

December 6, 2019

Mercedes បានបញ្ចេញរថយន្តស្ព័រ SLC ប្រភេទ Final Edition ស៊េរីថ្មីជាផ្លូវការ សម្រាប់ទីផ្សារបរទេស។

រថយន្ត Mercedes SLC 200 Final Edition មានតម្លៃចាប់ពី ៤៨ ៨០០ដុល្លារ។ ដោយឡែក SLC 200 Final Edition Premium នឹងមានតម្លៃចាប់ពី ៥៣ ៨០០ដុល្លារ ខណៈ Mercedes-AMG SLC 43 Final Edition មានតម្លៃចាប់ពី ៦៥ ៥០០ដុល្លារ។

លក្ខណៈពិសេសបំពាក់មកស្តង់ដារមនដូចជា យ៉ាន់ Alloy ទំហំ ១៨អ៊ីង, កៅអីកម្តៅ, ផ្លិតទឹកអូតូ, មុខងារ Apple CarPlay និង Android Auto, ផែនទី, ប្រព័ន្ធសំឡេង Harman Kardon, កាមេរ៉ាក្រោយ, ដំបូល Panoramic Roof និងចង្កៀង LED ជាដើម។

រថយន្ត SLC 200 ប្រើម៉ាស៊ីនសាំងចំណុះ ២,០លីត្រ Turbocharged ទំហំ ៤ស៊ីឡាំង មានកម្លាំង ១៨១សេះ ប្រើលេខដៃ ៦វគ្គស្តង់ដារ ខណៈម៉ូដែល AMG SLC 43 ប្រើម៉ាស៊ីនសាំងចំណុះ ៣,០លីត្រ BiTurbo ទំហំ ៦ស៊ីឡាំង មានកម្លាំង ៣៨៥សេះ ប្រើលេខអូតូ ៩វគ្គ៕

ផ្ទាំងផ្សាយពាណិជ្ជកម្ម

ទស្សនាដំណើរការប្ដូរប្រេងម៉ាស៊ីន Bugatti ដែលចំណាយម្ដងអស់ជាង ២ម៉ឺនដុល្លារ

December 5, 2019

ដូចបានដឹងកាលពីអត្ថបទរួចមកហើយថា រថយន្ត Bugatti Veyron ពេលប្ដូរប្រេងម៉ាស៊ីនម្ដងៗគឺចំណាយរហូតដល់ ២៥ ០០០ ដុល្លារ ដែលក្រុមហ៊ុនណែនាំឲ្យប្ដូរម្ដងក្នុងមួយឆ្នាំ។ ច្បាស់ជាចង់ដឹងថាការប្ដូរប្រេងម៉ាស៊ីនរថយន្តនេះប្លែកពីរថយន្តធម្មតា បែបណាទើបចំណាយអស់ច្រើនបែបនេះ?

ចង់ដឹងថាការប្ដូរប្រេងម៉ាស៊ីនរថយន្ត Bugatti Veyron ប្លែកយ៉ាងណា ទស្សនាវីដេអូខាងក្រោម ដែលជាការបង្ហាញរបស់ Royal Exotic Cars ៖

ផ្ទាំងផ្សាយពាណិជ្ជកម្ម

McLaren បញ្ជាក់អំពីឡានថ្មីអាចស្ទុះដល់ ៩៦ គ.ម/ម៉ ប្រើពេលតែ ២,៣ វិនាទី

December 5, 2019

ជួបនិយាយជាមួយវិបសាយ Car and Driver លោក Mike Flewitt ជានាយកប្រតិបត្តិរបស់ McLaren បានបង្ហាញថាគ្រោងឆ្អឹងរថយន្តជំនាន់ថ្មីនឹងត្រូវប្រកាសនៅអំឡុងពាក់កណ្ដាលឆ្នាំក្រោយ។

លោកបានបង្ហាញថារថយន្តថ្មីដំបូងដែលប្រើគ្រោងឆ្អឹងថ្មី នឹងត្រូវប្រកាសចេញមុនដាច់ឆ្នាំ ២០២០ ហើយនៅចេញលក់លើទីផ្សារសហរដ្ឋអាមេរិកនាដើមឆ្នាំ ២០២១។ នៅរយៈពេល ៣ ទៅ ៤ ឆ្នាំបន្ទាប់ ត្រកូលរថយន្ត McLaren នឹងប្រើម៉ាស៊ីនសាំងគួបនឹងអគ្គិសនីទាំងអស់ផងដែរ។

