គំរូរថយន្តអគ្គិសនី Denza INCEPTION សាកថ្មម្តងជិះបាន ៧០០ គីឡូម៉ែត្រ មុនពេលបង្ហាញខ្លួនជាផ្លូវការ

August 26, 2022

[បរទេស] ក្រុមហ៊ុនផលិតរថយន្ត Denza Motors បានធ្វើការដាក់បង្ហាញចេញនៅគំរូរថយន្តអគ្គិសនី Denza INCEPTION ជាប្រភេទ SUV មុនការបង្ហាញខ្លួនលើកដំបូងនៅក្នុងប្រទេសចិននៅក្នុងត្រីមាសទីមួយនៃឆ្នាំ ២០២៣ នៅឯពិព័រណ៍រថយន្ត Chengdu Auto Show 2022 ។

ក្រឡេកទៅមើលលើការរចនានៅផ្នែកខាងក្រៅ គំរូរថយន្ត Denza INCEPTION សង្កត់ធ្ងន់លើការរចនាដ៏ទាន់សម័យជាមួយនឹងប៉ាណាមុខបិទជិត អមជាមួយចង្កៀងមុខឲ្យឈ្មោះថា Diamond Arrow ត្រូវបានបំពាក់ដោយប្រព័ន្ធ lidar និងកញ្ចក់ចំហៀងមុខងារអេឡិចត្រូនិច, ដៃទ្វារលាក់, កាងខ្យល់ខាងក្រោយរចនារាងស្លីម និងចង្កៀងក្រោយ LED អូសកាត់ពីផ្នែកម្ខាងទៅផ្នែកម្ខាង។

រីឯនៅផ្នែកខាងក្នុងកាប៊ីន ត្រូវបានរចនាស្រដៀងទៅនឹងរថយន្ត Mercedes-Benz ក្រោមគំនិតនៃការរចនាឲ្យឈ្មោះថា “Immersive Flight Cockpit” តុបតែងជាមួយគ្រឿងបរិក្ខាដ៏ប្រណិត ដោយមានបំពាក់ជាមួយកុងទ័រព័ត៌មាន LCD ទំហំ ១២,៣ អ៊ីញ និងអេក្រង់កំសាន្តទំហំ ១៥,៦ អ៊ីញ ដៃចង្កូតប្រភេទ 3-spoke ដំបូលបើកបែប sunroof និងទ្វារចំហៀងស្រោបដោយឈើដ៏ប្រណិតផងដែរ។

រថយន្តនេះផលិតឡើងនៅលើគ្រោងឆ្អឹង e-platform 3.0 ជាមួយអាគុយ CTB battery technology អាចបើកបរបានចម្ងាយ ៧០០ គីឡូម៉ែត្រក្នុងការសាកថ្មម្តង៕

ផ្ទាំងផ្សាយពាណិជ្ជកម្ម

ឡានអគ្គិសនី Genesis G80 ២០២៣ ចេញលក់នៅសហរដ្ឋអាមេរិក ជាមួយតម្លៃខ្ទង់ ៨ មុឺនដុល្លារ

August 26, 2022

[ទីផ្សារបរទេស] ក្រុមហ៊ុនផលិតរថយន្តដ៏ប្រណិតរបស់កូរ៉េ Genesis បានធ្វើការដាក់បង្ហាញចេញនៅរថយន្តអគ្កីសនី Genesis G80 ស៊េរីឆ្នាំ ២០២៣ ជាមួយតម្លៃលក់ប្រហែលចាប់ពី ៧៩ ៨២៥ ដុល្លារ ជាមួយថ្លៃដឹកជញ្ចូន ១ ០៩៥ ដុល្លារ សម្រាប់ទីផ្សារសហរដ្ឋអាមេរិក។ ក្នុងនោះ ក្រុមហ៊ុន Genesis ក៏បានប្រកាសពីការពង្រីកការលក់រថយន្តអគ្គិសនីរបស់ខ្លួនទៅកាន់រដ្ឋចំនួនបួនបន្ថែមទៀតនៅក្នុងសហរដ្ឋអាមេរិក។

