ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 28

BYD Sealion 7 ប្រភេទអគ្គីសនីសុទ្ធ ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពីតំបន់អឺរ៉ុប E-NCAP

[បរទេស] កាលពីពេលថ្មីៗនេះ រថយន្ត BYD Sealion 7 ប្រភេទអគ្គីសនីសុទ្ធ ស៊េរីថ្មីចុងក្រោយ ប្រភេទ midsize-SUV បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំអឺរ៉ុប Euro NCAP ដោយទទួលបានចំណាត់ថ្នាក់ផ្កាយ ៥ ។

សម្រាប់ការធ្វើតេស្តសុវត្ថិភាពនេះដែរ រថយន្តអគ្គិសនី BYD Sealion 7 បានទទួលពិន្ទុទៅលើការ៖

  • ការពរអ្នកដំណើរពេញវ័យចំនួន ៨៧ ភាគរយ
  • ការការពារអ្នកដំណើរវ័យក្មេង ៩៣ ភាគរយ
  • មុខងារជំនួយការបើកបរ និងសុវត្ថិភាព ៧៩ ភាគរយ
  • ការការពារអ្នកថ្មើរជើង ឬអ្នកធ្វើដំណើរនៅតាមដងផ្លូវចំនួន ៧៦ ភាគរយ

គួរឲ្យដឹងថា BYD Sealion 7 ត្រូវបានផលិតឡើងនៅលើគ្រោងឆ្អឹង BYD e-Platform 3.0 ផ្តល់ជូនទាំងជម្រើសថាមពលអគ្គិសនីសុទ្ធ EV រួមទាំងជម្រើសអគ្គិសនី លាយសាំង PHEV ហើយមានតម្លៃលក់ចាប់ពី ២៣ ៥០០ ដុល្លារ ដល់ ២៨ ៥០០ ដុល្លារ នៅទីផ្សារប្រទេសចិន ៕

ផ្ទាំងផ្សាយពាណិជ្ជកម្ម

Toyota bZ5 សាកថ្មម្តងជិះបាន ៦៣០គីឡូម៉ែត្រ តម្លៃជិត ២ម៉ឺនដុល្លារ ចេញលក់ខែក្រោយនេះ

[បរទេស] ក្រុមហ៊ុនផលិតរថយន្ត Toyota ប្រចាំនៅទីផ្សារប្រទេសចិន នឹងដាក់ចេញលក់ជាផ្លូវការនៅឡានអគ្គិសនីសុទ្ធ Toyota bZ5 ប្រភេទ midsize-SUV នៅខែមិថុនា ឆ្នាំ ២០២៥ ជាមួយតម្លៃលក់ចាប់ពី ១៨ ០០០ ដុល្លារ ដល់ ២២ ២០០ ដុល្លារ ។

Toyota bZ5 ត្រូវបានផលិតឡើងរួមគ្នារវាងក្រុមហ៊ុន Toyota និងក្រុមហ៊ុមចិន FAW នៅប្រទេសចិន ដោយប្រើប្រាស់នគ្រោងឆ្អឹងរបស់ Toyota ពោលគឺគ្រោងឆ្អឹង e-TNGA platform ដំណើរការដោយម៉ូទ័រអគ្គិសនីចំនយន ១ អាចផលិតកម្លាំងបាន ២៦៨ សេះ ផ្កួបជាមួយអាគុយរបស់ BYD ប្រភេទ Blade battery ទំហំ ៦៥,២៨ គីឡូវ៉ាត់ម៉ោង សាកថ្មពេញម្តង ជិះបាន ៥៥០គីឡូម៉ែត្រ និងជម្រើសអាគុយទំហំ ៧៣,៩ គីឡូវ៉ាត់ម៉ោង សាកថ្មពេញម្តង ជិះបាន ៦៣០គីឡូម៉ែត្រ ។

ផ្នែកខាងក្រៅមានបំពាក់សេនស័រចំនួន ៣៣ ទីតាំង, កាមេរ៉ា ៧ទីតាំង និងប្រព័ន្ធ radar ៥ ទីតាំង រួមទាំងប្រព័ន្ធចាប់សញ្ញា LiDAR លើដំបូល ដែលទាំងអស់នេះ ជំនួយទៅដល់ប្រព័ន្ធជំនួយការអ្នកបើកបរក៏ឆ្លាតវៃកម្រិតទី ២ ឬហៅថា Momenta 5.0 L2 urban advanced driving assistance system ហើយក៏មាន Auto parking ផងដែរ ។