មួយក្នុងចំណោមរថយន្តម៉ូដែលថ្មីគឺនឹងជារថយន្តមហាកម្លាំង ដែលអាចបង្កើនសន្ទុះពី ០ ដល់ ៩៦ គ.ម/ម៉ ដោយប្រើពេលតែ ២,៣ វិនាទីប៉ុណ្ណោះ។ លោកនាយកប្រតិបត្តិបានប្រាប់ទៀតថា រថយន្តថ្មីនឹងនឹងមានបំពាក់ប្រព័ន្ធបើកបរវិលកង់ទាំងអស់ ហើយវាទំនងជាប្រើម៉ាស៊ីន ៨ ស៊ីឡាំង ចំណុះ ៤,០ លីត្រ Twin-Turbo ដូចមុន។ ប៉ុន្តែក្រុមហ៊ុនកំពុងអភិវឌ្ឍម៉ាស៊ីន ៦ ស៊ីឡាំង ថ្មីមានទម្ងន់ស្រាល សមជាមួយប្រព័ន្ធ Hybrid៕

ផ្ទាំងផ្សាយពាណិជ្ជកម្ម

Kia ចេញ SUV ខ្នាតតូចម៉ូដែល Seltos ឆ្នាំ២០២១ តម្លៃតែ២ម៉ឺនដុល្លារ

December 5, 2019

Kia បានបញ្ចេញរថយន្ត SUV ខ្នាតតូចថ្មីមួយហៅថា Seltos ស៊េរីឆ្នាំ២០២១ ជាផ្លូវការ ដែលនឹងមានលក់នៅក្នុងប្រទេសឥណ្ឌា ក៏ដូចជាអាមេរិកខាងជើងផងដែរ។

រថយន្ត Kia Seltos ស្ថិតនៅចន្លោះរថយន្ត Kia Soul និង Kia Sportage បើនិយាយពីទំហំ រូបរាង និងស្ទីលជាដើម។ វានឹងផ្តល់ជម្រើសម៉ាស៊ីនចំនួន២ ព្រមទាំងជម្រើសប៉ុងមួយ និងប៉ុង២ ផងដែរ។ ម៉ាស៊ីនទី១ ចំណុះ ២,០លីត្រ ទំហំ ៤ស៊ីឡាំង មានកម្លាំង ១៤៦សេះ ខណៈម៉ាស៊ីនទី២ ចំណុះ ១,៦លីត្រ Turbocharged ទំហំ ៤ស៊ីឡាំង មានកម្លាំង ១៧៥សេះ។

ជាមួយគ្នានេះ វាក៏ផ្តល់ Option យ៉ាន់ Alloy ទំហំ ១៧ និង ១៨អ៊ីង, អេក្រង់បង្ហាញព័ត៌មានទំហំ ១០,២៥អ៊ីង Touchscreen, ប្រព័ន្ធសំឡេង Bose ៨គ្រាប់ ព្រមទាំងបច្ចេកវិទ្យាសុវត្ថិភាព និងជំនួយការបើកបរជាច្រើនទៀតផង។

សូមបញ្ជាក់ថា រថយន្ត Kia Seltos ថ្មីនេះមានតម្លៃចាប់ពី ២២ ០០០ដុល្លារ ហើយនឹងចេញលក់នៅដើមឆ្នាំ២០២០ ខាងមុខនេះតែម្តង៕

ផ្ទាំងផ្សាយពាណិជ្ជកម្ម

BMW ចេញរថយន្ត 2-Series Gran Coupe ឆ្នាំ២០២០ រាងឡើងតូចច្រលឹង

December 5, 2019

BMW ទើបតែបានប្រកាសពីតម្លៃនៃរថយន្ត Sedan ខ្នាតតូច ម៉ូដែល 2-Series Gran Coupe ស៊េរីឆ្នាំ២០២០ សម្រាប់ទីផ្សារសហរដ្ឋអាមេរិក ដែលនឹងចេញលក់នៅខែមីនា ឆ្នាំ២០២០ ខាងមុខនេះ។

