BMW M8 កម្លាំងជាង៦០០សេះ ចេញលក់នៅអូស្ត្រាលី តម្លៃទិញបាន Lexus LX570 ពីរគ្រឿង

November 4, 2019

BMW នឹងដាក់លក់រថយន្តស្ព័រម៉ូដែលចុងក្រោយបង្អស់ គឺ M8 Competition Coupe ដែលមានតម្លៃចាប់ពី ២៤០ ០០០ដុល្លារ នៅលើទីផ្សារប្រទេសអូស្ត្រាលី។

មិនតែប៉ុណ្ណោះ វាមាន Option ជាច្រើនទៀតដូចជា គ្រឿង Carbon លម្អផ្នែកខាងក្រៅ M Carbon Exterior Package តម្លៃ ៧ ០០០ដុល្លារ, ដុំហ្វ្រាំង M Carbon Ceramic Brakes តម្លៃ ១១ ៣០០ដុល្លារ និង ទឹកថ្នាំ BMW Individual តម្លៃ ៧ ១០០ដុល្លារ។ ជាមួយគ្នានេះ កញ្ចប់ Option ពីរទៀត គឺ M Competition Package និង M Driver’s Package ត្រូវបំពាក់មកស្តង់ដារតែម្តង។

ផ្នែកខាងក្នុង វាក៏មាន Option ជា Carbon Fiber ឬ BMW Individual Piano Black, ស្បែក Merino Leather, កៅអីមុខមានមុខងារកម្តៅ និងបញ្ចេញខ្យល់, កន្លែងសាកថ្មទូរសព្ទ Wireless, កាមេរ៉ាមើលពេលយប់ Night Vision និងកុងទ័រឌីជីថលថ្មីជាដើម។

M8 Competition Coupe ប្រើម៉ាស៊ីនចំណុះ ៤,៤ លីត្រ Twin-turbo ទំហំ ៨ស៊ីឡាំង មានកម្លាំង ៦១៧សេះ អាចរត់ស្ទុះពីកុងទ័រ ០ ដល់ ១០០គីឡូម៉ែត្រក្នុងមួយម៉ោង ប្រើពេលត្រឹមតែ ៣,‌២វិនាទីប៉ុណ្ណោះ ហើយមានល្បឿនអតិបរមា ៣០៥គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

កប់បាត់! Kia Optima ឆ្នាំ២០២១ អាចមានរូបរាងបែបនេះ

November 4, 2019

រថយន្ត Kia Optima (ឬ Kia K5 នៅលើទីផ្សារកូរ៉េខាងត្បូង) ស៊េរីឆ្នាំ២០២១ នឹងបង្ហាញខ្លួនជាផ្លូវការនៅក្នុងខែធ្នូខាងមុខ ជាមួយការរចនារូបរាងថ្មីសន្លាង (all-new) តែម្តង។

វាមិនត្រឹមតែមានរូបរាងថ្មីប៉ុណ្ណោះទេ ប៉ុន្តែបានរចនាកាន់តែទាក់ទាញ ជាមួយចង្កៀងមុខដ៏កាច និងប៉ាណាមុខហៅថា Tiger Face ទៀតផង។ ចំណែកឯផ្នែកខាងក្រោយវិញ វាបានបំពាក់ចង្កៀងដែលលាតសន្ធឹងពេញផ្នែកខាងក្រោយ ដែលមើលទៅពិតជាទាក់ទាញមែនទែន។

ក្រៅពីការអាប់ដេតថ្មីជាច្រើនខាងលើ Kia Optima ឆ្នាំ២០២១ ក៏នឹងបំពាក់លក្ខណៈពិសេសៗមិនឱ្យចាញ់គូប្រជែង ដូចជា Toyota Camry, Honda Accord, Nissan Altima, Ford Fusion និង Chevy Malibu ដែរ។ វាគឺជារថយន្តលក់ដាច់បំផុតលំដាប់ទី៧ ក្នុងចំណោមរថយន្តប្រភេទ Sedan ខ្នាតមធ្យម។

សូមបញ្ជាក់ថា រថយន្ត Kia Optima មានជម្រើសម៉ាស៊ីន ២ប្រភេទ គឺ ចំណុះ ២,៤លីត្រ និង ១,៦លីត្រ Turbo ទំហំ ៤ស៊ីឡាំង៕

ផ្ទាំងផ្សាយពាណិជ្ជកម្ម

មានលុយជាង ២ម៉ឺន អាចពិចារណាទិញកូរ៉ូឡា ២០១៦ នេះទៅ មិនខុសទេ!

