ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 4

Honda ចង់ប្តូរផែនការផ្តោតលើរថយន្ត EV ហើយងាកមកអភិវឌ្ឍន៍រថយន្ត Hybrid វិញ

[បរទេស] ឧស្សាហកម្មរថយន្តអគ្គិសនីនៅសហរដ្ឋអាមេរិកកំពុងប្រឈមមុខនឹងការលំបាក ដោយសារការលក់មិនរីកចម្រើនខ្លាំង ហើយការលើកទឹកចិត្តពន្ធសហព័ន្ធនឹងត្រូវផ្អាកក្នុងពេលឆាប់ៗនេះ កត្តានេះបានធ្វើឲ្យក្រុមហ៊ុនផលិតរថយន្តជាច្រើនពិចារណាឡើងវិញនៅផែនការរថយន្តអគ្គិសនីរបស់ពួកគេ ជាពិសេសគឺក្រុមហ៊ុន Honda ហាក់ដូចជាបានបញ្ឈប់ការផលិតរថយន្តអគ្គិសនី EV មួយចំនួនផងដែរ។

ក្នុងនោះ ក្រុមហ៊ុន Honda ធ្លាប់បាននិយាយថា ខ្លួននឹងបញ្ចេញរថយន្តអគ្គិសនី EV ចំនួន ៧ម៉ូដែលនៅក្នុងឆ្នាំ ២០៣០ ប៉ុន្តែវាមិនទាន់ច្បាស់ថាតើរថយន្តទាំងនោះកំពុងស្ថិតក្នុងការអភិវឌ្ឍន៍ ឬយ៉ាងណានោះទេ ដោតសារ Honda កំពុងផ្លាស់ប្តូរផ្តោតរសំខាន់ទៅកាន់រថយន្តកូនកាត់ Hybrid សម្រាប់ទីផ្សារសហរដ្ឋអាមេរិក។

គួរឲ្យដឹងថា រថយន្តអគ្គិសនីសុទ្ធប្រភេទ SUV របស់ Honda ដែលគ្រោងនឹងចេញលក់នៅឆ្នាំ ២០២៧ ក៏ត្រូវបានផ្អាក ហើយក្រុមហ៊ុនផលិតរថយន្តជប៉ុនក៏បានកាត់បន្ថយការចំណាយដែលបានគ្រោងទុកលើរថយន្តអគ្គិសនីរហូតដល់ឆ្នាំ ២០៣០ វិញ នេះយោងតាមគេហទំព័រ Nikkei Asia ។

ជាមួយគ្នានេះ មូលនិធិអភិវឌ្ឍន៍រថយន្តអគ្គិសនីរបស់ក្រុមហ៊ុន Honda នឹងត្រូវកាត់បន្ថយពី ៦៨,៦ ពាន់លានដុល្លារ ទៅ ៤៨ ពាន់លានដុល្លារ តែទោះជាយ៉ាងណាក៏ដោយ Honda នៅតែគ្រោងនឹងចេញលក់រថយន្តអគ្គិសនី EV ប្រភេទ Sedan និងប្រភេទ SUV ស្ថិតក្រោមត្រកូល 0 Series ដែលរំពឹងទុកនៅឆ្នាំ ២០២៦ ៕

ផ្ទាំងផ្សាយពាណិជ្ជកម្ម

Zeekr 9X PHEV មានកម្លាំង ១ ៣៨១សេះ បើកទទួលការបញ្ជាទិញទុកមុននៅខែសីហា

រថយន្ដ Zeekr 9X ប្រភេទ PHEV  ដ៏ល្បីល្បាញរបស់ Geely Group បានបង្ហាញខ្លួនបង្អួតសម្រស់ជាផ្លូវការ នៅក្នុងប្រទេសចិន មុនពេលចាប់ផ្តើមការទទួលការបញ្ជាទិញទុកមុន (presales) នៅចុងខែសីហាខាងមុខនេះ។

រថយន្ត SUV ប្រភេទ Crossover ៦កៅអី Zeekr 9X មានសមត្ថភាពអាចផលិតកម្លាំងដល់ ១ ៣៨១សេះ ហើយអាចជាន់ស្ទុះពីកុងទី ០ ទៅ ១០០គីឡូម៉ែត្រក្នុងមួយម៉ោង ចាយពេលត្រឹមតែ ៣.១វិនាទី និងអាចបើកបរបានរយៈចម្ងាយសរុបបានជាង ១ ០០០គីឡូម៉ែត្រ។ ចំពោះទំហំរូបរាងនៅផ្នែកខាងក្រៅ រថយន្ដនេះមានប្រវែងតួខ្លួនសរុប ៥ ២៣៩មម ទឹទឹង ២ ០២៩មម និងកម្ពស់ ១ ៨១៩មម។

រថយន្ដមួយនេះនឹងចេញក្រុឡុកទីផ្សារចិននៅត្រីមាសទី ៣ ឆ្នាំនេះ ហើយវាក៏ជាម៉ូឌែលទី៨ របស់ម៉ាកយីហោ Zeekr ។ រថយន្ដ មួយនេះនឹងក្លាយជារថយន្ដ ម៉ូឌែលដំបូងគេផលិតឡើងបំពាក់មកជាមួយគ្រោងឆ្អឹង SEA-S និងគ្រាំទ្រប្រព័ន្ធនេះបច្ចេកវិទ្យា SEA Hybrid (Haohan Hybrid)។ Zeekr 9X នឹងត្រូវប្រជែងជាមួយដៃគូខ្លាំងគឺ រថយន្ដ BYD Yangwang U8 ។ ព័ត៌មានបន្ថែមអំពី Zeekr 9X ត្រូវបានបង្ហាញក្នុងអំឡុងពេលនៃការបង្ហាញជាផ្លូវការ។

