មកស្ដាប់សំឡេងម៉ាស៊ីន ៧,៣ លីត្រ V8 របស់ Ford លាន់ខ្លាំងកម្រិតណា?

October 2, 2019

វីដេអូខ្លីមួយបានបង្ហាញអំពីសំឡេងនៃម៉ាស៊ីនថ្មីរបស់ Ford ដែលបានដាក់បន្ថែមលើរថយន្តម៉ូដែល Ford Super Duty ស៊េរីឆ្នាំ ២០២០ ជាមួយកញ្ចប់ឈ្មោះថា Tremor។

ម៉ាស៊ីនថ្មីនេះអាចបញ្ចេញសំឡេងលាន់ឮខ្លាំង បញ្ជាក់អំពីកម្លាំងដ៏ខ្លាំងក្លារបស់ខ្លួន។ ម៉ាស៊ីននេះគឺមានចំណុះ ៧,៣ លីត្រ មាន ៨ ស៊ីឡាំង ដែលវាអាចបង្កើតកម្លាំងបាន ៤៣០ សេះ ភ្ជាប់ជាមួយប្រអប់លេខស្វ័យប្រវត្តិ ១០ វគ្គ។

ខណៈពេលនេះ Ford មិនទាន់បង្ហាញលម្អិតអំពីតម្លៃរបស់ Super Duty ស៊េរីឆ្នាំ ២០២០ នៅឡើយទេ ដែលគេរំពឹងថាអាចនឹងប្រកាសមុនដំណាច់ឆ្នាំ ២០១៩ នេះ៕

ផ្ទាំងផ្សាយពាណិជ្ជកម្ម

ឡាន Kia Picanto EV អត់ប្រើសាំង នឹងមានតម្លៃថោក ស្មានមិនដល់

October 2, 2019

រថយន្ត Kia Picanto EV ដែលដំណើរការដោយថាមពលអគ្គិសនី អាចនឹងត្រូវផលិតក្នុងពេលឆាប់ៗខាងមុខ ប្រសិនបើក្រុមហ៊ុន Kia អាចរកវិធីធ្វើឲ្យវាមានតម្លៃថោកបំផុត។

ប្រធានប្រតិបត្តិក្រុមហ៊ុន Kia Europe លោក Emilio Herrera បាននិយាយថា “រថយន្តដំណើរការដោយថាមពលអគ្គិសនីខ្នាតតូច នឹងក្លាយជាការប្រកួតប្រជែងដ៏ធំមួយ”។

ទោះជាយ៉ាងណា មិនទាន់មានការសម្រេចចិត្ត អំពីការប្រើប្រាស់អាគុយអគ្គិសនីលើ Picanto EV ឡើយ ប៉ុន្តែ Kia កំពុងស្វែងរកដំណោះស្រាយយ៉ាងមានប្រសិទ្ធិភាពបំផុត។

គួរឲ្យដឹងថា រថយន្ត Kia Picanto EV អាចនឹងមានតម្លៃចន្លោះពី ១៧ ៦០០ ទៅ ១៨ ៧០០ ដុល្លារ នៅពេលវាចេញលក់ជាផ្លូវការ៕

ផ្ទាំងផ្សាយពាណិជ្ជកម្ម

Mazda ចេញ Mazda 3 TCR ថ្មី រាងកប់ខ្លាំង ទុកប្រណាំង Motorsport

October 2, 2019

Mazda បានចេញរថយន្ត Mazda 3 TCR ស៊េរីថ្មី សម្រាប់ចូលរួមកីឡាប្រណាំងរថយន្ត Motorsport។

Mazda 3 TCR ត្រូវបានរចនាឡើងដោយ Mazda Design America ដោយផ្អែកលើរថយន្ត Mazda 3 Hatchback ស៊េរីឆ្នាំ ២០២០។

