រថយន្ដអគ្គិសនីដែលក្រុមហ៊ុន MG និង IM ផលិតរួមគ្នា ត្រៀមបង្ហាញខ្លួននៅប្រទេសថៃ

April 7, 2025

ក្រុមហ៊ុន MG Motor Australia បានបង្ហាញជាផ្លូវការនូវរថយន្ត IM5 និង IM6 ជាម៉ាកយីហោ រថយន្តអគ្គិសនីមានសមត្ថភាពខ្ពស់របស់ខ្លួន ដែលបានធ្វើការសហការគ្នាផលិតជាមួយក្រុមហ៊ុន IM Motor ។ ចំពោះម៉ូដែល IM5 ជាប្រភេទរថយន្ដ sedan និង IM6 ជាប្រភេទរថយន្ដ SUV រថយន្ដទាំង២នឹងបង្ហាញខ្លួនជាលើកដំបូងនៅក្នុងប្រទេសអូស្ត្រាលីនៅកម្មវិធី Melbourne Motor Show ចុងសប្តាហ៍នេះ។

ចំពោះម៉ូដែល IM5 អាចនឹងមានវត្តមានឆាប់ៗនៅក្នុងប្រទេសថៃ យោងតាមការចុះផ្សាយពីសារព័ត៌មានរបស់ប្រទេសថៃ។ រថយន្ដ IM5 មានជម្រើស២ម៉ូដែលផ្សេងគ្នា ក្នុងនោះមានម៉ូដែល Platinum RWD និង Platinum AWD។ ចំពោះម៉ូដែល Platinum AWD បំពាក់មកជាមួយអាគុយទំហំ ១០០ kwh សាកថ្មមួយពេញអាចបើកបាន ៦២៥គីឡូម៉ែត្រ។

រថយន្ដនេះមានប្រវែងតួខ្លួនសរុប ៤ ៩៣១មម ទទឹង ១ ៩៦០មម កម្ពស់ ១ ៤៧៤មម និងគម្លាតកង់មុខក្រោយប្រវែង ២ ៩៥០មម។ រថយន្ដ IM5 Platinum AWD មានសមត្ថភាពអាចផលិតកម្លាំងបាន ៤០២សេះ កម្លាំរមួល ៥០០ញ៉ូតុនម៉ែត្រ និងជាន់ស្ទុះពីកុងទ័រ ១-១០០ kmh ប្រើពេលត្រឹមតែ ២.៧៤វិនាទី។

ចំណែកផ្នែកខាងក្នុង រថយន្ដនេះអេក្រង់កម្សាន្ដទំហំធំ ២៦.៣ អុីញសម្រាប់អ្នកបើកបរ និងអេក្រង់កម្សាន្ដនៅកណ្ដាលទំហំ ១០.៥អុីញសម្រាប់អ្នករួមដំណើរ។ បន្ថែមពីនេះរថយន្ដនេះក៏បានបំពាក់មកជាមឧបករណ៍បំពងសម្លេងចំនួន២០គ្រាប់ អបរចនាដៃចង្កូតបែបអនាគត និងការរួមញ្ចូលគ្នាជាមួយបច្ចេកវិទ្យាទំនើបៗ៕

ផ្ទាំងផ្សាយពាណិជ្ជកម្ម

តម្លៃតែខ្ទង់ ៣មុឺនដុល្លារ ប៉ុណ្ណោះ សម្រាប់ម៉ាសុីនថ្មីរបស់ Tank 300 នៅថៃ

April 7, 2025

ក្រុមហ៊ុន GWM បានបង្ហាញចេញនូវជម្រើសម៉ាសុីនម៉ាស៊ូតថ្មីនៃរថយន្ត GWM Tank 300 នៅក្នុងកម្មវិធី Bangkok International Motor Show លើកទី ៤៦ ដែលប្រារព្ធឡើងនៅប្រទេសថៃ។ ការបង្ហាញម៉ាស៊ីនថ្មីនេះ មានសារៈសំខាន់មួយសម្រាប់ទីផ្សាររថយន្ត Off-roader នៅប្រទេសថៃ ដោយជម្រើសម៉ាស៊ីនម៉ាស៊ូតនេះនឹងផ្តល់នូវជម្រើសថ្មីសម្រាប់អ្នកប្រើប្រាស់នៅក្នុងប្រទេសថៃ ជាមួយប្រសិទ្ធភាពសន្សំសំចៃជាងមុន។

