រថយន្ត Mitsubishi Xpander គ្រោងនឹងមានដំឡើងនៅវៀតណាម

September 13, 2019

រថយន្ត Mitsubishi Xpander ប្រភេទ AT នឹងត្រូវដំឡើងនៅរោងចក្រក្នុងខេត្ត Binh Duong ប្រទេសវៀតណាម ខណៈប្រភេទ MT នឹងនៅតែត្រូវនាំចូលពីប្រទេសឥណ្ឌូណេស៊ីដដែល។

បើតាមការលើកឡើងរបស់លោក Osamu Masuko ប្រធានក្រុមហ៊ុន Mitsubishi Motors បាននិយាយថា ក្រុមហ៊ុននឹងដំឡើងរថយន្ត Xpander នៅវៀតណាម ចាប់ពីខែឧសភា ឆ្នាំក្រោយ។ ចំនួនលក់រថយន្តប្រភេទ MPV នេះ បានកើនឡើង ក្រោយចេញលក់លើទីផ្សារប្រទេសនេះបានមួយឆ្នាំ ដែលវាជាហេតុជំរុញឲ្យក្រុមហ៊ុនសម្រេចពង្រីកសង្វាក់ផលិតកម្ម។

រោងចក្ររបស់ Mitsubishi នៅខេត្ត Binh Duong មានសមត្ថភាពដំឡើងរថយន្តបាន ១០ ០០០ គ្រឿង ក្នុងមួយឆ្នាំ ហើយពេលនេះកំពុងដំឡើងរថយន្តម៉ូដែល Outlander។ ប្រសិនបើរថយន្ត Xpander ត្រូវដំឡើងក្នុងស្រុក ហេតុនេះតម្លៃរបស់វាអាចនឹងត្រូវចុះថ្លៃផងដែរ។ បច្ចុប្បន្នប្រភេទ AT គឺមានតម្លៃ ៦២០ លានដុង (ប្រមាណ ២៦ ៧៣០ ដុល្លារ)៕

ផ្ទាំងផ្សាយពាណិជ្ជកម្ម

Peugeot 508 Hybrid ជិះ១០០គ.ម៉ ស៊ីសាំងត្រឹម ១,៣លីត្រ

September 13, 2019

នាពេលថ្មីៗនេះ ក្រុមហ៊ុនរថយន្តបារាំង Peugeot បានបញ្ចេញរថយន្តកំពូលសន្សំសំចៃរបស់ខ្លួន គឺម៉ូដែល 508 Hybrid និង 508 SW Hybrid ជាផ្លូវការ។

តាមរយៈការប្រើប្រាស់ EV Mode រថយន្ត Peugeot 508 Hybrid អាចរត់បានចម្ងាយ ៥៤ គីឡូម៉ែត្រដោយប្រើប្រាស់ថាមពលអគ្គិសនី ខណៈ 508 SW Hybrid អាចរត់បានចម្ងាយ ៥២ គីឡូម៉ែត្រ។

មិនតែប៉ុណ្ណោះ 508 Hybrid និង 508 SW Hybrid មានកម្រិតស៊ីសាំងជាមធ្យម ត្រឹមតែ ១,៣ លីត្រប៉ុណ្ណោះសម្រាប់ការបើកបរចម្ងាយ ១០០ គីឡូម៉ែត្រ ដែលវាជាកម្រិតតិចខ្លាំងបំផុត។

រថយន្ត Hybrid ទាំងពីរខាងលើ ប្រើម៉ាស៊ីនសាំងចំណុះ ១,៦ លីត្រ ប្រភេទ PureTech Turbocharged ទំហំ ៤ ស៊ីឡាំង ដំណើរការជាមួយម៉ូទ័រអគ្គិសនីមួយ មានកម្លាំងសរុប ២២២ សេះ និងអាគុយកម្លាំង ១១,៨ គីឡូវ៉ាត់ម៉ោង ហើយអាចសាកភ្លើងពេញមិនដល់ ២ ម៉ោងឡើយ៕