សម្រាប់រូបរាង និងការឌីស្សាញវិញ គឺស្រដៀងគ្នាទៅនឹងម៉ូដែលក្នុងត្រកូល bz របស់ Toyota ដោយបំបាក់ប៉ាណាមុខបិទជិត ចង្កៀងមុខ-ក្រោយ LED រាងជាអក្សរ C អូសកាត់ពីផ្នែកម្ខាងទៅផ្នែកម្ខាង ក៏ដូចជាដៃទ្វារប្រភេទ flush-door ព្រមទាំងប្រើប្រាស់ថាសកង់ទំហំ ២១អ៉ីញ ។

ផ្នែកខាងក្នុង មានកុងទ័រព័ត៌មានឌីជីថលទំហំ ៨,៨ អ៉ីញ និងអេក្រង់កំសាន្ត touchscreen ទំហំ ១៥,៦ អ៉ីញ ក៏ដូចជាដំបូលកញ្ចក់ Panoramic sunroof ប្រវែងជិត ២ម៉ែត្រ ការពាកពន្លឺ UV បានដល់ ៩៩,៣% speaker ម៉ាក JBL ១០គ្រាប់ និងប្រព័ន្ធសុវត្ថិភាព Toyota Safety Sense 3.0 ជំនាន់ចុងក្រោយផងដែរ ៕

ផ្ទាំងផ្សាយពាណិជ្ជកម្ម

រថយន្ដអគ្គិសនី Chery Exeed Exlantix ES បើកបានចម្ងាយ៧០៥គីឡូម៉ែត្រ ដាក់លក់ក្នុងតម្លៃជាង២មុឺនដុល្លារ

ក្រុមហ៊ុន Chery បានប្រកាសដាក់លក់រថយន្តអគ្គិសនីម៉ូឌែល Exlantix ES ស៊េរីឆ្នាំ ២០២៥ ៣ម៉ូឌែលផ្សេងគ្នា ជាមួយជម្រើសការបើកបរចម្ងាយ ៧០៥គីឡូម៉ែត្រ និង ៧១០ គីឡូម៉ែត្រ ក្នុងតម្លៃចាប់ពី ១៨៩ ៨០០ ទៅ ២៦៩ ៨០០ យ័ន ស្មើនឹង ២៦ ៣០០ ដល់ ៣៧ ៤០០ ដុល្លារ។

Shanghai 2025: Exeed renueva el Exlantix ES antes de su llegada a Chileបើនិយាយពីរូបរាងរបស់រថយន្ត Exlantix ES ស៊េរីឆ្នាំ ២០២៥ មិនមានការផ្លាស់ប្តូរច្រើនទេពីម៉ូដែលមុនទេ។ រថយន្ដបានរចនាមកជាមួយភ្លើងកាត់អ័ព្ទអំពូល LED ពណ៌សចំនួន ៣៧២ និងអំពូល LED ពណ៌លឿងចំនួន ៣៧២ ដែលអាចបង្ហាញសញា្ញជារូបភាព LED ជាច្រើនប្រភេទ ដោយស្វ័យប្រវត្តិដូចជាស្ថានភាពសាកថ្ម ការព្យាករណ៍អាកាសធាតុ និងអ្នកថ្មើរជើងឆ្លងកាត់។ ចំពោះមេគុណអូសទាញ (Drag Coefficient) មានត្រឹម ០.២០៥ Cd។ Exlantix ES មានតួខ្លួនប្រវែងតួសរុប ៤ ៩៤៥មម ទទឹង ១ ៩៧៨មម កម្ពស់ ១ ៤៨០មម និងប្រវែងតួខ្លួនសរុប ៣ ០០០មម។

Электроседан Exlantix ES, который ждут в России, оказался самым дорогим Exeed в Китаеប្រព័ន្ធជំនួយការបើកបរកម្រិតខ្ពស់របស់រថយន្ដនេះ ត្រូវបានធ្វើបច្ចុប្បន្នភាពទៅជា Chery’s Falcon Pilot (ដែលគេហៅផងដែរថា Cpilot)។ រថយន្ដ Exlantix ES កម្រិតទី១ ភ្ជាប់មកជាមួយរ៉ាដារចំនួន ៥, ឧបករណ៍ Ultrasonic ចំនួន ១២ និងកាមេរ៉ាចំនួន ១០គ្រាប់ ខណៈកម្រិតទី២ ភ្ជាប់មកជាមួយនឹង Lidar នៅលើដំបូលបន្ថែម និងកាមេរ៉ាខាងមុខចំនួន ២គ្រាប់។