Mazda 3 TCR នៅតែរក្សារូបរាងដូច Mazda 3 តែបានបន្ថែមគ្រឿងគ្រូវ ដូចជា កាងកាត់ខ្យល់មុខ , ចំហៀង និង កន្ទុយត្រីក្រោយ , យ៉ាន់ ១៨ អ៊ីងថ្មី ព្រមទាំងប្រព័ន្ធហ្វ្រាំង Brembo។

រថយន្តនេះប្រើម៉ាស៊ីនសាំងចំណុះ ២,០ លីត្រ Turbocharged ទំហំ ៤ ស៊ីឡាំង មានកម្លាំង ៣៥០ សេះ ប្រើប្រអប់លេខ ៦ វគ្គ និង ប្រព័ន្ធបើកបរប៉ុងមួយ ដែលអាចរត់ដល់ល្បឿនអតិបរមា ២៤១ គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

មកស្គាល់រថយន្តលក់ដាច់ជាងគេនៅអាស៊ីអាគ្នេយ៍ គិតត្រឹមបច្ចុប្បន្ននេះ

October 1, 2019

ផ្អែកតាមទិន្នន័យរបស់ Focus2move នៅក្នុងរយៈពេលមួយឆមាសដំបូងនាឆ្នាំ ២០១៩ នេះ ទីផ្សាររថយន្តនៅអាស៊ីអាគ្នេយ៍មានរថយន្តចំនួន ១ ៦៥៩ ៨៥០ គ្រឿង ត្រូវបានលក់ចេញ ដែលកើនឡើង ២,៥% ធៀបនឹងឆ្នាំមុន។ Toyota នៅតែជាក្រុមហ៊ុនមានចំណែកទីផ្សារធំ ដោយមានរថយន្តចំនួន ៥ ម៉ូដែលមានឈ្មោះក្នុងតំណែងកំពូលទាំង ១០។

ខាងក្រោមជាទិន្នន័យដកស្រង់ពី Focus2move ៖

១. Toyota Hilux លក់ចេញបាន ១០២ ៦៧៨ គ្រឿង

២. Isuzu D-Max លក់ចេញបាន ៨៦ ៦៥១ គ្រឿង

៣. Perodua Axia លក់ចេញបាន ៦៦ ០០០ គ្រឿង

៤. Mitsubishi Xpander លក់ចេញបាន ៥៧ ៤៦២ គ្រឿង

៥. Toyota Vios លក់ចេញបាន ៥៤ ៣០៤ គ្រឿង

៦. Toyota Avanza លក់ចេញបាន ៤៧ ២៩០ គ្រឿង

៧. Honda City លក់ចេញបាន ៤២ ៥១២ គ្រឿង

៨. Toyota Innova លក់ចេញបាន ៤១ ៩៩២ គ្រឿង

៩. Toyota Fortuner លក់ចេញបាន ៤០ ៨១៥ គ្រឿង

១០. Ford Ranger លក់ចេញបាន ៣៩ ២៤៨ គ្រឿង

ផ្ទាំងផ្សាយពាណិជ្ជកម្ម

ក្រុមហ៊ុនវៀតណាម ដំឡើងថ្លៃរថយន្តរបស់ខ្លួនជាង ២ ពាន់ដុល្លារ

October 1, 2019

ក្រុមហ៊ុនរថយន្តវៀតណាម Vinfast បានប្រកាសអំពីការដំឡើងថ្លៃលើរថយន្ត Sedan និង SUV របស់ខ្លួន ចាប់ពីថ្ងៃទី ១ ខែតុលា ក្រោយចប់ការលក់ដំណាក់កាលទីមួយ។

