ក្នុងការឆ្លើយតបនឹងនិន្នាការចុងក្រោយនៃឧស្សាហកម្មរថយន្តអគ្គិសនី ក្រុមហ៊ុន Mazda បានប្រកាសចាប់ដៃគូជាផ្លូវការជាមួយនឹងក្រុមហ៊ុនផលិតអាគុយដ៏ធំបំផុតរបស់ពិភពលោក CATL ដើម្បីពង្រឹងសមត្ថភាពផលិតរថយន្តអគ្គិសនីនៅក្នុងប្រទេសចិនរបស់ខ្លួន។ ក្នុងនោះ ការសហការនេះ ត្រូវបានធ្វើឡើងតាមរយៈក្រុមហ៊ុន Changan Mazda ដែលជាក្រុមហ៊ុនរួមគ្នាបង្កើតនៅក្នុងប្រទេសចិន។
ចំពោះកិច្ចសហការនេះ នឹងផ្តោតលើការអភិវឌ្ឍរថយន្តអគ្គិសនីថ្មី ដោយប្រើប្រាស់នូវគ្រោងឆ្អឹឹង CIIC (Cell to Chassis) ដែលជាបច្ចេកវិទ្យាច្នៃប្រឌិតថ្មីរបស់ CATL ដើម្បីបង្កើនប្រសិទ្ធភាពក្នុងការផលិត និងអភិវឌ្ឍរថយន្តថ្មីៗរបស់ Mazda សម្រាប់ប្រកួតប្រជែងនៅក្នុងទីផ្សារប្រទេសចិន និងអន្តរជាតិ។
មិនត្រឹមតែប៉ុណ្ណោះ ក្រុមហ៊ុនមួយនេះក៏នឹងវិនិយោគជាង ១០ ពាន់លានយន់ (ប្រហែល ១,៣៨លានដុល្លារ) ដើម្បីពង្រីកអាជីវកម្មរថយន្តរបស់ខ្លួននៅក្នុងប្រទេសចិនផងដែរ ជាមួយគោលដៅផលិតរថយន្តចំនួន ៣០០ ០០០ គ្រឿង ក្នុងឆ្នាំ ២០២៧ ដែលក្នុងនោះរួមបញ្ចូលនូវរថយន្តអគ្គិសនី និងកូនកាត់ចំនួន ៩០ភាគរយ៕
រថយន្ត IM L6 ជំនាន់ថ្មីគឺជារថយន្តប្រភេទ sedan អគ្គិសនីលំដាប់ខ្ពស់ ដែលផ្តោតលើដំណើរការផាសុខភាព និងបច្ចេកវិទ្យាទំនើប។ លក្ខណៈពិសេសសំខាន់ៗរួមមាន បំពាក់មកជាមួយប្រព័ន្ធបើកបរប៉ុង ដំណើរកាេដោយម៉ូទ័រអគ្គិសនីចំនួនពីរ (dual-motor all-wheel drive) អាចមានកម្លាំង ៧៨៧សេះ និងជាន់ស្ទុះពីកុងទ័រ ០-១០០ គីឡូម៉ែត្រក្នុងមួយម៉ោងក្នុងពេល ២.៧៤ វិនាទី និងល្បឿនអតិបរមា ៣០៨គីឡូម៉ែត្រក្នុងមួយម៉ោង។
បន្ថែមពីនេះរថយន្ដ IM L6 ជំនាន់ថ្មី បានបំពាក់មកជាមួយលក្ខណៈពិសេសជាច្រើនទៀតដូចជា៖ 
រថយន្ដ Smart #5 ដែលមានលក់នៅទីក្រុងហុងកុងមាន ៤ ជម្រើសគឺ Pro, Premium, Brabus និង Summit Edition ជាមួយនឹងតម្លៃលក់ប្រហែល ៣៧ ១០០ ដុល្លារអាមេរិក។ ម៉ូឌែលនេះត្រូវបានគេរំពឹងថានឹងដាក់លក់ជាផ្លូវការនៅប្រទេសម៉ាឡេស៊ីនៅពាក់កណ្តាលឆមាសទីពីរនៃឆ្នាំនេះ។