សម្រាប់រថយន្តអគ្គិសនី Genesis G80 ស៊េរីឆ្នាំ ២០២៣ ដំបូងបង្អស់របស់ក្រុមហ៊ុននេះ នឹងត្រូវបានផ្តល់ជូនក្នុងកម្រិត Trim តែមួយប៉ុណ្ណោះ ដែលជាម៉ូដែល All-wheel-drive ជាមួយនឹងម៉ូទ័រអគ្គិសនីខាងមុខ និងខាងក្រោយ។

រថយន្តនេះ បំពាក់ជាមួយម៉ូទ័រអគ្គិសនីចំនួនពីររបស់ G80 អាចផលិតកម្លាំងបាន ៣៦៥ សេះ និងកម្លាំងរមួល ៧០០ ញ៉ូតុនម៉ែត្រ ផ្គួបជាមួយអាគុយទំហំ ៨៧,២ គីឡូវ៉ាត់ម៉ោង ជាមួយមុខងារសាកថ្មល្បឿនលឿនពី ១០% ទៅ ៨០% ក្នុងរយៈពេល ២២ នាទី និងអាចបើកបរបានចម្ងាយប្រហែល ៤៥៤ គីឡូម៉ែត្រក្នុងការសាកថ្មម្តង។ វាក៏មានភ្ជាប់មកជាមួយដំបូលថាមពលពន្លឺព្រះអាទិត្យទៀតផង។

ទន្ទឹមនឹងនេះដែរ ក្រុមហ៊ុន Genesis ក៏បានប្រកាសថា ខ្លួននឹងដាក់បង្ហាញររថយន្តអគ្គសិនី នៅក្នុងរដ្ឋចំនួនបួនបន្ថែមទៀតរបស់សហរដ្ឋអាមេរិកគឺ Arizona, Nevada, Utah និង Washington ដែលចំនួនសរុបកើនឡើងដល់ ៨ រដ្ឋ។

គួរបញ្ជាក់ផងដែរថា សម្រាប់អតិថិជនដែលបានទិញរថយន្តអគ្គិសនី Genesis G80 និង GV60 ក៏នឹងទទួលបាននៅភាពជាដៃគូរវាង Genesis Motors America និង Electrify America ផងដែរ។ ដោយម្ចាស់រថយន្តនីមួយៗ នឹងទទួលបានការបញ្ចូលថ្មឥតគិតថ្លៃរយៈពេល ៣០ នាទី ក្នុងរយៈពេល ៣ ឆ្នាំគិតចាប់ពីថ្ងៃទិញរថយន្ត៕

ផ្ទាំងផ្សាយពាណិជ្ជកម្ម

Hyundai Venue N Line ម៉ូដែលខ្ពស់ជាងគេ គ្រោងបង្ហាញខ្លួនជាផ្លូវការក្នុងប្រទេសឥណ្ឌា ខែក្រោយ

August 26, 2022

[ទីផ្សារបរទេស] ក្រុមហ៊ុនផលិតរថយន្ត Hyundai បានធ្វើការដាក់បង្ហាញចេញនៅរថយន្ត Hyundai Venue N Line នៃប្រភេទ SUV ខ្នាតតូច ជាម៉ូដែលខ្ពស់ជាងគេជាមួយតម្លៃលក់ចាប់ពី ១៥ ៩៣០ ដុល្លារ គ្រោងនឹងបង្ហាញខ្លួនជាផ្លូវការនៅថ្ងៃទី ៦ ខែកញ្ញា ក្នុងប្រទេសឥណ្ឌា។

រថយន្ត Hyundai Venue N Line គឺមិនមានលក្ខណៈបែបស្ព័រដូចនៅក្នុងម៉ូដែល Hyundai ផ្សេងទៀតនោះទេ ប៉ុន្តែវានៅតែលេចធ្លោជាងពីម៉ូដែលផ្សេង រួមទាំងជាមួយការតុបតែងពណ៌ក្រហមដែលជាអត្ថសញ្ញាណនៅផ្នែកខាងក្រោមនៃតួរថយន្តដែលត្រូវបានរចនាឡើងវិញផងដែរ។