រថយន្ត Lux A2.0 និង Lux SA2.0 ប្រភេទ Standard, Adavanced និង High នឹងត្រូវឡើងថ្លៃប្រមាណ ២ ១៥០ ដុល្លារចាប់ពីថ្ងៃទី ១ ខែតុលា។ គួរដឹងតម្លៃលក់ដំណាក់កាលដំបូងគឺចាប់ពីប្រមាណ ៤២ ៦៧៥ ដុល្លារសម្រាប់ Lux A2.0 និងចាប់ពីប្រមាណ ៦០ ៩៥០ ដុល្លារសម្រាប់ Lux SA2.0។

ដោយឡែកសម្រាប់រថយន្តម៉ូដែល Fadil ដែលជាប្រភេទ Hatchback នៅមិនមានការផ្លាស់ប្ដូរតម្លៃនៅឡើយទេ។ រថយន្តដែលគូប្រជែងរបស់ Hyundai i10 និង Toyota Wigo នេះមានលក់តម្លៃប្រមាណ ១៧ ០០០ ដុល្លារ៕

ផ្ទាំងផ្សាយពាណិជ្ជកម្ម

អតិថិជនភ្ញាក់ផ្អើលខ្លាំង ពេលឃើញប្រធាន និងអគ្គនាយកក្រុមហ៊ុនតូយ៉ូតាចុះទទួលភ្ញៀវផ្ទាល់បែបនេះ!

October 1, 2019

នៅព្រឹកថ្ងៃទី០១ ខែតុលា ឆ្នាំ២០១៩ ស្ថិតនៅអគារ ទីស្នាក់ការកណ្តាលថ្មីរបស់ក្រុមហ៊ុនតូយ៉ូតា (ខេមបូឌា) យើងសង្កេតឃើញមានអតិថិជនយ៉ាងច្រើនកុះករ មកធ្វើការទស្សនារថយន្តថ្មី និងយករថយន្តមកទទួលសេវាកម្ម ក្នុងថ្ងៃបើកដំណើរការអគារដ៏ថ្មីសន្លាង ទំនើបរបស់តូយ៉ូតា ក្រោមទិដ្ឋភាព និងបរិយាកាសដ៏រីករាយបំផុត។

គួរអោយសរសើរ និងភ្ញាក់ផ្អើលបំផុតនៅពេលដែលឃើញ ថ្នាក់ដឹកនាំកំពូលរបស់តូយ៉ូតា បានចុះមកទទួលអតិថិជនដោយផ្ទាល់ ជាមួយកម្រងផ្កាដើម្បីជាការថ្លែងអំណរគុណ ក៏ដូចជាស្វាគមន៌អតិថិជនដំបូងក្នុងថ្ងៃបើកដំណើរការនូវអគារទីស្នាក់ការកណ្តាលថ្មីនេះផងដែរ។

ទីស្នាក់ការកណ្តាលថ្មីនេះ មានបំរើសេវាកម្ម លក់រថយន្តថ្មី សេវាកម្មថែទាំរថយន្ត សេវាកម្មជួសជុលទូទៅ សេវាកម្មតោននិងបាញ់ថ្នាំ ជាមួយនឹងឧបករណ៍ទំនើបនិងស្របតាមបច្ចេកវិទ្យារបស់ប្រទេសជប៉ុនចុងក្រោយ ដែលមាន អាសយដ្ឋាននៅលើ ផ្លូវសហព័ន្ធរុស្ស៊ី ភូមិបុរី១០០ខ្នង សង្កាត់ទឹកថ្លា ខណ្ឌសែនសុខ រាជធានីភ្នំពេញ។

សំរាប់ពត័មានបន្ថែមសូមទទំនាក់ទំនង ០១៧ ៣៣៣៥០៣/ ០១៧ ២២២ ៥៣២។

កម្រងរូបភាពជាច្រើនត្រូវបានផ្តិតយកដូចខាងក្រោម៖

ផ្ទាំងផ្សាយពាណិជ្ជកម្ម

Honda Accord ម៉ាស៊ីន Hybrid ឆ្នាំ២០២០ តម្លៃតែជាង២ម៉ឺនដុល្លារ ជិះ១០០គ.ម៉ ស៊ី៤,៩លីត្រ