រថយន្ត GWM Tank 300 នៅប្រទេសថៃ មានតម្លៃលក់ចាប់ពី ២៧ ៧៥០ ដុល្លារ ដល់ ៤១ ៩០០ ដុល្លារ ដំណើរការដោយម៉ាស៊ីនម៉ាស៊ូតថ្មីចំណុះ ២,៤ លីត្រ turbodiesel ទំហំ ៤ស៊ីឡាំង ផលិតកម្លាំងបាន ១៨៤សេះ និងកម្លាំងរមួល ៤៨០ញ៉ូតុនម៉ែត្រ ភ្ជាប់ដោយប្រអប់លេខអូតូ ៩វគ្គ និងជម្រើសប៉ុុង 2WD និង 4WD ។

ចំពោះការរចនាផ្នែកខាងក្រៅរបស់ GWM Tank 300 នៅប្រទេសថៃ មានភាពទាក់ទាញជាមុនជាមួយថាសកង់ ១៧ អ៊ីញ និងកញ្ចប់តុបតែងពណ៌ខ្មៅសម្រាប់កញ្ចក់ចំហៀង និងឈ្នាន់ជើង។ សម្រាប់ផ្នែកខាងក្នុងវិញ មានអេក្រង់ភ្លោះទំហំ ១២,៣ អ៊ីញ និងប្រព័ន្ធ ADAS ជាច្រើនទៀតផងដែរ៕

ផ្ទាំងផ្សាយពាណិជ្ជកម្ម

McLaren អាចប្រើប្រាស់បច្ចេកវិទ្យា Nio សម្រាប់រថយន្ត Supercar អគ្គិសនីសុទ្ធរបស់ខ្លួន

April 7, 2025

[បរទេស] ក្រុមហ៊ុនផលិតរថយន្ត McLaren បានធ្វើការផ្លាស់ប្តូរដ៏សំខាន់មួយតាមរយៈការច្របាច់បញ្ចូលគ្នាជាមួយក្រុមហ៊ុនរថយន្តអគ្គិសនីប្រណិតរបស់ចក្រភពអង់គ្លេស Forseven Holdings ដែលសម្របសម្រួលដោយអ្នកវិនិយោគរួមរបស់ពួកគេគឺ CYVN Holdings ដែលអាចអនុញ្ញាតឲ្យប្រើប្រាស់បច្ចេកវិទ្យារថយន្តអគ្គិសនីទំនើបរបស់ Nio ផងដែរ។

ក្នុងនោះ ដោយសារក្រុមហ៊ុន CYVN បានទិញយកភាគហ៊ុនមួយផ្នែកនៃក្រុមហ៊ុន McLaren និងកាន់កាប់ភាគហ៊ុនភាគមួយផ្នែកនៅក្នុងក្រុម Formula 1 របស់ខ្លួន ព្រមទាំងជាម្ចាស់ភាគហ៊ុនធំជាងគេនៅក្នុងក្រុមហ៊ុន Nio របស់ចិនទៀតផង។

មិនត្រឹមតែប៉ុណ្ណោះ ក្រុមហ៊ុនបុត្រសម្ព័ន្ធរបស់ Nio គឺ Nio Automobile Technology (Anhui) Co., ក៏បានចុះកិច្ចព្រមព្រៀងអាជ្ញាប័ណ្ណបច្ចេកវិទ្យាជាមួយ Forseven សម្រាប់ផ្តល់អាជ្ញាប័ណ្ណជាសកលដល់ McLaren ដើម្បីប្រើប្រាស់បច្ចេកវិទ្យារថយន្តអគ្គិសនីរបស់ Nio រួមទាំងព័ត៌មានបច្ចេកទេស, ប្រព័ន្ធ software និងកម្មសិទ្ធិបញ្ញាទាក់ទងនឹងគ្រោងឆ្អឹង EV- Platform ឆ្លាតវៃ។