Zeekr 9X បានបំពាក់មកជាមួយអាគុយ Freevoy ផលិតដោយក្រុមហ៊ុន CATL ទំហំ ៧០គីឡូវ៉ាត់ម៉ោង ប្រើអគ្គិសនីសុទ្ធបានដល់ ៣៨០គីឡូម៉ែត្រ គិតតាមស្ដង់ដារវាស់ចម្ងាយ CLTC ជាពិសេសគាំទ្រការសាកថ្ម 6C 900V អាចសាកពី ២០% ទៅ ៨០% ប្រើពេលត្រឹមតែ ៩នាទី។ សម្រាប់ទំហំអាគុយ ៧០គីឡូវ៉ាត់ម៉ោង  របស់ Zeekr 9X គឺជាកញ្ចប់អាគុយដ៏ធំបំផុតមួយដែលត្រូវបានប្រើប្រាស់លើរថយន្តប្រភេទ PHEV សម្រាប់អ្នកដំណើរ បើបៀបជាមួយ BYD Yangwang U8 បំពាក់មកជាមួយកញ្ចប់អាគុយទំហំ ៤៩គីឡូវ៉ាត់ម៉ោង។

Zeekr 9X ដំណើរដោយម៉ាស៊ីនសាំងចំណុះ 2.0 turbocharged អាចផលិតកម្លាំងបាន ២៧៥សេះរួមបញ្ចូលជាមួយម៉ូទ័រអគ្គិសនី Silicon Carbide ចំនួន៣ អាចផលិតកម្លាំងសរុប ១ ៣៨១សេះ។ យោងតាមការបញ្ជាក់ពីក្រុមហ៊ុន Zeekr កម្លាំងរបស់រថយន្តនេះគឺស្មើនិងកម្លាំងឡានម៉ាស៊ីនសាំង V12 ចំនួន ៣គ្រឿង។ រថយន្ត Zeekr 9X អាចបង្កើនល្បឿនដល់ ១០០ គីឡូម៉ែត្រក្នុងមួយម៉ោងចាយពេលតែ ៣.១ វិនាទី និងអាចបើកបរ ល្បឿនអតិបរមារ ២៤០ គីឡូម៉ែត្រក្នុងមួយម៉ោង។

ZEEKR 9X เอสยูวีเรือธงตัวใหม่ มีทั้งEV และ PHEV ที่วิ่งโหมดไฟฟ้าไกลถึง 380 กม. เปิดตัวในงาน Auto Shanghai 2025 - AutoStationចំណុចពិសេសមួយទៀតរបស់ Zeekr 9X គឺបំពាក់មកជាមួយបូមខ្យល់ Dual-Chamber ជាមួយនឹងប្រព័ន្ធទប់លំនឹង Dual-Valve CDC ។ ការរួមបញ្ចូលគ្នានេះអនុញ្ញាតឲ្យអ្នកបើកបរ តំឡើងកម្ពស់តួរថយន្តបានផុតពីបាតដីកម្ពស់ខ្ពស់បំផុត ២៨៨មម។ មុខងារបូមខ្យល់នេះអាចលើកកម្ពស់រថយន្តបាន ៣០មម ចំណាយពេលតែ ៧វិនាទី។

អ្វីកាន់តែពិសេសតួរថយន្ត 9X បំពាក់មកជាមួយរបារទប់លំនឹង 48V Active Stabilizer Bar ជួយកាត់បន្ថយការឃ្លោងនៅពេលបត់បែន បន្ថែមពីនេះវាក៏បំពាក់មកជាមួយប្រព័ន្ធ AI ដំណើរការជាមួយបូម ជួយរថយន្តបើកបរបានល្អនៅលើផ្លូវរលាក់។ តួរថយន្តរនេះ ត្រូវបានផលិតឡើងពីដែកថែបដែលមានកម្លាំងខ្ពស់ និងអាលុយមីញ៉ូម ៩១%។

Zeekr's First Hybrid Looks Like A Cut-Price Rolls-RoyceZeekr 9X ម៉ូឌែលកំពូលនឹងប្រើប្រាស់ប្រព័ន្ធជំនួយការបើកបរ G-Pilot H9 គាំទ្រដោយឧបករណ៍ចាប់សញ្ញា LiDAR ចំនួន ៥គ្រាប់ និងឈីប Nvidia Drive Thor ចំនួន២ មានសមត្ថភាពគណនាថាមពល ១ ៤០០ TOPS ។ ម៉ូឌែល 9X កម្រិតដំបូងនឹងផ្តល់ជូនប្រព័ន្ធជំនួយការបើកបរ G-Pilot H7 មានឈីបតែមួយ ជាមួយសមត្ថភាពគណនាថាមពលត្រឹម ៧០០ TOPS ។

ផ្នែកខាងក្នុងរបស់ Zeekr 9X រចនាមកបែប 2+2+2 បំពាក់មកជាមួយកៅអីចំនួន៦។ កៅអីជួរទីបានឌីស្សាញបែប Captain Chair មានកន្លែងដាក់ជើង ជាកៅចុចអូតូនិងមានមុខងារ Zero-Gravity។ ចំពោះកៅអីខាងមុខមកជាមួយឧបករណ៍បំពងសំឡេងដាក់ភ្ជាប់នៅកន្លែងទម្រដាក់ក្បាល។

