រថយន្តភីកអាប់របស់ចិនទើបបង្ហាញថ្មី ចង់ស្ថិតនៅតំណែងកំពូលទាំង ៣ ក្នុងលោក

September 3, 2019

ក្រុមហ៊ុនរថយន្តចិន Great Wall បានបង្ហាញចេញរថយន្តភីកអាប់ថ្មីរបស់ខ្លួនជាម៉ូដែល P Series ដោយនឹងដាក់លក់នៅទីផ្សារទាំងអស់លើពិភពលោកដែលមានអ្នកតំណាងចែកចាយ Great Wall តាំងទី។

Great Wall មានមហិច្ឆតាចង់ធ្វើឲ្យ P Series ក្លាយជារថយន្តភីកអាប់ ១ ក្នុងចំណោមរថយន្តភីកអាប់ល្អដាច់គេទាំង ៣ (Top 3) ក្នុងលោក។ P Series នឹងត្រូវប្រជែងជាមួយគូប្រជែងមកពី Toyota, Ford និងម៉ាកជាច្រើនទៀត។ ភីកអាប់នេះបានកំណត់គោលដៅថានឹងលក់ឲ្យបាន ២០ ម៉ឺនគ្រឿងក្នុងមួយឆ្នាំ បន្ទាប់ពីចេញលក់ជាផ្លូវការនៅឆ្នាំ ២០២០។

រថយន្ត P Series ប្រើប្រាស់ម៉ាស៊ីន Turbocharged ចំណុះ ២,០ លីត្រ ភ្ជាប់ជាមួយប្រអប់លេខអូតូ ៨ វគ្គ និងប្រើប្រព័ន្ធបើកបរវិលកង់ទាំងបួន។ Great Wall បានឲ្យដឹងថា P Series នឹងមានបំពាក់មុខងារសុវត្ថិភាពជាច្រើន ជាមួយមុខងារទំនើបៗដូចជាកាមេរ៉ាមើលជុំវិញ ៣៦០ ដឺក្រេ, មុខងារឲ្យសញ្ញាពេលបើកខុសគន្លង, ការបញ្ជាដោយសំឡេង និង Adaptive Cruise Control ជាដើម៕

ផ្ទាំងផ្សាយពាណិជ្ជកម្ម

ឡាន Volkswagen XL1 ជិះ១០០គ.ម៉ ស៊ីប្រេងតែ ០,៩លីត្រ

September 3, 2019

Volkswagen XL1 ដែលជារថយន្តប្រភេទសន្សំសំចៃខ្ពស់បំផុត នឹងត្រូវផលិតតែ ២៥០ គ្រឿងប៉ុណ្ណោះនៅទូទាំងពិភពលោក ដោយវាដំណើរការដោយម៉ាស៊ីនម៉ាស៊ូត ជាមួយប្រព័ន្ធ Plug-in Hybrid។

XL1 ប្រើម៉ាស៊ីនម៉ាស៊ូតចំណុះ ០,៨ លីត្រ ទំហំ ២ ស៊ីឡាំង និងម៉ូទ័រអគ្គិសនីមួយ សរុបកម្លាំង ៧៤ សេះ ហើយដំណើរការដោយប្រអប់លេខអូតូ ៧ វគ្គ ប្រភេទ DSG ដោយជាមធ្យមស៊ីប្រេងត្រឹមតែ ០,៩ លីត្រប៉ុណ្ណោះសម្រាប់ការបើកបរចម្ងាយ ១០០ គីឡូម៉ែត្រ។

មិនតែប៉ុណ្ណោះ XL1 ជាប្រភេទរថយន្ត Plug-in Hybrid ដែលអាចសាកភ្លើងបាន ហើយអាចរត់បានចម្ងាយដល់ទៅ ៥០ គីឡូម៉ែត្របន្ថែមទៀតរាល់ពេលសាកភ្លើងពេញម្តង ដោយមិនបញ្ចេញជាតិពុលថែមទៀតផង៕

ផ្ទាំងផ្សាយពាណិជ្ជកម្ម

Lamborghini Huracan EVO ឆ្នាំ ២០២០ តម្លៃត្រឹមតែ ២៦ ម៉ឺនដុល្លារប៉ុណ្ណោះ!

