General Motors លក់ឡានបីខែ បានលុយ ៤,៣ពាន់លានដុល្លារ

October 28, 2022

[ទីផ្សារបរទេស] ក្រុមហ៊ុន General Motors បានប្រកាសលទ្ធផលហិរញ្ញវត្ថុសម្រាប់ត្រីមាសទីបីនៃឆ្នាំ២០២២នេះ ជាមួយលទ្ធផល ៤,៣ពាន់លានដុល្លារនៃប្រាក់ចំណេញ និងប្រាក់ចំណូលចំនួន ៤១,៨៩ពាន់លានដុល្លារ។

លទ្ធផលនេះគឺច្រើនលើសពីការរំពឹងទុករបស់ Wall Street ហើយបានបង្កើតជាកំណត់ត្រាប្រាក់ចំណូលថ្មីសម្រាប់ត្រីមាសទីបី។ ធៀបនឹងឆ្នាំមុន ប្រាក់ចំណេញមានការកើនឡើង ១,៣៦ពាន់លានដុល្លារ ខណៈដែលប្រាក់ចំណូលបានកើនឡើង ១៥,១ពាន់លានដុល្លារ។

តាមការចុះផ្សាយរបស់ CNBC ការកើនឡើងប្រាក់ចំណូលនេះគឺក្រោយពីព្រឹត្តិការណ៍ជំងឺរាតត្បាតកូវីដ១៩ បានធ្វើឲ្យរថយន្តកើនឡើងតម្លៃខ្ពស់ជាងមុន ជាពិសេសជាមួយប្រភេទ SUV និងភីកអាប់ ដោយសារមានបញ្ហាជុំវិញការផ្គត់ផ្គង់គ្រឿងបន្លាស់រថយន្ត។

នាយកប្រតិបត្តិក្រុមហ៊ុន GM អ្នកស្រី Mary Barra បាននិយាយថាក្រុមហ៊ុន GM នៅតែអាចរក្សាតំណែងឈានមុខលើផ្នែករថយន្ត SUV ខ្នាតធំជាមួយរថយន្ត Cadillac Escalade។ លោកស្រីបានលើកឡើងផងដែរថាក្រុមហ៊ុន GM ពេលនេះកាន់កាប់ចំណែក ៨% នៃទីផ្សាររថយន្តអគ្គិសនីនៅអាមេរិក ដោយសារកំណត់ត្រាលក់ថ្មីដែលសាងបានជាមួយរថយន្ត Chevrolet Bolt។

នាយកប្រតិបត្តិរូបនេះសង្ឃឹមថានឹងអាចបង្កើនចំណែកទីផ្សារនាពេលអនាគតជាមួយការបង្ហាញចេញរថយន្ត
Chevrolet Equinox EV និង GMC Sierra EV ហើយរំពឹងថានឹងបង្កើនការផលិតរថយន្ត Chevrolet Bolt បានដល់ ៧ម៉ឺនគ្រឿងនៅឆ្នាំ២០២៣៕

ផ្ទាំងផ្សាយពាណិជ្ជកម្ម

Ford បន្ថែមម៉ូដែលថ្មី Ford Everest Sport RWD តម្លៃខ្ទង់ ៤មុឺនដុល្លារ នៅទីផ្សារប្រទេសអូស្រ្តាលី

October 28, 2022

[ទីផ្សារបរទេស] ក្រុមហ៊ុនផលិតរថយន្ត Ford ប្រចាំនៅប្រទេសអូស្រ្តាលី បានធ្វើការដាក់បញ្ចេញបន្ថែមនៅរថយន្ត Ford Everest ថ្មី គឺម៉ូដែល Sport RWD ជាមួយនឹងតម្លៃលក់ចាប់ពី ៤០ ៧៣៧ ដុល្លារ នៅទីផ្សាររបស់ខ្លួន។

