[បរទេស] បន្ទាប់ពីប្រកាសសម្ព័ន្ធភាពបន្ថែមជាមួយក្រុមហ៊ុន Xiaomi, Huawei និង Momenta ក្នុងការអភិវឌ្ឍន៍រថយន្តជំនាន់ក្រោយរួមគ្នា ខណៈពេលនេះ ក្រុមហ៊ុន Toyota បានពង្រីកបណ្តាញអភិវឌ្ឍន៍រួមគ្នាជាមួយក្រុមហ៊ុន Hongqi ដែលស្ថិតក្រោមក្រុមហ៊ុន FAW បន្ថែមពីលើដៃគូដែលមានស្រាប់ដូចជា GAC និង BYD ក្នុងការធ្វើមូលដ្ឋានីយកម្មរបស់ខ្លួន នៅក្នុងទីផ្សាររថយន្តដ៏ធំបំផុតរបស់ពិភពលោកមួយនេះ។
យោងតាមរបាយការណ៍មួយបានឲ្យដឹងថា កិច្ចខិតខំប្រឹងប្រែងអភិវឌ្ឍន៍រួមគ្នារបស់ក្រុមហ៊ុនផលិតរថយន្តប្រទេសជប៉ុននេះ នឹងផលិតនៅម៉ូដែលបន្ថែមដូចជា RAV4, Highlander និង Sienna នៅប្រទេសចិន ហើយរំពឹងថាប្រើប្រាស់នៅគ្រោងឆ្អឹង TNGA-K platform ប្រើប្រាស់ថាមពលអគ្គិសនី លាយសាំង EREV ជាមួយនឹងបច្ចេកវិទ្យាសំខាន់ៗដែលផ្គត់ផ្គង់ដោយដៃសហការរបស់ខ្លួននៅប្រទេសចិន។
គួរបញ្ជាក់ផងដែរថា សម្រាប់កិច្ចខិតខំប្រឹងប្រែងបន្ថែមទាំងនេះ ត្រូវបានគេរំពឹងថានឹងបង្កើតមូលដ្ឋានគ្រឹះនៃយុទ្ធសាស្រ្តរបស់ Toyota ក្នុងការរក្សាការប្រកួតប្រជែងនៅក្នុងទីផ្សារប្រទេសចិនរហូតដល់ឆ្នាំ ២០២៧ ៕
យោងតាមប្រភពផ្ទៃក្នុង បានឲ្យដឹងថា ក្រុមហ៊ុន Ineos Automotive អាចនឹងជ្រើសរើស Chery iCar V23 ជាប្រភេទរថយន្ត SUV ខ្នាតតូចរបស់ប្រទេសចិន ដែលបានដាក់លក់កាលពីឆ្នាំមុន ជាមូលដ្ឋានសម្រាប់ការបង្កើតរថយន្ដម៉ូឌែលទីថ្មីរបស់ខ្លួន។ ក្រុមហ៊ុនមួួយនេះធ្លាប់បានប្រកាសពីមុនមកថា ខ្លួននឹងបោះបង់ចោលផែនការផលិតរថយន្ត SUV តម្លៃសមរម្យ ហើយងាកមករកម៉ូដែលប្រណីតវិញ ប៉ុន្តែឥឡូវនេះបានប្តូរចិត្តម្តងទៀត យោងតាមការចុះផ្សាយរបស់ទស្សនាវដ្តី Autocar បានរាយការណ៍ថា ក្រុមហ៊ុននេះត្រៀមនឹងនាំយករថយន្ដ “Fusilier” ជំនាន់ថ្មីមកវិញកាន់ទីផ្សារ។ ម៉ូឌែលថ្មីនេះនឹងតូចជាងមុនអាចនឹងប្រើប្រាស់គ្រោងឆ្អឹងរបស់រថយន្ដ iCar V23។