Электроседан Exlantix ES, который ждут в России, оказался самым дорогим Exeed в Китаеចំពោះមុខងារ (Falcon 500) អនុញ្ញតឲ្យ រថយន្ដនេះអាចបើកបរនៅលើផ្លូវហាយវេដោយស្វ័យប្រវត្តិ (Autopilot) និងមុខងារជំនួយការបើកបរកម្រិតខ្ពស់កម្រិត២ ភ្ជាប់មកជាមួយមុខងារសម្គាល់ស្លាកសញា្ញចរាចរណ៍, ប្រព័ន្ធកំណត់ល្បឿនតាមរថយន្ដបើកខាងមុខ និងជំនួយការចតរថយន្ត។ កម្រិត (Trim) ដែលមាន Lidar នៅលើដំបូល ក៏គាំទ្រមុខងារ Urban Navigation on Autopilot (Falcon 700) ផងដែរ។ រថយន្ដនេះរថយន្ដរចនាមានទាំងជម្រើសប្រើប្រាស់បុង១ (RWD) និងបុង២ (AWD)។ Exlantix ES គាំទ្រការសាកថ្ម 800V។

ផ្នែកខាងក្នុងរថយន្ត Exlantix ES ស៊េរីឆ្នាំ ២០២៥ ត្រូវបានបំពាក់ដោយចង្កូតបាតរាបស្មើ អេក្រង់កុងទ័រ ទំហំ ៨.២ អុីញ និងអេក្រង់កម្សាន្ដ ទំហំ ១៥.៦ អុីញ កម្រិត 2.5K ដែលដំណើរការដោយបន្ទះឈីប Qualcomm Snapdragon 8295P។ ចំពោះកុងសូលកណ្តាលមានការរចនាមិនរញ៉េរញ៉ៃ បំពាក់ជាមួយកន្លែងសាកថ្មឥតប្រើខ្សែចំនួន២  និងកន្លែងរុញបិទបើក សម្រាប់ដាក់កែវទឹក។ ការកំណត់រចនាសម្ព័ន្ធបញ្ជា ត្រូវបានកែលម្អ ដោុយបំពាក់មកជាមួយ ការបញ្ជាដោយសំឡេង AI, ការបង្ហាញរូបភាពពីទូរស័ព្ទទៅលើអេក្រង់បញ្ជាកណ្តាល, Speaker ចំនួន ២៣គ្រាប់ និងកៅអីអ្នករួមដំណើរ (co-pilot seat) បែប Zero-gravity៕

ផ្ទាំងផ្សាយពាណិជ្ជកម្ម

Hyundai នឹងបើករោងចក្រដំបូងបង្អស់របស់ខ្លួននៅមជ្ឈិមបូព៌ាក្នុងប្រទេសអារ៉ាប៊ីសាអូឌីត

ក្នុងពេលថ្មីៗនេះ ក្រុមហ៊ុន Hyundai បានប្រកាសឲដឹងថា ពួកគេនឹងបើកនូវរោងចក្រផលិតរថយន្តថ្មីមួយដែលជារោងចក្រដំបូងបង្អស់របស់ខ្លួនក្នុងតំបន់មជ្ឈិមបូព៌ាដែលស្ថិតនៅក្នុងប្រទេសអារ៉ាប៊ីសាអូឌីត។

ក្នុងនោះ រោងចក្រនេះ នឹងមានឈ្មោះថា Hyundai Motor Manufacturing Middle East (HMMME) ប៉ុន្តែកាន់កាប់ភាគហ៊ុនដោយក្រុមហ៊ុន Hyundai ចំនួន ៣០% តែប៉ុណ្ណោះ និងមូលនិធិវិនិយោគសាធារណៈរបស់អារ៉ាប៊ីសាអូឌីតចំនួន ៧០% ហើយសាងសង់ឡើងនៅក្នុងទីក្រុងសេដ្ឋកិច្ច King Abdullah និងគ្រោងបើកដំណើរការនៅក្នុងត្រីមាសទី ៤ ឆ្នាំ ២០២៦ ខាងមុខ មានសមត្ថភាពផលិតរថយន្តប្រចាំឆ្នាំដល់ទៅ ៥០ ០០០ គ្រឿង (ទាំងរថយន្តអគ្គិសនីសុទ្ធ និងចំហេះក្នុង)។

គួរឲដឹងថា ប្រទេសអារ៉ាប៊ីសាអូឌីត បានក្លាយខ្លួនជាគោលដៅដ៏សំខាន់មួយក្នុងតំបន់មជ្ឈិមបូព៌ាសម្រាប់ក្រុមហ៊ុនផលិតរថយន្តអន្តរជាតិធំៗជាច្រើនចូលមកវិនិយោគ និងបើករោងចក្រ តួយ៉ាងដូចជាក្រុមហ៊ុន Lucid និង Hyundai អញ្ជឹង ប៉ុន្តែវាក៏ជាផ្នែកមួយនៃយុទ្ធសាស្ត្រ Vision 2030 របស់អារ៉ាប៊ីសាអូឌីត ដើម្បីបង្វិលសេដ្ឋកិច្ចឲ្យមានភាពប្រសើរឡើងក្នុងវិស័យផ្សេងៗក្រៅពីប្រេងផងដែរ៕