លក្ខណៈពិសេសជាស្តង់ដារមាននៅលើ Everest Sport RWD ទាំងនេះរួមបញ្ចូលការតុបតែងផ្នែកខាងក្រៅពណ៌ខ្មៅជាមួយនឹងថាសកង់ស្ព័រទំហំ ២០ អ៊ីញ, ឡូហ្គោ Everest នៅលើគម្របម៉ាស៊ីន និងឡូហ្គោ Sport នៅផ្នែកខាងក្រោយ ,ទ្វារក្រោយបិទ-បើកដោយថាមពលអគ្គិសនី, កៅអីខាងមុខបែប Sport ស្រោបដោយស្បែកជាមួយមុខងារកំដៅ/ត្រជាក់ និងកៅអីអ្នកបើកបរអាចលៃតម្រូវតាមរយៈថាមពលអគ្គិសនី ១០ ទិសដៅ ជាមួយនឹងការកំណត់អង្គចងចាំ កៅអីអ្នកដំណើរដែលលៃម្រូវបាន ៨ ទិសដៅ និងពណ៌ផ្តាច់មុខដែលមានឈ្មោះថា Blue Lightning ។

រថយន្តនេះដំណើរការដោយម៉ាស៊ីនម៉ាស៊ូតចំណុះ ២,០ លីត្រ bi-turbo ទំហំ ៤ ស៊ីឡាំង អាចផលិតកម្លាំងបាន ២០៦ សេះ និងកម្លាំងរមួល ៥០០ ញ៉ូតុនម៉ែត្រ។

បន្ថែមពីលើការដាក់បង្ហាញរថយន្ត Everest Sport RWD ក្នុងនោះ ក្រុមហ៊ុន Ford Australia បានធ្វើការអាប់ឌេតទៅលើរថយន្ត Everest Sport ដែលនៅសល់សម្រាប់ពាក់កណ្តាលឆ្នាំម៉ូដែលឆ្នាំ ២០២៣ ដូចជាម៉ូដែល Everest Platinum ឥឡូវនេះមានស្តង់ដារមកជាមួយនឹងកាងការពារបាតក្រោម និងដំបូលពណ៌ខ្មៅ។ ក្នុងនោះ អតិថិជន Everest Platinum ក៏អាចរើសយកកញ្ចប់ Off-Road Pack ដោយមិនគិតថ្លៃ ដោយផ្លាស់ប្តូរកង់ទំហំ ២១ អ៊ីញ ទៅទំហំ ១៨ អ៊ីញជាមួយនឹងសំបកកង់ប្រភេទ all-terrain tires។

មិនត្រឹមតែប៉ណ្ណោះ ក្រុមហ៊ុន Ford Australia ក៏បានបង្ហាញផងដែរថា ម៉ូដែល Everest Trend 4WD និង Sport 4WD នឹងចាប់ផ្តើមផលិតចាប់ពីខែមីនា ឆ្នាំ ២០២៣ តទៅ ដែលមានមកជាមួយនឹងកញ្ចប់ Touring pack ដែលរួមមានដំបូល roof rails ពណ៌ខ្មៅ, កាមេរ៉ា 360 ដឺក្រេ, ភ្លើង zone lighting, របារសម្រាប់អូសសណ្តោង និងប្រព័ន្ធបញ្ជាហ្វ្រាំងរថយន្តរួមបញ្ចូលគ្នាជាដើម។

ជាមួយគ្នានេះ ប្រធាន និងជានាយកប្រតិបត្តិក្រុមហ៊ុន Ford Australia លោក Andrew Birkic បាននិយាយថា “Everest Sport បានបង្ហាញឲ្យឃើញថាជាគំរូដ៏ពេញនិយមមួយចាប់តាំងពីយើងបានបង្ហាញនៅរថយន្ត Everest ជំនាន់បន្ទាប់កាលពីដើមឆ្នាំនេះ” ។ “ជាមួយនឹងការដាក់បង្ហាញ Everest Sport RWD យើងកំពុងផ្តល់ជូនអតិថិជនរបស់យើងនៅជម្រើសកាន់តែច្រើន ជាមួយនឹងរថយន្តទាន់សម័យ ដែលអាចសណ្តោងទូកបាន ហើយសាកសមនឹងក្រុមគ្រួសារប្រកបដោយសុវត្ថិភាព និងផាសុកភាព៕”