ទោះជាយ៉ាងណាក៏ដោយ នាយកប្រតិបត្តិរបស់ McLaren លោក Michael Leiters មានការប្រុងប្រយ័ត្នទាក់ទងនឹងការត្រៀមខ្លួនផ្លាស់ប្តូរនៃបច្ចេកវិទ្យា EV សម្រាប់រថយន្ត supercar ប្រើថាមពលអគ្គិសនីសុទ្ធ EV ៕

ផ្ទាំងផ្សាយពាណិជ្ជកម្ម

គំរូឡានអគ្គិសនីសុទ្ធ Chery QQ គ្រោងនឹងបញ្ចេញជាផ្លូវការនៅខែក្រោយ

April 7, 2025

[បរទេស] ក្រុមហ៊ុនផលិតរថយន្ត Chery បានធ្វើការដាក់បង្ហាញចេញនៅគំរូរថយន្ត Chery QQ ប្រភេទ hatchback ប្រើអគ្គិសនីសុទ្ធ គ្រោងនឹងដាក់បញ្ចេញជាផ្លូវការនៅពិព័រណ៍រថយន្ត Shanghai Auto Show 2025 ដែលធ្វើឡើងនៅខែឧសភា ឆ្នាំ ២០២៥ ប្រទេសចិន ។

គួរឲ្យដឹងថា Chery QQ ត្រូវបានបង្ហាញខ្លួនជាលើកដំបូងនៅក្នុងឆ្នាំ ២០០៣ មានឈ្មោះថា QQ3 បន្ទាប់មកគឺម៉ូដែល QQ6 និង QQme ដោយការលក់របានលើសពី ៤០ ០០០ គ្រឿងក្នុងឆ្នាំដំបូងរបស់ខ្លួន និងការលក់កើនឡើងលើសពី ១,៤លានគ្រឿងជាមួយនឹងតម្លៃត្រឹមតែ ៤ ១០០ ដុល្លារប៉ុណ្ណោះ ។ ទោះជាយ៉ាងណាក៏ដោយ ម៉ូដែលនេះ ត្រូវបានបញ្ឈប់ការលក់នៅក្នុងឆ្នាំ ២០១៤ ។

សម្រាប់គំរូឆ្នាំ ២០២៥ នេះ បានប្រើប្រាស់រូបរាងកាន់តែទាក់ទាញជាមួយនឹងផ្នែកខាងក្រៅពណ៌ខ្មៅ និងស តួខ្លួនរាងមូល ដោយបំពាក់ប៉ាណាមុខបិទជិ ចង្កៀងមុខ-ក្រោយ LED ព្រមទាំងថាសកង់ឌីស្សាញបែប Futuristic ក៏ដូចជាកញ្ចក់ចំហៀងប្រភេទកាមេរ៉ាឌីជីថល និងឡូហ្គោ Qq” ថ្មីផងដេរ។

គួរបញ្ជាក់ផងដែរថា សម្រាប់ព័ត៌មានទាក់ទងនៅនឹងផ្នែកថាមពល និងផ្នែកខាងក្នុង ក្រុមហ៊ុនមិនទាន់បង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

ក្រុមហ៊ុន អ អិម អេ ខេមបូឌា ទទួលបានសិទ្ធិផ្ដាច់មុខក្នុងការនាំចូល និងចែកចាយរថយន្ដ RAM នៅកម្ពុជា