ផ្ទាំងផ្សាយពាណិជ្ជកម្ម

Audi RS7 ឆ្នាំ២០២០ កម្លាំងជិត ៦០០សេះ អាចជាន់ដល់កុងទ័រ ៣០៥គ.ម៉

September 13, 2019

Audi បានបញ្ចេញរថយន្ត Sedan ស្ព័រកម្លាំងខ្លាំងម៉ូដែល RS7 Sportback ស៊េរីឆ្នាំ ២០២០ ជាផ្លូវការ។

RS7 Sportback ប្រើម៉ាស៊ីនសាំងចំណុះ ៤,០ លីត្រ Twin-turbo ទំហំ ៨ ស៊ីឡាំង និងប្រព័ន្ធ Mild-Hybrid កម្លាំងសរុប ៥៩២ សេះ ដំណើរការជាមួយប្រអប់លេខអូតូ ៨ វគ្គ និង ប្រព័ន្ធបើកបរប៉ុងពីរ AWD អាចរត់ស្ទុះពីកុងទ័រ ០ ដល់ ១០០ គីឡូម៉ែត្រក្នុងមួយម៉ោង ប្រើពេលត្រឹមតែ ៣,៦ វិនាទីប៉ុណ្ណោះ ហើយមានល្បឿនអតិបរមាដល់ ២៥០ គីឡូម៉ែត្រក្នុងមួយម៉ោង។

RS7 Sportback ផ្តល់ជម្រើសកញ្ចប់ Option “Dynamic” ជួយឱ្យវាអាចរត់ដល់ល្បឿន ២៨០ គីឡូម៉ែត្រក្នុងមួយម៉ោង និង “Dynamic Plus” អាចរត់ដល់ល្បឿន ៣០៥ គីឡូម៉ែត្រក្នុងមួយម៉ោង។

រថយន្ត Audi RS7 Sportback ស៊េរីឆ្នាំ ២០២០ នឹងមានលក់នៅចុងឆ្នាំ ២០១៩ ហើយតម្លៃនឹងបង្ហាញនៅពេលក្រោយ៕

ផ្ទាំងផ្សាយពាណិជ្ជកម្ម

រថយន្តភីកអាប់ Volkswagen ជំនាន់ថ្មី នឹងចេញលក់ឆ្នាំ ២០២២

September 12, 2019

រថយន្ត Amarok ជំនាន់ថ្មីរបស់ Volkswagen ដែលមានការផ្លាស់ប្ដូររូបរាងថ្មីៗជាច្រើនចំណុច នឹងត្រូវបញ្ចេញលក់លើទីផ្សារនាអំឡុងឆ្នាំ ២០២២ ដោយមិនមានជម្រើសម៉ាស៊ីនដែលជំនួយដោយថាមពលអគ្គិសនីនោះទេ។

តាមការបញ្ជាក់របស់នាយកប្រតិបត្តិ VW លោក Ralf Branstatter ក្នុងអំឡុងកម្មវិធី Frankfurt Motor Show បានឲ្យដឹងថា ក្រុមហ៊ុនគ្មានគម្រោងលើការបន្ថែមជម្រើសម៉ាស៊ីនលើ Amarok នៅឡើយទេ។ លោកបានលើកឡើងថា ៖ “ខណៈពេលនេះ រថយន្តប្រភេទនេះ (Amarok) នៅមិនទាន់មានផែនការប្រើថាមពលអគ្គិសនីនៅឡើយទេ”។

រថយន្ត Amarok ជំនាន់ថ្មីមានប្រើប្រាស់គ្រោងឆ្អឹង និងបច្ចេកវិទ្យាដូចនឹង Ford Ranger ជំនាន់បន្ទាប់ដែរ ហើយវាអាចមានជម្រើសម៉ាស៊ីនម៉ាស៊ូត ៦ ស៊ីឡាំង និងជម្រើសម៉ាស៊ីនសាំងធម្មតាផងដែរ៕

ផ្ទាំងផ្សាយពាណិជ្ជកម្ម

ចិនបង្ហាញចេញរថយន្ត SUV កំពូលប្រណីត រូបរាងចម្លែកបំផុត

September 12, 2019

ក្រុមហ៊ុនចិន Hongqi បានបង្ហាញចេញ Concept នៃរថយន្ត SUV កំពូលប្រណីតរបស់ខ្លួន នៅក្នុងកម្មវិធីតាំងបង្ហាញរថយន្ត Frankfurt Motor Show 2019 ដែលធ្វើឡើងនាប្រទេសអាល្លឺម៉ង់។