បន្ថែមពីផ្នែកខាងក្នុង អេក្រង់កម្សាន្ដទំហំធំ រហូតដល់ ៣០អុីញ កម្រិត 6K កន្លែងសាកថ្មឥតខ្សែ ឧបករណ៍ប្តូរប្រអប់លេខប្រភេទគ្រីស្តាល់ ការតុបតែងឈើ និងចង្កូតរាងអក្សរ D ។ បន្ថែមពីផ្នែកខាងក្រោយបានបំពាក់ជាមួយអេក្រង់កម្សាន្ដ OLED ទំហំ 15.05 អុីញ កម្រិត 2.5K សម្រាប់អ្នកដំណើរខាងក្រោយ អេក្រង់បង្ហាញព័ត៌មានលើកញ្ចក់រថយន្ត (head-up display) ប្រភេទ augmented reality ទំហំ 35.95 អុីញ៕

ផ្ទាំងផ្សាយពាណិជ្ជកម្ម

BYD ប្រកាសបញ្ចេញនៅប្រព័ន្ធឲ្យរថយន្តបើកបរស្វ័យប្រវត្តិកម្រិតទី៤

[បរទេស] ក្រុមហ៊ុនផលិតរថយន្ត BYD បានធ្វើការប្រកាសបញ្ចូលនៅមុខងាររបើកបរស្វ័យដោយស្វ័យប្រវត្តិកម្រិតទី៤ ឬហៅថា L4-level autonomous driving ទៅក្នុងប្រព័ន្ធជំនួយការអ្នកបើកបរ God’s Eye ADAS ជាមួយសមត្ថិភាពអាចឲ្យរថយន្តគ្រប់គ្រងភារកិច្ចបើកបរដោយឯករាជ្យ ដោយមិនមានអន្តរាគមន៍ពីអ្នកបើកបរណាមួយឡើយ ។

ជាមួយគ្នានេះ BYD អះអាងថា ប្រព័ន្ធនេះ នឹងបញ្ចូលនៅប្រព័ន្ធ Auto Parking កម្រិតទី៤ មានកម្រិតស្តង់ដារជាសកល ដែលអនុញ្ញាតឲ្យរថយន្តចេញ-ចូលចតដោយគ្មានជំនួយពីអ្នកបើកបរក្នុងស្ថានភាពជាក់លាក់ ហើយក្រុមហ៊ុននឹងធ្វើការអាប់ដេត OTA ទៅកាន់ God’s Eye កម្រិត B និងកម្រិត C ឆាប់ៗផងដែរ ។

ក្រុមហ៊ុនផលិតរថយន្តដែលមានមូលដ្ឋាននៅទីក្រុង Shenzhen ប្រកាសថា នឹងទទួលខុសត្រូវទាំងស្រុងចំពោះសុវត្ថិភាព និងការខាតបង់ដែលអាចកើតឡើងក្នុងអំឡុងពេលប្រើមុខងារនេះ ​ព្រមទាំងរ៉ាប់រងថ្លៃជួសជុលទាំងអស់ ការខូចខាតទ្រព្យសម្បត្តិរបស់ភាគីទីបី និងសំណងរបួសផ្ទាល់ខ្លួនដែលបណ្តាលមកពីដំណើរការខុសប្រក្រតី ឬកំហុសឆ្គងក្នុងប្រព័ន្ធជំនួយការចត ទោះបីនៅពេលដែលរថយន្តត្រូវបានរកឃើញថាមានកំហុសក្នុងដំណើរការផ្លូវច្បាប់ដ៏ដោយ។

BYD ក៏បានប្រកាសថាខ្លួននឹងធ្វើអភិវឌ្ឍន៍នៅប្រព័ន្ធអាប់ដេត OTA God’s Eye ដ៏ធំបំផុតក្នុងប្រវត្តិសាស្ត្ររបស់ខ្លួនក្នុងពេលឆាប់ៗនេះ ដែលក្រៅពីប្រព័ន្ធចេញ-ចូលចំណត Auto Parking រថយន្តនឹងធ្វើអោយការបើកបរ និងសុវត្ថិភាពកាន់តែប្រសើរឡើង ៕

ផ្ទាំងផ្សាយពាណិជ្ជកម្ម

MG នឹងដាក់លក់ឡាន EV ថ្មីរបស់ខ្លួននៅដើមខែក្រោយនេះហើយ!

បន្ទាប់ពីបានប្រកាសចេញនូវរូបរាងកាលពីសប្តាហ៍មុន ពេលនេះ ក្រុមហ៊ុនផលិតរថយន្ត MG បានធ្វើការសម្រេចគ្រោងនឹងប្រកាសដាក់លក់ជាផ្លូវការនូវរថយន្តអគ្គិសនី MG4 ថ្មីរបស់ខ្លួនហើយ ដោយនឹងធ្វើឡើងនៅក្នុងថ្ងៃទី ០៥ ខែសីហា ខាងមុខនេះ នៅក្នុងទីផ្សារប្រទេសចិន។

រថយន្តនេះ មានប្រវែងតួខ្លួនសរុប ៤ ៣៩៥ ម.ម ទទឹង ១ ៨៤២ ម.ម កម្ពស់ ១ ៥៥១ ម.ម និងប្រវែងគម្លាតកង់មុខ-ក្រោយ ២ ៧៥០ ម.ម ដំណើរការដោយម៉ូទ័រអគ្គិសនីចំនួន ១ ប៉ុង ១ (RWD) ផលិតកម្លាំងបាន ១៦១សេះ ផ្គួបជាមួយកញ្ចប់ថ្ម LFP (តួ​លេខ​ទំហំ​ថ្ម និង​ចម្ងាយមិន​ត្រូវ​បាន​គេ​បង្ហាញ​ទេ) មានល្បឿនអតិបរមា ១៦០ គីឡូម៉ែត្រក្នុងមួយម៉ោង។