ផ្ទាំងផ្សាយពាណិជ្ជកម្ម

គិតមកដល់ពេលនេះ ក្រសួងដកពិន្ទុបណ្ណបើកបរបានប្រមាណ ៧ពាន់បណ្ណ

October 27, 2022

[ក្នុងស្រុក] យោងតាមរបាយការណ៍ក្នុងសន្និសីទសារព័ត៌មានស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងសាធារណការ និងដឹកជញ្ជូន” ដែលបានប្រព្រឹត្តឡើងនាថ្ងៃទី២៧ នេះ ក្រោមវត្តមានដ៏ខ្ពង់ខ្ពស់របស់ ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងគណៈប្រតិភូរួមដំណើរបានបង្ហាញថា “គិតចាប់ពីថ្ងៃដាក់អោយដំណើរការអនុវត្តសាកល្បងកាលពីថ្ងៃទី០១ កញ្ញាមក ក្រសួងសាធារណការបានធ្វើការដកនូវពិន្ទុបណ្ណបើកបរដែលបានល្មើសច្បាប់ចរាចរណ៍ចំនួនប្រមាណ ៧ពាន់បណ្ណបើកបរហើយ។”

គួររំលឹកផងដែរថា កម្មវិធីដកពិន្ទុបណ្ណបើកបរ និងការបង់ប្រាក់ពិន័យអន្តរការណ៍ចំពោះអំពើល្មើសច្បាប់ស្តីពីចរាចរណ៍ផ្លូវគោក ដែលរៀបចំដោយក្រសួងមហាផ្ទៃ និងក្រសួងសាធារណការ និងដឹកជញ្ជូន បានធ្វើការដាក់អោយដំណើរការអនុវត្តសាកល្បងនៅទូទាំងប្រទេសចាប់ពីថ្ងៃទី០១ ខែកញ្ញា ឆ្នាំ២០២២កន្លងមក ហើយនឹងដំណើរការអនុវត្តពេញលេញនៅថ្ងៃទី០១ ខែមករា ឆ្នាំ២០២៣នេះទៅ៕

ផ្ទាំងផ្សាយពាណិជ្ជកម្ម

Geely Boyue L ស៊េរីឆ្នាំ ២០២៣ បង្ហាញខ្លួនជាផ្លូវការ នៅក្នុងទីផ្សារប្រទេសចិន

October 27, 2022

[ទីផ្សារបរទេស] ក្រុមហ៊ុនផលិតរថយន្ត Geely បានធ្វើការដាក់បង្ហាញជាផ្លូវការនៅរថយន្ត Geely Boyue L ស៊េរីឆ្នាំ ២០២៣ ជាមួយនឹងតម្លៃចាប់ពី ១៧ ៣៩៣ ដុល្លារ ដល់ ២៣ ៦២០ ដុល្លារនៅក្នុងទីផ្សារប្រទេសចិន។

Geely Boyue L ថ្មី ផ្តោតលើភាពប្រណិតបែបស្ព័រ បំពាក់ដោយប៉ាណាមុខមួយផ្ទាំងធំ ជាមួយនឹងការរចនាពី Vision Starburst ដែលត្រូវប្រើទាំងផ្នែកខាងមុខ និងខាងក្រោយ មានភាពលេចធ្លោជាមួយនឹងឡូហ្គោ Geely ថ្មី, ដំបូលពណ៌ខ្មៅ, ចង្កៀងមុខប្រភេទ LED អូសកាត់ពីផ្នែកម្ខាងទៅផ្នែកម្ខាង, ថាសកង់ស្ព័រទំហំធំ និងចង្កៀងក្រោយរាងជារូបព្រួញឲ្យឈ្មោះថា arrow-shaped taillights អូសកាត់ពីផ្នែកម្ខាងទៅផ្នែកម្ខាង។

រីឯនៅផ្នែកខាងក្នុងកាប៊ីន សង្កត់ធ្ងន់ទៅលើការរចនាដ៏ប្រណិត Geely Boyue L ក៏បានបំពាក់ប្រព័ន្ធ Geely Galaxy OS Air ដែលផ្អែកលើ Qualcomm 8155 CPU 8 Core, 16G+ RAM, 125G+ storage ដែលផ្តល់នៅថាមពលលឿន និងខ្លាំងជាងមុន។ កុងទ័រព័ត៌មានឌីជិថល full LCD ទំហំ ១០,២៥ អ៊ីញ និងអេក្រង់កំសាន្ត touchscreen ទំហំ ១៣,២ អ៊ីញ, អេក្រង់បង្ហាញលើកញ្ចក់ AR-HUB ទំហំ ២៥,៦ អ៊ីញ កញ្ចក់ខាងក្នុងបន្ថែមកម្រិតការការពារពន្លឺ, ឧបករណ៍បំពងសំលេងម៉ាក Harman infinity និងប្រព័ន្ធបើកបរដោយស្វ័យប្រវតិ្តដ៏ឆ្លាតវៃកម្រិត L2 ផងដែរ។

