Toyota Yaris ឆ្នាំ២០២០ ដូររូបរាងថ្មីទាំងស្រុង បង្ហាញខ្លួនផ្លូវការ ថែមម៉ូដែល Hybrid ថ្មី!

October 16, 2019

Toyota បានប្រកាសចេញនូវរថយន្តខ្នាតតូចម៉ូដែល Yaris ស៊េរីថ្មីឆ្នាំ២០២០ ជាផ្លូវការ ដោយវាបានផ្លាស់ប្តូររូបរាងទាំងស្រុងតែម្តង។

រថយន្ត Yaris ជំនាន់ទី៤នេះប្រើគ្រោងឆ្អឹងថ្មី Toyota New Global Architecture (TNGA) ដែលធ្វើឲ្យវាមានភាពប្រសើរគ្រប់ផ្នែក ទាំង ស្ទីល, ភាពងាយស្រួលប្រើប្រាស់, ផ្នែកមេកានិច, បច្ចេកវិទ្យា និងសុវត្ថិភាព ហើយកាត់ទម្ងន់រថយន្តបាន ៥០គីឡូក្រាមទៀតផង។

Yaris ឆ្នាំ២០២០ មានប្រវែងខ្លីជាងមុន ៥មីល្លីម៉ែត្រ និងទាបជាងមុន ៤០មីល្លីម៉ែត្រ តែមានប្រវែងពីកង់មុខទៅកង់ក្រោយ វែងជាងមុន ៥០មីល្លីម៉ែត្រ ដែលជួយឲ្យកាប៊ីនខាងក្នុងធំទូលាយជាងមុន ហើយការបើកបរកាន់តែប្រសើរជាងមុន។

ចំណែកឯផ្នែកខាងក្នុងក៏ផ្លាស់ប្តូរថ្មីដែរ ដោយ Toyota និយាយថា ខ្លួនផ្តោតខ្លាំងលើគុណភាព, ប្រតិបត្តិការណ៍ និងសំឡេង ដែលអ្នកបើកបរ ឬអ្នកដំណើរប៉ះពាល់នៅក្នុងរថយន្ត។

Toyota Yaris ឆ្នាំ២០២០ បន្ថែមជម្រើស Hybrid ថ្មី ដោយប្រើម៉ាស៊ីនចំណុះ ១,៥លីត្រ ទំហំ៣ស៊ីឡាំង ជាមួយម៉ូទ័រអគ្គិសនីមួយ និងអាគុយ Hybrid មួយ មានកម្លាំងសរុប ១១៣សេះ។ ម៉ាស៊ីន Hybrid ថ្មីនេះជួយឲ្យ Yaris មានកម្រិតស៊ីសាំងតិចជាងមុន ២០%។

វាក៏បំពាក់បច្ចេកវិទ្យា Toyota Safety Sense មកស្តង់ដារដែរ ដោយក្នុងនោះរួមមានមុខងារ ដូចជា Full Speed-Range Intelligent Adaptive Cruise Control និង Lane Trace Assist System ជាដើម៕

ផ្ទាំងផ្សាយពាណិជ្ជកម្ម

Acura ILX ឆ្នាំ២០២០ ចេញលក់ផ្លូវការ តម្លៃចាប់ពី ២,៥ម៉ឺនដុល្លារ

October 16, 2019

រថយន្ត Acura ILX ស៊េរីឆ្នាំ២០២០ បានចេញលក់ជាផ្លូវការ ជាមួយនឹងតម្លៃចាប់ពី ២៥ ៩០០ដុល្លារលើទីផ្សារបរទេស។

ILX ថ្មីបានផ្លាស់ប្តូរជាច្រើនពីស៊េរីចាស់ រួមទាំងរូបរាងកាន់តែស្ព័រជាងមុន, បច្ចេកវិទ្យា AcuraWatch មកស្តង់ដារ និងអាប់ដេតបច្ចេកវិទ្យាក្នុងរថយន្ត ដូចជា Apple CarPlay និង Android Auto ជាដើម។

វាចែកចេញជា ៣ម៉ូដែល គឺ ILX Premium, ILX Technology និង ILX A-Spec បំពាក់ដោយម៉ាស៊ីនសាំងចំណុះ ២,៤លីត្រ i-VTEC ទំហំ៤ស៊ីឡាំង មានកម្លាំង២០១សេះ ប្រើប្រអប់លេខ៨វគ្គ។

