ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 29

ឡានអគ្គិសនីសុទ្ធ Geely EX5 ស៊េរីថ្មីចុងក្រោយ ទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពីតំបន់អឺរ៉ុប E-NCAP

[បរទេស] កាលពីពេលថ្មីៗនេះ រថយន្ត Geely EX5 ស៊េរីថ្មីចុងក្រោយ ប្រើថាមពលអគ្គិសនីសុទ្ធ EV ប្រភេទ midsize-SUV បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំអឺរ៉ុប Euro NCAP ដោយទទួលបានចំណាត់ថ្នាក់ផ្កាយ ៥ ។

 

សម្រាប់ការធ្វើតេស្តសុវត្ថិភាពនេះដែរ រថយន្តអគ្គិសនីសុទ្ធ Geely EX5 បានទទួលពិន្ទុទៅលើការ៖

  • ការពរអ្នកដំណើរពេញវ័យចំនួន ៨៦ ភាគរយ
  • ការការពារអ្នកដំណើរវ័យក្មេង ៨៧ ភាគរយ
  • មុខងារជំនួយការបើកបរ និងសុវត្ថិភាព ៨៣ ភាគរយ
  • ការការពារអ្នកថ្មើរជើង ឬអ្នកធ្វើដំណើរនៅតាមដងផ្លូវចំនួន ៨៣ ភាគរយ

រថយន្ដ Geely EX5 ត្រូវបានផលិតឡើងនៅលើគ្រោងឆ្អឹង GEA platform ដំណើរការជាមួយម៉ូទ័រអគ្គិសនីចំនួន ១ អាចផលិតបាន ២១៤សេះ កម្លាំងរមួល ៣២០ញ៉ូតុនម៉ែត្រ និងជាន់ស្ទុះពីកុងទ័រ ០-១០០ គីឡូម៉ែត្រ/ម៉ោង ប្រើពេលត្រឹមតែ ៦.៩វិនាទី ។ រថយន្ដនេះបំពាក់មកជាមួយថ្មទំហំ ៦០,២ គីឡូវ៉ាត់ម៉ោង សាកថ្មមួយពេញសាកបើកបរបានចម្ងាយ ៤៣០ គីឡូម៉ែត្រគិតតាមស្ដង់ដារវាស់ចម្ងាយ (CLTC) ៕

ផ្ទាំងផ្សាយពាណិជ្ជកម្ម

Apple ដាក់ឲប្រើ Apple CarPlay Ultra នៅលើរថយន្តជាផ្លូវការហើយ!

បន្ទាប់ពីលេចឮនូវដំណឹងជាច្រើន ពេលនេះ ក្រុមហ៊ុន Apple បានប្រកាសដាក់ឲ្យដំណើរការជាផ្លូវការនូវ Apple CarPlay Ultra ដែលជាបច្ចេកវិទ្យាថ្មីរបស់ខ្លួននៅក្នុងប្រព័ន្ធព័ត៌មានកម្សាន្តសម្រាប់រថយន្តហើយ។

Apple CarPlay Ultra ត្រូវបានរចនាឡើងដើម្បីផ្ដល់បទពិសោធន៍ប្រើប្រាស់ខ្ពស់ជាងមុន ដោយវាអាចបង្ហាញព័ត៌មានមិនត្រឹមតែនៅលើអេក្រង់កម្សាន្តកណ្តាលប៉ុណ្ណោះទេ ប៉ុន្តែថែមទាំងមាននៅលើអេក្រង់ឌីជីថល និងផ្នែកផ្សេងៗនៃរថយន្តទៀតផង។

ក្នុងនោះ បច្ចេកវិទ្យាថ្មីនេះ គឺវាអាចបង្ហាញនូវទិន្នន័យសំខាន់ៗរបស់រថយន្តដូចជាសម្ពាធសំបកកង់ កម្រិតប្រេង និងស្ថានភាពជំនួយអ្នកបើកបរជាដើម។ មិនត្រឹមតែប៉ុណ្ណោះនោះទេ វាក៏អាចកែប្រែផ្ទាំងបង្ហាញ ឬពណ៌ផ្សេងៗដើម្បីឲ្យសមស្របនឹងចំណង់ចំណូលចិត្តរបស់អ្នកប្រើផងដែរ។

គួរបញ្ជាក់ថា បច្ចុប្បន្ននេះ Apple CarPlay Ultra ទើបតែអាចប្រើបាននៅលើរថយន្ត Aston Martin ដែលមានលក់នៅក្នុងទីផ្សារសហរដ្ឋអាមេរិក និងកាណាដា ប៉ុណ្ណោះ ប៉ុន្តែ Apple ក៏បានបញ្ជាក់ផងដែរថា ក្នុងពេលនេះ ពួកគេក៏កំពុងចាប់ផ្តើមធ្វើការជាមួយក្រុមហ៊ុនផលិតរថយន្តផ្សេងទៀតដូចជា Hyundai, Kia និង Genesis ដើម្បីពង្រីកនូវការចូលប្រើ CarPlay Ultra នៅក្នុងពេលអនាគតផងដែរ៕