ផ្ទាំងផ្សាយពាណិជ្ជកម្ម

ឡានអគ្គីសនី EV តម្លៃក្រោម ១ម៉ឺនដុល្លាររបស់ Geely សម្រេចផលិតកម្មបាន ២០ម៉ឺនគ្រឿងហើយ

[បរទេស] ក្រុមហ៊ុនផលិតរថយន្ត Geely បានឈានដល់ការសម្រេចបានសមិទ្ធផលថ្មី បានផលិតរថយន្តអគ្គិសនីសុទ្ធម៉ូដែល Geome ដែលទទួលបានការគាំទ្រយ៉ាងខ្លាំងជាមួយតម្លៃលក់ ៩ ៥៥០ ដុល្លារ ដោយរថយន្តគ្រឿងទី ២០ម៉ឺនគ្រឿងបានរំកិលចេញពីរោងចក្ររបស់ខ្លួនហើយ ។

រថយន្តអគ្គិសនី Geely Geome Xingyuan ត្រូវបានផលិតឡើងនៅលើគ្រោងឆ្អឹង SEA Platform ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ម៉ូទ័រអគ្គិសនីចំនួន ១ អាចផលិតកម្លាំងបាន ១១៤ សេះ និង ១៥០ ញ៉ូតុមម៉ែត្រ ផ្កួបជាមួយអាគុយទំហំ ៤០,១៦ គីឡូវ៉ាត់ម៉ោងអាចបើករបានចម្ងាយ ៤១០ គីឡូម៉ែត្រនៅពេលសាកថ្មពេញម្តង អាចសាកថ្មឡើងពី ៣០ ទៅ ៨០ភាគរយ ចំណាយពេលត្រឹម ២១នាទី ប៉ុណ្ណោះ។

រថយន្តនេះ មានប្រវែងតួខ្លួនសរុប ៤ ១៣៥ ម.ម ទទឹង ១ ៨០៥ ម.ម កម្ពស់ ១ ៥៧០ ម.ម និងប្រវែងគម្លាតកង់មុខ-ក្រោយ ២ ៦៥០ ម.ម ។ សម្រាប់ការឌីស្សាញរូបរាងផ្នែកខាងក្រៅ មានបំពាក់ជាមួយប៉ាណាបិតជិត ចង្កៀងមុខ-ក្រោយ LED រាងជាពងក្រពើ ព្រមទាំងថាសកង់រចនាថ្មីទំហំ ១៩អ៉ីញ ។

ខណៈផ្នែកខាងក្នុងមានបំពាក់ជាមួយអេក្រង់កុងទ័របង្ហាញព័ត៌មានឌីជីថលទំហំ ៨,៨អ៊ីញ និងជម្រើសអេក្រង់កំសាន្ត touchscreen ទំហំ ១០,១ អ៊ីញ និង ១៤,៦ អ៊ីញ សម្រាប់បញ្ជាមុខងារសំខាន់ៗ ក៏ដូចជាកន្លែងសាកថ្មឥតប្រើខ្សែ ព្រមទាំងប្រព័ន្ធកាមេរ៉ា ៥៤០ដឺក្រេ និងអាចផ្ទុកទម្ងន់បានដល់ ១ ៣២០គីឡូក្រាម៕

ផ្ទាំងផ្សាយពាណិជ្ជកម្ម

ចិនដាក់ដំណើរការរថយន្តអគ្គិសនីធុនធំ គ្មានអ្នកបើបករ ដឹកជញ្ជូនរ៉ែនៅម៉ុងហ្គោលី

កាលពីពេលថ្មីៗចិន បានដាក់ឲ្យដំណើរ រថយន្ដដឹកជញ្ជូនរ៉ែអគ្គិសនីគ្មានអ្នកបើកបរចំនួន ១០០ គ្រឿង នៅឯអណ្តូងរ៉ែធ្យូងថ្ម Yimin នៅតំបន់ Inner ក្នុងប្រទេស ម៉ុងហ្គោលី ហើយក៏ជាក្បួនរថយន្តគ្មានអ្នកបើកបរខ្នាតធំបំផុតរបស់ពិភពលោក។