ចូលទៅកាន់ផ្នែកម៉ាស៊ីនវិញ រថយន្តនេះមានជម្រើសម៉ាស៊ីនចំនួន ៣ សម្រាប់ជ្រើសរើសរួមមាន៖

ម៉ាស៊ីនសាំងចំណុះ ២,០ លីត្រ turbocharged ផលិតកម្លាំងបាន ២១៨ សេះ និងកម្លាំងរមួល ៣២៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧ វគ្គ។
ម៉ាស៊ីន Hybrid ចំណុះ ២,០ លីត្រ turbo ផលិតកម្លាំងបាន ២៤៥ សេះ និងកម្លាំងរមួល ៥៤៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៣ វគ្គ DHT hybrid gearbox។
ម៉ាស៊ីនសាំងចំណុះ ១,៥ លីត្រ turbocharged ទំហំ ៤ ស៊ីឡាំង ផលិតកម្លាំងបាន ១៨១ សេះ និងកម្លាំងរមួល ២៩០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧ វគ្គ និងមានរបៀបបើកបរចំនួន ៥ រួមមាន៖ Eco, Normal, Sport, Snow និង Off-Road៕

ផ្ទាំងផ្សាយពាណិជ្ជកម្ម

XPeng បង្ហាញវីដេអូធ្វើតេស្តឡានហោះ XPENG Huitian មុនពេលបង្ហាញខ្លួនជាផ្លូវការ (មានវីដេអូ)

October 27, 2022

[បរទេស] កាលពីចុងខែតុលា ឆ្នាំ ២០២២ កន្លងទៅ នៅឯព្រឹត្តិការណ៍បច្ចេកវិទ្យារថយន្ត Xiaopeng “1024 Technology Day” លើកទី ៤ ដោយ XPENG បានបង្ហាញពី ទិន្នន័យស្រាវជ្រាវ និងអភិវឌ្ឍន៍ចុងក្រោយបង្អស់របស់រថយន្តអគ្គិសនីហោះ Xpeng Huitian របស់ខ្លួន ។

Xiaopeng Huitian X3 ជារថយន្តហោះដែលអាចបើកបរលើផ្លូវ ឬហោះបាន ដោយប្រព័ន្ធ flight system ត្រូវបានដាក់នៅផ្នែកខាងលើនៃរថយន្ត។ ម៉ូដែលនេះនឹងត្រូវបានធ្វើឲ្យប្រសើរឡើងសម្រាប់ផលិតកម្មដ៏ធំ និងបំពេញតាមតម្រូវការសុវត្ថិភាពអាកាសចរណ៍។

គំរូរថយន្តបានធ្វើតេស្តហោះបានជោគជ័យ នឹងជារថយន្តអគ្គិសនីហោះដំបូងគេបង្អស់របស់ពិភពលោក បើទោះបីជារថយន្តនេះមានទម្ងន់លើសពី ២ ០០០ គីឡូក្រាមក៏ដោយ។ ក្នុងនោះ នាយកប្រតិបត្តិក្រុមហ៊ុន XPENG MOTORS លោក He Xiaopeng បាននិយាយកាលពីខែមិថុនាឆ្នាំនេះថា “មនុស្សជាច្រើនមិនជឿថារថយន្តហោះត្រូវបានបង្កើតឡើងនោះទេ។ ដើម្បីបង្ហាញពួកគេ មានវិធីតែមួយគត់ គឹការធ្វើឲ្យពួកគេឃើញដោយផ្ទាល់ភ្នែក»។

សម្រាប់រថយន្តនេះ កម្លាំងម៉ូទ័រអគ្គិសនីនិងអាគុយ គឺត្រូវបានទាមទារសមត្ថិភាពខ្ពស់ជាងរថយន្តអគ្គិសនីនៅលើផ្លូវដល់ទៅ ១០-១៥ ដង។ នាពេលបច្ចុប្បន្ន គ្មានផលិតផលអគ្គិសនីណាមួយអាចទ្រទ្រង់ថាមពលប្រភេទនេះបានទេ។ ក្នុងនោះលោក Xiaopeng Huitian ពឹងផ្អែកលើការស្រាវជ្រាវផ្ទាល់ខ្លួនរបស់គាត់ ដើម្បីទទួលបានកម្លាំងដ៏ខ្លាំងមួយនេះ។