November 3, 2019

ប្រសិនបើមានលុយជាង ២ម៉ឺន គួរតែអាចសារ៉េឡាន កូរ៉ូឡា ឆ្នាំ២០១៦នេះបានហើយ ជាជាងជ្រើសរើសយកឡានសេរី ២០០៤ ទៅ ២០១០ អី គិតទៅយូរឆ្នាំណាស់ មិនចំនេញទេ ជិះម្តងៗដេកតែភ័យរឿងខូច។ រថយន្តកូរ៉ូឡានឆ្នាំ ២០១៦ នោះត្រូវបានដាក់លក់ដោយបុគ្គលិកលក់ឡានមួយទឹក របស់ក្រុមហ៊ុនផ្លូវការរបស់តូយ៉ូតា ដោយមានការផ្តល់ជូនយ៉ាងពិសេសផងដែរដូចជា៖
? ប្ដូរប្រេងម៉ាស៊ីនឥតគិតថ្លៃរយះពេល ១ឆ្នាំ
? កាត់ឈ្មោះ ប្ដូរឈ្មោះម្ចាស់កម្មសិទ្ធិដោយឥតគិតថ្លៃ
? ផ្ដល់ជូនការធានារយះពេល ១ឆ្នាំ

លក្ខណៈបច្ចេកទេស របស់រថយន្តគឺត្រូវបានបំពាក់ទៅដោយ ៖ ម៉ាស៊ីន ១,៦ លីត្រ ប្រអប់លេខស្វ័យប្រវិត្ត ៤វគ្គ សោរស្វ័យប្រវត្តិ (Smart Key), កាមេរ៉ាក្រោយ, DVD, ប្រព័ន្ធហ្រ្វាំង(ABS), Sensorមុខក្រោយ…
ព័ត៍មានបន្ថែមអាចទាក់ទង ០១៧ ៣៣៣ ៥៩៩ ឬទៅមើលនៅទីតាំងផ្ទាល់ដែល ស្ថិតនៅផ្លូវ សាធារណៈរដ្ឋឆែក (១៦៩) ខាងជើងវីទ្យាល័យបាក់ទូក ក្បែរក្រសួងទេសចរណ៍

ប្រយ័ត្នទិញមិនទាន់! Admin អត់ដឹងទេ ទាក់ទងគេទៅ!

ផ្ទាំងផ្សាយពាណិជ្ជកម្ម

Ford នឹងនាំយកកំពូលរថយន្ត Off-road ខ្លួនមកវិញ ក្នុងឆ្នាំ២០២០

November 2, 2019

Ford បានធ្វើឱ្យមនុស្សជាច្រើនរង់ចាំអស់រយៈពេល ២៣ឆ្នាំ សម្រាប់រថយន្តកំពូល Off-road ម៉ូដែល Bronco។

ឥឡូវនេះក្រុមហ៊ុនរថយន្តអាមេរិកខាងលើបានប្រកាសថា Ford Bronco ជំនាន់ទី៦ ថ្មីសន្លាង (All-new) នឹងបង្ហាញខ្លួនជាផ្លូវការនៅក្នុងឆ្នាំ២០២០ ខាងមុខនេះតែម្តង។ ទោះបីជាយ៉ាងណា Ford មិនបានបញ្ចេញព័ត៌មានលម្អិតច្រើនឡើយ ប៉ុន្តែបានចេញវីដេអូ Teaser ថ្មីមួយពីប្រវត្តិរបស់ Bronco ក្នុងរយៈពេលជាង ៣០ឆ្នាំមកនេះ។

ក្នុងនោះយើងអាចមើលឃើញការអាប់ដេតរូបឡូហ្គូថ្មីសម្រាប់ម៉ូដែល Bronco នេះផងដែរ។ មានពាក្យចចាមអារ៉ាមជាច្រើនបាននិយាយជុំវិញរថយន្ត Ford Bronco នេះ ដូចជា វាអាចនឹងប្រើគ្រោងឆ្អឹងដូចទៅនឹង Ford Ranger ជាដើម។

