[ទីផ្សារចិន] ក្រុមហ៊ុន Huawei បានធ្វើការប្រកាសចេញលក់់ជាផ្លូវការនូវរថយន្ត Aito M8 ស៊េរីឆ្នាំ ២០២៥ ប្រភេទ SUV អគ្គិសនីលាយសាំង នៅប្រទេសចិន ផ្តល់ជូនទាំងជម្រើស ៥ និង ៦កៅអី ជាមួយតម្លៃលក់ចាប់ពី ៤៨ ៩៦០ ដុល្លារ ដល់ ៦១ ២១០ ដុល្លារ ខណៈពេលនេះការបញ្ជាទិញបានឈានដល់ចំនួន ១៤មុឺនគ្រឿងហើយ។
រថយន្ដនេះ ប្រើប្រាស់នូវម៉ាស៊ីន ១.៥ លីត្រ turbocharged និងម៉ូទ័រអេឡិចអគ្គិសនីចំនួន ២ អាចផលិតកម្លាំងបាន ៥២៦ សេះ ផ្គួបជាមួយអាគុយទំហំ ៣៧ និង ៥៣,៤ គីឡូវ៉ាត់ម៉ោង អាចបើកបាន ២០១ និង ៣១០គីឡូម៉ែត្រ ដោយអគ្គិសនីសុទ្ធ ខណៈប្រើអគ្គិសនីលាយសាំងអាចបើកបរបាន ១ ៤០៥ និង ១ ៥២៦ គីឡូម៉ែត្រ។
រថយន្ត Aito M8 មានប្រវែងតួខ្លួនសរុប ៥ ១៩០ ម.ម ទទឹង ១ ៩៩៩ ម.ម កម្ពស់ ១ ៧៩៥ ម.ម និងប្រវែងគម្លាតកង់មុខ-ក្រោយ ៣ ១០៥ ម.ម និងបានភ្ជាប់មកជាមួយការឌីស្សាញបែបស្ព័រស្រដៀងគ្នាទៅនឹងត្រកូល Aito ទាំងអស់ ជាមួយប៉ាណាបិទជិត ចង្កៀងមុខប្រភេទ Pixel-LED រ៉ាដាលើដំបូល ទ្វារដៃប្រភេទ semi-hidden door handles ព្រមទាំងថាសកង់ស្ព័រទំហំ ២០ និង ២១ អ៊ីញ ជាដើម។
ចំពោះនៅផ្នែកខាងក្នុងវិញ ទទួលបានអេក្រង់ចំនួន៣ ស្រដៀងទៅនឹង Aito M9 រួមមានកុងទ័រឌីជីថល ១២,៣អ៊ីញ អេក្រង់កម្សាន្ត ១៥,៦ និង ១៦ អ៊ីញ ភ្ជាប់ដោយប្រព័ន្ធប្រតិបត្តិការ Huawei Harmony Smart Cockpit ក៏ដូចជាកន្លែងសាកថ្មឥតប្រើខ្សែ អេក្រង់ HUD ទំហំ ៦៨អ៊ីញ កៅអីម៉ាស្សារ កម្តៅ-ត្រជាក់ បាសចំនួន ១៩គ្រាប់ និងទូរទឹកកកជាដើម។ លើសពីនេះ ក៏ភ្ជាប់មកជាមួយប្រព័ន្ធបើកបរកម្រិតខ្ពស់ ADS 3.0 ផងដែរ៕
ពន្ធគយលើវិស័យរថយន្តដែលត្រូវបានដាក់ដោយរដ្ឋបាលរបស់លោក ត្រាំ (Trump administration) អាចនឹងមានផលប៉ះពាល់យ៉ាងធ្ងន់ធ្ងរទៅលើការលក់ និងតម្លៃរថយន្ដ។ យោងតាមទីភ្នាក់ងារព័ត៌មាន Reuters ក្រុមហ៊ុន Goldman Sachs បានធ្វើការព្យាករណ៍អំពីការលក់រថយន្តប្រចាំឆ្នាំនៅសហរដ្ឋអាមេរិក ពី ១៦.២៥ លានគ្រឿង មកនៅត្រឹម ១៥.៤០ លានគ្រឿង សម្រាប់ឆ្នាំ ២០២៥។ បើគិតពីចំនួននៃការលក់អាចធ្លាក់ចុះចំនួន ៨៥០.០០០ គ្រឿង ហើយក្រុមហ៊ុននេះបានព្យាករណ៍ថា ស្ថានការណ៍អាចនឹងកាន់តែអាក្រក់ទៅទៀតនៅឆ្នាំ ២០២៦។