កាលពីចុងឆ្នាំ ២០២១ ក្រុមហ៊ុន Xpeng Motors បានប្រកាសនៅក្នុងព្រឹត្តិការណ៍ Technology Day ថា ខ្លួននឹងបង្ហាញរថយន្តអគ្គិសនីហោះដែលមានឈ្មោះថា Xpeng Huitian ។ ទោះបីជាវាមើលទៅដូចជា Fantasy ក៏ដោយ Xpeng នឹងផលិតវាពិតប្រាកដ ហើយត្រូវបានគេរំពឹងថា មានតម្លៃលក់ ១៣៨ ៣៤៨ ដុល្លារនៅក្នុងប្រទេសចិន។

គួរបញ្ជាក់ផងដែរថា ក្រុមហ៊ុនផលិតរថយន្ត XPeng មិនទាន់បានបញ្ចេញព័ត៌មានបច្ចេកទេស និងព័ត៌មានផ្សេងទៀតនៅឡើយទេ ប៉ុន្តែ រថយន្តហោះ Xpeng Huitian នឹងមានការផលិតទ្រង់ទ្រាយធំនៅឆ្នាំ ២០២៤ ៕

ផ្ទាំងផ្សាយពាណិជ្ជកម្ម

ទើបប្រកាសចេញម៉ូដែលទី២ ពេលនេះ Toyota ឲ្យតម្រុយពីឡានអគ្គិសនីទីបី

October 27, 2022

[ទីផ្សារបរទេស] ជាមួយការបង្ហាញចេញរថយន្ត Toyota bZ3 ក្នុងទីផ្សារប្រទេសចិន Toyota បានឲ្យតម្រុយពីរថយន្តអគ្គិសនីមួយទៀតដែលនឹងជាម៉ូដែលទីបីនៃសែស្រឡាយរថយន្ត bZ របស់ខ្លួន។

រថយន្តទីបីនេះមានតែរូបភាព Teaser មួយប៉ុណ្ណោះ ដែលបានបង្ហាញពីផ្នែកខាងក្រោយនៃរថយន្ត ជាមួយទ្រង់ទ្រាយខុសពីរថយន្ត bZ3 និងមានគូថក្រោយជាប្រភេទ Hatchback។

អាចមិនខុសពី bZ3 រថយន្តម៉ូដែលថ្មីប្រហែលជាបង្កើតរួមគ្នាជាមួយក្រុមហ៊ុន BYD និងអាចប្រើប្រាស់អាគុយ និងម៉ូទ័រដូចគ្នា ប៉ុន្តែមកទល់ពេលនេះគេមិនទាន់ដឹងដំណឹងលម្អិតអ្វីនៅឡើយទេ ក្រៅតែពីការបញ្ជាក់របស់ Toyota ថាវាមានចម្ងាយបើកបរដល់ ៦០០គីឡូម៉ែត្រ។

Toyota មិនបាននិយាយអំពីពេលវេលាដែលប្រកាសចេញរថយន្តទីបីនេះទេ ប៉ុន្តែគេរំពឹងថាវានឹងត្រូវបង្ហាញរូបរាងនៅអំឡុងឆ្នាំ២០២៣ខាងមុខ៕

ផ្ទាំងផ្សាយពាណិជ្ជកម្ម

Ford បញ្ជាក់ពីការពិឃាតឡាន Fiesta នៅឆ្នាំ២០២៣ ហើយឡាន Puma អគ្គិសនីសុទ្ធនឹងចូលមកជំនួស

October 27, 2022

[ទីផ្សារបរទេស] ក្រុមហ៊ុន Ford បានចេញផ្សាយវីដេអូពោរពេញដោយមនោសញ្ចេតនាមួយនិយាយលាគ្នាទៅកាន់រថយន្តម៉ូដែល Fiesta ជារថយន្តដ៏ពេញនិយមមួយ។

ជាការបញ្ជាក់ពីការរាយការណ៍កន្លងមក Ford បានប្រកាសថាចុងបញ្ចប់នៃរថយន្ត Fiesta នឹងកើតមានឡើងនៅខែមិថុនា ឆ្នាំ២០២៣ រយៈពេល៦ឆ្នាំក្រោយការប្រកាសចេញ Ford Fiesta ជំនាន់បច្ចុប្បន្ន និងរយៈពេលតិចជាង២ឆ្នាំក្រោយការបញ្ចេញប្រភេទ Facelift ថ្មី។ Ford Fiesta នឹងត្រូវជំនួសដោយមិនប្រយោលដោយរថយន្ត Puma SUV ប្រភេទប្រើថាមពលអគ្គិសនីសុទ្ធ។