រថយន្តតួទាបទ្វារ៤ នេះចែកចេញជា ២ម៉ូដែល គឺ 2-Series Gran Coupe 228i xDrive មានតម្លៃចាប់ពី ៣៨ ៤៩៥ដុល្លារ និង M235i xDrive មាននតម្លៃចាប់ពី ៤៦ ៤៩៥ដុល្លារ។ វាមានប្រវែង ៤,៥ម៉ែត្រ ទទឹង ១,៨ម៉ែត្រ និងកម្ពស់ ១,៤ម៉ែត្រ ហើយមានប្រវែងពីកុងមុខទៅកង់ក្រោយ ២,៦ម៉ែត្រ។

BMW 228i xDrive ប្រើម៉ាស៊ីនសាំងចំណុះ ២,០លីត្រ Turbocharged ទំហំ ៤ស៊ីឡាំង មានកម្លាំង ២២៨សេះ ប្រើប្រអប់លេខអូតូ ៨វគ្គ និងប៉ុងពីរមកស្តង់ដារ អាចរត់ពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៦វិនាទីគត់ ហើយមានល្បឿនអតិបរមា ២៤០គីឡូម៉ែត្រក្នុងមួយម៉ោង។

ដោយឡែក BMW M235i xDrive ប្រើម៉ាស៊ីនចំណុះ ២,០លីត្រ Turbocharged ទំហំ ៤ស៊ីឡាំង មានកម្លាំងដល់ ៣០១សេះ ហើយប្រើពេលតែ ៤,៦វិនាទី និងមានល្បឿនអតិបរមាដល់ ២៥០គីឡូម៉ែត្រក្នុងមួយម៉ោង។

ជាស្តង់ដារ វានឹងបំពាក់យ៉ាន់ Alloy ទំហំ ១៧អ៊ីង, ចង្កៀង LED, អំពូលកាត់អ័ព្ទ, កៅអីមុខចុច, អេក្រង់បង្ហាញព័ត៌មានទំហំ ៨,៨អ៊ីង ជាដើម។ ក្រៅពីនោះ BMW ក៏ផ្តល់ Option មួយចំនួន ដូចជា កុងទ័រ Live Cockpit Pro ទំហំ ១០,២៥អ៊ីង និងអេក្រង់បង្ហាញព័ត៌មានទំហំ ១០,២៥អ៊ីងផងដែរ៕

ផ្ទាំងផ្សាយពាណិជ្ជកម្ម

Jeep ចេញលក់ឡានសាកភ្លើងដំបូងបង្អស់ តម្លៃតែជាង ៤ម៉ឺនដុល្លារ

December 5, 2019

Jeep ចាប់ចាប់ផ្តើមលក់រថយន្តប្រភេទ Plug-in Hybrid (ប្រើសាំង-Hybrid-សាកភ្លើង) ដំបូងបង្អស់របស់ខ្លួននៅក្នុងប្រទេសចិន ហៅថា Grand Commander PHEV ដែលមានតម្លៃចាប់ពី ៤៤ ០០០ដុល្លារ។

រថយន្ត Jeep Grand Commander PHEV ប្រើម៉ាស៊ីនសាំងចំណុះ ២,០លីត្រ Turbocharge ទំហំ ៤ស៊ីឡាំង ដំណើរការជាមួយម៉ូទ័រអគ្គិសនី២ និងអាគុយកម្លាំង ១៣គីឡូវ៉ាត់ម៉ោងមួយ។ វាក៏អាចដំណើរការដោយថាមពលអគ្គិសនីសុទ្ធចម្ងាយ ៧០គីឡូម៉ែត្រផងដែរ។

បើចាក់សាំង និងសាកភ្លើងពេញ រថយន្តនេះអាចបើកបានចម្ងាយសរុប ៩០០គីឡូម៉ែត្រឯណោះ។ វាអាចសាកភ្លើងតាមរយៈខ្សែ 220V 30A ដោយប្រើពេល ៨ម៉ោង។