ភាពខុសគ្នាពីកន្លែងបន្ថែមរួមមាន ប៉ាណាមុខ, របាំងការពារភក់និងទ្វារខាងក្រោយមានឡូហ្គោ N Line។ លើសពីនេះ របាំងការពារផ្នែកខាងមុខស្រោបដោយអាលុយមីញ៉ូម និងកាងខាងក្រោយរចនាថ្មី, ថាសកង់ស្ព័រទំហំ ១៦ អ៊ីញ, កាង spoiler ខាងក្រោយទំហំធំ។ បន្ថែមពីនេះ នៅផ្នែកខាងក្រោយ ចំនុចលេចធ្លោគឺបំពង់ស៊ីមាំងពីរដែលស្រោបដោយក្រូម៉េ បែបស្ព័រ។

រីឯនៅផ្នែកខាងក្នុង Hyundai បានបន្ថែមថ្នេរដេពណ៌ក្រហម លើកៅអី ដៃទ្វារ ផ្ទៃតាប៊្លូ និងចង្កឹះលេខ។ ឧបករណ៍ស្ដង់ដាររួមមាន កុងទ័រព័ត៌មានឌីជីថល និងអេក្រង់កំសាន្តទំហំ ៨ អ៊ីញ ជាមួយនឹងមុខងារតភ្ជាប់ជាច្រើន ឧបករណ៍បំពងសំឡេងម៉ាក Bose និងដំបូលបើកបែប sunroof។

រថយន្ត Hyundai Venue N Line ដំណើរការដោយម៉ាស៊ីនសាំងចំណុះ ១,០ លីត្រ turbocharged ទំហំ ៣ ស៊ីឡាំងដែលអាចផលិតកម្លាំងបាន ១១៨ សេះ និងកម្លាំងរមួល ១៧២ ញ៉ូតុនម៉ែត្រ ភ្ជាប់ជាមួយប្រអប់លេខដៃ ៧ វគ្គ៕

ផ្ទាំងផ្សាយពាណិជ្ជកម្ម

មកមើលរថយន្ត Toyota Tundra ធ្វើតេស្តប្រព័ន្ធផ្តល់សញ្ញាគ្រោះថ្នាក់ និងចាប់ហ្វ្រាំងដោយស្វ័យប្រវតិ្ត (មានវីដេអូ)

August 26, 2022

[បរទេស] កាលពីពេលថ្មីៗ កន្លងទៅនេះ ក្រុមហ៊ុនផលិតរថយន្ត Toyota បានធ្វើការបង្ហាញចេញវីដេអូអំពីការធ្វើតេស្តសាកល្បងរថយន្ត Toyota Tundra ជាមួយប្រព័ន្ធផ្តល់សញ្ញាគ្រោះថ្នាក់ និងចាប់ហ្វ្រាំងដោយស្វ័យប្រវតិ្ត (Trailer Pre-Collision System) ជាមួយប្រព័ន្ធព័ត៌មាន Toyota Audio Multimedia ថ្មី របស់ខ្លួននៅឯមជ្ឈមណ្ឌល American Center for Mobility សហរដ្ឋអាមេរិក។

ដូចដែលអ្នកបានឃើញនៅក្នុងវីដេអូ ក្រុមហ៊ុន Toyota បានធ្វើការយករថយន្ត Tundra ជាមួយនឹងការអូសសណ្តោងរថយន្ត Sequoia Capstone ដ៏ប្រណិត ដែលមានទម្ងត់ ២ ៨០៥ គីឡូក្រាម ដោយក្រុមហ៊ុនចង់បង្ហាញឲ្យឃើញពីសមត្ថភាពហ្វ្រាំងរបស់ពួកគេដំណើរការបានល្អបំផុត។ ក្នុងនោះ ពួកគេទទួលបានលទ្ធផលគួរឲ្យគត់សម្គាល់ ដោយប្រព័ន្ធនេះបានដំណើរការប្រកបដោយសុវត្ថិភាព។

ទោះបីជាការបង្ហាញក្នុងល្បឿនយឹតក៏ដោយ អត្ថប្រយោជន៍គឺទទួលបានផលភ្លាមៗ ដោយសារប្រព័ន្ធធ្វើអោយប្រសើរឡើងនៅស្ថេរភាព ក៏ដូចជាកាត់បន្ថយចម្ងាយហ្វ្រាំង។ វាក៏ជួយកាត់បន្ថយគ្រោះថ្នាក់ដែលបង្កឡើងដោយអ្នកបើកបរមិនប្រុងប្រយ័ត្នផងដែរ។