ក្រៅពីបច្ចេកវិទ្យា AcuraWatch ក្នុងនោះរថយន្ត Acura ILX ឆ្នាំ២០២០ ក៏បំពាក់មុខងារសុវត្ថិភាពជាច្រើនដូចជា Collision Mitigation Braking System with Forward Collision Warning, Lane Keeping Assist, Adaptive Cruise Control និង Road Departure Mitigation with Lane Departure Warning មកស្តង់ដារតែម្តង។

រថយន្តប្រភេទ Sedan នេះមានចំនួន ៧ពណ៌ គឺ ខ្មៅ (Majestic Black Pearl), ក្រហម (Performance Red Pearl), ត្នោត (Canyon Bronze Metallic), ខៀវ (Apex Blue Pearl), ស (Platinum White Pearl), ទឹកប្រាក់ (Lunar Silver Metallic) និងប្រផេះ (Modern Steel Metallic)៕

ផ្ទាំងផ្សាយពាណិជ្ជកម្ម

Corolla ត្រឹមជាប់លេខ៨ ជាឡានមួយទឹក លក់ឆាប់ដាច់បំផុត

October 15, 2019

បើយោងតាមការសិក្សាថ្មីគួរឲ្យចាប់អារម្មណ៍មួយ ពីគេហទំព័រ iSeeCars របស់សហរដ្ឋអាមេរិក បានបង្ហាញថា ការលក់រថយន្តមួយទឹកដាច់លឿនបំផុត មិនមែនជារថយន្ត Pickup ឬ SUV ឡើយ។ ផ្ទុយទៅវិញ វាជារថយន្ត Toyota Prius C។

បន្ទាប់ពីការវិភាគលើរថយន្តជាង ៤ លានគ្រឿង ដែលមានអាយុកាលពី ១ ឆ្នាំទៅ ៣ ឆ្នាំរួចមក iSeeCars បានរកឃើញថា រថយន្ត Toyota Prius C ដែលប្រើរួច (មួយទឹក) ជាមធ្យមឈរជើងនៅលើទីផ្សារបានតែ ២៩,៦ ថ្ងៃប៉ុណ្ណោះ ក៏ត្រូវគេទិញយកទៅប្រើប្រាស់បន្តតែម្តង។ តួលេខនេះបានធ្វើឲ្យ វាយកឈ្នះលើរថយន្ត SUV គឺ Toyota RAV4 ដែលជាមធ្យមឈរជើងនៅលើទីផ្សារ រយៈពេល ៣៦,៦ ថ្ងៃ និងរថយន្ត Pickup ម៉ូដែល Honda Ridgeline រយៈពេល ៣៩,៣ ថ្ងៃ។

ខាងក្រោមនេះគឺជារថយន្តមួយទឹកដែលលក់ដាច់លឿនបំផុត៖

១) Toyota Prius C៖ ជាមធ្យមប្រើពេល ២៩,៦ ថ្ងៃ

២) Tesla Model S៖ ជាមធ្យមប្រើពេល ៣២,៤ ថ្ងៃ

៣) BMW i3៖ ជាមធ្យមប្រើពេល ៣៣,៤ ថ្ងៃ

៤) Toyota Prius៖ ជាមធ្យមប្រើពេល ៣៣,៤ ថ្ងៃ

៥) Chevrolet Volt៖ ជាមធ្យមប្រើពេល ៣៤,៣ ថ្ងៃ

៦) Volkswagen Gold R៖ ជាមធ្យមប្រើពេល ៣៤,៣ ថ្ងៃ

៧) Honda Civic៖ ជាមធ្យមប្រើពេល ៣៤,៧ ថ្ងៃ

៨) Toyota Corolla៖ ជាមធ្យមប្រើពេល ៣៤,៩ ថ្ងៃ

៩) Honda Accord៖ ជាមធ្យមប្រើពេល ៣៥,៥ ថ្ងៃ

១០) Hyundai Veloster Turbo៖ ជាមធ្យមប្រើពេល ៣៦,០ ថ្ងៃ

ផ្ទាំងផ្សាយពាណិជ្ជកម្ម

Nissan Juke កែបែបនេះ ត្រូវម៉ាច់សម្រាប់អ្នកចូលចិត្តបើក Off-road

October 15, 2019

រថយន្ត Nissan Juke មានជម្រើសប្រភេទប៉ុង ២ ដែរ ប៉ុន្តែវាមិនមានសមត្ថភាពខ្លាំងក្លាក្នុងការបើកបរផ្លូវ Offroad ដូចជារថយន្ត SUV ឬ Pickup មួយចំនួនទៀតឡើយ។