សម្រាប់ការឌីស្សាញផ្នែកខាងក្រៅ MG4 ទទួលបាននូវការរចនាជាមួយប៉ាណាបិទជិត ចង្កៀងមុខរាងស្លីម ចង្កៀងក្រោយប្រភេទ LED លេងការឌីស្សាញអូសកាត់ពីផ្នែកម្ខាងទៅម្ខាង ក៏ដូចជារូបរាងដ៏ស្ព័រជាមួយនឹងការរចនាដំបូលលយចេញមកខាងក្រៅ និងថាសកង់ទំហំ ១៧អ៊ីញ ជាដើម។ ចំពោះនៅផ្នែកខាងក្នុងវិញ នឹងទទួលបាននូវប្រព័ន្ធកាប៊ីនឆ្លាតវៃដែលបង្កើតឡើងដោយក្រុមហ៊ុន Oppo ខណៈព័ត៌មានលម្អិត និងតម្លៃវិញ មិនទាន់បង្ហាញចេញនៅឡើយទេ៕

ផ្ទាំងផ្សាយពាណិជ្ជកម្ម

Rivian បញ្ចេញ R1T និង R1S ជំនាន់ថ្មី ប្រើម៉ូទ័រចំនួន ៤ កម្លាំងលើស ១ពាន់សេះ

[បរទេស] ក្រុមហ៊ុនផលិតរថយន្ត Rivian បានធ្វើការដាក់បញ្ចេញនៅរថយន្តអគ្គីសនីសុទ្ធជំនាន់ថ្មីម៉ូដែល R1T ប្រភេទភីកអាប់ មានតម្លៃ ១១៥ ៩៩០ ដុល្លារ រួមជាមួយម៉ូដេល R1S Quad ប្រភេទ SUV មានតម្លៃ ១២១ ៩៩០ ដុល្លារ គ្រោងនឹងចេញលក់នៅចុងឆ្នាំ ២០២៥ សម្រាប់ទីផ្សារសហរដ្ឋអាមេរិក ។

សម្រាប់ម៉ូដែលទាំង ២ នេះ បំពាក់ជាមួយម៉ូទ័រអគ្គិសនីចំនួនដល់ទៅ ៤ អាចផលិតកម្លាំងបាន ១ ០២៥ សេះ និងកម្លាំងរមួល ១ ៦២២ ញ៉ូតុនម៉ែត្រ អាចរត់ស្ទុះពីកុងទ័រ ០-១០០ គីឡូម៉ែត្រ/ម៉ោង ប្រើរយៈពេល ២,៥ វិនាទី ព្រមទាំងផ្គួបជាមួយអាគុយទំហំ ១៤៩ គីឡូវ៉ាត់ម៉ោង សាកថ្មពេញម្តង អាចបើកបរបានចម្ងាយ ៦៤៤ គីឡូម៉ែត្រ ហើយក៏អាចសាកថ្មល្បើនលឿនពីស្ថានីយ Supercharger របស់ Tesla ទៀតផង។

មិនត្រឹមតែប៉ុណ្ណោះ ក្រុមហ៊ុន Rivian បានអះអាងថា អាគុយទាំងនេះ ក៏បានធ្វើឲ្យប្រសើរឡើងបន្ថែម ក្នុងការផ្តល់កម្លាំងបង្វិលកាន់តែមានប្រសិទ្ធភាព ព្រមទាំងបន្ថែមនៅប្រព័ន្ធ oil-cooled ដែលជួយធ្វើឱ្យប្រសើរឡើងយ៉ាងខ្លាំងនៅដំណើរការកម្ដៅរបស់អាគុយក្នុងអំឡុងពេល “ការបើកបរដែលមានកម្លាំងបង្វិលជុំខ្ពស់ ក៏ដូចជាអំឡុងពេលបើកបរល្បឿនលឿននៅលើផ្លូវហាយវេផងដែរ។

ក្រៅពីទទួលបានថាមពលថ្មី ក្រឡេកទៅមើលផ្នែកខាងក្រៅវិញ មិនមានះអ្វីផ្លាស់ប្តូរច្រើននោះទេ បើធៀបទៅនឹងជំនាន់ទី ១ មើលទៅដូចគ្នាស្ទើរតែទាំងអស់ រួមទាំងផ្នែកខាងក្នុងផងដែរ ៕

ផ្ទាំងផ្សាយពាណិជ្ជកម្ម

រថយន្ដប្រើសាំងលាយអគ្គិសនីរបស់ Chery អាចបើកបាន២ពាន់គ.ម ដាក់លក់តែ២មុឺនដុល្លារ

កាលថ្ងៃទី ៨ ខែកក្កដា រថយន្ត Chery Fulwin A9L ប្រភេទ Sedan ដំណើរការដោយប្រព័ន្ធ Plug-in Hybrid បានដាក់លក់ជាផ្លូវការនៅក្នុងទីផ្សារប្រទេសចិន ជាមួយនឹងជម្រើស ៤ម៉ូឌែល ជាមួយតម្លៃចន្លោះតម្លៃពី ២០ ៨៩០ ដល់ ២៩ ០០០ ដុល្លារ។

Chery Fulwin A9L A Premium Hybrid Sedan Offering up to 2,000 km Rangeមួយម៉ោងបន្ទាប់ពីការដាក់លក់ជាផ្លូវការ ក្រុមហ៊ុនបានប្រកាសថា រថយន្ត Chery Fulwin A9L បានទទួលការបញ្ជាទិញរហូតដល់ ៣៥ ៦៨០គ្រឿង។ រថយន្ត Chery Fulwin A9L មេគុណអូសទាញ (drag coefficient) ត្រឹមតែ 0.23 Cd នេះជាផ្នែកមួយជួយដល់ប្រព័ន្ធលំហូរខ្យល់របស់រថយន្ដកាន់តែដំណើរការបានល្អ។ អ្នកប្រើប្រាស់អាចជ្រើសរើសបាន ៦ ពណ៌សម្រាប់តួរថយន្ត រួមមាន៖ បៃតង ប្រផេះ ក្រហម ប្រាក់ ស្វាយ និងខ្មៅ។