សម្រាប់ការអូសសណ្តោងរបស់ Toyota Tundra ពីប្រព័ន្ធផ្តល់សញ្ញាគ្រោះថ្នាក់ និងចាប់ហ្វ្រាំងដោយស្វ័យប្រវតិ្ត (Trailer Pre-Collision System) ព្រោះម៉ូដែលនេះក៏មានបំពាក់នូវប្រព័ន្ធ Trailer Back Guidance and Straight Path Assist ដោយជួយពេលចូលចតដោយស្វ័យប្រវត្តិ។ លើសពីនេះ ក៏មានប្រព័ន្ធបង្ហាញឧបសគ្គពីចំហៀង (blind spot monitor) ដើម្បីជូនដំណឹងដល់អ្នកបើកបរចំពោះនៅគន្លងដែលនៅជាប់គ្នាផងដែរ៕

ផ្ទាំងផ្សាយពាណិជ្ជកម្ម

តើហេតុផលអ្វីដែលធ្វើអោយម៉ូតូ Royal Enfield ក្លាយជាជម្រើសម៉ូតូដែលល្អបំផុត?

August 26, 2022

នៅពេលអ្នកធ្វើការទិញម៉ូតូ តើរឿងអ្វីខ្លះដែលអ្នកគិតមុនដំបូងគេ? អ្នកប្រហែលផ្តោតសំខាន់លើចំណុចបីយ៉ាងនេះ៖ គុណភាព/ការរចនា ការសន្សំសំចៃ និងតម្លៃ។ គុណភាពនិងការរចនានៃផលិតផលជាកត្តាទីមួយដែលអ្នកត្រូវគិតព្រោះវាបង្ហាញពីរយ:ពេលនៃការប្រើប្រាស់ក្រោយពេលអ្នកទិញវាហើយវាក៏ជាអ្វីដែលធ្វើឱ្យអ្នកសំរេចចិត្តទិញនៅពេលឃើញភ្លាមបូករួមជាមួយនឹងការរចនារបស់វាផងដែរ។ ជាមួយនិងការកើនឡើងនៃតំលៃប្រេងឥន្ទនះបានចោទជាបញ្ហាក៏ដូចជាការព្រួយបារម្ភសម្រាប់ម្ចាស់ម៉ូតូគ្រប់គ្នាផងដែរ។ ជាពិសេសសម្រាប់អ្នកធ្វើការដែលប្រើប្រាស់ម៉ូតូជាមធ្យោបាយធ្វើដំនើរប្រចាំថ្ងៃ កត្តាសាំងសម្រាប់ការសន្សំសំចៃជាចំនុចមួយដែលពួកគាត់ត្រូវគិត។ ចុងក្រោយអ្នកត្រូវគិតពីតម្លៃរបស់វា តើអ្នកអាចមានលទ្ធភាពទិញម៉ូតូដែលអ្នកចូលចិត្តបានឬទេ? ជាលទ្ធផលអ្នកនឹងមានការភ្ញាក់ផ្អើលចំពោះម៉ូតូ Royal Enfield ដែលមានឥទ្ធិពលយ៉ាងខ្លាំងលើលក្ខណ:សំខាន់ទាំងបីចំណុចនេះ និងកាន់តែពិសេសទាក់ទងទៅនឹងគុណភាពនៃការផលិតរបស់វាដោយផ្ទាល់។

