ឧស្សាហកម្មរថយន្តចិន កំពុងប្រឈមមុខនឹងដំណើរការនៃការបន្សុទ្ធហើយ ជាពិសេស ក្នុងឆ្នាំ២០២៦នេះ នឹងដឹងហើយថា តើក្រុមហ៊ុនណាខ្លះដែលអាចបន្តឈរជើងក្នុងទីផ្សារបាន ហើយក្រុមហ៊ុនណាខ្លះនឹងត្រូវដួលរលំ ឬត្រូវច្របាច់បញ្ចូលគ្នា ដើម្បីរស់បន្តទៀត។
ប៉ុន្មានឆ្នាំមកនេះ រថយន្តអគ្គិសនី ទទួលបានការលើកទឹកចិត្តខ្លាំងពីរដ្ឋាភិបាលចិន បានធ្វើឲ្យសន្ទុះការផលិតរថយន្តប្រភេទនេះ កើនឡើងឥតឈប់ឈរ រហូតធ្វើឲ្យមានចំនួនច្រើនលើសពីតម្រូវការ ហើយមានការប្រជែងតម្លៃគ្នាយ៉ាងសម្បើម។
យ៉ាងណាមិញ ចាប់ពីឆ្នាំនេះទៅ ក្រុមហ៊ុនចិន នឹងតានតឹងកាន់តែខ្លាំង ព្រោះតែរដ្ឋាភិបាលចិន បានកាត់បន្ថយការឧបត្ថម្ភធនលើរថយន្តអគ្គិសនីបន្តិចម្តងៗ។ អ្នកជំនាញបានវិភាគថា ការបញ្ចេញរថយន្តថ្មីៗក្នុងប្រទេសចិន នឹងធ្លាក់ចុះខ្លាំងបំផុត ៥%។
អ្វីដែលគួរឲ្យកត់សំគាល់ទៀតនោះ តាមរបាយការណ៍ហិរញ្ញវត្ថុ បានបង្ហាញថា ក្រុមហ៊ុនរថយន្តអគ្គិសនីប្រហែល ៥០ កំពុងទទួលរងការខាតបង់ធ្ងន់ធ្ងរ និងប្រឈមមុខខ្ពស់នូវការក្ស័យធន។
ជាមួយគ្នានេះដែរ ចាប់ពីឆ្នាំ២០២៦នេះតទៅ អាជ្ញាធរចិនក៏បានចេញច្បាប់រឹតបន្តឹងការនាំចេញរថយន្តអគ្គិសនីសុទ្ធ ពោលគឺទាល់តែក្រុមហ៊ុននោះ ទទួលបានអាជ្ញាបណ្ណនាំចេញ ដើម្បី ទប់ស្កាត់ការនាំចេញរថយន្តដែលគ្មានគុណភាព ការពារកេរ្តិ៍ឈ្មោះម៉ាកយីហោក្រុមហ៊ុនចិន ផ្តល់បទពិសោធន៍ថ្មីដល់អ្នកប្រើប្រាស់ និងធ្វើឲ្យប្រសើរឡើងនូវសេវាកម្មក្រោយការលក់៕
Ram 1500 TRX ថ្មីនេះដំណើរការដោយម៉ាសុីន ចំណុះ ៦.២ លីត្រ V8 supercharged អាចផលិតកម្លាំងបានរហូតដល់ ៧៧៧ សេះ និងកម្លាំងរមួល ៩២២ ញូតុនម៉ែត្រ។ យោងតាមទិន្នន័យដែលបញ្ចេញដោយក្រុមហ៊ុន Ram កម្លាំងទាំងនេះបានធ្វើឲ្យរថយន្ដ TRX ថ្មីនេះមានកម្លាំងខ្លាំងជាងរថយន្ដ Ford F-150 Raptor R ដែលប្រើម៉ាស៊ីនចំណុះ ៥.២ លីត្រ V8 supercharged ចំនួន ៥៧សេះនិង ៥៤ ញូតុនម៉ែត្រ។ បន្ថែមពីនេះក្រុមហ៊ុន Ram បានអះអាងថារថយន្ដភីកអាប់ TRX ថ្មីនេះ អាចស្ទុះពីល្បឿន ០-៩៧ គីឡូម៉ែត្រ/ម៉ោង ប្រើពេលត្រឹមតែ ៣.៥ វិនាទីប៉ុណ្ណោះ។
នៅផ្នែកខាងក្នុង Ram 1500 TRX ស៊េរីឆ្នាំ ២០២៧ បានបំពាក់ជាមួយអេក្រង់កម្សាន្តទំហំ ១៤.៥ អុីញ, កុងទ័រឌីជីថលទំហំ ១២.៣ អុីញ, មុខងារបង្ហាញព័ត៌មានលើកញ្ចក់មុខ (Head-up display), កន្លែងសាកថ្មទូរស័ព្ទឥតខ្សែចំនួនពីរ, កៅអីខាងមុខមានមុខងារកម្ដៅ បញ្ចេញខ្យល់ត្រជាក់ និងម៉ាស្សា, ឧបករណ៍សំឡេង Harman Kardon ចំនួន ១៩ គ្រាប់ និងប្រព័ន្ធជំនួយបើកបរដោយមិនបាច់កាន់ចង្កូត (Hands-free active driving assist) សម្រាប់ប្រើប្រាស់លើផ្លូវហាយវេ។
រថយន្ត Toyota RAV4 ជារថយន្ត SUV ខ្នាតមធ្យមពេញនិយមបំផុតនៅប្រទេសអូស្ត្រាលី។ វាមិនមែនជារឿងចម្លែកនោះទេ ដែលក្រុមហ៊ុនជប៉ុនតែងតែដាក់លក់គ្រឿងតុបតែងបន្ថែមយ៉ាងសម្បូរបែប លើរថយន្តដែលតត្រូវបានដាក់លក់នៅក្នុងទីផ្សារក្នុងស្រុករបស់ពួកគេ ហើយសម្រាប់រថយន្ដ Toyota RAV4 ស៊េរីឆ្នាំ ២០២៦ នេះក៏មិនមែនជាករណីលើកដំបូងដែរ។
កញ្ចប់តតុបតែង “Outdoor” លេងបន្ថែមដោយគ្រឿងតុបតែងរបស់ “JAOS Style” គឺមានភាពលេចធ្លោខុសប្លែកពីគេស្រឡះតែម្ដង។ ដូចគ្នាទៅនឹងកញ្ចប់ JAOS ដែលមានសម្រាប់រថយន្តម៉ូឌែល Prado ដែរ រថយន្ត RAV4 នឹងទទួលបានការផ្លាស់ប្តូររូបរាងថ្មី ដែលត្រូវបានបំផុសគំនិតចេញពីរថយន្ត Off-road ។