ផ្ទាំងផ្សាយពាណិជ្ជកម្ម

ឡានអគ្គិសនី Leapmotor C10 អាប់ដេតបន្ថែម ជិះបានឆ្ងាយជាងមុន ឯតម្លៃអត់ដល់ ២មុឺនដុល្លារ

[បរទេស] ក្រុមហ៊ុនផលិតរថយន្ត Leapmotor បានធ្វើការដាក់បង្ហាញចេញនៅរថយន្តអគ្គិសនី Leapmotor C10 ស៊េរីថ្មីចុងក្រោយ ទទួលបានការអាប់ដេតបន្ថែម នៅទីផ្សារប្រទេសចិនជាមួយតម្លៃលក់ចាប់ពី ១៧ ០០០ ដុល្លារ ដល់ ១៩ ៨០០ ដុល្លារ ។

Leapmotor C10 ផលិតឡើងនៅលើគ្រោងឆ្អឹង Leap 3.0 architecture ផ្តល់នៅជម្រើសថាមពលចំនួន ២ រួមមាន

  • ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ២៩៥ សេះ ផ្គួបជាមួយអាគុយទំហំ ៧៤,៩ គីឡូវ៉ាត់ម៉ោង អាចបើកបរបានចម្ងាយ ៦០៥ គីឡូម៉ែត្រ នៅពេលសាកថ្មពេញម្តង ទទួលបានប្រព័ន្ធសាកថ្មល្បឿនលឿន 800V high-voltage system ដោយការសាកថ្មចាប់ពី ៣០-៨០% ប្រើរយៈពេល ១៦នាទីប៉ុណ្ណោះ សម្រាប់ម៉ូដែល EV
  • ដំណើរការដោយម៉ាស៊ីនសាំងចំណុះ ១,៥ លីត្រ ម៉ូទ័រអគ្គិសនីចំនួន ១ អាចផលិតកម្លាំងបាន ២២៨ សេះ ផ្គួបជាមួយអាគុយទំហំ ២៨,៤ គីឡូវ៉ាត់ម៉ោង អាចបើកបរបានចម្ងាយ ១៤០ គីឡូម៉ែត្រ ដោយប្រើថាមពលអគ្គិសនីសុទ្ធ ខណៈ នៅពេលសាកថ្មពេញ ជាមួយចាក់សាំងពេញ ៥០លីត្រ អាចបើកបរបានចម្ងាយ ១ ០២០ គីឡូម៉ែត្រ  ។

សម្រាប់ការឌីស្សាញផ្នែកខាងក្រៅ មានប៉ាណាមុខបិទជិត ចង្កៀងមុខ-ក្រោយប្រភេទ LED ព្រមទាំងថាសកង់ស្ព័រទំហំ ២០អ៉ីញ ក៏ដូចជាប្រព័ន្ធចាប់សញ្ញា LiDAR នៅខាងមុខ ។ លើសពីនេះ ក៏បានភ្ជាប់មកជាមួយប្រព័ន្ធជំនួយការអ្នកបើកបរ ADAS កម្រិតទី៣ ផងដែរ ។

ចំពោះនៅផ្នែកខាងក្នុង មានកុងទ័របង្ហាញព័ត៌មានឌីជីថលទំហំ ១០,២៥ អ៉ីញ និងអេក្រង់កំសាន្តទំហំ ១៤,៦ អ៊ីញ គាំទ្រដោយឈីប Qualcomm Snapdragon 8295 កន្លែងសាកថ្មអត់ប្រើខ្សែ ខណៈកៅអីខាមុខអាចបត់បាន ១៨០ ដឹក្រេជាដើម ៕

ផ្ទាំងផ្សាយពាណិជ្ជកម្ម

ត្រៀមលុយទុក! Mitsubishi DST អាចនឹងចេញលក់នៅចុងឆ្នាំនេះ ខណៈតម្លៃតែ ១មុឺនដុល្លារជាង

[បរទេស] ក្រុមហ៊ុនផលិតរថយន្ត Mitsubishi គ្រោងនឹងធ្វើការដាក់បង្ហាញចេញជាផ្លូវការនៅរថយន្ត Mitsubishi DST ប្រភេទ SUV ៧កៅអី នៅឯទីផ្សារប្រទេសឥណ្ឌូនេស៊ី នៅចុងឆ្នាំ ២០២៥ ជាមួយតម្លៃលក់ចាប់ពី ១១ ៦៧៦ ដុល្លារ ដល់ ១៤ ៥២០ ដុល្លារ នេះបើតាមទិន្ន័យដែលបានបង្ហាញដោយ Mitsubishi ។