រថយន្ត Smart #5 គឺជាម៉ូដែលដែលថ្លៃបំផុតក្នុងចំណោមម៉ូដែលទាំងបី ដោយដាក់លក់ក្នុងតម្លៃប្រហែល ៣៧ ១០០ ដុល្លារអាមេរិក។ ក្រុមហ៊ុនផលិតរថយន្ត EV បានឲ្យដឹងថា រថយន្ត Smart #5 គឺជារថយន្ត SUV ខ្នាតកណ្តាលលំដាប់ខ្ពស់ដំបូងគេរបស់ម៉ាកយីហោ Smart ដែលត្រូវបានរចនាឡើងដើម្បីប្រើប្រាស់លើសពីតំបន់ទីក្រុង៕
ប្រសិនបើកិច្ចព្រមព្រៀងមួយដំណើរការទៅមុខ ក្រុមហ៊ុន Toyota អាចទាញយកប្រយោជន៍ពីទ្រព្យសកម្ម និងចំណេះដឹងក្នុងស្រុករបស់ Neta ដើម្បីពន្លឿនការដាក់ចេញរថយន្ត EV របស់ខ្លួននៅប្រទេសចិន។ ទោះជាយ៉ាងណា នាយកផ្នែកទំនាក់ទំនងរបស់ក្រុមហ៊ុន Toyota នៅចិន លោក Xu Yiming បានបដិសេធព័ត៌មានចចាមអារ៉ាមទាំងនោះថា«យើងមិនទាន់បានឮអ្វីអំពីរឿងនេះទេ»។
ក្រុមហ៊ុន Geely Auto និង Jameel Motors បានចុះកិច្ចព្រមព្រៀងមួយដើម្បីចែកចាយរថយន្តថាមពលថ្មី (new energy vehicles) នៅប្រទេសប៉ូឡូញកាលពីថ្ងៃទី ៨ ខែឧសភា។ រថយន្ដពីរម៉ូឌែល នឹងមានវត្តមាននៅទីផ្សារប្រទេសប៉ូឡូញគឺរថយន្ត អគ្គិសនី Geely EX5 និងម៉ូឌែល C-SUV មិនទាន់បញ្ចេញឈ្មោះជាផ្លូវការទេ ដោយដំណើរការប្រព័ន្ធ Plug-in Hybrid។
យោងតាមសេចក្តីប្រកាសព័ត៌មានដែលចែករំលែកដោយក្រុមហ៊ុនទាំងពីរ Geely Auto នឹងផ្តល់ជូននូវរថយន្តប្រភេទ NEV របស់ខ្លួនដល់អតិថិជនប៉ូឡូញ។ យោងតាមក្រុមហ៊ុន Geely ការលក់រថយន្ត BEV របស់ប្រទេសប៉ូឡូញបានកើនឡើង ៤១% នៅក្នុងខែកុម្ភៈ ឆ្នាំ២០២៥។ រថយន្តដំបូងដែលនឹងចូលទៅកាន់ប្រទេសប៉ូឡូញគឺរថយន្តប្រភេទ Geely EX5 អគ្គិសនី នឹងចាប់ផ្តើមលក់នៅក្នុងត្រីមាសទី ៣ ឆ្នាំ ២០២៥។
មិនមានព័ត៌មានផ្លូវការអំពីរថយន្តម៉ូដែលទីពីររបស់ Geely សម្រាប់ប្រទេសប៉ូឡូញនៅឡើយទេ។ ទោះជាយ៉ាងណា យើងដឹងថាវាជារថយន្តប្រភេទ C-SUV ប្រភេទ Plug-in Hybrid ។ តាមការរំពឹងទុករថយន្ដ Geely Galaxy Starship 7 EM-i ទំនងជានឹងក្លាយជារថយន្តម៉ូឌែលទីពីររបស់ Geely ដាក់លក់នៅប្រទេសប៉ូឡូញ៕