September 3, 2019

នាពេលថ្មីនេះ Lamborghini បានបញ្ចេញរថយន្ត Huracan EVO ស៊េរីថ្មី ដោយបំពាក់ប្រព័ន្ធទប់លំនឹងរថយន្ត Vehicle Dynamics Control System និង ប្រព័ន្ធ Infotainment ថ្មី។

Huracan EVO បានបំពាក់កាងមុខថ្មី និងកាងកាត់ខ្យល់រចនាឡើងបែបស្លាប ជំនួយដល់លំហូរខ្យល់ ហើយរន្ធខ្យល់ខាងមុខរចនាឡើងជារូបរាងអក្សរ Y និងបំពាក់យ៉ាន់រចនាថ្មីទៀតផង។ ផ្នែកខាងក្រោយរបស់វា ប្រើកាងក្រោយកាត់ខ្យល់ និងការរចនាយ៉ាងអស្ចារ្យ។

Lamborghini បានឲ្យដឹងថា Huracan EVO អាចរត់កាត់ខ្យល់ប្រសើរជាងមុន រហូតដល់ទៅ ៥ ដងបើប្រៀបធៀបនឹងម៉ូដែល Huracan ធម្មតា។

ផ្នែកខាងក្នុង Huracan EVO បានបំពាក់គ្រឿងបរិក្ខារយ៉ាងប្រណីត និងទំនើបបំផុត ដូចជា ស្បែក និងកាំម្ញី ព្រមទាំង Cabon Fiber ទៀតផង។ នៅផ្នែកកណ្តាល វាបានបំពាក់អេក្រង់ Touchscreen ទំហំ ៨,៤ អ៊ីញថ្មី ដែលអាចបញ្ជាដោយធ្វើចលនាម្រាមដៃ, មុខងារ Apple CarPlay និងជាច្រើនទៀត។

Lamborghini Huracan EVO ប្រើម៉ាស៊ីនសាំងចំណុះ ៥,២ លីត្រ Naturally-aspirated ទំហំ ១០ ស៊ីឡាំង (V10) មានកម្លាំង ៦៣១ សេះ អាចជាន់ស្ទុះពីកុងទ័រ ០ ដល់ ១០០ គីឡូម៉ែត្រក្នុងមួយម៉ោង ប្រើពេលត្រឹមតែ ២,៩ វិនាទីប៉ុណ្ណោះ ហើយមានល្បឿនអតិបរមារហូតដល់ទៅ ៣២៥ គីឡូម៉ែត្រក្នុងមួយម៉ោង។ វាមានតម្លៃចាប់ពី ២៦០ ០០០ ដុល្លារលើទីផ្សារបរទេស៕

ផ្ទាំងផ្សាយពាណិជ្ជកម្ម

Bugatti Chiron ពិសេសមួយនេះ អាចរត់ដល់ល្បឿន ៤៩០ គ.ម/ម៉

September 2, 2019

នៅទីបំផុត Bugatti បានក្លាយជាក្រុមហ៊ុនរថយន្តដែលអាចបំបែករនាំងល្បឿន ៣០០ ម៉ាយ/ម៉ (៤៨២ គ.ម/ម៉) បានជាផ្លូវការ ជាមួយរថយន្ត Bugatti Chiron ប្រភេទពិសេសមួយ ដែលបើកបរដោយ Andy Wallace។

កំណត់ត្រាបានធ្វើឡើងនាថ្ងៃទី ២ សីហា ដែលរថយន្តមហាកម្លាំងខាងលើ អាចបើកបរបានដល់ល្បឿន ៣០៤,៧៧៣ គ.ម/ម៉ (ប្រមាណ ៤៩០,៤៨៤ គ.ម/ម៉) ដែលទទួលបានការទទួលស្គាល់ពីភ្នាក់ងារ TUV របស់អាល្លឺម៉ង់។

Bugatti បានធ្វើការជាសម្ងាត់រយៈពេល ៦ ខែកន្លងទៅនេះ ជាមួយក្រុមហ៊ុនផលិតសម្បកកង់រថយន្ត Michelin និងក្រុមហ៊ុនផលិតគ្រោងឆ្អឹងរថយន្ត Dallara ដើម្បីបង្កើត Chiron ប្រភេទថ្មី អាចបំបែករនាំងល្បឿន ៣០០ ម៉ាយ/ម៉។ ជាមួយល្បឿននេះ គឺវាអាចផ្ដួលរថយន្ត Koenigsegg Agera RS ដែលបានកាន់កាប់តំណែងរថយន្តល្បឿនលឿនជាងគេក្នុងលោកកាលពីឆ្នាំ ២០១៧ ជាមួយល្បឿន ២៨៤,៥៥ ម៉ាយ/ម៉។