ចំពោះអត្រាពន្ធគយ ២៥% របស់រដ្ឋបាលលោក ត្រាំ លើការនាំចូលរថយន្ត ត្រូវបានគេដឹងយ៉ាងគ្រប់គ្នាថា វាមិនមែនជាកត្តាតែមួយគត់ដែលអាចបង្កឲ្យចំនូួននៃការលក់រថយន្ដធ្លាក់ចុះទេ ប៉ុន្តែពន្ធគយលើគ្រឿងបន្លាស់រថយន្តមួយចំនួន ក៏អាចនឹងចូលជាធរមាននៅខែឧសភាខាងមុខនេះ ក៏កត្ដាធំមួយរុញច្រានឲ្យការលក់រថយន្ដនៅអាមេរិកធ្លាក់ចុះដែរ។
ក្រៅពីការលក់នៅសហរដ្ឋអាមេរិក ក្រុមហ៊ុននេះក៏បានបន្ទាបការព្យាករណ៍សម្រាប់ការផលិតរថយន្តជាសកលសម្រាប់ឆ្នាំ ២០២៥ ពី ចំនូួន៩០.៤ លានគ្រឿង ថយមកនៅត្រឹម ៨៨.៧ លានគ្រឿងផងដែរ។ តាមការប៉ាន់ស្មានរបស់ពួកគេសម្រាប់ឆ្នាំ ២០២៦ ក៏បានធ្លាក់ចុះផងដែរ ពី ៩២.៦ លានគ្រឿង មកនៅត្រឹម ៩០.៧ លានគ្រឿង៕
រថយន្តថ្មីនេះ ដំណើរការដោយប្រព័ន្ធ (plug-in hybrid) ដែលមានឈ្មោះថា NordThor ជាបច្ចេកវិទ្យាជំនាន់ចុងក្រោយ អភិវឌ្ឍដោយក្រុមហ៊ុន Geely ផ្ទាល់ មានសមត្ថភាពអាចបើកបរដោយប្រើថាមពលអគ្គិសនីសុទ្ធបានចម្ងាយ ៦០គីឡូម៉ែត្រ និង ១៣០ គីឡូម៉ែត្រ គិតតាមស្តង់ដារវាស់ចម្ងាយ CLTC។ រថយន្ដនេះក៏បានបំពាក់ដោយប្រព័ន្ធជំនួយការបើកបរវៃឆ្លាត G-Pilot។
លក្ខណៈពិសេសរថយន្ដនេះគឺបំពាក់មកជាមួយដៃទ្វារាបស្មើ (Hidden Door Handles), ទ្វារគ្មានស៊ុមកញ្ចប់ (Frameless Windows), ចង្កៀងមុខរាងស្រឡូន (Slender Headlights), ចង្កៀងក្រោយរចនាអូសជាបន្ទាត់ភ្ជាប់មកជាមួយ Logo Geely នៅចំកណ្ដាល និងរូបរាងបែប Fastback និងប្រើកង់យ៉ាន់ទំហំ ១៩ អុីញ។
បន្ថែមពីនេះទៀត Galaxy Starshine 8 ក៏បំពាក់មកជាមួយ Lidar នៅលើដំបូលខាងមុខ និងកាមេរ៉ាចំនួន ១០គ្រាប់គាំទ្រដល់ប្រព័ន្ធបើកបរវៃឆ្លាត G-Pilot (ឈ្មោះជាភាសាចិន Qianli Haohan) ។
រថយន្ដ Geely Galaxy Starshine 8 ដំណើរការជាមួយប្រព័ន្ធ plug-in hybrid NordThor ជាមួយជម្រើស២ផ្សេងគ្នាក្នុងនោះមាន EM-i និង EM-P។
នៅផ្នែកខាងក្នុងបានបំពាក់ចង្កូតបែបស្ព័រ មានអេក្រង់កម្សាន្ដទំហំ ១៥.៤ អុីញ។ ចំពោះប្រព័ន្ធប្រតិបត្តិការនៅផ្នែកខាងក្នុងដំណើរការប្រព័ន្ធ Flyme Auto ដែលអាចប្រើប្រាស់ការបញ្ជាដោយសំឡេងតាមរយៈប្រព័ន្ធបញ្ញាសិប្បនិម្មិត AI។ បន្ថែមពីនេះ Geely Galaxy Starshine 8 បំពាក់មកជាមួយឧបករណណ៍បំពងសម្លេងចំនួន២៣គ្រាប់និងសាកថ្មឥតខ្សែកម្លាំង 40W ចំនួន២។