Grand Commander PHEV ផ្តល់នូវជម្រើសបើកបរ ៤ម៉ូដ គឺ Hybrid (ម៉ូដគោល), Electric (ប្រើថាមពលអគ្គិសនីសុទ្ធ ហើយសន្សំសាំង), E-Save (ជួយថែទាំអាគុយអគ្គិសនី) និង Sport (ប្រើកម្លាំងពេញ)៕

ផ្ទាំងផ្សាយពាណិជ្ជកម្ម

Hyundai ចេញឡានអត់ប្រើសាំងនៅចិន សាកភ្លើងម្តងជិះបាន ៥០០គ.ម៉

December 5, 2019

ស្របពេលដែលមនុស្សជាច្រើនកំពុងសម្រុក និងចាប់អារម្មណ៍លើកម្មវិធី Los Angeles Auto Show ក្រុមហ៊ុន Hyundai ឯណេះវិញបានបញ្ចេញរថយន្តអគ្គិសនី Lafesta EV នៅក្នុងប្រទេសចិន។

រថយន្ត Hyundai Lafesta EV ដែលនឹងចេញលក់នៅដើមឆ្នាំក្រោយ មានការរចនាបែប Sensuous Sportiness យ៉ាងទាក់ទាញ រំលេចដោយចង្កៀង LED និងក្រូមយ៉ាងស្រស់ស្អាតផងដែរ។

ដោយឡែកផ្នែកខាងក្នុងវិញ រថយន្តអគ្គិសនីរបស់ប្រទេសកូរ៉េខាងលើ បំពាក់ដៃចង្កូតរាងអក្សរ D, កុងទ័រជីឌីថលទំហំ ៧អ៊ីង និងអេក្រង់បង្ហាញព័ត៌មានទំហំ ១០,២៥អ៊ីង ដែលអាចបង្ហាញទីតាំងសាកភ្លើងរថយន្តទៀតផង។

មិនតែប៉ុណ្ណោះ វាក៏បំពាក់បច្ចេកវិទ្យាទំនើបៗដូចជា Blind-Spot Collision Avoidance Assist, Forward Collision-Avoidance Assist, Safe Exit Warning និង Rear Cross-Traffic Collision-Avoidance Assist ព្រមទាំងពោងសុវត្ថិភាពចំនួន៦ផងដែរ។

Hyundai មិនបានបញ្ជាក់អ្វីច្រើនឡើយ ប៉ុន្តែអះអាងថា Lafesta EV ប្រើកញ្ចប់អាគុយកម្លាំង ៥៦,៥គីឡូវ៉ាត់ម៉ោង និងម៉ូទ័រអគ្គិសនីមួយ មានកម្លាំង ២០១សេះ ហើយអាចបើកបរបានចម្ងាយ ៤៩០គីឡូម៉ែត្រពេលសាកភ្លើងពេញម្តង៕

ផ្ទាំងផ្សាយពាណិជ្ជកម្ម

គ្រាន់តែសោមួយនេះរបស់ Bugatti Chiron មានតម្លៃ ៥៥៤ ០០០ ដុល្លារ

December 4, 2019

អ្នកស្រឡាញ់ចូលចិត្តរថយន្ត Shmee បានមានឱកាសចាប់កាន់នូវសោរចនាឡើងជាពិសេសរបស់រថយន្ត Bugatti Chiron ដែលវាមានតម្លៃរហូតដល់ ៥០ ម៉ឺនអឺរ៉ូ (ប្រមាណ ៥៥៤ ០០០ ដុល្លារ) ឯណោះ។

សោរថយន្តនេះគឺផលិតឡើងដោយក្រុមហ៊ុន Awain ហើយវាមានតម្លៃថ្លៃដោយសារមានស្រោបដោយពេជ្រចំនួន ៣៤,៥ ការ៉ាត់ មានមាសទឹក ១៨ ចំនួន ១៧៥ ក្រាម និងមានបន្ថែមដោយត្បូងមានតម្លៃជាច្រើនទៀត។ ចំណែកផ្នែកកណ្ដាលគឺជាស្បែកមានតម្លៃ។