រថយន្ត Bugatti Chiron ដែលបំបែកកំណត់ត្រានេះ មានប្រវែងវែង Chiron ធម្មតាប្រមាណ ២៥ ស.ម ក៏ដោយសារមានកន្ទុយវែងដែលមុនដែលវាមានតួនាទីជួយកាត់បន្ថយកម្លាំងអូសទាញ។ រថយន្តនេះក៏មានកម្លាំងម៉ាស៊ីនខ្លាំងជាងមុន ដែលអាចបង្កើតកម្លាំងបាន ១៦០០ សេះ ចំណែកប្រអប់លេខ និងប៉ុងនៅដដែល។

Bugatti បានហៅ Chiron ពិសេសនេះថាជារថយន្តគំរូដែលរៀបនឹងផលិត ដែលមានន័យថាវាទំនងជាម៉ូដែល Chiron Super Sport ដែលអាចបង្ហាញមុខនៅប៉ុន្មានសប្ដាហ៍ខាងមុខទៀតនេះ៕

ផ្ទាំងផ្សាយពាណិជ្ជកម្ម

ម៉ាករថយន្ត Infiniti ប្រកាសដកខ្លួនចេញពីអូស្រ្តាលី ក្រោយតស៊ូអស់ ៧ ឆ្នាំ

September 2, 2019

ក្រោយពីបានចាកចេញពីទីផ្សារអឺរ៉ុប ម៉ាករថយន្តប្រណីត Infiniti ដែលជាសាខាមួយរបស់ក្រុមហ៊ុនជប៉ុន Nissan បានប្រកាសថានឹងចាកចេញពីទីផ្សារប្រទេសអូស្ត្រាលីនៅចុងឆ្នាំ ២០២០ ខាងមុខ។

តាមការចុះផ្សាយរបស់ Car Advice បានឲ្យដឹងថារថយន្ត Inifinti អាចលក់ចេញបានត្រឹម ៣ ៩៨៧ គ្រឿងប៉ុណ្ណោះ ក្នុងរយៈពេល ៧ ឆ្នាំដែលបង្ហាញមុខលើទឹកអូស្ត្រាលី ជាមួយចំនួនលក់ជាមធ្យម ៤៧ គ្រឿងក្នុងមួយខែ។ ប្រៀបធៀបទៅ Lexus អាចលក់រថយន្តបានប្រហែល ៨០០ គ្រឿងក្នុងមួយខែនៅទឹកដីនេះ ចំណែក Mercedes-Benz វិញអាចលក់រថយន្តបានមិនតិចជាង ៤ ០៥០ គ្រឿងនោះទេ កាលពីខែមិថុនាកន្លងទៅ។

គួរដឹងថាប៉ុន្មានឆ្នាំចុងក្រោយមកនេះ មានក្រុមហ៊ុនច្រើនមកហើយបានដកខ្លួនចេញពីទីផ្សាររថយន្តអូស្ត្រាលីដែលមានដូចជា Opel, Chery និង Proton ផងដែរ៕

ផ្ទាំងផ្សាយពាណិជ្ជកម្ម

អាគុយ Hybrid លើឡាន Toyota នឹងប្រសើរជាងមុន ៥០ដង ព្រោះហេតុផលមួយ

September 2, 2019

Toyota និង Panasonic បានចាប់ដៃក្នុងការវិនិយោគរួមគ្នាមួយ ដើម្បីផលិតអាគុយរថយន្តអគ្គិសនី។ ការបណ្តាក់ទុនរួមគ្នានឹងត្រូវធ្វើឡើងនៅឆ្នាំក្រោយ។

ក្រុមហ៊ុនជប៉ុនទាំងពីរខាងលើ នឹងផលិតអាគុយដែលមានសមត្ថភាពប្រសើរជាងមុន ៥០ ដងនៃសមត្ថភាពអាគុយដែលកំពុងប្រើលើរថយន្ត Hybrid របស់ខ្លួនបច្ចុប្បន្ន។