រថយន្តនេះត្រូវបានបំពាក់ដោយ LiDAR លើដំបូល ចំនួន ១គ្រាប់, រ៉ាដាមីលីម៉ែត្ររលក ចំនួន ៣គ្រាប់, កាមេរ៉ា HD ចំនួន ១១ គ្រាប់ និង រ៉ាដា ultrasonic ចំនួន ១២ គ្រាប់នៅជុំវិញរថយន្ត។ ឧបករណ៍ទាំងអស់នេះគាំទ្រដល់ប្រព័ន្ធជំនួយការបើកបរទំនើប Falcon 500 ដែលអាចធ្វើប្រតិបត្តិការបើកបរដោយស្វ័យប្រវត្តិពេលប្រើប្រាស់ល្បឿនលឿន (high-speed navigation on autopilot) និងប្រព័ន្ធជំនួយការចូលចត (parking assistance)។ លើសពីនេះរថយន្ដនេះក៏បន្ថែមមកជាមួយប្រព័ន្ធហ្វ្រាំងសង្គ្រោះបន្ទាន់ស្វ័យប្រវត្តិ (automatic emergency braking) រថយន្តអាចបន្ថយល្បឿនបានក្នុងល្បឿនអតិបរមា ១៣០ គីឡូម៉ែត្រក្នុងមួយម៉ោង។

​Chery Fulwin A9L ផ្ដល់ជូនអតិថិជនជាជម្រើសប្រើបាស់បប៉ុង១និងប៉ុង២ ដើម្បីផ្ដល់ភាពងាយស្រួលដល់អតិថិជន៖

ដំណើរការដោយប៉ុង១ (FWD)

  • ដំណើរការដោយម៉ូទ័រអគ្គិសនីខាងមុខ: អាចផលិតកម្លាំងបាន ២១៥សេះ កម្លាំងរមួល ៣១០ញូតុនម៉ែត្រ
  • កម្រិតសុីសាំង: ៣.៦៥ លីត្រ ក្នុង ១០០គីឡូម៉ែត្រ
  • អាចបង្កើនល្បឿន ០ ទៅ ១០០ គីឡូម៉ែត្រក្នុងមួយម៉ោងចាយពេល ៧.៩ វិនាទី
  • ប្រើអគ្គិសនីសុទ្ធអាចបើកបរបាន ២៦០គីឡូម៉ែត្រ ប្រើអគ្គិសនីសាយសាំងអាចបើកបាន ២ ០០០គីឡូម៉ែត្រ

ដំណើរការដោយប៉ុង២ (AWD)

  • ម៉ូទ័រអគ្គិសនីខាងមុខ: អាចផលិតកម្លាំង ២១៥សេះ កម្លាំងរមួល ៣១០ញូតុនម៉ែត្រ
  • ម៉ូទ័រអគ្គិសនីខាងក្រោយ អាចផលិតកម្លាំងបាន ២៦១សេះ កម្លាំងរមួល ៣២៤ ញូតុនម៉ែត្រ
  • កម្រិតសុីសាំង: ៤.៨ លីត្រ ក្នុង ១០០គីឡូម៉ែត្រ
  • ការបង្កើនល្បឿន ០ ទៅ ១០០ គីឡូម៉ែត្រក្នុងមួយម៉ោងចាយពេល ៤.៩ វិនាទី
  • ប្រើអគ្គិសនីសុទ្ធអាចបើកបរបាន ២០០គីឡូម៉ែត្រ ប្រើអគ្គិសនីលាយសាំងបើកបាន ១ ៦០០គីឡូម៉ែត្រ

Chery Fulwin A9L PHEV с запасом хода 2 000 км вышел по цене от 20 890 долларов — подробности события | Дзенចូលមកដល់ផ្នែកខាងក្នុងរថយន្តនេះបានបំពាក់នូវចង្កូតបែប double-spoke flat-bottom (មានគែមរាបស្មើ) អេក្រង់កុងទ័រទំហំ 10.25 អុីញ និងអេក្រង់កម្សាន្ដទំហំ 15.6 អុីញ។ រថយន្ដនេះដំណើរការដោយប្រព័ន្ធប្រតិបត្តិការ Lingxi Smart Cabin 2.0 របស់ Chery គាំទ្រដោយបន្ទះឈីប Qualcomm Snapdragon 8255។

Chery Fulwin A9L готовится к глобальной продаже с запасом хода 2000 кмបន្ថែមពីនៅផ្នែកខាងក្នុងរបស់ ​Chery Fulwin A9L បំពាក់ជាមួយភ្លើង ambient lighting ចំនួន ២៥៦ ពណ៌, ពោងសុវត្ថិភាពចំនួន ៩គ្រាប់, ប្រព័ន្ធគ្រប់គ្រងសីតុណ្ហភាពស្វ័យប្រវត្តិ , ប្រព័ន្ធជំនួយការបញ្ចេញដោយសំឡេង និង ការបញ្ជារថយន្ដពីចម្ងាយតាមរយៈទូរស័ព្ទដៃ៕