October 1, 2019

Honda Accord Hybrid ស៊េរីឆ្នាំ ២០២០ បានបង្ហាញខ្លួនជាផ្លូវការ ហើយកំពុងត្រៀមចេញលក់ក្នុងពេលឆាប់ៗខាងមុខនេះតែម្តង។

Honda Accord Hybrid ប្រើម៉ាស៊ីនសាំង i-VTEC ចំណុះ ២,០លីត្រ ទំហំ ៤ស៊ីឡាំង និងម៉ូទ័រអគ្គិសនី ២ មានកម្លាំងសរុប ២១២ សេះ។ វាមានកម្រិតស៊ីសាំងជាមធ្យមត្រឹមតែ ៤,៩លីត្រប៉ុណ្ណោះ សម្រាប់ការបើកបរចម្ងាយ ១០០គីឡូម៉ែត្រ។

Accord Hybrid ថ្មី បំពាក់បច្ចេកវិទ្យា Honda Sensing Suite មកស្តង់ដារ ក្នុងនោះមានមុខងារដូចជា Collision Mitigation Braking with Pedestrian Detection, Lane Keeping Assist, Adaptive Cruise Control with Low-Speed Follow និង Traffic Sign Recognition ជាដើម។

រថយន្ត Sedan ខ្នាតកណ្តាលខាងលើ មានតម្លៃចាប់ពី ២៦ ៤០០ដុល្លារនៅលើទីផ្សារសហរដ្ឋអាមេរិក។ តម្លៃខ្ទង់ជាង ២ ម៉ឺនដុល្លារនេះ ធ្វើឲ្យ Accord Hybrid ឆ្នាំ២០២០ ក្លាយជារថយន្ត Sedan ប្រើម៉ាស៊ីន Hybrid មានតម្លៃថោកបំផុតនៅអាមេរិក៕

ផ្ទាំងផ្សាយពាណិជ្ជកម្ម

Toyota C-HR ឆ្នាំ ២០២០ បង្ហាញខ្លួនផ្លូវការ ថែមម៉ូដែល Hybrid ថ្មី រចនាកាន់តែអេម

October 1, 2019

Toyota បានបញ្ចេញ SUV ខ្នាតតូចម៉ូដែល C-HR ស៊េរីឆ្នាំ ២០២០ ជាផ្លូវការនៅអឺរ៉ុប ដោយបន្ថែមម៉ាស៊ីន Hybrid ថ្មី និង បច្ចេកវិទ្យាថ្មី រួមទាំង ការរចនាកាន់តែអេម ។

ឥឡូវនេះ Toyota C-HR ឆ្នាំ ២០២០ ប្រើម៉ាស៊ីនសាំងចំណុះ ២,០ លីត្រ Hybrid Dynamic Force កម្លាំង ១៨១ សេះ ជំនួសម៉ាស៊ីនចាស់ចំណុះ ១,៨ លីត្រ ដែលមានកម្លាំងត្រឹម ១២០ សេះ ។ វាក៏បានបំពាក់ប្រព័ន្ធបូមថ្មី ដែលជួយឲ្យការបើកបរកាន់តែមានផាសុកភាពផងដែរ ។

ទោះជាយ៉ាងណា Toyota មិនបានបង្ហាញព័ត៌មានលម្អិតពី C-HR ប្រើម៉ាស៊ីនសាំងឡើយ ។ បន្ថែមពីលើនេះ Toyota C-HR អាចប្រើប្រាស់មុខងារ Apple CarPlay និង Android Auto មកស្តង់ដារតែម្តង ។

Toyota C-HR ឆ្នាំ ២០២០ ចែកចេញជា ៤ ម៉ូដែល គឺ C-HR Icon, C-HR Design, C-HR Excel និង C-HR Dynamic ដោយមានតម្លៃចាប់ពី ៣១ ៤៨០ ដុល្លារលើទីផ្សារចក្រភពអង់គ្លេស ៕