យ៉ាងណាមិញ Toyota នឹងមិនមែនជាក្រុមហ៊ុនតែមួយគត់ឡើយដែលប្រើអាគុយនោះ។ ពួកគេនឹងផ្គត់ផ្គង់ទៅឲ្យក្រុមហ៊ុនដទៃទៀត ដូចជា Mazda, Daihatsu និង Subaru ដែរ។

Toyota និង Panasonic មិនត្រឹមតែផលិតអាគុយ lithium-ion កម្រិតខ្ពស់នោះទេ ប៉ុន្តែនឹងរួមគ្នាដើម្បីផលិតអាគុយជំនាន់ក្រោយទៀតផង៕

ផ្ទាំងផ្សាយពាណិជ្ជកម្ម

ឡានអគ្គិសនី Kia Soul EV ឆ្នាំ ២០២០ សាកភ្លើងម្តងជិះបាន ៤០០គ.ម៉

September 2, 2019

Kia Soul EV ស៊េរីឆ្នាំ ២០២០ ដំណើរការដោយថាមពលអគ្គិសនី បានបង្ហាញខ្លួនជាផ្លូវការ ។ ទីភ្នាក់ងារ EPA ក៏បានបញ្ចេញចម្ងាយសរុប ដែលវាអាចបើកបាន ក្រោយសាកភ្លើងពេញ គឺ ២៤៣ ម៉ាយ៍ ឬ ៣៩១ គីឡូម៉ែត្រ។

Kia Soul EV ប្រើអាគុយកម្លាំង ៦៤ គីឡូវ៉ាត់ម៉ោង និង ម៉ូទ័រអគ្គិសនីមួយ មានកម្លាំងសរុប ២០១ សេះ។ ជាមួយនឹងចម្ងាយ ៣៩១ គីឡូម៉ែត្រ ធ្វើឲ្យ Soul EV អាចរត់បានឆ្ងាយជាងរថយន្តអគ្គិសនីដទៃទៀតរបស់ Kia ដូចជា Niro EV ជាដើម។

Soul EV ថ្មី ទទួលបានការអាប់ដេតយ៉ាងធំមួយ ព្រោះ Soul EV ជំនាន់មុន អាចរត់បានចម្ងាយត្រឹមតែ ១១១ ម៉ាយ៍ ឬ ១៧៨ គីឡូម៉ែត្រប៉ុណ្ណោះ។

បើប្រៀបធៀបទៅនឹងគូប្រជែងវិញ រថយន្ត Kia Soul EV នៅតែអាចយកឈ្នះ Nissan Leaf E+ ដែលអាចរត់បានចម្ងាយ ២២៦ ម៉ាយ៍ ឬ ៣៦៣ គីឡូម៉ែត្រ និង Chevrolet Bolt EV ដែលអាចរត់បានចម្ងាយ ២៣៨ ម៉ាយ៍ ឬ ៣៨៣ គីឡូម៉ែត្រ៕

ផ្ទាំងផ្សាយពាណិជ្ជកម្ម

រថយន្តមហាកម្លាំងដំបូងគេនៅអាស៊ីអាគ្នេយ៍ បង្ហាញមុខមាត់ហើយ

August 31, 2019

រថយន្តម៉ូដែល Bufori CS បានបង្ហាញមុខជាលើកដំបូងនៅប្រទេសម៉ាឡេស៊ី ដែលនេះត្រូវបានគេចាត់ទុកថាជារថយន្ត Supercar ដំបូងគេរបស់ម៉ាឡេស៊ី ហើយក៏ដំបូងគេនៅអាស៊ីអាគ្នេយ៍ផងដែរ។

រថយន្ត Bufori CS ស៊េរីខ្ពស់ជាងគេ មានបំពាក់ម៉ាស៊ីន ៨ ស៊ីឡាំង បង្កើតកម្លាំងបាន ៧៥០ សេះ។ តាមគម្រោងការ រថយន្តនេះនឹងត្រូវបញ្ចេញលក់ជាផ្លូវការនៅដើមឆ្នាំ ២០២០ ខាងមុខនេះ។ រថយន្តនេះមានរចនាបថទាក់ទាញគួរសម ដោយផ្នែកខាងក្រោយស្រដៀងនឹង BMW Z4 និង Toyota Supra។