Loading of automated mining truck - Huawei

រថយន្តនីមួយៗដំណើរការដោយអាគុយលីចូមផូស្វាត (Lithium Iron Phosphate) ទំហំ ៥៦៤ kWh អាចដឹកបានរហូតដល់ទម្ងន់ ៩០តោន និងអាចដំណើរការក្នុងអាកាសធាតុត្រជាក់ខ្លាំងរហូតដល់ -៤០ អង្សាសេ។

រថយន្តគ្មានអ្នកបើកបរទាំងនេះអាចដឹក និងបែនទម្លាក់រ៉ែបានដោយខ្លួនបឯង ហើយត្រូវបានរចនាឡើង ដើម្បីធ្វើការក្នុងអាកាសធាតុអាក្រក់ និងលក្ខខណ្ឌការងារដឹកជញ្ជួនរ៉ែដ៏លំបាក។ រថយន្ដនេះប្រើប្រាស់បច្ចេកវិទ្យាបើកបរដោយខ្លួនឯងរបស់ក្រុមហ៊ុន Huawei ភ្ជាប់មកជាមួយការបញ្ជាតាមរយៈ AI, 5G-Advanced, cloud computing, និងប្រព័ន្ធប្តូរអាគុយឆ្លាតវៃ។

A Huaneng mining truck self-unloads - Huaweiខណៈដែលផលប៉ះពាល់បរិស្ថាន អំពីភាពអវិជ្ជមាននៃសារធាតុ ធ្យូងថ្មត្រូវបានគេស្គាល់យ៉ាងច្បាស់ សារធាតុនេះនៅតែត្រូវបានប្រើប្រាស់យ៉ាងខ្លាំង ជាប្រភពឥន្ធនៈនៅជុំវិញពិភពលោក។ យោងតាម Enerdata កំណើននៃការប្រើប្រាស់ធ្យូងថ្មទូទាំងពិភពលោកបានថយចុះពីប្រហែល ៦% ក្នុងឆ្នាំ ២០២២ មកនៅប្រហែល ២.២% ក្នុងឆ្នាំ ២០២៣។

ប៉ុន្តែនៅប្រទេសចិន ឥណ្ឌា និងវៀតណាម ការប្រើប្រាស់ប្រភពថាមពលនេះបានកើនឡើង យ៉ាងគំហុកក្នុងរយៈពេលដូចគ្នា ជាមួយនឹងអត្រាកំណើនស្មើនឹង ៦.៩%, ៩.៩% និង ២៥% រៀងគ្នា។ ប្រទេសឥណ្ឌា និងចិនបច្ចុប្បន្នមានចំនួន ៧១% នៃការប្រើប្រាស់ធ្យូងថ្មទូទាំងពិភពលោក ដោយប្រទេសចិនកំពុងអភិវឌ្ឍសមត្ថភាពទាញយករ៉ែថ្មីចំនួន ១ ២៨០ លានតោនក្នុងមួយឆ្នាំ  ដែលស្មើនឹងប្រហែលពាក់កណ្តាលនៃសមត្ថភាពដែលបានស្នើឡើងទូទាំងពិភពលោក៕

Three Huaneng mining trucks driving along - Huawei

ផ្ទាំងផ្សាយពាណិជ្ជកម្ម

BYD បញ្ចេញម៉ូដែលថ្មី e7 សាកថ្មម្តងជិះបាន ៥២០ គីឡូម៉ែត្រ ឯតម្លៃខ្ទង់ ១ម៉ឺនដុល្លារប៉ុណ្ណោះ

[បរទេស] ក្រុមហ៊ុនផលិតរថយន្ត BYD បានធ្វើការដាក់បង្ហាញចេញជាផ្លូវការនៅរថយន្ត BYD e7 ប្រភេទអគ្គិសនីសុទ្ធ ជាមួយតម្លៃលក់ចាប់ពី ១៤ ៤០០ ដុល្លារ ដល់ ១៦ ០០០ ដុល្លារ នៅទីផ្សារប្រទេសចិន ។

BYD e7 ទំនងជាអាចប្រើប្រាស់ជាប្រភេទរថយន្តតាក់ស៊ីនៅក្នុងប្រទេសចិន ដំណើការដោយម៉ូទ័រអគ្គិសនីចំនួន ១ អាចផលិតកម្លាំងបាន ១៣៤ សេះ និងកម្លាំងរមួល ១៨០ ញ៉ូតុនម៉ែត្រ ផ្គួបជាមួយអាគុយ BYD Blade battery ទំហំ ៥៧,៦ គីឡូវ៉ាត់ម៉ោង សាកថ្មពេញ អាចបើកបរបានចម្ងាយ ៥២០ គីឡូម៉ែត្រ ។