April 6, 2025

ភ្នំពេញ ០៥ មេសា ២០២៥ ក្រុមហ៊ុន អ អិម អេ ខេមបូឌា បានធ្វើការប្រកាសជាសាធារណៈអំពីការទទួលបានសិទ្ធផ្តាច់មុខក្នុងការនាំចូល និងចែកចាយរថយន្ត RAM ពីក្រុមហ៊ុន Stellantis នៅកម្ពុជាចាប់ពីថ្ងៃទី ០៥ មេសា ២០២៥ នេះតទៅ។

កាលពីថ្មីៗនេះ ក្រុមហ៊ុន RMA Cambodia បានសម្ភោធជាផ្លូវការនៃរថយន្ត Peugeot ដែលទទួលសិទ្ធលក់ និងចែកចាយ ព្រមទាំងសេវាកម្មជូសជុលរថយន្តប្រចាំប្រទេសកម្ពុជា, ថ្ងៃនេះផងដែរ RMA Cambodia ក៏បាននាំចូលរថយន្តដែលមានឈ្មោះល្បីល្បាញជុំវិញសកលលោកដែលស្ថិតនៅក្រោមបុត្រសម្ព័ន្ធរបស់ Stellantis គឺរថយន្ត RAM Trucks មកកាន់ទីផ្សារប្រទេសកម្ពុជា។ ដោយមានការសម្ភោធជាផ្លូវការនូវរថយន្ត RAM 1500 RABEL ស៊េរីឆ្នាំ ២០២៥ ជារថយន្តដែលតំណាងឲ្យ អំណាច ភាពអង់អាច និងជ័យជំនះ ជាមួយបច្ចេកវិទ្យារដ៏ទំនើប សមស្របគ្រប់ស្ថានភាព និងកាលៈទេសៈផ្លូវនៅប្រទេសកម្ពុជា។

លោក ងន សាំង អគ្គនាយកនៃក្រុមហ៊ុន អ អិម អេ ខេមបូឌា បានបង្ហាញអំពី អារម្មណ៍ដ៏រំភើបនៃការទទួលនូវសមាជិកថ្មីមួយទៀតនៅក្នុងឆ្នាំ ២០២៥ នេះ ហើយក៏ជាម៉ាកមួយដែលលោកស្រឡាញ់ពេញចិត្តនូវកេរ្ត៍ឈ្មោះដ៏ល្បីសុះសាយជុំវិញសកលលោកមួយគឺម៉ាករថយន្ត RAM ដែលទើបតែដាក់សម្ភោធជាផ្លូវការមួយនេះ។

ក្នុងឱកាសនេះផងដែរ លោក នូ ណារុណ “Head Brand of RAM Cambodia” បានធ្វើបទបង្ហាញពីលក្ខណៈពិសេសៗដ៏ឆ្នើម សមត្ថភាពដ៏អស្ចារ្យរបស់ RAM Trucks។ លោកបានលើកឡើងពីបច្ចេកវិទ្យាដែលទំនើបលើសគេរបស់រថយន្ត RAM ព្រមទាំងសមត្ថភាព និងការរចនាដ៏រឹងមាំ និងភាពប្រណិតរបស់ RAM ដែលបង្ហាញពីជម្រើសល្អបំផុតសម្រាប់អតិថិជនដែលស្វែងរករថយន្តដែលតំណាងទាំងអំណាច ភាពអង់អាច និងជ័យជំនះ ។

អតិថិជនទាំងអស់អាចធ្វើការស្វែងរក Showroom RAM Cambodia ដែលមានទីតាំងស្ថិតនៅផ្សារ Olympia និងនៅលើផ្លូវ ៦០ម៉ែត្រព្រមទាំងទទួលនូវសេវាកម្មជួសជុល ដែលមានទីតាំងនៅលើផ្លូវ ៦០ម៉ែត្រ មហាវិថីសម្ដេចហ៊ុន សែន កែងផ្លូវឧញ៉ាហ៊ុន នាង។ ហើយអតិថិជនអាចធ្វើការបើកបរសាកល្បងរថយន្ត RAM RABEL 1500 មុនគេដោយកក់ពេលវេលារបស់អ្នកជាមួយផ្នែកលក់របស់យើងតាមរយៈ៖ 089 888 116 ៕