ផ្ទាំងផ្សាយពាណិជ្ជកម្ម

ឃើញស្ដាយជំនួស ការតេស្តបុកទង្គិចរថយន្តតម្លៃ ២,១ លានដុល្លារ

September 26, 2019

ក្រុមហ៊ុនផលិតរថយន្ត Rimac បានបង្ហាញចេញវីដេអូធ្វើតេស្តសមត្ថភាពទ្រាំទ្រនឹងការប៉ះទង្គិចរបស់រថយន្ត C-Two ដើម្បីឲ្យដឹងថារថយន្តនេះអាចផ្ដល់ការពារគ្រប់គ្រាន់ដល់អ្នកបើកបរ និងអ្នករួមដំណើរ។

អាចនិយាយបានថាជាវីដេអូធ្វើឲ្យស្រឡាញ់រថយន្តស្ព័រខ្លោចចិត្តបំផុតពេលទស្សនាហើយ ដោយ C-Two ជារថយន្តមហាកម្លាំងមួយ អាចផលិតកម្លាំងបាន ១ ៨៨៨ សេះ ដើរដោយថាមពលអគ្គិសនីសុទ្ធ។ រថយន្តនេះទៀតសោតមានផលិតត្រឹម ១៥០ គ្រឿងក្នុងលោក ដោយមួយគ្រឿងមានតម្លៃប្រមាណ ២,១ លានដុល្លារ។

ទស្សនាវីដេអូសាកល្បងខាងក្រោម ៖

ផ្ទាំងផ្សាយពាណិជ្ជកម្ម

Toyota នឹងបញ្ចេញរថយន្ត Mirai ជំនាន់ថ្មី នៅឆ្នាំ ២០២០

September 26, 2019

Toyota បានបញ្ជាក់នឹងបញ្ចេញលក់រថយន្ត Toyota Mirai ជំនាន់ទីពីរ ដែលវាគឺជាប្រភេទរថយន្តដើរដោយថាមពលអ៊ីដ្រូហ្សែន ដ្បិតថាចំនួនលក់មិនសូវមានសន្ទុះខ្លាំងក៏ដោយ។

លោកប្រធាន Takeshi Uchiyamada បានបញ្ជាក់ថារថយន្ត Mirai ជំនាន់បន្ទាប់ នឹងចេញមុខនៅឆ្នាំ ២០២០។ លោកបានលើកឡើងនៅអំឡុងការថ្លែងសុន្ទរកថានៅជំនួបអំពីថាមពលអ៊ីដ្រូហ្សែន នាទីក្រុងតូក្យូកាលពីដើមសប្ដាហ៍។

នៅលើទីផ្សារសហរដ្ឋអាមេរិករថយន្តនេះលក់ចេញបានតិចតួច ក៏ដោយសារវាមានលក់តែនៅរដ្ឋ California និងរដ្ឋ Hawaii ហើយទាក់ទាញតែអ្នកដែលរស់នៅ ឬធ្វើការក្បែរស្ថានីយចាក់អ៊ីដ្រូហ្សែនតែប៉ុណ្ណោះ។

កាលពីចុងឆ្នាំមុន គូប្រជែងរបស់ Mirai បានលេចមុខនៅសហរដ្ឋអាមេរិក ជាម៉ូដែល Hyundai Nexo ដែលវាមានតម្លៃចាប់ពី ៥៨ ៣០០ ដុល្លារ ធូរជាង Mirai ប្រមាណ ៦៥ ដុល្លារ ហើយម្ចាស់រថយន្តទទួលបានកាតចាក់អ៊ីដ្រូហ្សែនតម្លៃ ១៣ ០០០ ដុល្លារទៀតផង៕

ផ្ទាំងផ្សាយពាណិជ្ជកម្ម