រថយន្តនេះ មានប្រវែងតួខ្លួនសរុប ៤ ៧៨០ ម.ម ទទឹង ១ ៩០០ ម.ម កំពស់ ១ ៥១៥ ម.ម និងប្រវែងគម្លាតកង់មុខ-ក្រោយ ២ ៨២០ ម.ម ។ សម្រាប់រូបរាង និងការឌីស្សាញផ្នែកខាងក្រៅផ្តោតលើភាពស្ព័រ និងទាន់សម័យ ជាមួយប៉ាណាមុខបិទជិត ចង្កៀងមុខ-ក្រោយ LED ព្រមទាំងថាសកង់ស្ព័រទំហំ ១៦អ៉ីញជាដើម ។

ចំពោះនៅផ្នែកខាងក្នុង មានកុងទ័របង្ហាញព័ត៌មានឌីជីថលទំហំ ៥អ៉ីញ និងអេក្រង់កំសាន្ត touchscreen ទំហំ ១៥,៦ អ៉ីញ ក៏ដូចជាដំបូលកញ្ចក់ Panoramic sunroof រួមទាំងប្រព័ន្ធ BYD DiLink 100 system ផងដែរ ៕

ផ្ទាំងផ្សាយពាណិជ្ជកម្ម

Mazda EZ-60 ទទួលបានការបញ្ជាទិញជិត ២ម៉ឺនគ្រឿងហើយ គិតមកដល់ពេលនេះ

[បរទេស] ក្រុមហ៊ុនផលិតរថយន្ត Mazda បានធ្វើការប្រកាសថា មកដល់ពេលនេះ ក្រុមហ៊ុនទទួលបានការបញ្ជាទិញរថយន្ត SUV អគ្គិសនីថ្មីរបស់ខ្លួន Mazda EZ-60 ចំនួនច្រើនជាងពី ១៨ ០០០ គ្រឿងហើយ ចាប់តាំងពីបានដាក់បញ្ចេញជាផ្លូវការនៅពិព័រណ៍ Shanghai Auto Show 2025 ។

រថយន្តនេះ ជាកាផលិតរវាងក្រុមហ៊ុន Mazda និង Changan នៅប្រទេសចិន ដោយប្រើប្រាស់នៅគ្រោងឆ្អឹង EPA platform ផ្តល់នៅជម្រើសថាមពលចំនួន ២៖

  • ដំណើរការដោយម៉ូទ័រអគ្គិសនីចំនួន ២ ផ្គួបជាមួយអាគុយ ដែលអាចបើកបរបានចម្ងាយ ៦០០ គីឡូម៉ែត្រ នៅពេលសាកថ្មពេញម្តង សម្រាប់ម៉ូដែល EV
  • ដំណើរការដោយម៉ាស៊ីនសាំងចំណុះ ១,៥ លីត្រ ម៉ូទ័រអគ្គិសនីចំនួន ១ មានកម្លាំងសរុប ៣០០ សេះ ផ្គួបជាមួយអាគុយទំហំ ៣១,៧ គីឡូវ៉ាត់ម៉ោង ដែលអាចបើកបរបានចម្ងាយ ១៦១ គីឡូម៉ែត្រដោយប្រើថាមពលអគ្គិសនីសុទ្ធ និងអាចបើកបរបានចម្ងាយ ១ ៣០០ គីឡូម៉ែត្រនៅពេលប្រើអគ្គិសនី និងសាំងជាមួយគ្នា  ។

សម្រាប់ផ្នែកខាងក្រៅ មានភ្ជាប់មកជាមួយកាមេរ៉ា ចំនួន ៥ គ្រាប់ ប្រព័ន្ធចាប់សញ្ញា radar ៥ ទីតាំង និង ultrasonic sensor ចំនួន ១២ ទីតាំង ដែលទាំងអស់នេះ ជំនួយទៅដល់ប្រព័ន្ធជំនួយការអ្នកបើក Adas កម្រតទី ២ ។ បើនិយាយពីរូបរាង និងការឌីស្សាញវិញ ផ្តោតសំខាន់លើប្រព័ន្ធលំហូរខ្យល់ Aerodynamic ដោយផ្នែកខាងមុខមានប៉ាណាបិទជិត ជាមួយឡូហ្គោ Mazda ថ្មីនៅចំកណ្តាល ចង្កៀងមុខ-ក្រោយ LED កញ្ចក់ចំហៀងប្រើជាប្រភេទកាមេរ៉ា ក៏ដូចដៃទ្វារប្រភេទ flush-door ព្រមទាំងថាសកង់ស្ព័រទំហំ ២១អ៉ីញ ។