ផ្ទាំងផ្សាយពាណិជ្ជកម្ម

ភីកអាប់ MG U9 ស៊េរីថ្មីចុងក្រោយ បង្ហាញរូបរាងជាផ្លូវការនៅប្រទេសអូស្រ្តាលី

April 5, 2025

[បរទេស] ក្រុមហ៊ុនផលិតរថយន្ត MG ប្រចាំនៅទីផ្សារប្រទេសអូស្រ្តាលី បានធ្វើការដាក់បង្ហាញចេញនៅរថយន្តភីកអាប់ MG U9 សម្រាប់ប្រជែងទីផ្សារជាមួយ Toyota Hilux និង Ford Ranger គ្រោងនឹងដាក់លក់ចុងឆ្នាំ ២០២៥ នេះ ជាមួយតម្លៃលក់រំពឹងចាប់ពីខ្ទង់ ៤០ ០០០ ដល់ ៥០ ០០០ ដុល្លារ ។

ភីកអាប់ MG U9 ដំណើការដោយម៉ាស៊ីនម៉ាស៊ូតចំណុះ ២,៥ លីត្រ ជំនួយដោយ Turbocharged ខណៈម៉ូដែលប្រភេទ hybrid អាចនឹងមកដល់នៅក្នុងឆ្នាំ ២០២៦ ។

រថយន្តនេះមានប្រវែងតួខ្លួនសរុប ៥ ៥០០ មម ទទឹង ១៩៩៧ មម កំពស់ ១៨៦០ មម និងប្រវែងគម្លាតកង់មុខ-ក្រោយ ៣ ៣០០ មម ។ សម្រាប់រូបរាង និងការឌីស្សាញផ្នែកខាងក្រៅ មានភាពហាប់ណែន និងអំណាច ជាមួយប៉ាណាមុខមួយផ្ទាំងធំតុបតែងដោយគ្រូម៉េ អបសងខាងនឹងចង្កៀងមុខប្រភេទ LED រាងជាអក្សរ T កញ្ចក់ចំហៀងមានអំពូលស៊ីញូ LED រួមទាំងមុខងារ Blind-spot monitor និងចង្កៀងក្រោយជាប្រភេទ LED ។

ចំពោះនៅផ្នែកខាងក្នុងមានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ជាប្រភេទអេក្រង់ភ្លោះ អាចប្រើមុខងារ Apple CarPlay/Android Auto និងកន្លែងសាកថ្មឥតប្រើខ្សែជាដើម ៕

ផ្ទាំងផ្សាយពាណិជ្ជកម្ម

ភីកអាប់់ Amarok ជំនាន់ថ្មី របស់ VW នឹងប្រកាសចេញនៅឆ្នាំ២០២៧

April 5, 2025

ក្រុមហ៊ុន Volkswagen បានប្រកាសជាផ្លូវការថា ពួកគេនឹងប្រកាសចេញនូវរថយន្តភីកអាប់់ Amarok ជំនាន់ថ្មី សម្រាប់ទីផ្សារអាមេរិកខាងត្បូង នៅឆ្នាំ ២០២៧ ។ ការរចនាថ្មីនេះ នឹងផ្តល់ស្តង់ដាថ្មីដែលសាកសមនឹងតម្រូវការនៃទីផ្សារអាមេរិកខាងត្បូង ហើយនឹងធ្វើឲរថយន្តមានភាពទាក់ទាញ និងទំនើបជាងមុន។

ចំពោះការរចនារថយន្ត Amarok ថ្មីនេះ បើយោងតាមរូបភាពដែលបានបង្ហាញ នឹងមានចង្កៀងមុខថ្មីប្រភេទ LED ទំហំធំលាតពេលផ្ទៃខាងមុខរថយន្ត រួមជាមួយរូបរាងថ្មីដែលមានភាពអំណាច ដែលនឹងធ្វើឲរថយន្តជំនាន់ថ្មីនេះកាន់តែមានភាពទាក់ទាញដែលសាកសមនឹងតម្រូវការនៃទីផ្សារ។