គួរឲ្យដឹងថា គំរូរថយន្ត Mitsubishi DST Concept ត្រូវបានបង្ហាញខ្លួនជាលើកដំបូងនៅចុងឆ្នាំ ២០២៤ ដែលអភិវឌ្ឍឡើងផ្តោតសំខាន់សម្រាប់ទីផ្សារក្នុងតំបន់អាស៊ាន នៅលើគ្រោងឆ្អឹង unibody platform ដំណើរការដោយម៉ាស៊ីនសាមងចំណុះ ១,៥ លីត្រ អាចផលិតកម្លាំងបាន ១០៣ សេះ ភ្ជាប់ដោយប្រអប់លេខ CVT ជាមួយរបៀបបើកបរចំនួន ៥ រួមមាន Normal, Tarmac, Gravel, Mud និង Wet ។

សម្រាបការឌីស្សាញផ្នែកខាងក្រៅរបស់រថយន្តនេះ ប្រើប្រាស់ភាសារចនាឲ្យឈ្មោះថា Dynamic Shield Styling Language ជាមួយតួខ្លួនជាជ្រុង មានប៉ាណាមុខមួយផ្ទាំងធំរចនារាងជាសំបុកឃ្មុំ ចង្កៀងមុខ-ក្រោយប្រភេទ LED រាងជាអក្សរ T-shaped កញ្ចក់ចំហៀងប្រើប្រាស់ជាប្រភេទឌីជីថល ព្រមទាំងថាសកង់ស្ព័រឌីស្សាញថ្មីផងដែរ ។

ចំពោះនៅផ្នែកខាងក្នុងតុបតែងផ្តល់នៅប្រណិតភាព និងទាន់សម័យ ជាមួយកុងទ័របង្ហាញព័ត៌មាន និងអេក្រង់កំសាន្ត touchscreen ជាប្រភេទភ្លោះ រួមទាំងកុងស៊ូលកណ្តាលបែបអនាគត និងដៃចង្កូតថ្មីជាដើម ៕

ផ្ទាំងផ្សាយពាណិជ្ជកម្ម

រថយន្ដអគ្គិសនី Nissan Leaf 2026 ប្រទះឃើញកំពុងធ្វើបើកតេស្ដនៅអឺរ៉ុប

ឆ្នាំ​នេះ​ជា​ឆ្នាំ​ដ៏​លំបាក​មួយ​សម្រាប់​ក្រុមហ៊ុនជប៉ុន Nissan ទោះបី​ជួប​បញ្ហា​ហិរញ្ញវត្ថុ​បន្តិចបន្តួច ប៉ុន្តែ​បញ្ហានេះមិន​បាន​បញ្ឈប់​ពួកគេពី​ការ​បញ្ចេញ​រថយន្ដម៉ូឌែល​ថ្មីៗ​ឡើយ។ កាលថ្មីៗ​នេះ បាន​ប្រទះឃើញ​រថយន្តអគ្គិសនីប្រភេទ crossover ​បិទបាំង​​ពីរ​គ្រឿង​  បង្ហាញវត្តមាននៅសាធារណរដ្ឋ​ឆេក ​មើលទៅ​ហាក់ដូចជា​រថយន្ត​គំរូ​នៃ​រថយន្ត Leaf ដែល​នឹង​ចេញ​នា​ពេល​ខាងមុខ។

2023 - [Nissan] Leaf SUV - Page 2រថយន្ត​តេស្ត​ទាំងនោះ​ត្រូវ​បាន​គេ​ឃើញ​កាលពី​ដើម​ខែ​នេះ​នៅ​ទីក្រុង Prague ដោយ​បិទបាំងជុំវិញតួរថយ្ដ។ បើក្រឡែកមើលចង្កៀងខាងមុខនិង​កង់​យ៉ាន់​ទំហំ ១៩អុីញ​រាង​ស្ព័រ​បួន ​មើលទៅ​បែប​អនាគត គឺជា​តម្រុយ​ពិតប្រាកដ​ដែល​ធ្វើ​ឲ្យ​ទៅនិង​រថយន្ត Nissan Leaf ស៊េរីថ្មី។