ទោះបីជាយ៉ាងណា រថយន្ត SUV ខ្នាតតូច Nissan Juke នេះ ត្រូវបានគេយកទៅកែ ដោយកល់បូម និងបំពាក់កង់ថ្មី រួមទាំងការរចនារូបរាងមួយចំនួនទៀតឲ្យមើលទៅសាកសមជារថយន្ត Offroad។ ការងារកែច្នៃទាំងអស់នេះ ត្រូវបានធ្វើឡើងដោយក្រុមហ៊ុនមួយ មានឈ្មោះថា Autobot Autoworks នៅក្នុងប្រទេសហ្វីលីពីន។

គម្រោងមួយនេះត្រូវក្រុមហ៊ុនខាងលើឲ្យឈ្មោះថា Project Lady Bug ដោយបានធ្វើឲ្យរថយន្ត Juke នេះឈរខ្ពស់ផុតពីដីជាងមុន និងមានរូបរាងមាំជាងមុនផងដែរ ហើយថែមទាំងបានបំពាក់អំពូលភ្លើង LED សម្រាប់ការបើកបរនៅយប់ងងឹតទៀតផង៕

ផ្ទាំងផ្សាយពាណិជ្ជកម្ម

Toyota Camry នៅតែគ្មានគូប្រៀបលើទីផ្សារវៀតណាម

October 15, 2019

រថយន្តពពួក D Segment នៅវៀតណាមមិនសូវជាមានច្រើនជម្រើសសម្រាប់អតិថិជនជ្រើសរើសនោះឡើយ។ ក្រោយពី Honda Accord បញ្ឈប់ការលក់ រថយន្ត Toyota Camry Mazda 6 និង Kia Optima ជាឈ្មោះដែលល្បីជាងគេក្នុងផ្នែករថយន្ត D Segment។ មើលលើចំនួនលក់ប្រចាំខែកញ្ញា Toyota Camry នៅតែគ្មានគូប្រៀប។

១. Toyota Camry

ប្រៀបធៀបនឹងខែមុនចំនួនលក់រថយន្ត Toyota Camry មានការកើនឡើង ២២៥ គ្រឿង ដែលខែកញ្ញាលក់បានសរុប ៥២០ គ្រឿង។ គិតចាប់ពីដើមឆ្នាំមក Toyota លក់រថយន្ត Camry បានសរុប ២ ៥៦៥ គ្រឿង។

២. Mazda 6

Mazda 6 អាចធ្វើការចេញបានសរុប ១០២ គ្រឿង ប្រចាំខែកញ្ញា ហើយបើគិតពេញមួយឆ្នាំ ២០១៩ ចំនួនលក់សរុបមាន ១ ៣៧២ គ្រឿង។

៣. Kia Optima

Kia Optima អាចលក់បាន ៧៣ គ្រឿង ជាមួយចំនួនសរុប ៥៥១ គ្រឿងពេញមួយឆ្នាំ។ តួលេខបង្ហាញថារថយន្តកូរ៉េខាងត្បូងមួយនេះ ពិបាកប្រជែងនឹង Camry និង Mazda 6 បំផុត៕

ផ្ទាំងផ្សាយពាណិជ្ជកម្ម

Lamborghini Huracan ផ្ដួល Gallardo លើកំណត់ត្រាលក់

October 15, 2019

រយៈពេល ១០ ឆ្នាំនៃការផលិតលក់ម៉ូដែល Lamborghini Gallardo គឺវាអាចលក់បានសរុប ១៤ ០២២ គ្រឿង ក្លាយជារថយន្តលក់ដាច់បានច្រើនបំផុតរបស់ម៉ាករថយន្តអ៊ីតាលីនេះ។

នៅឆ្នាំ ២០១៤ រថយន្តម៉ូដែល Huracan បានចូលមកជំនួសរថយន្តម៉ូដែល Gallardo។ ហើយពេលនេះ ត្រឹមរយៈពេល ៥ ឆ្នាំ ម៉ូដែល Huracan បានយកឈ្នះតួលេខលក់របស់ Lamborghini អាចក្លាយជារថយន្តលក់ដាច់បានច្រើនបំផុតថ្មី។