ក្នុងនោះ ក្រុមហ៊ុន Volkswagen បានអះអាងថា Amarok ថ្មីនេះ នឹងផលិតនៅអាមេរិកខាងត្បូង ក្នុងរោងចក្រ Pacheco របស់ខ្លួនក្នុងប្រទេសអាហ្សង់ទីន ជាកន្លែងផលិត Amarok អស់រយៈពេល ១៥ ឆ្នាំ ជាមួយទុនវិនិយោគ ៥៨០ លានដុល្លារ។ គួរបញ្ជាក់ថា ក្រុមហ៊ុនមិនទាន់បានបង្ហាញព័ត៌មានលម្អិតផ្សេងទៀតអំពីបច្ចេកវិទ្យា និងលក្ខណៈផ្នែកក្នុងរបស់រថយន្តនេះនៅឡើយនោះទេ៕

ផ្ទាំងផ្សាយពាណិជ្ជកម្ម

Ford Ranger ហក់ឡើងឈរលេខ១ ជារថយន្ដលក់ដាច់គេជាងក្នុងខែមីនា នៅអូស្រ្ដាលី

April 5, 2025

ទីផ្សាររថយន្តថ្មីនៅក្នុងប្រទេសអូស្ត្រាលីនៅតែមានស្ថិរភាព ដោយបានបង្ហាញសញ្ញាវិជ្ជមានខ្លះៗនៅក្នុងខែមីនា ក្រោយរថយន្ដសរុបចំនួន ១ ១១៦ ១៧ គ្រឿងត្រូវបានលក់ចេញកាលពីខែមីនា គិតជាភាគយកើនឡើង ១.៧% បើធៀបទៅនិងខែមីនាកាលពីឆ្នាំមុន ដោយចំនួននៃលក់បានត្រឹមតែ ១ ០៩៧ ៣១គ្រឿង ។

ក្នុងរបាយការណ៍នៃការលក់នោះ រថយន្ដម៉ូដែល Ford Ranger ហក់ឡើងឈរលេខ១ ជារថយន្ដលក់ដាច់គេជាងក្នុងខែមីនា នៅប្រទេសអូស្រ្ដាលី ក្រោយបានលក់បានចំនួន ៤ ៩៣២គ្រឿង ប៉ុន្តែបើធៀបនៅនិងខែមីនា កាលពីឆ្នាំមុន អត្រានៃការលក់ធ្លាក់ចុះ ១២.៩% ខណៈរថយន្ដ Toyota Rav4 ឈរលេខ២ ក្រោយលក់បានចំនួន ៤ ៣២១គ្រឿង បើធៀបនៅនិងខែមីនា កាលពីឆ្នាំមុន អត្រានៃការលក់ធ្លាក់ចុះ ១៤.៨% និងលេខ៣បានទៅលើរថយន្ដ Toyota Hilux លក់បានចំនួន ៤ ០៨១គ្រឿង បើធៀបនៅនឹងតែមីនាកាលពីឆ្នាំមុន អត្រានៃការលក់មានការកើនឡើង ១.២%។

បើគិតពីប្រេនរថយន្ដដែល លក់ដាច់ជាងគេនៅខែមីនា ក្នុងប្រទេសអូស្រ្ដាលី ក្រុមហ៊ុនជប៉ុន Toyota ឈរនៅលេខរៀងទី១ ក្រោយលក់រថយន្ដសរុបបាន ២០ ៥៤១គ្រឿង បើធៀបនៅនឹងតែមីនា កាលពីឆ្នាំមុន អត្រានៃការលក់មានការកើនឡើង ៨.៣% ខណៈក្រុមហ៊ុនរបស់សហរដ្ឋអាមេរិក Ford ឈរនៅលេខ២ លក់រថយន្ដសរុបបាន ៨ ២៣២គ្រឿង បើធៀបនៅនិងខែមីនា កាលពីឆ្នាំមុន អត្រានៃការលក់ធ្លាក់ចុះ ៦.២% ចំណែក ក្រុមហ៊ុន Mazda ឈរនៅលេខ៣ លក់រថយន្ដសរុបបាន ៨ ០០០គ្រឿង បើធៀបនៅនិងខែមីនា កាលពីឆ្នាំមុន អត្រានៃការលក់ធ្លាក់ចុះ ៣%៕