រថយន្ត Nissan Leaf ជំនាន់​ទីបី ​បាន​បោះបង់​ចោល​រូបរាង​បែប hatchback របស់​ម៉ូដែល​មុនៗ ដោយ​ប្តូរ​មក​ប្រើ​រូបរាង​បែប crossover មាន​ដំបូល​រាង​ជម្រាល​វិញ។ ម៉ាកយីហោ​ជប៉ុន​នេះ​សង្ឃឹម​យ៉ាង​ច្បាស់​ថា ការ​ផ្លាស់ប្តូរ​នេះ​នឹង​ធ្វើឲ្យ Nissan Leaf កាន់តែ​ទាក់ទាញ​សម្រាប់​ទស្សនិកជន​កាន់តែ​ទូលំទូលាយ។ ហើយ​ប្រសិនបើ​បច្ចេកវិទ្យា​ខាងក្នុង​​មាន​ភាព​ទំនើប​ដូច​ការ​រំពឹង​ទុក នេះ​អាច​ជា​ការ​បោះ​ជំហាន​ដ៏​ឆ្លាតវៃរបស់ Nissan ។
Nissan's next-gen Leaf spotted testingរថយន្ត Leaf ថ្មី​នេះ​នឹង​ត្រូវ​ប្រើប្រាស់​គ្រោងឆ្អឹង AmpR Medium របស់ Nissan ជា​ស្ថាបត្យកម្ម CMF-EV ដែល​ត្រូវ​បាន​ប្តូរ​ឈ្មោះ​ថ្មី ហើយ​ត្រូវ​បាន​ប្រើប្រាស់​រួច​មក​ហើយ​លើ​រថយន្ត Nissan Ariya, Renault Megane E-Tech និង Renault Scenic E-Tech។

2026 Nissan Leaf - SCOOPS - NewCarscoops.comរថយន្តអគ្គិសនី ជំនាន់​ក្រោយ​របស់ Nissan នឹង​ភ្ជាប់​មក​ជាមួយ​ម៉ូទ័រ​អគ្គិសនី​ដែល​ដាក់​នៅ​ខាងមុខ (front-mounted)  មិនមាន​ប្រព័ន្ធ​ដំណើរការដោយបួន​កង់​និងម៉ូទ័រ​ពីរ (dual-motor AWD) ដូច​ទៅ​នឹង​រថយន្ត Ariya ​នោះ​ទេ។ តាមការរំពឹងទុក Nissan Leaf អាចនឹងបើកបរបានរយៈ​ចម្ងាយ​លើសពី ៤៨២គីឡូម៉ែត្រ។ បន្ថែម​ពី​នេះរថយន្ត​នេះ​នឹង​ក្លាយ​ជា​រថយន្ត Nissan ដំបូង​គេ​ដែល​បំពាក់​រន្ធ​សាកថ្ម NACS មានន័យ​ថា​វា​នឹង​អាច​ប្រើប្រាស់​បណ្តាញ Supercharger របស់ Tesla បាន​ជា​ការ​ផ្លាស់ប្តូរ​មួយ​ដែល​គួរតែ​ធ្វើ​ឲ្យម្ចាស់​រថយន្ត​មាន​ការ​ព្រួយបារម្ភ​តិច​ជាង​មុន​ក្នុង​ការ​ធ្វើ​ដំណើរ​ផ្លូវ​ឆ្ងាយ។

ក្រុមហ៊ុន Nissan បាន​បញ្ជាក់​ថា Leaf នឹង​មាន​លក់​នៅ​អាមេរិក​ខាងជើង ទ្វីប​អឺរ៉ុប ប្រទេស​ជប៉ុន និង​អូស្ត្រាលី។ ចំពោះព័ត៌មានចេញលក់ផ្លូវការនៅមិនទាន់បញ្ចេញជាផ្លូវការនៅឡើយទេ តែតាមប៉ាន់ស្មានរថយន្ដអាចនឹងចេញលក់ចុងឆ្នាំ ២០២៥នេះ៕

ផ្ទាំងផ្សាយពាណិជ្ជកម្ម

GWM បញ្ចេញឡាន MPV ប្រើ PHEV លំដាប់ VIP ថ្មី ដើម្បីប្រជែងឡាន MPV នៅក្នុងប្រទេសចិន

[បរទេស] ក្រុមហ៊ុនផលិតរថយន្ត GWM បានធ្វើការដាក់បញ្ចេញជាផ្លូវការនៅរថយន្តប្រភេទ MPV លំដាប់ VIP ថ្មី ប្រើថាមពល PHEV ស្ថិតក្រោយម៉ាកយីហោ Wey មានឈ្មោះថា Gaoshan 8 មានតម្លៃលក់ចាប់ពី ៤៣ ០០០ ដុល្លារ និង Gaoshan 9 មានតម្លៃលក់ ៤៩ ១០០ ដុល្លារ នៅទីផ្សារប្រទេសចិន ។

ម៉ូដែលទាំង ២ នេះ ដំណើរការដោយប្រព័ន្ធ PHEV ធ្វើការជាមួយម៉ាស៊ិនសាំងចំណុះ ១,៥ លីត្រ ជំនួយដោយ Turbocharged និងម៉ូទ័រអគ្គិសនីចំនួន ២ អាចផលិតកម្លាំងបានសរុប ៤៥២ សេះ ប្រភេទប៉ុង ២ 4WD ផ្គួបជាមួយអាគុយទំហំ ៤៤,២៨ គីឡូវ៉ាត់ម៉ោង អាចបើកបរបាន ១៧២ គីឡូម៉ែត្រ សម្រាប់ម៉ូដែល Wey Gaoshan 8 និងប្រើអាគុយទំហំ ៥១,៥៥ គីឡូវ៉ាត់ម៉ោង អាចបើកបរបាន ២០១ គីឡូម៉ែត្រ សម្រាប់ម៉ូដែល Wey Gaoshan 9 ។