ក្រុមហ៊ុន Chery ក៏បានចូលខ្លួនមកដល់ទីផ្សារអឺរ៉ុបផងដែរ ដោយបានដាក់ឲ្យដំណើរការម៉ាក Ebro របស់ខ្លួននៅប្រទេសអេស្ប៉ាញ និងកំពុងពិចារណាប្រើប្រាស់រោងចក្រ Volkswagen នៅប្រទេសអាល្លឺម៉ង់ ដើម្បីផលិតម៉ាក Lepas ថ្មីនៅក្នុងប្រទេសចិន។ ក្រុមហ៊ុន Jaguar Land Rover ក៏នឹងប្រើប្រាស់គ្រោងឆ្អឹងរបស់ Chery សម្រាប់ម៉ាក Freelander ថ្មីរបស់ខ្លួនផងដែរ ហើយម៉ាក KGM (អតីត SsangYong) របស់កូរ៉េខាងត្បូងក៏កំពុងត្រៀមប្រើប្រាស់គ្រោងឆ្អឹងរបស់ Chery សម្រាប់ម៉ូដែលថ្មីផងដែរ៕
រថយន្ដអគ្គិសនី Xpeng G7 បានដកចេញអេក្រង់កុងទ័រ ដោយបំពាក់ជាមួយប្រព័ន្ធ AR-HUD ដែលសហការផលិតជាមួយក្រុមហ៊ុន Huawei និងប្រព័ន្ធជំនួយការបើកបរ ដែលដំណើរការដោយបន្ទះឈីប AI Turing របស់ក្រុមហ៊ុនផ្ទាល់។
រថយន្ដរចនាមកដោយបំពាក់ម៉ូទ័រអគ្គិសនីនៅខាងក្រោយ ផ្តល់ជម្រើសអាគុយ២ប្រភេទក្នុងនោះរួមមានអាគុយទំហំ 68.5 kWh និង 80.8 kWh។ ចំពោះរយៈចម្ងាយនៃការបើកបរជាមួយធំជាងគេអាចបើកបាន ៧០២គីឡូម៉ែត្រ គិតតាមស្ដង់ដារវាស់ម្ងាយ CLTC ។ ម៉ូឌែល Ultra ត្រូវបានបំពាក់ដោយបន្ទះឈីប AI Turing គាំទ្រប្រព័ន្ធគណនាថាមពលជាង 2,200 TOPS ត្រូវបានអះអាងថាមានកម្រិតសមត្ថភាពស្មើនឹងថាមពលនៃបន្ទះឈីប Nvidia Orin-X ចំនួនប្រាំបួន ដែលគាំទ្រមុខងារជំនួយការបើកបរកម្រិតខ្ពស់ ក្នុងការបើកបរនៅទីក្រុង, នៅលើផ្លូវហាយវេនិងជំនួយការចូលចតកម្រិតខ្ពស់។
G7 ឌីស្សាញបែប “X Face” ជំនាន់ទីពីរ បំពាក់មកជាមួយភ្លើងបំភ្លឺពេលថ្ងៃអូសកាត់ពេញទឹទឹងផ្នែកខាងមុខ ហើយចង្កៀងមុខរចនាមកបំពាក់ក្នុងរន្ធខ្យល់តែម្ដង។ 
ការរចនាផ្នែកខាងក្រោយបានបំពាក់មកជាមួយចង្កៀងរាងជាបន្ទាត់អូសកាត់ពេញទទឹងផ្នែកខាងក្រោយ ភ្ជាប់ជាមួយកាងក្រោយនៅជាប់ដំបូល។ នៅផ្នែកខាងក្នុងរថយន្ដបានលុបអេក្រង់កុងទ័របង្ហាញព័ត៌មាន ដោយសាររថយន្ដមានបំពាក់មកជាមួយប្រព័ន្ធ AR-HUD ហើយអេក្រង់កណ្តាលទំហំ 15.6 អុីញ ដើម្បីបង្ហាញទិន្នន័យបើកបរ និងប្រព័ន្ធកម្សាន្ត រួមបញ្ចូលគ្នាតែម្ដង។ បរិក្ខានៅផ្នែកខាងក្ននុងប្រើប្រាស់ជាមួយឈ, ប្រាក់ និងស្បែក ហើយមានជម្រើសពណ៌ខាងក្នុងចំនួន៤ប្រភេទ។