ផ្ទាំងផ្សាយពាណិជ្ជកម្ម

ឡានអគ្គីសនី GAC Aion UT សាកថ្មម្តងជិះបាន ៥០០គីឡូម៉ែត្រជាង ដាក់នៅថៃតម្លៃខ្ទង់ ១មុឺនដុល្លារ

April 5, 2025

[បរទេស] ក្រុមហ៊ុនផលិតរថយន្ត GAC បានធ្វើការប្រកាសដាក់លក់ជាផ្លូវការនូវរថយន្តអគ្គិសនីសុទ្ធ GAC Aion UT EV ស៊េរីថ្មីចុងក្រោយ ជាមួយតម្លៃលក់ចាប់ពី ១៤ ៧៧០ ដុល្លារ នៅក្នុងទីផ្សារប្រទេសថៃ។

GAC Aion UT ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ១៣៦ សេះ និងកម្លាំងរមួល ១៤៥ ញ៉ូតុនម៉ែត្រ ផ្គួបជាមួយជម្រើសអាគុយទំហំ ៦០ គីឡូវ៉ាត់ម៉ោង អាចបើកបរបានចម្ងាយច្រើនជាង ៥០០ គីឡូម៉ែត្រ នៅពេលសាកថ្មពេញម្តង គាំទ្រការសាកថ្មល្បឿនលឿន អាចសាកបានពី ៣០ ទៅ ៨០ភាគរយ ប្រើរយៈពេលខ្ទង់ ២៤នាទីប៉ុណ្ណោះ។

រថយន្តនេះ មានប្រវែងតួខ្លួនសរុប ៤ ២៧០ ម.ម ទទឹង ១ ៨៥០ ម.ម កម្ពស់ ១ ៥៧៥ ម.ម និងប្រវែងគម្លាតកង់មុខ-ក្រោយ ២ ៧៥០ ម.ម ។ សម្រាប់រូបរាង និងការឌីស្សាញរបស់ GAC Aion UT មានលក្ខណៈបែបស្ព័រ ជាមួយប៉ាណាមុខបិទជិត ចង្កៀងមុខ-ក្រោយ ប្រភេទ LED ព្រមទាំងប្រើប្រាស់នៅថាសកង់ស្ព័រទំហំ ១៦-១៧អ៉ីញ ជាដើម ។

ចំពោះនៅផ្នែកខាងក្នុងវិញ មានការឌីស្សាញបែប minimalistic ទទួលបានកុងទ័រព៌ត័មានឌីជីថលទំហំ ៨,៨ អ៉ីញ និងអេក្រង់កម្សាន្ត touchscreen ទំហំ ១៤,៦ អ៉ីញ សម្រាប់បញ្ជាមុខងារទូទៅនៅលើរថយន្ត ក៏ដូចជាកន្លែងសាកថ្មឥតខ្សែ ដំបូល panoramic sunroof និងប្រព័ន្ធ ADAS ដ៏ឆ្លាតវៃជាច្រើនមុខងារផងដែរ៕

ផ្ទាំងផ្សាយពាណិជ្ជកម្ម

Ford Ranger Duty ឆ្នាំ២០២៦ បង្ហាញរូបរាងជាផ្លូវការ ជាមួយសមត្ថភាពអូសបាន ៤តោនកន្លះ

April 4, 2025

បន្ទាប់ពីការបើកធ្វើតេស្ដសាកល្បងជោគជ័យពេលនេះ រថយន្ត Ford Ranger Super Duty ស៊េរីឆ្នាំ២០២៦ បានធ្វើការបង្ហាញខ្លួនជាផ្លវការ។ រថយន្ដត្រូវបានរចនាឡើងវិញយ៉ាងល្អិតល្អន់ ដើម្បីផ្ដោតលើការដឹកនិងអូស ហើយបើកបរបានគ្រប់ស្ថានភាពផ្លូវ ដោយសារតួរថយន្តមានភាពរឹងមាំ ប្រព័ន្ធម៉ូមធន់ល្អ។ Super Duty មានសមត្ថភាពអូសសណ្ដោងបានទម្ងន់ ៤,៥តោន។