ដើម្បីអបអរសាទរសមិទ្ធផលនេះ រថយន្ត Huracan EVO Coupe ដែលមានតួខ្លួនពណ៌ប្រផេះ និងមានលេខម៉ាស៊ីន ១៤ ០២២ ត្រូវគ្នានឹងតួលេខលក់សរុបរបស់ Gallardo ត្រូវបានផលិតឡើងដោយ Lamborghini ហើយនឹងដឹកជញ្ជូនដល់អតិថិជនថ្មីម្នាក់នៅទីផ្សារកូរ៉េខាងត្បូង៕

ផ្ទាំងផ្សាយពាណិជ្ជកម្ម

Ferrari 458 Spider ឆេះខ្ទេចម៉ត់ ត្រូវគេយកដាក់លក់

October 14, 2019

Ferrari 458 Spider គឺជារថយន្តមួយក្នុងចំណោមរថយន្តចុងក្រោយរបស់ក្រុមហ៊ុនអ៊ីតាលី ដែលមានប្រើប្រាស់ម៉ាស៊ីន ៨ ស៊ីឡាំង ដាក់នៅចំកណ្ដាល ហើយវាក៏ជារថយន្តមានរូបរាងទាក់ទាញមួយផងដែរ។

យ៉ាងណាក្ដីរថយន្ត Ferrari 458 Spider ដែលដាក់លក់ដេញថ្លៃលើវិបសាយ Copart គឺខុសពីការរៀបរាប់ខាងលើ ដោយសាររថយន្តនេះនៅសេសសល់តែផេះផង់ប៉ុណ្ណោះ។ ជាក់ស្ដែងរថយន្ត Ferrari 458 Spider ឆ្លងកាត់ភ្លើងឆេះខ្លាំង ដែលធ្វើឲ្យផ្នែកជាច្រើនត្រូវខ្ទេច សឹងតែឆេះរលាយគ្មានសល់។

ទោះបីជាក្លាយជាផេះផង់មែនពិត ក៏រថយន្តនេះត្រូវគេយកដាក់លក់ដេញថ្លៃផងដែរ។ ប៉ុន្តែទំនងជាមិនមានអតិថិជនហ៊ានចាយលុយទិញកាកសំណល់រថយន្តបែបនេះឡើយ៕

ផ្ទាំងផ្សាយពាណិជ្ជកម្ម

រថយន្ត Lamborghini ដែលផលិតដោយម៉ាស៊ីនព្រីន 3D អាចបើកទៅមុខបានធម្មតា

October 14, 2019

រថយន្ត Lamborghini Aventador ដែលផលិតឡើងដោយម៉ាស៊ីនព្រីន 3D និងត្រូវបានសារព័ត៌មានចុះផ្សាយកាលពីប៉ុន្មានខែកន្លងទៅនោះ ពេលនេះមានការវិវត្តថ្មីដែលបង្ហាញថារថយន្តនេះអាចបើកបរទៅមុខបានធម្មតា។

រថយន្តនេះកើនឡើងចេញពីការបង្កើតរបស់សាស្ត្រាចារ្យនៅសកលវិទ្យាល័យ Colorado State University លោក Sterling Backus នៅពេលលេងហ្គេម Forza Horizon 3 ជាមួយកូនប្រុស។ រយៈពេលជាច្រើនខែវាបានកកើតរូបរាងឡើងនៅក្នុងហ្គារ៉ាសរថយន្តរបស់គ្រួសារនេះផ្ទាល់។

Lamborghini នេះប្រើប្រាស់ម៉ាស៊ីន ៥,៧ លីត្រ ៨ ស៊ីឡាំង ដែលយកមកពីរថយន្ត Corvette ឆ្នាំ ២០០៣ ហើយមាន Twin-Turbocharger ទៀតផង។ ស្បែករបស់រថយន្តគឺបង្កើតឡើងដោយប្រើម៉ាស៊ីន QIDI Xpro 3D តម្លៃ ៦៥០ ដុល្លារ និងម៉ាស៊ីនពីរផ្សេងទៀតមានតម្លៃធូរជាងនេះ៕