ក្រុមហ៊ុន Dacora បាននិយាយថារថយន្តនេះរចនាដោយបង្ហាញពី “ការគោរពចំពោះទម្រង់ដ៏ស្រស់ស្អាតនៃរថយន្ដប្រភេទ Streamline Moderne ក្នុងទសវត្សរ៍ឆ្នាំ 1930″។ ចំពោះព័ត៌មានលម្អិតជាក់លាក់ពីរថយន្ដនៅមានតិចតួចនៅឡើយទេ ប៉ុន្តែមើលតាមរូបភាពរបស់រថយន្ដគម្រូនេះត្រូវបានបំពាក់ជាមួយ គម្របម៉ាស៊ីនឈើឆ្លាក់ដោយដៃ ហើយអមដោយចង្កៀងមុខរាងមូល បន្ថែមមកជាមួយកាងប៉ោងៗ កង់រចនាបថសាមញ្ញ និង ការតុបតែងភ្លឺចែងចាំងដែលបំផុសគំនិតពីសម័យបុរាណ។ ផ្នែកខាងក្រោយបានរចនាតាមបែប Afterburner មានចង្កៀងរាងមូលៗ និងកង់ក្រោយបិទបាំង។
ផ្នែកខាងក្នុងរបស់រថយន្ដបានបំពាក់មកជាមួយឈើ ហើយក្រណាត់ត្បាញពីរោមចៀមនិងស្បែកសរីរាង្គដែលគ្មានជាតិពុល។ ចំពោះអេក្រង់ឌីជីថលត្រូវបានបញ្ចាំងជា Slide ទៅលើបន្ទះឈើ ដោយឧបករណ៍រាងមូលនៅចំកណ្ដាល។
កាន់តែពិសេសនៅផ្នែកខាងក្រោយក៏មានទូរសម្រាប់ដាក់បារី, មានម៉ាស៊ីនឆុងកាហ្វេ ពួកគេក៏មានគម្រោងបន្ថែមទូរសុវត្ថិភាព និង ទូរទឹកកកផងដែរ។
នៅខាងក្នុងរថយន្ត QQ Domi រចនាមកបែបសាមញ្ញ ប៉ុន្តែទាក់ទាញខ្លាំង ដោយបំពាក់មកជាមួយកុងទ័រឌីជីថលទំហំ ៧អុីញ អេក្រង់ប៉ះកណ្ដាលបែបអណ្ដែតទំហំ ១០.២៥ អុីញ ហើយមានជម្រើស២ពណ៌លាយគ្នា ក្នុងនោះមានពណ៍ខ្មៅលាយប្រផេះ និង ផ្កាឈូកលាយប្រផេះ។ អ្វីដែលពិសេសគឺការចូល និងបញ្ឆេះរថយន្ដដោយមិនប្រើសោ ហើយអាបញ្ជារថយន្ដពីចម្ងាយ និងកៅអីក្រោយដែលអាចបត់បែនបាន 40/60។
គ្រប់ម៉ូដែលទាំងអស់នៃរថយន្ត QQ Domi ដំណើរជាមួយម៉ូទ័រអគ្គិសនីនៅខាងផ្នែកមុខទំហំ 40kW អាចផលិតកម្លាំងរមួលបាន 110 Nm និងអាចបើកបរល្បឿនអតិបរមា ១០០គីឡូម៉ែត្រ/ម៉ោង។ រថយន្ដនេះបំពាក់មកជាមួយអាគុយ LFP ទំហំ 28.5kWh និង 39.33 kWh អាចបើកបរបានចម្ងាយ ៣០៥គីឡូម៉ែត្រ និង ៤០៥គីឡូម៉ែត្រ គិតតាមស្ដង់ដារវាស់ចម្ងាយ CLTC ។ ម៉ូឌែលទាំងពីរនេះអាចសាកពី ៣០% ទៅ ៨០% បានប្រហែល ៣០នាទី។