ម៉ូតូ Royal Enfield ពិតជាម៉ូតូដែលបានត្រួសត្រាយផ្លូវដ៏ល្អនិងត្រឹមត្រូវតាំងពីដំបូងជាមួយនិងការសម្រិតសម្រាំងផលិតអំពីលោហះដែកដំបូងមកម្លេះ។ ដែកដែលមានគុណភាពជាមួយនឹងការបាញ់ថ្មាំពណ៌ដែលនឹងមិនច្រេះ ជាមួយការគិតដ៏ម៉ត់ចត់ អតិថិជននឹងមិនចាំបាច់ព្រួយបារម្ភច្រើនទេថាម៉ូតូនឹងងាយខូច ឬងាយច្រែះ ព្រោះត្រូវចាំថាសម្រាប់ម៉ូតូ Royal Enfield អ្វីដែលបានធ្វើឡើងដោយភាពជោគជ័យ វាមិនមែនធ្វើឡើងដោយភាពងាយស្រួលនោះឡើយ។ ជាឧទាហរណ៍ជាក់ស្តែងដែលមានស្រាប់ផលិតផលដែលផលិតដោយក្រុមហ៊ុន Royal Enfield យើងអាចក្រឡេកមើលទៅកាន់ប្រវត្តិសាស្រ្ត ក្នុងកំឡុងពេលសង្គ្រាមលោកលើកទី ២ ក្រុមហ៊ុនបានផ្គត់ផ្គង់ម៉ូតូទៅកាន់កងទ័ពឆ័ត្រយោងរបស់ចក្រភពអង់គ្លេស ជាមួយម៉ូតូដែលសាងសង់ដើម្បីទម្លាក់ចេញពីយន្តហោះ ដោយត្រូវបានគេហៅថា“ Flying Flea” ។ បន្ថែមពីនេះក៏បានផ្គត់ផ្គង់ម៉ូតូរបស់ខ្លួនដល់កងទ័ពអង់គ្លេស និង RAF ជាមួយម៉ូដែល Bullet (ផលិតឡើងក្នុងឆ្នាំ ១៩៣១)ផងដែរ។ នៅឆ្នាំ ១៩៤៨ ម៉ូតូ Bullet បានក្លាយជាម៉ូតូជនជាតិអង់គ្លេសដំបូងគេ ដែលបំពាក់ជាមួយស៊ុម Swingarm ខាងក្រោយ ដោយផ្តល់នូវសម្ថភាពជិះនៅលើផ្លូវដ៏លំបាក(Off-Road)យ៉ាងល្អឥតខ្ចោះ។

ជាមួយការផលិតម៉ូតូជាង ១លានគ្រឿងក្នុងមួយឆ្នាំ Royal Enfield ដើតួរយ៉ាងសំខាន់ក្នុងទីផ្សារម៉ូតូ សម្រាប់ការរចនាយ៉ាងពិតប្រាកដ។ នេះមិនមែនជាការងាយស្រួលនោះទេ ដែល Royal Enfield ត្រូវព្យាយាមរក្សាជំហររបស់ខ្លួនដោយមិនអោយមានភាពច្រំដែល និងស្វែងរកនូវការផ្លាស់ប្តូរថ្មីៗសមស្រមនឹងសម័យកាលបច្ចុប្បន្ន។ ជាមួយការពិត ក្នុងការជម្រុញអោយយុវជនចូលចិត្តម៉ូតូ គឺជាគន្លឹះមួយសម្រាប់ឧស្សាហកម្មទាំងមូលផងដែរ វាត្រូវបានមើលឃើញថាជាការផ្លាស់ប្តូរដ៏ល្អមួយសម្រាប់អតិថិជនក្មេងៗ ជាមួយនឹងម៉ូឌែល Interceptor និង Continental GT ដោយសារម៉ូឌែលទាំងពីនេះធ្វើអោយក្មេងៗវ័យជំទង់ចូលចិត្តព្រោះមានតំលៃសមរម្យ និងងាយស្រួលក្នុងការបន្ថែមស្ទីលថ្មី(Customized)បន្ថែមផងដែរ។ ទន្ទឹមនឹងនេះផងដែរប្រសិនបើអ្នកប្រើប្រាស់មធ្យោបាយធ្វើដំនើរដោយម៉ូតូជារៀងរាល់ថ្ងៃ អ្នកអាចសំលឹងមើលម៉ូឌែល Classic 350 រឺ Meteor 350 ជាមួយនិងកម្រិតត្រឹម ២,៥ លីត្រកន្លះក្នុងរយះចំងាយ ១០០ គីឡូម៉ែត្រ។ ជាទូទៅម៉ូតូ Royal Enfield មានការសន្សំសំចៃសាំងច្រើនសូម្បីតែម៉ូតូប្រភេទ off-road, Royal Enfield Himalayan 411។