រថយន្ត Concept ដែលមានម៉ូដែល E115 គឺជារថយន្តដែលដំណើរការដោយថាមពលអគ្គិសនីសុទ្ធ ដែលអាចបើកបរបានចម្ងាយរហូតដល់ ៦០០ គីឡូម៉ែត្រ ពេលសាកបំពេញម្ដង។ រថយន្តនេះប្រើប្រព័ន្ធបើកបរវិលកង់ទាំងអស់ (AWD) ដែលអាចបង្កើនសន្ទុះពី ០-១០០ គ.ម/ម៉ ក្នុងពេល ៤ វិនាទី។

រថយន្ត SUV នេះដែរ គឺប្រើប្រាស់ប្រព័ន្ធបើកបរស្វ័យប្រវត្តិកម្រិត ៤ (Level 4) ហើយផ្នែកមុខវាមើលទៅធ្វើឲ្យគេនឹកដល់ Rolls-Royce Cullinan។ នេះក៏ប្រហែលមកពីវាត្រូវបានឌីហ្សាញឡើងដោយ Giles Taylor មេផ្នែកឌីហ្សាញរបស់ Hongqi ដែលធ្លាប់ធ្វើការឲ្យក្រុមហ៊ុនរថយន្ត Rolls-Royce ជាមេផ្នែកឌីហ្សាញដូចគ្នា៕

ផ្ទាំងផ្សាយពាណិជ្ជកម្ម

Rivian R1T ឡានភីកអាប់ប្រើអគ្គិសនី សាកម្តងជិះបានជាង ៦០០គ.ម៉

September 12, 2019

ក្រុមហ៊ុនរថយន្តអាមេរិក Rivian បានបញ្ចេញភីកអាប់ដំណើរការដោយថាមពលអគ្គិសនីថ្មី ម៉ូដែល R1T ដែលអាចបើកបានចម្ងាយ ៦៤០ គីឡូម៉ែត្រពេលសាកភ្លើងពេញ។

Rivian R1T ត្រូវបានរចនាឡើងរូបរាងបែបស្លីម ដូចរថយន្តពេលអនាគត ហើយខុសស្រឡះពីរថយន្តដទៃនាពេលបច្ចុប្បន្ននេះ។ ក្រៅពីមានរូបរាងប្រណីតគួរឲ្យទាក់ទាញ R1T ក៏មានកម្លាំងមិនធម្មតាដែរ។

R1T មាន ៣ ជម្រើស គឺ ប្រើអាគុយ ១០៥ គីឡូវ៉ាត់ម៉ោង សាកភ្លើងម្តងបើកបានចម្ងាយ ៣៧០ គីឡូម៉ែត្រ , ១៣៥ គីឡូវ៉ាត់ម៉ោង អាចបើកបានចម្ងាយ ៤៨០ គីឡូម៉ែត្រ និង ១៨០ គីឡូវ៉ាត់ម៉ោង អាចបើកបានចម្ងាយ ៦៤០ គីឡូម៉ែត្រ ។ R1T ទាំង ៣ ជម្រើសនេះ សុទ្ធតែមានសមត្ថភាពអាចបើកដល់ល្បឿនអតិបរមា ២០០ គីឡូម៉ែត្រក្នុងមួយម៉ោង។

មិនតែប៉ុណ្ណោះ ប្រព័ន្ធម៉ូទ័រអគ្គិសនីចំនួន ៤ កម្លាំង ១៤៧ គីឡូវ៉ាត់ នឹងបញ្ជូនទៅកាន់កង់ទាំង ៤ មានន័យថាវាជារថយន្តប៉ុងពីរ អនុញ្ញាតឲ្យវាអាចស្ទុះពីកុងទ័រ ០ ដល់ ១០០ គីឡូម៉ែត្រក្នុងមួយម៉ោង ប្រើពេលត្រឹមតែ ៣ វិនាទីប៉ុណ្ណោះ៕