ផ្ទាំងផ្សាយពាណិជ្ជកម្ម

Toyota 4Runner Venture Edition ឆ្នាំ២០២០ ស័ក្កសមសម្រាប់អ្នកចូលចិត្តលុកព្រៃ

October 14, 2019

Toyota បានបញ្ចេញរថយន្ត 4Runner ម៉ូដែលថ្មីមួយទៀតហៅថា Venture Edition សម្រាប់ស៊េរីឆ្នាំ២០២០។

4Runner Venture Edition បានធ្វើឲ្យតួខ្លួនកាន់តែរឹងមាំ និងផ្តល់ភាពងាយស្រួលប្រើប្រាស់ ដោយការបំពាក់រឺហ្គែលើដំបូល Yakima Megawarrior មកស្តង់ដារ, យ៉ាន់ TRD ទំហំ១៧អ៊ីង, គម្របកញ្ចក់-ដៃទ្វារ-កន្ទុយត្រីលើដំបូលពណ៌ខ្មៅ, ក៏ដូចជាអក្សរ Toyota និងឡូហ្គូពណ៌ខ្មៅផងដែរ។

SUV នេះមានសមត្ថភាពបើក Off-road មិនធម្មតា ដោយសារតែវាត្រូវបានផ្អែកលើម៉ូដែល TRD Off-Road Premium ហើយបំពាក់ប៉ុងពីរដ៏ខ្លាំងក្លា។ លើសពីនេះ វាបំពាក់មុខងារជំនួយជាច្រើន ដូចជា Crawl control, Active Traction Control និង Multi-Terrain Select ជាដើម។

ក្រឡេកទៅមើលផ្នែកខាងក្នុង 4Runner Venture Edition ថ្មី បំពាក់កៅអី SofTex រំលេចដោយអក្សរ TRD ហើយមានមុខងារកម្តៅ, អេក្រង់ Touchscreen ទំហំ ៨អ៊ីង អាចភ្ជាប់មុខងារ Apple CarPlay, Android Auto និង Amazon Alexa, កុងទ័រ MID ថ្មីទំហំ ៤,២អ៊ីង ព្រមទាំងមុខងារ Toyota Safety Sense P មកស្តង់ដារតែម្តង។

Toyota 4Runner Venture Edition ប្រើម៉ាស៊ីនចំណុះ ៤,០លីត្រ ទំហំ ៦ស៊ីឡាំង កម្លាំង ២៧០សេះ ដំណើរការជាមួយប្រអប់លេខអូតូ ៥វគ្គ៕

ផ្ទាំងផ្សាយពាណិជ្ជកម្ម

ឡាន Porsche Macan ប្រើអគ្គិសនី អាចមានកម្លាំងដល់ ៧០០សេះ

October 14, 2019

Porsche ទើបតែបានបញ្ចេញរថយន្តអគ្គិសនីដំបូងបង្អស់របស់ខ្លួន គឺ Taycan ដែលមានកម្លាំងដល់ ៧៥០សេះ អាចជាន់ពីកុងទ័រ ០ ដល់ ១០០គីឡូម៉ែត្រក្នុងមួយម៉ោង ប្រើពេលត្រឹម ២,៦វិនាទីប៉ុណ្ណោះ។ ឥឡូវនេះ Porsche កំពុងចង់យកបច្ចេកវិទ្យានេះមកប្រើលើរថយន្ត Macan ទៀត។

យោងតាមទំព័រ Autocar រថយន្ត Macan EV នឹងមានការរចនាបែបស្ព័រ ខុសពីរថយន្ត Macan ធម្មតា ហើយចេញលក់នៅក្នុងឆ្នាំ២០២១ ខាងមុខ។ វានឹងត្រូវផលិតលើគ្រោងឆ្អឹងថ្មីរបស់ក្រុមហ៊ុន Volkswagen គឺ Premium Platform Electric Platform។

ជាមួយគ្នានេះ រថយន្ត Macan EV នឹងប្រើប្រព័ន្ធបើកបរប៉ុងពីរ ព្រមទាំងម៉ូទ័រអគ្គិសនី២ ផងដែរ។ ក្នុងនោះ វាអាចផលិតកម្លាំងបានរហូតដល់ទៅ ៧០០សេះឯណោះ ច្រើនជាងរថយន្ត Macan Turbo ដែលប្រើម៉ាស៊ីនសាំងដល់ទៅ ៣០០សេះ។