ចំពោះនៅផ្នែកខាងក្នុង បានឌីស្សាញបែប Minimalistic មានអេក្រង់កំសាន្ត touchscreen ទំហំដល់ទៅ ២៦,៤៥ អ៉ីញ កម្រិត 5K សម្រាប់បញ្ជាមុខងារទូទៅនៅរថយន្ត និងកុងទ័របង្ហាញលើកញ្ចក់ HUD កម្រិត 3D ទំហំ ១០០អ៉ីញ ឧបករណ៍បំពងសំលេង ២៣ ចំណុច កន្លែងសាកថ្មឥតប្រើខ្សែ រួមទាំងមុខងារសំខាន់ៗជាច្រើនទៀតផងដែរ ៕

ផ្ទាំងផ្សាយពាណិជ្ជកម្ម

Mazda បញ្ចេញ EZ-6 Sports Edition នៅចិន ត្រៀមក្រឡុកទីក្រុងម្តងទៀត!

បន្ទាប់ពីឃើញទីផ្សារនៃការលក់រថយន្តអគ្គិសនី Mazda EZ-6 របស់ខ្លួនទទួលបាននូវភាពជោគជ័យខ្លាំង ក្នុងពេលថ្មីៗនេះ ក្រុមហ៊ុនផលិតរថយន្ត Mazda បានធ្វើការប្រកាសចេញនូវជម្រើស ឬក៏ម៉ូឌែលពិសេសរបស់ខ្លួនចំនួន ១ ទៀតហើយ មានឈ្មោះថា Mazda EZ-6 Sports Edition ។

រថយន្តនេះ ត្រូវបានផលិតឡើងនៅលើគ្រោងឆ្អឹង EPA របស់ Changan មានប្រវែងតួខ្លួនសរុប ៤ ៩២១ ម.ម ទទឹង ១ ៨៩០ ម.ម កម្ពស់ ១ ៤៨៥ ម.ម និងប្រវែងគម្លាតកង់មុខ-ក្រោយ ២ ៨៩៥ ម.ម ។ វាមានចំនួន ២ជម្រើស រួមមាន EV និង EREV ដែល EV គឺអាចបើកបរបានចម្ងាយ ៤៨០ និង ៦០០ គីឡូម៉ែត្រ នៅពេលសាកថ្មពេញម្តង ចំណែក EREV វិញ អាចបើកបរបានចម្ងាយសរុបដល់ទៅ ១ ៣០១គីឡូម៉ែត្រ ឯណ្ណោះ។

សម្រាប់ការរចនារបស់ EZ-6 Sports Edition គឺមានភាពស្ព័រ និងសុីវិល័យជាង EZ-6 ធម្មតា និងត្រូវបានតុបតែង​រូបរាងផ្នែក​ខាង​ក្រៅ​ជាមួយពណ៌​ខ្មៅសម្រាប់ផ្នែកសំខាន់ៗមួយចំនួនដូចជាកង់ និងកាង។ លើសពីនេះ វាក៏មានបំពាកមកជាមួយគម្រប​ហ្វ្រាំង​ពណ៌​ក្រហមផងដែរ។ ចំណែកផ្នែកខាងក្នុងកាប៊ីនវិញ មានកៅអី Alcantara ពណ៌ខ្មៅ ខណៈផ្នែកផ្សេងៗទៀតគឺមានភាពស្រដៀងនឹង EZ-6 ធម្មតាដែរ ប៉ុន្តែមិនទាន់ប្រកាសចេញនូវតម្លៃលក់នៅឡើយនោះទេ៕

ផ្ទាំងផ្សាយពាណិជ្ជកម្ម

Toyota bZ Woodland សាកថ្ម ៣០នាទីជិះបាន ៤១៨គីឡូម៉ែត្រ រចនាផ្ដោតលើការធ្វើដំណើរកម្សាន្ដ

រថយន្ដអគ្គិសនី SUV Toyota bZ Wooland ស៊េរីឆ្នាំ 2026 ដំណើរដោយបុង២ ផលិតកម្លាំងបាន ៣៧៥សេះ សាកថ្ម DC fast-charging តែនាទី៣០ ជិះបាន ៤១៨គីឡូម៉ែត្រ មានសមត្ថភាពអូសសណ្ដោងបាន ១ ៥៨៧គីឡូក្រាម ផលិតមកជាពិសេស សម្រាប់ទីផ្សារអាមេរិកខាងជើង។