ផ្ទាំងផ្សាយពាណិជ្ជកម្ម

Mercedes-AMG A35 ឆ្នាំ ២០១៩ រូបរាងថ្មីសន្លាង តម្លៃខ្ទង់ ៥ ម៉ឺនដុល្លារ

September 12, 2019

នាពេលថ្មីៗកន្លងទៅនេះ Mercedes-AMG បានបញ្ចេញរថយន្តស្ព័រខ្នាតតូច ម៉ូដែល A35 ស៊េរីឆ្នាំ ២០១៩ ជាផ្លូវការ ហើយឥឡូវនេះក្រុមហ៊ុនក៏បានបង្ហាញតម្លៃរបស់វាផងដែរ។

Mercedes-AMG A35 ថ្មី ប្រើពាក់ម៉ាស៊ីនសាំងចំណុះ ២,០ លីត្រ ទំហំ ៤ ស៊ីឡាំង បង្កើតកម្លាំងបាន ៣០១ សេះ ហើយវាមានតម្លៃចាប់ពី ៥៤ ១៨០ ដុល្លារនៅលើទីផ្សារបរទេស។

Mercedes-AMG A35 ប្រើប្រអប់លេខអូតូ ៧ វគ្គ និងប្រព័ន្ធបើកបរប៉ុង ២ AWD អាចរត់ស្ទុះពីកុងទ័រ ០ ដល់ ១០០ គីឡូម៉ែត្រក្នុងមួយម៉ោង ប្រើពេលត្រឹមតែ ៤,៧ វិនាទីប៉ុណ្ណោះ ហើយមានល្បឿនអតិបរមារហូតដល់ទៅ ២៥០ គីឡូម៉ែត្រក្នុងមួយម៉ោង។

A35 មានកញ្ចប់ Option “AMG Aerodynamics Package” ដែលជួយឲ្យរថយន្តកាន់តែមានលំនឹង ទោះបើកនៅល្បឿនលឿន និងកញ្ចប់ Option “AMG Night Package” ដែលផ្តល់យ៉ាន់ទំហំ ១៩ អ៊ីងយ៉ាងស្រស់ស្អាត និងក្ខណៈពិសេសៗជាច្រើនផ្សេងទៀត៕

ផ្ទាំងផ្សាយពាណិជ្ជកម្ម

នេះជាល្បឿនអតិថិជនអាចជាន់បានលើ Bugatti Chiron Super Sport 300+

September 11, 2019

Bugatti Chiron Super Sport 300+ ជារថយន្តអាចបើកបរដល់ល្បឿនលឿនជាងគេ ជាមួយល្បឿនដល់ ប្រមាណ ៤៩០ គ.ម/ម៉។ នៅពេលនេះ Bugatti បានប្រកាសចេញលក់ Chiron Super Sport 300+ ក្នុងចំនួន ៣០ គ្រឿង និងមានតម្លៃយ៉ាងតិច ៣,៥ លានដុល្លារក្នុងមួយគ្រឿង ពេលមិនទាន់គិតពន្ធ។

ច្បាស់ណាស់ថារថយន្តដែលដាក់លក់នេះ នឹងមិនអាចរត់ដល់ប្រភេទដែលគេប្រើប្រាស់សម្រាប់បំបែកកំណត់ត្រាល្បឿននោះទេ ដោយសារហេតុផលមួយចំនួន។ ប៉ុន្តែវានឹងមានល្បឿនលឿនជាង Chiron ធម្មតា។

តាមការលើកឡើងរបស់ Andy Wallace អ្នកកាន់ចង្កូតរថយន្ត Chiron Super Sport 300+ ពេលបំបែកកំណត់ត្រាល្បឿនបានឲ្យដឹងថា វាមានល្បឿនអតិបរមា ៤៤០ គ.ម/ម៉ ដែលវាជាល្បឿនកំណត់ដោយអេឡិចត្រូនិក។

Chiron Super Sport 300+ គឺមានបំពាក់នូវម៉ាស៊ីន ១៦ ស៊ីឡាំង ប្រភេទ Quad-Turbo ដែលមានកម្លាំង ១៦០០ សេះ អាចរត់ពី ០-៩៦ គ.ម/ម៉ ក្នុងពេល ២,៤ វិនាទី៕