សម្រាប់ផ្នែកខាងក្រៅរបស់ Gaoshan 8 និង Gaoshan 9 មានភ្ជាប់មកជាមួយប្រព័ន្ធចាប់សញ្ញា LiDAR sensor ហើយផ្នែកខាងមុខមានប៉ាណាទំហំធំ ចង្កៀងមុខ-ក្រោយប្រភេទ LED ខណៈទ្វារចំហៀងជាប្រភេទទ្វារូតបើក-បិទដោយថាមពឡអគ្គិសនី ។

ចំពោះនៅផ្នែកខាងក្នុងទទួលបានកុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ៣២អ៉ីញ គាំទ្រដោយឈីប Snapdragon 8295 ក៏ដូចជាកុងទ័របង្ហាញលើកញ្ចក់ HUD ទំហំ ២៦ អ៉ីញ កន្លែងសាកថ្មឥតខ្សែ ។ លើសពីនេះ ជួរទី ២ មានកៅអី captain-seat ចំនួន ២ ដាច់ពីគ្នា ព្រមទាំងមានអេក្រង់កំសាន្ត touchscreen ទំហំ ១៧,៣ អ៉ីញផងដែរ ។ គួរបញ្ជាក់ផងដែរថា សម្រាប់ម៉ូដែលទាំង ២ នេះ ចំនុចដែលខុសគ្នាគឺទំហំ ដោយ Gaoshan 9 ធំជាង Gaoshan 8 ក្រៅពីនឹងដូចគ្នាទាំងអស់ ៕

ផ្ទាំងផ្សាយពាណិជ្ជកម្ម

GM នឹងផលិតឡាន EV ដែលមានតម្លៃថោកជាមួយថ្មថ្មីរបស់ខ្លួនក្នុងពេលឆាប់ៗនេះ!

ក្រុមហ៊ុន General Motors (GM) និង LG Energy បានប្រកាសជាផ្លូវការថា ពួកគេនឹងប្រកាសចាប់ដៃគ្នាដើម្បីអភិវឌ្ឍន៍ថ្មថ្មីមួយឈ្មោះថា Lithium Manganese Rich (LMR) ដែលមានរូបរាងបែប prismatic សម្រាប់ប្រើប្រាស់នៅក្នុងរថយន្តអគ្គិសនីអនាគតរបស់ខ្លួន។

ក្នុងនោះ ការផលិតថ្មថ្មីនេះ គ្រោងនឹងចាប់ផ្តើមនៅឆ្នាំ ២០២៨ ខាងមុខនេះ ជាមួយគោលបំណងបង្កើតរថយន្តអគ្គិសនីដែលមានតម្លៃសមរម្យអាចបើកបានចម្ងាយឆ្ងាយ ជាមួយនឹងថ្មដែលមានតម្លៃថោកជាងមុន ប៉ុន្តែមានសមត្ថភាពខ្ពស់ជាងមុន។

លើសពីនេះ GM ក៏បានអះអាងផងដែរថា ថ្ម LMR នេះ គឺមានដង់ស៊ីតេថាមពលខ្ពស់ជាងថ្មប្រភេទ LFP ដល់ទៅ ៣៣% ឯណ្ណោះ ដែលអាចជួយឱ្យរថយន្តអគ្គិសនីបើកបានចម្ងាយជាង ៤០០ ម៉ាយ ឬជាង ៦៤០ គីឡូម៉ែត្រ នៅពេលសាកពេញម្តង៕

ផ្ទាំងផ្សាយពាណិជ្ជកម្ម

Xpeng បង្ហាញគម្រូរថយន្ដអគ្គិសនីថ្មី ត្រៀមប្រជែងជាមួយ Tesla

ក្រុមហ៊ុន Xpeng Motors បាន​បញ្ចេញ​រូបភាព​គម្រូ (teaser) របស់​រថយន្តអគ្គិសនីម៉ូឌែល ​E29 ​ដែលនឹងបង្ហាញខ្លួនជាផ្លូវការនៅពេលខាងមុខនេះ។ រថយន្ត​នេះ​ត្រូវ​បាន​គេ​រំពឹង​ថា​នឹង​ដាក់​លក់​នៅ​ពាក់កណ្តាល​ឆមាសទីពីរ​នៃ​ឆ្នាំ ២០២៥ ហើយ​នឹង​នាំ​មក​នូវ​ការ​ផ្លាស់ប្តូរ​ច្រើន រចនា​​ផ្តោត​លើ​រូបរាង​កាន់តែទាក់ទាញ  ហើយមានសមត្ថភាពខ្ពស់​ជាង​រថយន្ត sedan បច្ចុប្បន្ន​របស់ខ្លួន។