ផ្ទាំងផ្សាយពាណិជ្ជកម្ម

Hyundai Elexio នឹងដាក់លក់ឆាប់ៗនេះ សាកម្តងជិះបាន ៧០០គ.ម

បន្ទាប់ពីប្រកាសដាក់បង្ហាញចេញនៅក្នុងខែមេសា ពេលនេះ ក្រុមហ៊ុន Hyundai បានសម្រេចគ្រោងនឹងប្រកាសដាក់បង្ហាញចេញលក់ជាផ្លូវការនូវរថយន្តអគ្គិសនីសុទ្ធសេរ៊ីថ្មី Hyundai Elexio របស់ខ្លួននៅក្នុងត្រីមាសទី ៣ ខាងមុខនេះហើយ ដោយអាចនឹងមានតម្លៃខ្ទង់ ១៩ ៥០០ ដុល្លារ នៅក្នុងទីផ្សារប្រទេសចិន។

The Hyundai Elexio Is a New Eye-Catching Electric SUV for ChinaHyundai Elexio ត្រូវបានផលិតឡើងនៅលើគ្រោងឆ្អឹង E-GMP មានប្រវែងតួខ្លួនសរុប ៤ ៦១៥ ម.ម ទទឹង ១ ៨៧៥ ម.ម កម្ពស់ ១ ៦៧៣ ម.ម និងមានប្រវែងគម្លាតកង់មុខ-ក្រោយ ២ ៧៥០ម.ម ដំណើរការដោយម៉ូទ័រអគ្គិសនីចំនួន ១ ប៉ុង ១ (FWD) ផលិតកម្លាំងបាន ២៦៨សេះ និងជម្រើសម៉ូទ័រអគ្គិសនីចំនួន ២ ប៉ុង ២ (AWD) ផលិតកម្លាំងបាន ៣១២សេះ ផ្គួបជាមួយអាគុយអាចបើកបរបានចម្ងាយរហូតដល់ ៧០០ គីឡូម៉ែត្រ នៅពេលសាកថ្មពេញម្តង។

Exclusive: Hyundai Elexio electric SUV headed to Australia - carsales.com.au

ទាក់ទងទៅនឹងរូបរាង និងការឌីស្សាញផ្នែកក្រៅរបស់រថយន្ត Hyundai Elexio មាន​ការ​រចនា​ផ្នែក​ខាង​ក្រៅ​ប្លែក​ពី​រថយន្ត​អគ្គិសនីដ៏ទៃ ដោយផ្នែកខាងមុខមានចង្កៀងបំភ្លឺផ្លូវ LED ឌីស្សាញជាគ្រាប់គ្រីស្គាល់ ព្រមទាំងប្រើប្រាស់នូវថាសកង់ស្ព័រទំហំ ២០អ៉ីញ និងចង្កៀងក្រោយ LED អូសកាត់ពីផ្នែកម្ខាងទៅផ្នែកម្ខាងជាដើម ចំណែកផ្នែកខាងក្នុងវិញ ទទួលបានអេក្រង់ទំហំធំដល់ទៅ ២៧អុីញ កម្រិត 4K ឯណ្ណោះ៕

ផ្ទាំងផ្សាយពាណិជ្ជកម្ម

ម៉ូដែលថ្មីរបស់ Changan ប្រើអគ្គិសនី លាយសាំង ជិះបានលើស ១ពាន់គីឡូម៉ែត្រ តម្លៃក្រោម ២ម៉ឺនដុល្លារ

[បរទេស] ក្រុមហ៊ុនផលិតរថយន្ត Changan បានធ្វើការបញ្ចេញជាផ្លូវការនៅរថយន្តម៉ូដែលថ្មីមានឈ្មោះថា Changan NEVO Q07 ស៊េរថ្មីចុងក្រោយ ប្រភេទ Plug-in hybrid ដែលមានតម្លៃលក់ចាប់ពី ១៩ ០០០ ដុល្លារឡើងទៅ នៅទីផ្សារប្រទេសចិន ។

Changan NEVO Q07 ផលិតឡើងនៅលើគ្រោងឆ្អឹង EPA1 Platform ដំណើរការដោយបច្ចេកវិទ្យា Changan Smart BlueCore 3.0 PHEV ធ្វើការជាមួយម៉ាស៊ីនសាំងចំណុះ ១,៥ លីត្រ ទំហំ ៤ស៊ីឡាំង និងម៉ូទ័រអគ្គិសនី ១ អាចផលិតកម្លាំងបាន ២២១ សេះ ផ្គួបជាមួយអាគុយដែលអាចផ្តល់ចម្ងាយបើកបរ ២១៥ គីឡូម៉ែត្រ ពីថាមពលអគ្គិសនីសុទ្ធ ខណៈប្រើអគ្គិសនី លាយសាំង អាចបើកបានដល់ទៅ ១ ៤០០ គីឡូម៉ែត្រ និងគាំទ្រការសាកថ្មល្បឿនលឿន សាកបានពី ៣០-៨០% ប្រើរយៈពេល ១៥នាទីប៉ុណ្ណោះ ។ លើសពីនេះ រថយន្តនេះ ក៏ជាម៉ូដែលដំបូងរបស់ Changan ដែលបំពាក់បច្ចេកវិទ្យា DeepSeek AI ។

សម្រាប់រូបរាង និងការឌីស្សាញផ្នែកខាងក្រៅ រថយន្តប្រភេទ SUV ខ្នាតកណ្តាលនេះ ទទួលបានភាសារចនាចុងក្រោយបង្អស់របស់ក្រុមហ៊ុន ជាមួយរូបរាងបែបជ្រុង ដោយផ្នែកខាងមុខមានអំពូលបំភ្លឺពេលថ្ងៃ LED អូសកាត់ពីផ្នែកម្ខាងទៅផ្នែកម្ខាង ដាច់ដោយឡែកពីអំពូបំភ្លឺផ្លូវ ព្រមទាំងប្រើប្រាស់ដៃទ្វារប្រភេទ flush-door ក៏ដូចជាថាសកង់ស្ព័រទំហំ ២០អ៉ីញ និងចង្កៀងក្រោយ LED លាតពេញផ្នែកខាងក្រោយ ដែលផ្តល់នៅភាពកាន់តែ Luxury ។