Royal Enfield គឺជាយីហោផលិតម៉ូតូជាលក្ខណ: សកល ដែលបានបង្កើតឡើងតាំងពីឆ្នាំ ១៩០១ មកម្លេះ។ ជាមួយនឹងទំហំនៃសេដ្ឋកិច្ច Royal Enfield បានផ្តល់នូវតម្លៃម៉ូតូរបស់ខ្លួនក្នុងតម្លៃចាប់ផ្តើមពី ៣ ៩០០ ដុល្លារទៅ ៥ ៦០០ ដុល្លារ ដែលជាតំលៃទាបប្រសិនបើប្រៀបធៀបជាមួយនិងម៉ាកយីហ៊ោម៉ូតូធំផ្សេងទៀត។ គួរឱ្យភ្ញាក់ផ្អើលក្នុងការនិយាយអំពីតម្លៃសមរម្យនេះ អ្នកក៏នឹងទទួលបានការផ្តល់ជូនពិសេសពីក្រុមហ៊ុនដូចជា ការបញ្ចុះតម្លៃ, ការដូរជាច្រើន នឹងកាន់តែពិសេសគឺសេវាកម្មរោងជាង (Service Center) ដែលមានភាពរួសរាយរាក់ទាក់និងជួយដោះស្រាយរាល់បញ្ហាម៉ូតូរបស់អតិថិជនជានិច្ច៕

ផ្ទាំងផ្សាយពាណិជ្ជកម្ម

ឡាន Koenigsegg CC850 ផលិតថែម២០គ្រឿងទៀត ក្រោយលក់ដាច់អស់គ្មានសល់

August 25, 2022

[ទីផ្សារបរទេស] ក្រុមហ៊ុន Koenigsegg បានប្រកាសឲ្យដឹងថាក្រោយពីរថយន្ត CC850 បង្ហាញវត្តមានបានរយៈពេល៥ថ្ងៃ រថយន្តដែលគ្រោងផលិតត្រឹម៥០គ្រឿងនេះបានលក់ដាច់អស់គ្មានសល់ ហើយពេលនេះដែរក្រុមហ៊ុនបានសម្រេចថាផលិតបន្ថែម ២០គ្រឿងទៀត ដើម្បីបំពេញតម្រូវការ។

ក្រុមហ៊ុន Koenigsegg បានឲ្យដឹងថាមុនសម្រេចចិត្តបង្កើនចំនួនផលិត ខ្លួនបានសាកសួរយោបល់អតិថិជនចាស់ៗរបស់ខ្លួនអំពីការបង្កើនចំនួនផលិតដល់ ៧០គ្រឿង ដែលទទួលបានការឆ្លើយតបវិជ្ជមាន។

ចំនួន ២០គ្រឿងបន្ថែមនេះដែរ ត្រូវបានជ្រើសរើសដើម្បីអបអរសាទរដល់ខួបទី២០ឆ្នាំនៃការបង្កើតក្រុមហ៊ុន Koenigsegg ខណៈដែលតួលេខ ៥០គ្រឿងដំបូង ត្រូវបានជ្រើសរើសយកដើម្បីអបអរសាទរដល់ខួបកំណើតទី៥០ឆ្នាំរបស់លោក Christian von Koenigsegg ដែលជានាយកប្រតិបត្តិក្រុមហ៊ុន។

គួរដឹងថា CC850 ជារថយន្តផលិតផ្អែកលើរថយន្ត Jesko ដែលមានបំពាក់ប្រអប់លេខដៃប្លែកគេ ភ្ជាប់ជាមួយម៉ាស៊ីនកម្លាំង ១៣៨៥សេះ ហើយរថយន្តនេះមានទម្ងន់ត្រឹម ១៣៨៥គីឡូក្រាម ដែលអាចឲ្យវាស្ទុះខ្លាំងបំផុត៕

ផ្ទាំងផ្សាយពាណិជ្ជកម្ម

Hyundai Stargazer ជារថយន្តលក់ដាច់ជាងគេនៅកម្មវិធី GIIAS Motor Show 2022 ក្នុងប្រទេសឥណ្ឌូនេស៊ី

August 25, 2022

[ទីផ្សារបរទេស] ក្រុមហ៊ុន Hyundai Motor Indonesia បានទទួលការបញ្ជាទិញរថយន្តសរុបចំនួន ៣ ៦១៩ គ្រឿង នៅក្នុងកម្មវិធី GAIKINDO Indonesia International Motor Show 2022។ ក្នុងនោះរថយន្ត Hyundai Stargazer ទទួលបានការបញ្ជាទិញច្រើនជាងគេ ដែលមានចំនួន ១ ៥៨៥ គ្រឿង និងរថយន្ត Hyundai Creta ដែលមានការបញ្ជាទិញចំនួន ១ ១៩១ គ្រឿង ហើយចំណាត់ថ្នាក់ទីបីជារបស់ Hyundai Ioniq 5 ជាមួយនឹងការបញ្ជាទិញចំនួន ៣៩៩ គ្រឿង ។