Xpeng E29 ត្រូវ​បាន​រចនា​ដោយ​លោក Rafik Ferrag ដែល​ធ្លាប់​ធ្វើការ​លើ​រថយន្ត Xpeng P7 ក្រោយគាត់បាន​ចូលរួម​ជាមួយក្រុមហ៊ុន Xpeng ក្នុង​ឆ្នាំ ២០១៨ ។ ចំពោះលក្ខណៈ​ពិសេស​នៃរថយន្ដនេះមិនទាន់បានបង្ហាញជាផ្លូវការ​នៅឡើយទេ។ បើមើលតាមរូបភាពគម្រូ រថយន្ត​នេះ​រចនាបែប fastback អ្វីដែលចាប់អារម្មណ៍គឺស្ដុបខាងក្រោយរចនាបែបបញ្ឍរលេងជាមួយបន្ទាត់អូសគាត់​ពេញ​ទទឹងផ្នែកខាងក្រោយ បន្ថែមមកជាមួយដៃ​ទ្វារ​លឹប​ចូល​តួ​រថយន្ត កញ្ចក់​ចំហៀង​គ្មាន​ស៊ុម និង​ spoiler  ​ខាងក្រោយ​​អាច​បត់​បាន។ ការ​រចនា​ផ្នែក​ខាងមុខ និង​ខាងក្រោយ​មាន​ភាព​ស្រដៀង​គ្នា​នឹង P7+ ដែល​បាន​ដាក់​លក់​ក្នុង​ឆ្នាំ ២០២៤ ទោះបីជា E29 បន្ថែម​ធាតុ​រចនា​មួយ​ចំនួន ​ដើម្បី​កែលម្អ​ប្រព័ន្ធលំហូរខ្យល់ (aerodynamic performance) ។

ព័ត៌មាន​លម្អិត​ផ្នែក​ខាងក្នុង​មិន​ទាន់​ត្រូវ​បាន​បង្ហាញ​ជា​ផ្លូវការ​នៅ​ឡើយ​ទេ។ ទោះជា​យ៉ាងណា យោងតាមរូបភាពបែកធ្លាយ រថយន្ដនេះបានបំពាក់មកជាមួយអេក្រង់​កម្សាន្ដធំនៅកណ្ដាល ចង្កូត​បែបស្ព័រ បន្ថែមមកជាមួយ​ប៊ូតុង​បញ្ជា​រាង​មូល។ រថយន្ត E29 ត្រូវ​បាន​គេ​រំពឹង​ថា​នឹង​បំពាក់​នូវ​ប្រព័ន្ធបញ្ជា​ជំនាន់​ចុងក្រោយ​របស់ Xpeng គឺ Xmart OS 2.0 ​គាំទ្រ​ការ​បញ្ជា​ដោយ​សំឡេង និង​អាច​រួមបញ្ចូល augmented reality head-up display។

រថយន្ដនេះ​ក៏​អាច​នឹង​មាន​ប្រព័ន្ធ​ជំនួយ​អ្នកបើកបរ​កម្រិត​ខ្ពស់ (ADAS) ដំណើរការ​ដោយ​បន្ទះ​ឈីប​​សិប្បនិម្មិត Turing ជំនាន់​ក្រោយ​របស់ Xpeng ខុស​ពី​ម៉ូដែល​បច្ចុប្បន្ន​មួយ​ចំនួន​របស់​ក្រុមហ៊ុន​ដែល​ប្រើប្រាស់​ប្រព័ន្ធ​ផ្អែក​លើ lidar ។ ចំពោះព័ត៌មានពីកម្រិតសមត្ថភាពរបស់រថយន្ដនេះ មិនទាន់បានបង្ហាញជាផ្លូវការនៅឡើយទេ។

រថយន្ត E29 គម្រូដែល​បិទបាំង​ខ្លួន (camouflaged) ត្រូវ​បាន​គេ​ឃើញ​កំពុង​ធ្វើ​តេស្ត​លើ​ផ្លូវ​ក្នុង​ប៉ុន្មាន​ខែ​ថ្មីៗ​នេះ។ លោក He Xiaopeng នាយក​ប្រតិបត្តិ​របស់ Xpeng ត្រូវ​បាន​គេ​ថត បានពេល​កំពុង​សាកល្បង​បើកបរ​រថយន្ត​មួយ​ក្នុង​ចំណោម​រថយន្ត​ទាំងនោះ​នា​ពេល​ថ្មីៗ​នេះ។ កាលពីខែ​កុម្ភៈ ក្រុមហ៊ុន​បាន​ដាក់​ពាក្យ​ស្នើសុំ​ចុះបញ្ជី​ពាណិជ្ជសញា្ញ សម្រាប់​ឈ្មោះ “P7 Ultra” ដែល​នៅ​តែ​ស្ថិត​ក្រោម​ការ​ពិនិត្យ៕