ផ្ទាំងផ្សាយពាណិជ្ជកម្ម

Land Rover Defender ជំនាន់ថ្មីចេញជាផ្លូវការ ប្ដូររូបរាងទាំងស្រុង

September 11, 2019

រថយន្ត Land Rover Defender រូបរាងថ្មី បានបង្ហាញមុខមាត់ជាផ្លូវការ បន្តស្នងតំណែងជាកំពូលរថយន្ត Off-Road ប្រចាំសម័យកាលថ្មី ដែលនឹងចេញលក់ជាផ្លូវការនៅឆ្នាំក្រោយនេះ។

រថយន្តថ្មីផលិតដោយប្រើគ្រោងឆ្អឹង D7X ដែលមានលក្ខណៈកាន់តែរឹងមាំ។ រូបរាងរបស់វាក៏មានផ្លាស់ប្ដូរថ្មីទាំងស្រុង រួមទាំងផ្នែកខាងក្រៅផងដែរ។ ផ្នែកខាងក្នុងមានចំនួនប៊ូតុងតិចតួចបំផុត ដោយការបញ្ជាភាគច្រើនធ្វើឡើងតាមរយៈអេក្រង់ Touch។

Defender ថ្មីមានជម្រើសកៅអីអង្គុយច្រើនប្រភេទ មានកៅអី ៥, កៅអីអង្គុយ ៦ (មុខ ៣ ក្រោយ ៣) និងជម្រើស ៧ កៅអី (មុខ ២ កណ្ដាល ៣ ក្រោយ ២)។ ជាមួយគ្រោងឆ្អឹងថ្មី ធ្វើឲ្យ Defender មានកម្ពស់ខ្ពស់ជាងមុន ពោលមានកម្ពស់ពីដី ២៩១ ម.ម ហើយអាចបើកបរកាត់ទឹកជម្រៅដល់ ៩០០ ម.ម។

សម្រាប់លក់នៅសហរដ្ឋអាមេរិក Defender មានជម្រើសម៉ាស៊ីនពីរគឺចំណុះ ២,០ លីត្រ Turbocharged និងមានប្រភេទ Hybird (MHEV) ទៀតផង។ ប្រភេទធម្មតាមានកម្លាំង ២៩៦ សេះ អាចស្ទុះដល់ ១០០ គ.ម/ម៉ ក្នុងពេល ៨,១ វិនាទី។ ចំណែកប្រភេទ Hybrid កម្លាំង ៣៩៥ សេះ ចំណាយពេល ៦,១ វិនាទីប៉ុណ្ណោះ។

Land Rover Defender មានចំនួន ៦ ប្រភេទ គឺធម្មតា, S, SE, HSE, X និង First Edition ដែលវាមានតម្លៃចាប់ពី ៤៩ ៩០០ ដុល្លារនៅសហរដ្ឋអាមេរិក៕

ផ្ទាំងផ្សាយពាណិជ្ជកម្ម

SUV ប្រើអគ្គិសនីថ្មីរបស់ Nissan រូបរាងបែបអនាគត ត្រៀមចេញលក់ឆ្នាំ ២០២១

September 11, 2019

Nissan បានដាក់បង្ហាញ SUV ខ្នាតតូចប្រើអគ្គិសនីថ្មីខ្លួន ម៉ូដែល IM-x ដែលគេរំពឹងថានឹងចេញលក់នៅឆ្នាំ ២០២១។

គួរឲ្យដឹងថា IM-x គឺជារថយន្តអគ្គិសនីមួយ ក្នុងចំណោមរថយន្តអគ្គិសនីទាំង ៨ ដែល Nissan គ្រោងបញ្ចេញនៅប៉ុន្មានឆ្នាំខាងមុខទៀត។

រថយន្តដំណើរការដោយថាមពលអគ្គិសនីសុទ្ធ Nissan IM-x អាចបើកបរបានចម្ងាយ ៤៨០ គីឡូម៉ែត្ររាល់ពេលសាកភ្លើងពេញម្តង ហើយអាចរត់ស្ទុះពីកុងទ័រ ០ ដល់ ១០០ គីឡូម៉ែត្រប្រើពេលមិនដល់ ៥ វិនាទីឡើយ។

គួររំលឹកថា Nissan IM-x ធ្លាប់បានបង្ហាញខ្លួនជាគំរូរថយន្ត IMx Concept កាលពីឆ្នាំ ២០១៧ នៅក្នុងកម្មវិធី Tokyo Motor Show៕