ចំពោះនៅផ្នែកខាងក្នុង ទទួលបានអេក្រង់កំសាន្ត touchscreen ទំហំ ១២,៨ អ៉ីញ សម្រាប់បញ្ជាមុខងារទូទៅលើរថយន្ត, កៅអីស្បែកចុចអូតូ មុខងារខ្យល់ត្រជាក់-ក្តៅ និងម៉ាស្សា រួមទាំងកន្លែងសាកថ្មឥតប្រើខ្សែ ដំបូលកញ្ចក់ Panoramic sunroof និងប្រព័ន្ធជំនួយការអ្នកបើកបរដ៏ឆ្លាតវៃកម្រិត ADAS ផងដែរ ៕

ផ្ទាំងផ្សាយពាណិជ្ជកម្ម

ត្រៀមក្រឡុកទីផ្សារ! រថយន្ដគម្រូ Xiaomi YU9 SUV ប្រទះឃើញកំពុងធ្វើតេស្ដ

រថយន្តគម្រូដែលបិទបាំងជិតឈឹង ហើយគេជឿថាជារថយន្ដរបស់ក្រុមហ៊ុន Xiaomi ដែលមានឈ្មោះកូដ “Kunlun” និងអាចដាក់ឈ្មោះថា YU9 ត្រូវបានគេប្រទះឃើញកំពុងធ្វើតេស្តសាកល្បងនៅលើផ្លូវក្នុងប្រទេសចិន។ ថ្វីត្បិតតែមិនទាន់មានការបញ្ជាក់ជាផ្លូវការពីក្រុមហ៊ុនក៏ដោយ រថយន្ដនេះនឹងក្លាយជារថយន្ដម៉ូឌែលទីបីរបស់ Xiaomi បន្ទាប់ពីរថយន្ដ Xiaomi SU7 sedan និង YU7 SUV ហើយចំពោះម៉ូឌែល YU9 អាចនឹងជារថយន្ដដំបូង ដែលប្រើប្រាស់ប្រព័ន្ធបំពងថាមពល EREV (extended-range electric vehicle) ជំនួសឲ្យការប្រើប្រាស់អគ្គិសនីសុទ្ធ។

ការអភិវឌ្ឍន៍រថយន្ត YU9 ហាក់ដូចជាកើតឡើងចំពេលមានរថយន្ដប្រភេទ SUV នៅទីផ្សារប្រទេសចិនកំពុងរីកដុះដាលខ្លាំង។ យោងតាមទិន្នន័យដែលចេញផ្សាយដោយក្រុមហ៊ុន ការបញ្ជាទិញរថយន្ត YU7 ជាង 240,000គ្រឿង ក្នុងរយៈពេល 18ម៉ោងបន្ទាប់ពីការដាក់លក់នាពេលថ្មីៗនេះ ជាហេតុផលមួយជំរុញឲ្យពួកគេប្រញាប់បញ្ចេញរថយន្ដប្រភេទ SUV មកកាន់ទីផ្សារទៀត។ យ៉ាងណាមិញក្រុមហ៊ុន Xiaomi មិនបានធ្វើអត្ថាធិប្បាយដោយផ្ទាល់លើរថយន្ត YU9 គម្រូត្រូវបានគេប្រទះឃើញនោះទេ។

ផ្អែកលើរូបភាពត្រូវបានគេលួចថត ហើយបានបង្ហោះនៅលើបណ្តាញសង្គម Weibo របស់ចិន រថយន្ត YU9 ត្រូវបានគេរំពឹងថាជាប្រភេទ SUV ធំទូលាយ មាន ៦ ឬ ៧ កៅអី ដែលមានប្រវែងប្រហែល 5.3 ម៉ែត្រ។ ប្រសិនបើដាក់ឲ្យដំណើរការ វាទំនងជានឹងក្លាយជាគូប្រជែង Li Auto L9 និង Aito M9 ដែលគាំទ្រដោយ Huawei។

មិនដូចរថយន្ត SU7 និង YU7 ជាប្រភេទរថយន្តអគ្គិសនីសុទ្ធនោះទេរថយន្ដគម្រូ YU9 ត្រូវបានគេរំពឹងថាអាចនឹងប្រើប្រាស់ប្រព័ន្ធថាមពលកូនកាត់ (extended-range hybrid system) ដំណើរការជាមួយម៉ាស៊ីនសាំងចំណុះ 1.5 Turbo (ដែលទំនងជាផ្គត់ផ្គង់ដោយក្រុមហ៊ុន Dong’an Power)។ ប្រព័ន្ធនេះក៏ត្រូវបានប្រើប្រាស់នៅក្នុងរថយន្ត Li Auto L9 ផងដែរ ហើយត្រូវបានគេរំពឹងថានឹងផ្តល់កម្លាំងសេះជាង 400 និងអាចបង្កើនល្បឿនពី 0 ដល់ 100 គីឡូម៉ែត្រក្នុងមួយម៉ោង ក្នុងរយៈពេលប្រហែល 5 វិនាទី។