រថយន្ត Fiesta បានក្លាយជាសមាជិករថយន្តរបស់ Ford តាំងពីឆ្នាំ១៩៧៦ និងជារថយន្តដែលមានអាយុកាលចាស់ជាងគេលំដាប់ទីពីរ បន្ទាប់ពីរថយន្ត Transit។ គិតត្រឹមបច្ចុប្បន្ននេះ គេបានឃើញរថយន្ត Fiesta ផ្លាស់ប្ដូររូបរាងចំនួន៨ជំនាន់ ជាមួយចំនួនលក់សរុបជាង ១៨លានគ្រឿងទូទាំងពិភពលោក។

រថយន្ត Fiesta ចុងក្រោយនឹងរំកិលខ្លួនចេញរោងចក្រនៅត្រឹមខែមិថុនា ឆ្នាំ២០២៣ ខណៈដែលការកុម្ម៉ង់ទិញនៅតែបន្តបើកទទួលលុះត្រាតែរថយន្តលក់ដាច់អស់។

គួរដឹងថាវីដេអូលាគ្នាបានបញ្ចប់ជាមួយដំណឹងល្អមួយ ដោយ Ford បានឲ្យតម្រុយពីរថយន្ត Puma ប្រភេទអគ្គិសនីសុទ្ធ។ រថយន្ត Ford Puma EV ត្រូវបានឲ្យតម្រុយនិងបញ្ជាក់រួចមកហើយ ដោយវានឹងចាប់ផ្ដើមផលិតនៅឆ្នាំ២០២៤៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ Toyota bZ4x ចេញលក់ក្នុងប្រទេសចិន ជាមួយតម្លៃខ្ទង់ជិត ៤ មុឺនដុល្លារ

October 27, 2022

[បរទេស] ក្រុមហ៊ុន FAW-Toyota បានធ្វើការដាក់បង្ហាញខ្លួនជាផ្លូវការនៅរថយន្ត Toyota bZ4x ដែលជារថយន្ត SUV អគ្គិសនីសុទ្ធ 5 កៅអី ដែលមាន ៥ ម៉ូដែល ជាមួយនឹងតម្លៃលក់ចាប់ពី ២៧ ៨០០ ដុល្លារ ដល់ ៣៩ ៧០០ ដុល្លារ ត្រូវបានគេរំពឹងថានឹងចាប់ផ្តើមការចែកចាយដំបូងរបស់ខ្លួននៅចុងខែតុលាក្នុងទីផ្សារប្រទេសចិន។

bZ4X ផលិតលើនៅលើគ្រោងឆ្អឹង e-TNGA platform របស់ Toyota មានប្រវែងតួខ្លួនសរុប ៤ ៦៩០ ម.ម ទទឹង ១៨៦០ ម.ម កំពស់ ១៦៥០ ម.ម និងប្រវែងគន្លាតកង់មុខ-ក្រោយ ២ ៨៥៩ ម.ម ។ ការរចនាផ្នែកខាងក្រៅ មានចង្កៀងរាងស្លីមប្រវែងវែង ត្រូវបានបំពាក់ដោយគុជចំនួន ៤ នៅខាងក្នុង។

រីឯនៅផ្នែកខាងក្នុងវិញ មានបំពាក់ដោយដៃចង្កូតប្រភេទ 3-spoke, អេក្រង់កំសាន្ត touchscreen ទំហំ ១២,៣ អ៊ីញ គាំទ្រមុខងារ សម្គាល់ដោយសំឡេង, សម្គាល់មុខ និងមានកម្មវិធីភ្ជាប់មកជាមួយដូចជាផែនទី Baidu និងការបញ្ជាពីចម្ងាយ, កន្លែងសាកថ្មឥតខ្សែ, ប្រព័ន្ធចូលចតរថយន្តបញ្ជាពីចម្ងាយ, កាមេរ៉ា ៣៦០ ដឺក្រេ និងកៅអីមុខងារកម្ដៅជាដើម។ លើសពីនេះ ក៏បានបំពាក់ជាមួយប្រព័ន្ធសុវត្ថិភាព Toyota Safety Sense 3.0 system និងពោងសុវត្ថិភាពចំនួន ៨ ចំនុច។