ទស្សនាការបង្ហាញលម្អិតក្នុងវីដេអូខាងក្រោម ៖

ផ្ទាំងផ្សាយពាណិជ្ជកម្ម

រថយន្ត Cybertruck គឺបានគំនិតឌីហ្សាញពីរថយន្តក្នុងរឿង James Bond

December 4, 2019

រថយន្ត Tesla Cybertruck បានក្លាយជាប្រធានបទក្ដៅគគុកមួយដែលគេលើកយកមកពិភាក្សា ដោយសារវាជារថយន្តភីកអាប់អគ្គិសនីដំបូងរបស់ Tesla និងមានរចនាបថខុសប្លែកពីរថយន្តភីកអាប់ដទៃទៀតកំពុងលក់លើទីផ្សារ។

បើតាមការឲ្យដឹងពីលោក Elon Musk ការឌីហ្សាញរបស់រថយន្ត Cybertruck គឺទទួលបានគំនិតខ្លះៗពីរថយន្ត Lotus Esprit ឆ្នាំ ១៩៧៦ ដែលរថយន្តនេះបានលេចមុខក្នុងខ្សែភាពយន្ត James Bond ចំណងជើងថា “The Spy Who Loved Me” ចេញផ្សាយឆ្នាំ ១៩៧៧។

រថយន្ត Cybertruck នេះដែរគឺឌីហ្សាញដោយលោក Franz von Holzhausen ដែលលោកធ្លាប់បានឌីហ្សាញរថយន្ត Teslsa ជាច្រើនម៉ូដែលរួមមាន Tesla Model S, Model 3, Model X, Model Y, Semi, និង Tesla Roadster ទៀតផង៕

ផ្ទាំងផ្សាយពាណិជ្ជកម្ម

ក្រុមហ៊ុនតូយ៉ូតានៅតែឈរលេខ១ នៃចំណែកទីផ្សារពិភពលោកប្រចាំឆ្នាំ២០១៩

December 3, 2019

យោងតាមរបាយការណ៍របស់ Focus2move បានបញ្ចេញទិន្នន័យចំណាត់ថ្នាក់ក្រុមហ៊ុនរថយន្តដែលមានចំណែកទីផ្សារធំជាងគេនៅលើពិភពលោកទាំង ១០ក្រុមហ៊ុន។

គួរបញ្ជាក់ផងដែរថា ចាប់តាំងពីការស្រង់ទិន្នន័យលក់ក្រុមហ៊ុនរថយន្តក្នុងឆ្នាំ ២០១០មក មានតែតូយ៉ូតាទេ ដែលតែងតែឈរលើលំដាប់កំពូល។ ដោយតូយ៉ូតា ជាម៉ាកផ្តោតលើតម្រូវការទូទៅ ជាសកល ហើយក្នុងនោះ ឡិចស៊ីស (Lexus) ជាម៉ាកប្រណិត និង ដាហាស៊ូក (Daihatsu) សម្រាប់ប្រភេទរថយន្តដែលមានតម្លៃធូរថ្លៃ។ បើមើលទៅលើការលក់របស់តូយ៉ូតា គឺមានការកើនឡើងជាលំដាប់សម្រាប់ប៉ុន្មានឆ្នាំចុងក្រោយនេះ ដែលមានស្ថេរភាព នៃចំណែកទីផ្សារចន្លោះចាប់ពី ៩,២% (ឆ្នាំ២០១៦-២០១៧) ដល់ ១០,២% (ឆ្នាំ២០១២)។ ហើយឆ្នាំនេះ ជាលទ្ធផលសរុបលើពិភពលោក គឺធ្វើបានល្អ ដោយមានចំណែកទីផ្សារ ១០% ដូចឆ្នាំមុនដែរ។

Volkswagen ឈរលើចំណាត់ថ្នាក់លេខ ២ ក៏មានស្ថេរភាពល្អប្រសើរផងដែរ ដែលគិតពី១០ឆ្នាំ មុនគឺមានចំណែកទីផ្សារចន្លោះពី ៧,៣% (ឆ្នាំ២០១០ និងឆ្នាំ២០១៦) ដល់ ៨,៣% (ឆ្នាំ២០១២ និងឆ្នាំ២០១៣)។ ដោយឡែកឆ្នាំនេះទទួលបាន ៧,៧% ខណះចំនួននៃការលក់មានការថយចុះ។