រូបរាងខាងក្រៅ Ranger Super Duty បំពាក់មកជាកាងដែក ដើម្បីជួយការពារពេលធ្វើដំណើរលើផ្លូវពិបាក ចំណែកចង្កៀងខាងមុខ បានរក្សានូវលំនាំនៃការរចនាបែបអក្សរ C ខណ:ប៉ាណាខាងមុខរចនាមកដូចទៅនឹងត្រកូល Ranger ប៉ុន្តែអ្វីដែលប្លែក គឺមានកញ្ចក់មើលចំហៀងធំជាងមុន ហើយក៏បានបំពាក់ដោយបំពង់ខ្យល់ លើសពីរថយន្ដក៏បានបំពាក់មកជាមួយដែកសណ្ដោងមកជាស្រេច និយាយទៅផ្ដោតលើការដឹកធ្ងន់ អូស ហើយបើកបរគ្រប់ស្ថានភាពផ្លូវ។

Ranger Super Duty ប្រើយ៉ាន់កង់ទំហំ ១៨អុីញ ជាមួយសម្បកកង់ទំហំ ៣៣អុីញ ជាប្រភេទសម្បក General Grabber all-terrain tyres។ សម្រាប់អ្នកចូលចិត្តលេងឡានភីកអាប់ទិញមួយគ្រឿងនេះពេញចិត្តតែម្ដង។

រថយន្ដបំពាក់មកជាមួយម៉ាសុីនម៉ាស៊ូត Powerstroke ៦សុីឡាំង ចំណុះ ៣.០ អាចផលិតកម្លាំងបាន ២៥០សេះ និងកម្លាំងរមួល ៦០០ញូតុនម៉ែត្រ តាមការប៉ាន់ស្មាន ស្របព័ត៌មានលម្អិតពីថាមពលរបស់នេះ មិនបានបង្ហាញជាផ្លូវការទេ។

Ranger Super Duty ត្រូវផលិតឡើងផ្ដោតលើការដឹកជាជម្រើស៤ម៉ូដែលផ្សេងគ្នាក្នុងនោះមាន ជម្រើស១បាំង ១បាំងកន្លះ ២បាំង ជាពិសេសមានបំពាក់ទ្រង់មកសម្រាប់ដឹកថែមទៀត ។ ចំពោះផ្នែកខាងក្នុងរថយន្ដនេះបំពាក់មកជាមួយអេក្រង់កម្សាន្តទំហំ ១២អុីញ។

បន្ថែមពីនេះ Ford Ranger Super Duty ក៏មានភ្ជាប់មកជាមួយមុខងារប្រព័ន្ធជំនួសដល់ការបើកបរនិងប្រព័ន្ធសុវត្ថិភាពសំខាន់ដូចជា៖ ប្រព័ន្ធជំនួយក្នុងការចូលចតខាងមុខ និងខាងក្រោយ, ប្រព័ន្ធផ្ដល់ដំណឹងនៅកញ្ចក់ចំហៀង ពេលប្រើប្រាស់រ៉ឺម៉កសណ្ដោង (trailer coverage) ប្រព័ន្ធការព្រមានការប៉ះទង្គិចខាងមុខ, ប្រព័ន្ធហ្វ្រាំងសង្គ្រោះបន្ទាន់ស្វ័យប្រវត្តិនិងកាមេរ៉ា ៣៦០ដឺក្រេ៕

ផ្ទាំងផ្សាយពាណិជ្ជកម្ម