Ford Bronco នឹងចេញមកប្រជែងជាមួយ Jeep Wrangler ហើយនឹងមានតួខ្លួនរាងជ្រុងៗ អាចដោះទ្វារចេញបាន និងមានសមត្ថភាព Off-road ដ៏អស្ចារ្យទៀតផង។ ចំណែកឯម៉ាស៊ីនវិញ គេរំពឹងថាវានឹងប្រើម៉ាស៊ីន Ecoboost ចំណុះ ២,៣លីត្រ Turbocharged ទំហំ ៤ស៊ីឡាំង ក៏ដូចជា ម៉ាស៊ីន Hybrid ទំហំ ៦ស៊ីឡាំងផងដែរ៕

ផ្ទាំងផ្សាយពាណិជ្ជកម្ម

Mitsubishi ASX ឆ្នាំ២០២០ ចេញលក់នៅអូស្ត្រាលី តម្លៃមិនដល់២ម៉ឺនដុល្លារ

November 2, 2019

Mitsubishi បានចេញលក់រថយន្ត SUV ខ្នាតតូចម៉ូដែល ASX ស៊េរីឆ្នាំ២០២០ ជាផ្លូវការនៅក្នុងប្រទេសអូស្ត្រាលី។

ASX ចែកចេញជា ៣ម៉ូដែល គឺ ASX ES តម្លៃ ១៧ ២៥០ដុល្លារ, ASX LS តម្លៃ ២០ ៨៧០ដុល្លារ និង ASX Exceed តម្លៃ ២៤ ៦៧០ដុល្លារ។

លក្ខណៈពិសេសស្តង់ដារលើរថយន្ត ASX មានដូចជា យ៉ាន់ Alloy ទំហំ ១៨អ៊ីង, ចង្កៀងមុខ-ក្រោយ LED, កាងកន្ទុយត្រីក្រោយ, អេក្រង់ Infotainment System ទំហំ ៨អ៊ីង, មុខងារ Apple CarPlay និង Android Auto ព្រមទាំង Bluetooth ផងដែរ។

រថយន្តជប៉ុនខាងលើមាន ៨ពណ៌ឱ្យជ្រើសរើស ហើយអាចបន្ថែម Option ដ៏ពិសេសមួយហៅថា ADAS Pack ដែលរួមមានមុខងារ Lane Departure Warning, Lane Change Assist, Blind Spot Warning, Rear Cross Traffic Alert, Rear Parking Sensors ជាដើម។

Mitsubishi ASX មានជម្រើសម៉ាស៊ីនចំនួនពីរ គឺ ចំណុះ ២,៤លីត្រ មានកម្លាំង ១៦៥សេះ និង ២,០លីត្រ មានកម្លាំង ១៤៧សេះ៕

ផ្ទាំងផ្សាយពាណិជ្ជកម្ម

រថយន្ត Lexus LX 570 2020 នាំពីជប៉ុនយកលក់នៅវៀតណាម ដឹងតម្លៃប៉ុន្មានទេ?

November 2, 2019

ក្រោយពីបញ្ចេញរថយន្ត SUV ថ្មីពីរម៉ូដែលក្នុងកម្មវិធី Vietnam Motor Show ឆ្នាំ ២០១៩ រួចមក ក្រុមហ៊ុន Lexus បានបន្តនាំយករថយន្ត Lexus LX 570 ឆ្នាំ ២០២០ មកបន្តទៀត។

ប្រៀបធៀបនឹងម៉ូដែលឆ្នាំ ២០១៩ ឃើញថាម៉ូដែលថ្មីនេះមិនមានការផ្លាស់ប្ដូររូបរាងនោះឡើយ ពោលវានៅតែមានបំពាក់នូវរន្ធខ្យល់ទំហំធំ និងមានអំពូលក្រោយរាងអក្សរ L ដដែល។ នៅផ្នែកខាងក្នុងគ្របដណ្ដប់ដោយស្បែកគុណភាពខ្ពស់ និងឈើ Shimamoku មានអេក្រង់បញ្ជាទំហំ ១២,៣ អ៊ីញ ឧបករណ៍បំពងសំឡេងចំនួន ១៩ និងម៉ាស៊ីនត្រជាក់ ៤ តំបន់។