2026 Toyota bZ Woodland Arrives As A Longer, Lifestyle-Friendly SUVbZ Woodland ជារថយន្ដ SUV អគ្គិសនី ដែលត្រៀមរួចជាស្រេចសម្រាប់ការធ្វើដំណើរបែបផ្សងព្រេង ដោយរថយន្ដនេះបានរចនាមកមានកម្ពស់ពីដី ៨.៣ អុីញ សាកសមល្មមក្នុងបើកបរបែប Overland ។ រថយន្ត bZ Woodland ប្រើប្រាស់គ្រោងឆ្អឹងរួមគ្នាជាមួយនឹងរថយន្ត Subaru Trailseeker ហើយរថយន្តទាំងពីរ ម៉ូឌែលនេះមានរន្ធសាកថ្ម (NACS) ដើម្បីងាយស្រួលក្នុងសាកថ្មស្ថានីយ Superchargers របស់ Tesla សារស្ថានីយសាកថ្មល្បឿនលឿន DC fast-charging មានច្រើនកន្លែង នៅក្នុងទឹកដីអាមេរិកខាងជើង។

រថយន្ត bZ Woodland ស៊េរីឆ្នាំ ២០២៦ រចនាមករាងខុសប្លែកពីម៉ូដែលត្រកូល bZ ធម្មតា ដោយផ្នែកខាងមុខរបស់រថយន្ដនេះបានបំពាក់ជាមួយនឹងភ្លើង LED អូសកាត់ពេញទទឹងផ្នែកខាងមុខ បន្ថែមគែបកង់ពណ៍ខ្មៅ មើលទៅកាន់តែកាចនិងស្រស់ស្អាត។ ចទំហំរបស់ bZ Woodland  រាងធូលាយជាងត្រកូល bZ ធម្មតាផ្ដល់កន្លែងផ្ទុកឥវ៉ាន់បានច្រើន សាកសមសម្រាប់ការធ្វើដំណើកម្សាន្ដ។

2026 Toyota bZ Woodland: The Longer, More Powerful Electric SUV | Cars.comអ្វីកាន់តែពិសេស រថយន្ដនេះបំពាក់មកជាមួយ កាងលើដំបូល (Roof Rails) ស្រាប់ដើម្បីផ្ដល់ភាពងាយស្រួលដាក់អ្នកប្រើប្រាស់ ក្នុងការដាក់សម្ភារៈជាវ៉ាលី ឬជើងទម្រសម្រាប់កាដឹកកង់ជាដើម សាកសមបំផុតក្នុងការធ្វើដំណើរកម្សាន្ដតែម្ដង។ bZ Woodland  បំពាក់មកជាមួយថាសកង់អាលុយមីញ៉ូមទំហំ ១៨អុីញ បន្ថែមមកជាមួយសំបកកង់ All Terrain ផ្ដោតលើកបើកបរលើផ្លូវលំបាក។

The 2026 Toyota bZ Woodland Is Like L.L. Bean Boots, But a Carផ្នែកខាងក្នុងរថយន្ត Toyota bZ Woodland កៅអីស្បែក SofTex ភ្ជាប់មកជាមួយអេក្រង់កម្សាន្ដទំហំ ១៤អុីញ គាំទ្រមុខងារ Toyota Audio Multimedia អនុញា្ញតឲ្យ អ្នកអាចភ្ជាប់ទូរស័ព្ទតាមមុខងារ Bluetooth ចំនួនពីរក្នុងពេលតែមួយ និងគាំទ្រមុខងារ Apple CarPlay និង Android Auto។

បន្ថែមនៅផ្នែកខាងក្នុងរថយន្ដ ប៏បំពាក់មកជាមួយកន្លែងសាកថ្មឥតខ្សែរចំនួនពីរនៅផ្នែកខាងមុខ លេងបន្ថែមជាមួយភ្លើង ambient lighti ឧបករណ៍សំឡេង JBL ចំនួន៦គ្រាប់  សម្រាប់អ្នកចង់បានបទពិសោធន៍សំឡេងកាន់តែប្រសើរ ក៏មានកញ្ចប់ Premium មានជម្រើសបំពាក់មកជាមួយឧបករណ៍សំឡេង JBL Premium Audio ៩គ្រាប់។

2026 Toyota bZ: What We Know So Farគ្រប់ម៉ូដែលរថយន្ត Toyota bZ Woodland ទាំងអស់ប្រើប្រាស់សោរ Toyota Digital Key ភ្ជាប់មកជាមួួយមុខងារ Remote Connect អាចប្រើស្មាតហ្វូនជំនួសសោរធម្មតាបាន អាចដោះសោរ និងបញ្ឆេះរថយន្ត តាមរយៈកម្មវិធី Toyota App៕

ផ្ទាំងផ្សាយពាណិជ្ជកម្ម
1...272829...1,011ទំព័រ 28 នៃ 1,011

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com