យ៉ាន់រថយន្តមានទំហំ ១៩ អ៊ីញ ជាប្រភេទ Alloy មានប្រើប្រាស់នូវដុំហ្វ្រាំងម៉ាក Brembo។ រថយន្ត Bufori CS មានប្រវែង ៤៥៥៥ ម.ម ទទឹង ១៩៥០ ម.ម និងពីកង់មុខទៅកង់ក្រោយមានប្រវែង ២៦២០ ម.ម។ ត្បិតថាផ្នែកខាងមុខរាងលយវែងបន្តិច ប៉ុន្តែផ្នែកខាងក្នុង Bufori CS មានលក្ខណៈតូចចង្អៀតបន្តិច។ ផ្នែកខាងមុខមានបំពាក់ដោយកៅអីអង្គុយបែបប្រណាំង Sabelt CF, មានអេក្រង់ទំហំ ៧ អ៊ីញ និងមានប៊ូតុងបញ្ជាច្រើនលើចង្កូត។

ម៉ាស៊ីនដែលបំពាក់លើរថយន្តនេះគឺបានមកពីក្រុមហ៊ុន Fiat Chrysler។ ចំពោះប្រភេទ CS Standard គឺបំពាក់ម៉ាស៊ីន ៦ ស៊ីឡាំង ចំណុះ ៣,៦ លីត្រ កម្លាំង ៣២០ សេះ។ ចំណែកប្រភេទកប់ Bufori CS8 វិញ មានបំពាក់ម៉ាស៊ីន ៦,៤ លីត្រ ៨ ស៊ីឡាំង Supercharged ដែលផលិតកម្លាំងបាន ៧៥០ សេះ អាចស្ទុះពី ០-១០០ គ.ម/ម៉ ក្នុងពេល ៣,៥ វិនាទី និងល្បឿនអតិបរមា ៣២០ គ.ម/ម៉។

ផ្ទាំងផ្សាយពាណិជ្ជកម្ម

Toyota Corolla រូបរាងថ្មី គ្រោងលក់នៅថៃតម្លៃចាប់ពី ២៣ ០០០ ដុល្លារ

August 31, 2019

Toyota Thailand បានបង្ហាញវីដេអូរថយន្ត Corolla Altis ស៊េរីឆ្នាំ ២០១៩ ជារថយន្តដែលផ្លាស់ប្ដូររូបរាងថ្មី គ្រោងនឹងលក់ចាប់ពីថ្ងៃទី ១៣ ខែកញ្ញា។ រថយន្តនេះបានបង្ហាញវត្តមានតាំងពីខែវិច្ឆិកាឆ្នាំ ២០១៨ លើទីផ្សារពិភពលោក។

Toyota Corolla Altis ដែលលក់នៅថៃ មានការឌីហ្សាញរូបរាងដូចនឹងប្រភេទដែលលក់នៅអឺរ៉ុបដែរ។ មិនមានព័ត៌មានប្រាប់អំពីជម្រើសម៉ាស៊ីនមានសម្រាប់ Corolla Altis លក់នៅទីផ្សារប្រទេសថៃនោះទេ។ ប៉ុន្តែគេរំពឹងថានឹងមាន ៦ ប្រភេទ។

ចំពោះតម្លៃក៏នៅមិនទាន់ច្បាស់ដែរ ប៉ុន្តែប្រភពជាច្រើនជឿជាក់ថា Corolla Altis ឆ្នាំ ២០១៩ នឹងមានតម្លៃចាប់ផ្ដើមពៅ ២៣ ០០០ ដុល្លារសម្រាប់ប្រភេទធម្មតា និងតម្លៃចាប់ពី ៣២ ៧០០ ដុល្លារសម្រាប់ប្រភេទ Hybrid៕

ផ្ទាំងផ្សាយពាណិជ្ជកម្ម

ឡាន Rolls-Royce ប្លែកៗ ១០ ម៉ូដែល កម្រមានអ្នកស្គាល់

August 31, 2019

មនុស្សភាគច្រើន តែងស្រលាញ់រថយន្ត Rolls-Royce ណាស់ ព្រោះតែប្រណីតភាព ការរចនា និង គុណភាពរបស់វា។ ប៉ុន្តែពួគគេប្រហែលជាមិនបានស្គាល់រថយន្ត Rolls-Royce គ្រប់ម៉ូដែលនោះទេ។ ខាងក្រោមនេះគឺជារថយន្ត Rolls-Royce ប្លែកៗចំនួន ១០ ម៉ូដែល កម្រមានអ្នកស្គាល់បំផុត៖

១) Paris-Dakar Rolls-Royce Corniche សម្រាប់ Rally Racing