Lexus LX 570 ឆ្នាំ ២០២០ នៅតែប្រើម៉ាស៊ីន V8 ចំណុះ ៥,៧ លីត្រ ផលិតកម្លាំងបាន ៣៦៧ សេះ និងប្រើប្រអប់លេខស្វ័យប្រវត្តិ ៨ វគ្គ។ Lexus LX ស៊េរីថ្មីនេះគឺនាំចូលពីប្រទេសជប៉ុន និងចែកចាយលក់នៅវៀតណាមក្នុងតម្លៃប្រមាណ ៣៥,៩ ម៉ឺនដុល្លារ៕

ផ្ទាំងផ្សាយពាណិជ្ជកម្ម

Mercedes តបនឹងការលេងសើចរបស់ BMW មួយឆ្ងាញ់!

November 2, 2019

ក្នុងពិធីបុណ្យ Halloween ក្រុមហ៊ុន BMW បានអបអរដោយបញ្ចេញសារលេងសើចមួយដាក់ក្រុមហ៊ុន Mercedes-Benz។

រូបភាពដែល BMW បានបង្ហោះបានបង្ហាញថារថយន្ត Mercedes E53 គឺពាក់រូបរាង BMW M5 ដែលមានសរសេរសារថា ៖ “ពេលនេះរថយន្តទាំងអស់ អាចតែងខ្លួនដូចជាវីរបុរសសំណព្វចិត្តរបស់ខ្លួនបាន។”

យ៉ាងណាក្ដី Mercedes បានឆ្លើយតបនឹងការលេងសើចនេះភ្លាមៗ ដែលឆ្លើយតបចាក់ដោតបំផុត។ ក្រុមហ៊ុន Daimler AG ដែលជាក្រុមហ៊ុនមេរបស់ Mercedes បានតបយ៉ាងខ្លីថា ៖ “ល្អណាស់។ វាជាការតុបតែងគួរឲ្យខ្លាចមួយ។ ជាពិសេសគឺផ្ទាំងប៉ាណាខាងមុខតែម្ដង។”

ផ្ទាំងផ្សាយពាណិជ្ជកម្ម

ជនម៉ាឡេស៊ី ចាប់ផ្ដើមបែកចិត្តពីរថយន្តបរទេស

November 1, 2019

ចំនួនលក់របស់ម៉ាករថយន្តក្នុងស្រុករបស់ម៉ាឡេស៊ីដូចជា Perodua និង Proton មានការកើនឡើងក្នុងត្រីមាសទី ៣ ឆ្នាំ ២០១៩ ខណៈដែលចំនួនលក់រថយន្តជប៉ុន កូរ៉េខាងត្បូង និងអាល្លឺម៉ង់ភាគច្រើនមានការធ្លាក់ចុះ។

តួលេខបានមកពីសហគមន៍យានយន្តម៉ាឡេស៊ីបានបង្ហាញថាចំនួនលក់រថយន្តសរុបក្នុងត្រីមាសទី ៣ មានការថយចុះ ២,៦៣% បើធៀបនឹងឆ្នាំទៅ។ ចំនួនលក់នៅឆ្នាំ ២០១៩ មាន ៤៤២ ៩៩១ គ្រឿង ចំណែកនៅឆ្នាំ ២០១៨ មាន ៤៥៤ ៩៧១ គ្រឿង។

រយៈពេល ២ ឆ្នាំជាប់គ្នានៅឆ្នាំ ២០១៨ និង ២០១៩ តំណែងកំពូលគឺបានទៅលើរថយន្តក្នុងស្រុក Perodua។ នៅត្រីមាសទី ៣ រថយន្តម៉ាកនេះលក់ចេញបាន ១៧៨ ៧៥៤ គ្រឿង កើន ៦,២៧%។ លេខពីរគឺ Proton ម៉ាករថយន្តក្នុងស្រុកដែរ ដែលលក់បាន ៦៩ ៩២០ គ្រឿង កើនឡើង ៤២,០២%។