ផ្ទាំងផ្សាយពាណិជ្ជកម្ម

Toyota C-HR បង្ហាញវត្តមានឡើងវិញនៅសហរដ្ឋអាមេរិក ប្រើអគ្គិសនីសុទ្ធ EV ឯតម្លៃខ្ទង់ ៣មុឺនដុល្លារ

[បរទេស] បន្ទាប់ពី ៣ ឆ្នាំ ដែលខកខានបង្ហាញខ្លួននៅទីផ្សារសហរដ្ឋអាមេរិក ពេលនេះ Toyota បាននាំយកម៉ូដែល C-HR ស៊េរីថ្មីចុងក្រោយ ប្រើថាមពលអគ្គីសនីសុទ្ធ មកកាន់ទីផ្សារនេះឡើងវិញ ជាមួយតម្លៃលក់រំពឹងចាប់ពី ៣៥ ០០០ ដុល្លារ ខណៈការចេញលក់ត្រូវរងចាំដល់ឆ្នាំ ២០២៦ ។

Toyota C-HR ត្រូវបានផលិតឡើងនៅលើគ្រោងឆ្អឹង e-TNGA 2.0 platform ដូចគ្នាទៅនឹងម៉ូដែល Toyota bZ ដែលបានប្តូរឈ្មោះពី bZ4X ហើយផ្តល់នៅជម្រើសថាមពលចំនួន ១ ប៉ុណ្ណោះ ពោលគឺដំណើរការដោយម៉ូទ័រអគ្គិសនីចំនួន ២ អាចផលិតកម្លាំងបាន ៣៣៨ សេះ ផ្គួបជាមួយអាគុយទំហំ ៧៧ គីឡូវ៉ាត់ម៉ោង សាកថ្មពេញម្តង ជិះបាន ៤៦៧គីឡូម៉ែត្រ គាំទ្រការសាកថ្មល្បឿនលឿនរបស់ Tesla Supercharger អាចសាកបានពី ១០-៨០% ប្រើរយៈពេលខ្ទង់ ៣០នាទី ។

សម្រាប់រូបរាង និងការឌីស្សាញផ្នែកខាងក្រៅរបស់រថយន្តប្រភេទ Crossover នេះ ស្រដៀងគ្នាទៅម៉ូដែល Toyota bZ ឆ្នាំ ២០២៦ ដោយផ្នែកខាងមុខប៉ាណាបិទជិត ជាមួយរន្ធខ្យល់ខាងក្រោមទំហំធំ ជំនួយទៅដល់ប្រព័ន្ធលំហូរខ្យល់ aerodynamic ក៏ដូចជាចង្កៀងបំភ្លឺផ្លូវ LED មុខងារទម្លើង-ទម្លាក់ហ្វាកូតអូតូ ព្រមទាំងមានជម្រើសថាកសង់ស្ព័រទំហំ ១៨ ដល់ ២០ អ៉ីញ និងចង្កៀងក្រោយ LED អូសកាត់​ពីផ្នែកម្ខាងទៅផ្នែកម្ខាង ។

ចំពោះនៅផ្នែកខាងក្នុងវិញ ក៏មានការតុបតែងស្រដៀងទៅនឹងម៉ូដែល Toyota bZ ផងដែរ ដោយទទួលបានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ទំហំ ១៤ អ៉ីញ អាចប្រើមុខងារ Apple CarPlay/Android Auto រួមទាំងកន្លែងសាកថ្មឥតប្រើខ្សែចំនួន ២ ទីតាំង ហ្វ្រាំងដៃអេឡិចត្រូនិច ជាមួយមុខងារ Auto Hold ក៏ដូចជាប្រព័ន្ធកាមេរ៉ា ៣៦០ដឺក្រេ ។ លើសពីនេះ ក៏មានភ្ជាប់មកជាមួយប្រព័ន្ធជំនួយការអ្នកបើកបរ Toyota Safety Sense 3.0 ជំនាន់ចុងក្រោយផងដែរ ៕

ផ្ទាំងផ្សាយពាណិជ្ជកម្ម

ម្ចាស់រថយន្ត Xiaomi SU7 Ultra ផុសទាមទារ​សំណង​ ពាក់ព័ន្ធ​នឹង​ភាពចម្រូងចម្រាស​លើ​បញ្ហាគម្រប​ម៉ាស៊ីន​

ម្ចាស់ និងអ្នកបញ្ជាទិញទុកមុន រាប់រយនាក់នៃរថយន្ត Xiaomi SU7 Ultra បានផុសទាមទារសំណង បន្ទាប់ពីឃើញថា គម្របម៉ាស៊ីនកាបូនហ្វៃបឺរ ដែលមានរន្ធខ្យល់ពីរ ជាជម្រើសបំពាក់បន្ថែមហើយចំណាយលុយអស់ ៤២ ០០០ យ័ន ស្មើនិង ៥ ៨០០ ដុល្លារ  ហាក់ដូចជាគ្រាន់តែជាគ្រឿងលម្អជាជាងមានមុខងារជំនួសដល់រថយន្ដដូចអ្វី ដែលក្រុមហ៊ុនបានផ្សាយពាណិជ្ជកម្មដំបូង។