ចូលទៅកាន់ផ្នែកម៉ាស៊ីនវិញ រថយន្តអគ្គិសនី Toyota bZ4X ត្រូវបានបំពាក់ដោយម៉ូទ័រអគ្គិសនីមានកម្លាំង ២០១ សេះ និងកម្លាំងរមួល ២៦៦ ញ៉ុតុនម៉ែត្រ ប្រភេទបើកបរប៉ុង ១ អាចបើកបរបានចម្ងាយ ៤០០ គីឡូម៉ែត្រ ដល់ ៦១៥ គីឡូម៉ែត្រក្នុងការសាកថ្មម្តង។ ខណៈ ប្រភេទបើកបរប៉ុង២ មានកម្លាំង ២១៤ សេះ និងកម្លាំងរមួល ៣៣៧ ញ៉ូតុនម៉ែត្រ អាចបើកបរបានចម្ងាយ ៥០០ គីឡូម៉ែត្រ ដល់ ៥៦០ គីឡូម៉ែត្រក្នុងការសាកថ្មម្តង ផ្គួបជាមួយអាគុយលីចូមទំហំ ៥០,៣ គីឡូវ៉ាត់ម៉ោង ដល់ ៦៦,៧ គីឡូវ៉ាត់ម៉ោង និងបច្ចេកវិទ្យាសាកថាមពលពន្លឺព្រះអាទិត្យ ដែលអាចបើកបរបានចម្ងាយ ១ ៧៥០ គីឡូម៉ែត្រក្នុងមួយឆ្នាំ៕

ផ្ទាំងផ្សាយពាណិជ្ជកម្ម

ប្រទះឃើញរថយន្ត Hongqi H6 នៅលើដងផ្លូវ ជាមួយរូបរាងដ៏ទាក់ទាញ នៅក្នុងប្រទេសចិន

October 27, 2022

[បរទេស] កាលពីពេលថ្មីៗ កន្លងទៅនេះ រថយន្តម៉ូដែលថ្មី Hongqi H6 ប្រភេទ sedan ថ្មី ជារថយន្តដែលស្ថិតនៅចន្លោះរវាងម៉ូដែល H5 និង H7 ក្នុងត្រកូលរបស់ខ្លួន ត្រូវបានប្រទះឃើញនៅលើដងផ្លូវមុនពេលបង្ហាញខ្លួនជាផ្លូវការរនៅក្នុងប្រទេសចិន។

រថយន្ត Hongqi H6 រចនាតួខ្លួនជាមួយពណ៌ខ្មៅ មានប្រវែងតួខ្លួនសរុប ៤ ៩៩០ ម.ម ទទឹង ១ ៨៨០ ម.ម កំពស់ ១ ៤៥៥ ម.ម និងប្រវែងគន្លាតកង់មុខ-ក្រោយ ២ ៩២០ ម.ម។ សម្រាប់ផ្នែកខាងមុខរបស់រថយន្តនេះ មានការរចនាដ៏ទាក់ទាញ ជាមួយលក្ខណៈបែបស្ព័រ ដោយបានបំពាក់ដោយចង្កៀងមុខរាងជ្រុងអបសងខាងនឹងប៉ាណាមុខមួយផ្ទាំងធំតុបតែងដោយក្រូម៉េ, អំពូលកាត់អ័ព្ទ ក៏ដូចជាឡូហ្គោពណ៌ក្រហមតុបតែងដោយក្រូម៉េដែលរត់បញ្ឈរពីលើផ្នែកខាងមុខ និងនៅរបាំងការពារភក់ដូចទៅនឹងម៉ូដែល Hongqi ផ្សេងទៀតដែរ។

ខណៈនៅផ្នែកខាងក្រោយ ភ្ជាប់ដោយចង្កៀងប្រភេទ LED អូសកាត់ពីផ្នែកម្ខាងទៅផ្នែកម្ខាង, ថាសកង់ស្ព័រទំហំធំពណ៌ប្រាក់, កាងខាងក្រោយ និងបំពង់ស៊ីមាំងក៏ត្រូវបានតុបតែងជាមួយក្រូម៉េផងដែរ។