តួលេខរបស់ម៉ាករថយន្តផ្សេងទៀតគឺឃើញក្រហម ដែលជាសញ្ញាធ្លាក់ចុះ។ Honda ធ្លាក់ចុះ ១៨,៥១% Toyota ធ្លាក់ចុះ ៩,៥៧% Nissan ធ្លាក់ចុះ ២៤,៩៣% និង Mazda ធ្លាក់ចុះ ១៩,០១% ជាដើម៕

ផ្ទាំងផ្សាយពាណិជ្ជកម្ម

ប្រទះឃើញរថយន្ត Rolls-Royce Ghost 2021 ធ្វើតេស្តគ្រោងឆ្អឹងថ្មី

November 1, 2019

រថយន្ត Rolls-Royce Ghost ស៊េរីឆ្នាំ ២០២១ ត្រូវបានគេប្រទះឃើញបើកបរសាកល្បងនៅលើទីលានប្រណាំងរថយន្ត Nurburgring ក្នុងប្រទេសអាល្លឺម៉ង់។

តាមរូបភាពគេអាចមើលឃើញថារថយន្តម៉ូដែល Ghost ស៊េរីថ្មីនេះ មិនមានការផ្លាស់ប្ដូររូបរាងធំដុំនោះទេ ដោយមានការប្ដូរតិចតួច រួមមានអំពូលមុខក្រោយដែលទំនើបជាងមុន។ ការផ្លាស់ប្ដូរធំគឺនៅលើគ្រោងឆ្អឹង ដែលក្រុមហ៊ុនបានប្ដូរមកប្រើប្រាស់គ្រោងឆ្អឹងអាលុយមីញ៉ូមវិញ។

គ្រោងឆ្អឹងថ្មីរបស់ Ghost ឆ្នាំ ២០២១ នឹងជួយបង្កើនសមត្ថភាពរក្សាលំនឹង ហើយអាលុយមីញ៉ូមក៏នឹងជួយឲ្យរថយន្ត Ghost ជំនាន់ថ្មីមានទម្ងន់ស្រាលជាងមុនផងដែរ។ ចំពោះលក្ខណៈសម្បត្តិម៉ាស៊ីនវិញ រំពឹងថាប្រើម៉ាស៊ីន Twin-Turbo ៦,៦ លីត្រ ១២ ស៊ីឡាំង ភ្ជាប់នឹងប្រអប់លេខស្វ័យប្រវត្តិ ៨ វគ្គ។ រថយន្ត Rolls-Royce Ghost ជំនាន់ទីពីរនេះ នឹងបង្ហាញនៅឆ្នាំក្រោយ៕

ផ្ទាំងផ្សាយពាណិជ្ជកម្ម

SUV ប្រើអគ្គិសនីរបស់ Ford បំផុសគំនិតតាមម៉ូដែល Mustang អាចមានរូបរាងបែបនេះ

November 1, 2019

រថយន្ត SUV ដំណើរការដោយថាមពលអគ្គិសនីថ្មីរបស់ក្រុមហ៊ុន Ford នឹងបង្ហាញខ្លួនជាផ្លូវការនៅថ្ងៃទី ១៧ វិច្ឆិកា ២០១៩ ខាងមុខនេះ។

បើតាមពាក្យចចាមអារ៉ាមបានឱ្យដឹងថា វាអាចនឹងប្រើឈ្មោះ Ford Mach E ឬ Mach 1 ខណៈរូបភាព Render បានបង្ហាញឱ្យឃើញពីរូបរាងដ៏ទាក់ទាញរបស់វា ដែលបំផុតគំនិតតាមរថយន្តស្ព័រ Ford Mustang។

ក្រៅពីមានរូបរាងស្រដៀងគ្នា Ford បានសន្យាថា រថយន្ត SUV អគ្គិសនីនោះនឹងមានសមត្ថភាពបើកបរ និង បត់បែនដូច Mustang ដែរ ។ Ford Mach E ឬ Mach 1 ទំនងនឹងមានទាំងជម្រើសប៉ុងមួយវិលកង់ក្រោយ និងប៉ុងពីរ ហើយថែមទាំងមានជម្រើសកម្លាំងខុសគ្នាទៀតផង។