Xiaomi's new 1,527bhp SU7 Ultra wants the Taycan Turbo GT's 'Ring record | Top Gearភាពចម្រូងចម្រាសនេះបានផ្ទុះឡើងនៅដើមខែឧសភា ឆ្នាំ ២០២៥ នៅពេលដែលអ្នកធ្វើមាតិកា  អំពីយានយន្តបានធ្វើតេស្តទៅលើ “គម្របម៉ាស៊ីនកាបូនហ្វៃបឺររន្ធខ្យល់ពីរ” ក្រោយក្រុមហ៊ុន Xiaomi បានផ្សព្វផ្សាយថាជា “ការរចនាសម្រាប់ការបញ្ចុះក្ដៅ ដូចកម្រិតរថយន្ដលើទីលានប្រណាំង”។

ការធ្វើតេស្តបានបង្ហាញថា រន្ធខ្យល់ទាំងនោះមិនបានបង្កើតផលប៉ះពាល់នៃលំហូរខ្យល់ឡើយ ដោយអ្នកធ្វើមាតិកាអំពីយានយន្តនោះបានបង្ហាញថា ក្រដាសជូតមាត់ដែលដាក់នៅជិតរន្ធខ្យល់ មិនបានបង្ហាញសញា្ញ នៃការកម្រើកណាមួយឡើយ នៅពេលដែលកង្ហារត្រូវបានដាក់ចំពីមុខគម្របម៉ាស៊ីន។

SU7 Ultra Controversy Hundreds of Owners Demand Refunds from Xiaomiការស៊ើបអង្កេតបន្ថែមបានបង្ហាញថា គម្របម៉ាស៊ីននេះមិនបានជួយឲ្យ ប្រព័ន្ធហ្វ្រាំងឲ្យត្រជាក់បានល្អទេ ហើយក៏មិនបានផ្តល់នូវ downforce ដែលអ្នកប្រើប្រាស់រំពឹងទុកដោយដូចអ្វីដែលផ្សព្វផ្សាយនោះទេ។

ជាការឆ្លើយតបរបស់ក្រុមហ៊ុន Xiaomi Motors បាន​ចេញ​សេចក្តី​ថ្លែងការណ៍​សុំទោស​ជា​សាធារណៈ។ ក្រុមហ៊ុន​បាន​បញ្ជាក់បន្ថែម​ថា គម្រប​ម៉ាស៊ីន​កាបូន​ហ្វៃបឺរ​នេះ​ត្រូវ​បាន​រចនា​ឡើង​ជា​ចម្បង​ ដើម្បី​ចម្លង​តាម​រូបរាង​របស់​រថយន្ត​គំរូ ជាប្រព័ន្ធ​លំហូរ​ខ្យល់​មួយ​ផ្នែក និង​ការ​ជួយ​ដល់​ការ​ត្រជាក់​ផ្នែក​ខាងមុខ។

ក្រុមហ៊ុន Xiaomi បាន​ពន្យល់​ថា នៅក្នុង​ផែនការ​ផលិត​ដំបូង​បំផុត​របស់​ពួកគេ​សម្រាប់ SU7 Ultra ពួកគាត់​មិន​មាន​បំណង​បញ្ចូល​ជម្រើស​គម្រប​ម៉ាស៊ីន​កាបូន​ហ្វៃបឺរ​នេះ​ទេ ដោយសារ​រថយន្ត​នេះ​មានលក្ខណៈសម្បត្តិ សម្រាប់​ទីលាន​ប្រណាំង​អាជីព​រួច​ទៅ​ហើយ។

ក្រុមហ៊ុន Xiaomi បាន​ប្រកាស​ពី​កញ្ចប់​សំណងជូនអតិថិជន៖  ដោយអតិថិជន​ដែល​មាន​ការ​បញ្ជា​ទិញ​រថយន្ដទុកមុន អាច​ប្តូរ​ទៅ​ប្រើ​គម្រប​ម៉ាស៊ីន​អាលុយមីញ៉ូម​ស្តង់ដារ ខណៈម្ចាស់​បច្ចុប្បន្ន នឹង​ទទួល​បាន ២០,០០០ ពិន្ទុ​រង្វាន់ (តម្លៃ ២,០០០ យ័ន ឬ ២៧៥ ដុល្លារ​អាមេរិក)៕

ផ្ទាំងផ្សាយពាណិជ្ជកម្ម
1...282930...1,011ទំព័រ 29 នៃ 1,011

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com