ចូលទៅកាន់ផ្នែកម៉ាស៊ីនវិញ រថយន្ត Hongqi H6 ដំណើរការដោយម៉ាស៊ីនចំណុះ ២,០ លីត្រ turbocharged ទំហំ ៤ ស៊ីឡាំង អាចផលិតកម្លាំងបាន ២២១ សេះ ដល់ ២៤៨ សេះ។ ដោយសារតែរថយន្តនេះមិនទាន់ត្រូវបានដាក់បង្ហាញជាផ្លូវការនៅឡើយ ដូច្នេះព័ត៌មានលម្អិតអំពីការបើកបរ (performance) មិនទាន់ត្រូវបានប្រកាសនោះទេ។

គួរបញ្ជា្កក់ផងដែរថា រថយន្ត Hongqi H6 ស៊េរីថ្មីនឹងបង្ហាញខ្លួនជាសាធារណៈលើកដំបូងនៅក្នុងកម្មវិធី Guangzhou Auto Show នៅខែក្រោយ ហើយនឹងបង្ហាញខ្លួននៅលើទីផ្សាររថយន្តចិនក្នុងត្រីមាសទី១ ឆ្នាំ ២០២២ ៕

ផ្ទាំងផ្សាយពាណិជ្ជកម្ម

Bentley ប្រកាសពីលក្ខណៈបច្ចេកទេសម៉ាស៊ីនឡាន Bentayga EWB ក្រោយការផលិតបានចាប់ផ្ដើម

October 26, 2022

[ទីផ្សារបរទេស] អតិថិជន Bentley អាចនឹងរីករាយពេលដែលបានដឹងថាការផលិតរថយន្ត Bentayga Extended Wheelbase បានចាប់ផ្ដើមនៅរោងចក្ររបស់ក្រុមហ៊ុនដែលស្ថិតនៅក្នុងទីក្រុង Crewe នៃចក្រភពអង់គ្លេស ហើយការដឹកជញ្ជូនក៏បានចាប់ផ្ដើមដូចគ្នា។

ជាមួយការផលិតបានចាប់ផ្ដើម ក្រុមហ៊ុន Bentley បានប្រកាសចេញលក្ខណៈសម្បត្តិពេញនៃរថយន្ត SUV ប្រណីតនេះ ដោយវាមានបំពាក់ម៉ាស៊ីន Twin-Turbo ៤,០លីត្រ ៨ស៊ីឡាំង អាចផលិតកម្លាំងបាន ៥៤២សេះ។ ម៉ាស៊ីននេះអាចឲ្យរថយន្តស្ទុះដល់ ៩៦គ.ម/ម៉ ក្នុងពេល ៤,៥វិនាទី ជាមួយល្បឿនអតិរបមា ២៩០គ.ម/ម៉។

គួរដឹងថារថយន្ត Bentayga EWB ផ្ដោតលើប្រណីតភាពជាជាងកម្លាំង ដោយតាមរយៈការបន្ថែមប្រវែងពីកង់មុខទៅកង់ក្រោយចំនួន ១៨០ម.ម បានធ្វើឲ្យកៅអីអ្នកអង្គុយនៅជួរទីពីរកាន់តែធំទូលាយជាងមុន។ អតិថិជនដែលកុម្ម៉ង់រថយន្តនេះ អាចមានជម្រើសបួនកៅអីអង្គុយ និងប្រាំកៅអីអង្គុយ។

អ្នកដែលចង់បានប្រណីតភាពខ្ពស់អាចកុម្ម៉ង់ទិញ Bentayga EWB ជាមួយ Option ឈ្មោះថា Airline Seat Specification ដែលធ្វើឲ្យកៅអីអង្គុយមានផាសុកភាពខ្ពស់ អាចទម្រេតបានក្នុងមុំ ៤០ដឺក្រែ និងមានមុខងារទំនើបៗដូចជា Seat Auto Climate, Postural Adjustment និងមុខងារបន្ទាប់បន្សំផ្សេងទៀត។

Bentley បាននិយាយថាចាប់តាំងពីបង្ហាញរថយន្ត EWB នេះមក ៤០% នៃអតិថិជនរបស់ម៉ូដែល Bentayga បានជ្រើសរើសយកវា ដែលបង្ហាញថារថយន្តនេះទទួលបានការគាំទ្រខ្លាំង៕

ផ្ទាំងផ្សាយពាណិជ្ជកម្ម