ចម្ងាយបើកបរពេលប្រើថាមពលអគ្គិសនីសុទ្ធអាចបើកលើសពី 200 គីឡូម៉ែត្រ តាមស្តង់ដារវាស់ចម្ងាយ CLTC ខណៈប្រើអគ្គិសនីលាយសាំងអាចបើកបរបាន 1,500 គីឡូម៉ែត្រ។ រថយន្តនេះក៏ត្រូវបានគេរំពឹងថានឹងគាំទ្រការសាកថ្មលឿន 800V high-voltage សាកថ្មតែ ១៥នាទីអាចបើកបាន 300គីឡូម៉ែត្រ។

YU9 ត្រូវបានគេរំពឹងនឹងក្លាយជាគូប្រជែងជាមួយរថយន្ត SUV ប្រណិតប្រភេទ Plug-in ដូចជា Li Auto L9 ដាក់លក់ក្នុងតម្លៃ 57,000 ដុល្លារ) និង Aito M9 ដាក់លក់ក្នុងតម្លៃ  65,500 ដុល្លារ។ យើងប៉ាន់ស្មានថា Xiaomi នឹងកំណត់តម្លៃ YU9 ប្រហែលខ្ទង់ 50,000 ដុល្លារ ខណៈម៉ូដែលកំពូលៗនឹងនៅតែមានតម្លៃក្រោម 69,000 ដុល្លារ។

ទោះបីជារថយន្តគម្រូនេះហាក់ដូចជាត្រៀមខ្លួនជាស្រេចក្នុងការផលិតក៏ដោយ ប៉ុន្តែយោងតាមប្រភពព័ត៌មានពីបណ្ដាញសង្គមចិនបានណែនាំថា រថយន្ដនេះអាចនឹងដាក់ដំណើរការនៅឆ្នាំ 2026 ការធ្វើបែបនេះនឹងផ្ដល់ពេលវេលាឲ្យក្រុមហ៊ុន Xiaomi បញ្ចប់ការធ្វើតេស្ត ពង្រីកបណ្ដាញលក់ និងសេវាកម្មរបស់ខ្លួន ព្រមទាំងបំពេញតាមតម្រូវការបទប្បញ្ញត្តិ៕

ផ្ទាំងផ្សាយពាណិជ្ជកម្ម

Nissan នឹងនាំចេញរថយន្ត EV របស់ខ្លួនផលិតនៅចិន ទៅទីផ្សារសកលចាប់ពីឆ្នាំក្រោយ

[បរទេស] ក្រុមហ៊ុនផលិតរថយន្ត Nissan ត្រូវបានគេរាយការណ៍ថានឹងចាប់ផ្តើមនាំចេញរថយន្តអគ្គិសនី (EVs) ដែលផលិតក្នុងរោងចក្ររបស់ខ្លួននៅប្រទេសចិន ទៅកាន់ទីផ្សារអាស៊ីអាគ្នេយ៍ មជ្ឈិមបូព៌ា និងតំបន់ផ្សេងទៀតចាប់ពីឆ្នាំ ២០២៦ គោលបំណងបង្កើនបណ្តាញសេវាកម្មក្រោយការលក់ដែលមានស្រាប់របស់ Nissan នៅក្នុងទីផ្សារក្រៅប្រទេសទាំងនេះ។

ក្នុង​ចំណោម​រថយន្ត EV ដែល Nissan ​គ្រោង​សម្រាប់​ការ​នាំ​ចេញ​គឺ​ម៉ូដែល Nissan N7 ដែល​ជា​រថយន្ត EV ដំបូង​គេ​ដែល​ត្រូវ​បាន​រចនា និង​អភិវឌ្ឍ​ដោយ​ក្រុមហ៊ុន​បណ្តាក់​ទុន​រួម​គ្នា​របស់ Nissan ក្នុង​ប្រទេស​ចិន ដែលបញ្ចូលនៅកម្មវិធី software រួមទាំងបច្ចេកវិទ្យា AI ពីក្រុមហ៊ុនចិន ដើម្បីសម្រួលដល់ការនាំចេញ Nissan នឹងត្រូវកែប្រែលក្ខណៈបច្ចេកទេសនៃកម្មវិធី ដោយសារការរឹតបន្តឹងលើផលិតផល AI ដែលផលិតដោយចិននៅក្នុងប្រទេសមួយចំនួន ហើយដើម្បីអភិវឌ្ឍកម្មវិធីសម្រាប់ទីផ្សារនាំចេញ ក្រុមហ៊ុន Nissan បានបណ្តាក់ទុននៅក្នុងក្រុមហ៊ុន IAT Automobile Technology ដែលជាអ្នកអភិវឌ្ឍន៍ជនជាតិចិន។

ជាមួយគ្នានេះ ក្រុមហ៊ុនផលិតរថយន្តជប៉ុនដែលកំពុងជួបការលំបាកនាពេលនេះ កំពុងពិនិត្យមើលដំណើរការផលិតជាសកលរបស់ខ្លួន ដោយមានគោលដៅនៃការផ្លាស់ប្តូរអាជីវកម្មយ៉ាងឆាប់រហ័សដោយលក់រថយន្ត EV ដែលផលិតនៅប្រទេសចិនទៅកាន់ទីផ្សារផ្សេងទៀត។

គួររំលឹកថា Nissan N7 បានបញ្ចេញជាផ្លូការក្នុងប្រទេសចិនកាលពីខែមេសា ហើយបានក្លាយជាម៉ាកយីហោបណ្តាក់ទុនរួមគ្នា លឿនបំផុតដែលឈានដល់ការបញ្ជាទិញ ១០ ០០០ គ្រឿង ជាមួយតម្លៃលក់ចាប់ពី ១៦ ៤៥០ ដុល្លារ  ៕

ផ្ទាំងផ្សាយពាណិជ្ជកម្ម
1...345...1,006ទំព័រ 4 នៃ 1,006

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com