[ទីផ្សារបរទេស] រថយន្ត Toyota Crown ស៊េរីឆ្នាំ២០២៣ នឹងមានដាក់លក់នៅសហរដ្ឋអាមេរិកនាដើមឆ្នាំក្រោយ ជាមួយតម្លៃចាប់ពី ៣៩ ៩៥០ដុល្លារ ដែលថ្លៃជាងរថយន្ត Toyota Avalon ចំនួន ៣១២៥ដុល្លារ។
ប្រភេទ Entry គឺជា Crown XLE ដែលមានតម្លៃចាប់ពី ៣៩ ៩៥០ដុល្លារ ខណៈដែលប្រភេទកណ្ដាលគឺជា Crown Limited មានតម្លៃចាប់ពី ៤៥ ៥០០ដុល្លារ និងប្រភេទប្រណីត Crown Platinum មានតម្លៃចាប់ពី ៥២ ៣៥០ដុល្លារ។
សម្រាប់ XLE និង Limited មានប្រើប្រាស់ Toyota Hybrid System ជំនាន់ទីបួន ដែលមានម៉ាស៊ីនសាំង៤ស៊ីឡាំងចំណុះ២,៥លីត្រ ម៉ូទ័រអគ្គិសនីចំនួនពីរ និងមានអាគុយនីកែលតូចមួយ។ រួមផ្សំគ្នាវាអាចផលិតកម្លាំងសរុបបាន ២៣៦សេះ អាចឲ្យរថយន្តស្ទុះពី ០ ដល់ ៩៦គ.ម/ម៉ ក្នុងពេល ៧,៦វិនាទី។ អ្វីដែលសំខាន់វាមានកម្រិតស៊ីប្រេងជាមធ្យមប្រមាណ ៥,៧៣លីត្រ ក្នុងចម្ងាយ ១០០គីឡូម៉ែត្រ។
ចំណែកឯ Crown Limited ប្រើម៉ាស៊ីនថ្មីសន្លាង Hybrid Max ដែលមានម៉ាស៊ីនសាំង Turbocharged ចំណុះ២,៤លីត្រ ៤ស៊ីឡាំង, ម៉ូទ័រអគ្គិសនីមួយ ដែលផលិតកម្លាំងបានសរុប ៣៤០សេះ និងអាចស្ទុះពី ០-៩៦គ.ម/ម៉ ក្នុងពេល ៥,៧វិនាទី ជាមួយកម្រិតស៊ីប្រេងជាមធ្យម ៧,៨៤លីត្រ ក្នុងចម្ងាយ ១០០គីឡូម៉ែត្រ។
មិនថាប្រភេទណានោះទេ រថយន្ត Crown ទាំងអស់គឺមានបំពាក់ជាមួយប្រព័ន្ធជំនួយការបើកបរ Toyota Safety Sense 3.0 ដែលមានរួមបញ្ចូលមុខងារទំនើបៗជាច្រើន៕