ក្រឡេកទៅមើលការរចនាវិញ រថយន្តនេះ មានការឌីស្សាញឡើងតាមទាន់សម័យ ជាមួយប៉ាណាមួយផ្ទាំងធំ អមសងខាងដោយសំណុំចង្កៀងប្រភេទ LED រួមបន្ថែមនូវការបំពាក់ថាសកង់ alloy ទំហំ ១៥អ៊ីញ និងចង្កៀងក្រោយឌីស្សាញរាងជាអក្សរ H ព្រមទាំងឡូហ្គោ Stargazer ផងដែរ។

រីឯផ្នែកខាងក្នុងនៃរថយន្ត ៧កៅអី ត្រូវបានបំពាក់ដោយកៅអីស្បែកប្រភេទ Captain Seat, កុងទ័របង្ហាញព័ត៌មានប្រភេទ TFT ទំហំ ៤,២អ៊ីញ, អេក្រង់កម្សាន្តទំហំ ៨អ៊ីញ ភ្ជាប់ដោយមុខងារ Apple Carplay និង Android Auto, កន្លែងសាកថ្មឥតប្រើខ្សែ, ឧបករណ៍បំពងសម្លេងចំនួន ៦ចំណុច និងប្រព័ន្ធជំនួយការបើកបរ ADAS ដែលមានដូចជា ប្រព័ន្ធកំណត់ល្បឿថេរ, ប្រព័ន្ធហ្វ្រាំងដៃអេឡិចត្រូនិច និងប្រព័ន្ធជំនួយពេលឈប់ស្តុប Auto Hold និងប្រព័ន្ធកាំមេរ៉ាជំនួយពេលថយក្រោយ។

រថយន្តនេះ ដំណើរការដោយម៉ាស៊ីនចំណុះ ១,៥លីត្រ ទំហំ ៤ស៊ីឡាំង អាចផលិតកម្លាំងបាន ១១៥សេះ និងកម្លាំងរមួល ១៤៤ញ៉ូតុនម៉ែត្រ ភ្ជាប់ដោយប្រអប់លេខដៃ ៦វគ្គ និងប្រអប់លេខស្វ័យប្រវត្តិ IVT៕

ផ្ទាំងផ្សាយពាណិជ្ជកម្ម

អតិតវិស្វករ Apple ដែលបានលួចឯកសាសម្ងាត់នៃបច្ចេកវិទ្យាបើកបរដោយស្វ័យប្រវត្តិ ត្រូវបានសារភាព

August 25, 2022

[បរទេស] កាលពីពេលថ្មីៗ កន្លងទៅនេះ អតីតវិស្វកររបស់ក្រុមហ៊ុន Apple ដែលធ្វើការលើគម្រោងប្រព័ន្ធបើកបរដោយស្វ័យប្រវិត្តរបស់ក្រុមហ៊ុនបានសារភាពថាបានលួចឯកសារសំងាត់មុនពេលចាកចេញទៅកាន់ប្រទេសចិនដើម្បីចាប់ផ្តើមតួនាទីថ្មីជាមួយក្រុមហ៊ុនផលិតរថយន្ត XPeng ។

ក្នុងនោះ លោក Zhang Xiaolang ត្រូវបាន Apple ជ្រើសរើសក្នុងឆ្នាំ ២០១៥ ប៉ុន្តែនៅឆ្នាំ ២០១៨ បានប្រកាសថាលាលែងពីតំណែងដើម្បីត្រលប់ទៅប្រទេសចិនវិញ ហើយគាត់នឹងទទួលការងារជាមួយម៉ាកយីហោអាស៊ី។ គាត់ត្រូវបានចាប់ខ្លួនមុនពេលគាត់ត្រលប់មកកាន់ប្រទេសចិននៅឆ្នាំដដែលនោះ។

បុរសជនជាតិចិននេះ បានទាញយកឯកសារ 25-page Apple ទៅកុំព្យូទ័ររបស់ប្រពន្ធគាត់ដែលមានព័ត៌មានរសើបរួមទាំងគំនូរបង្ហាញបន្ទះសៀគ្វីសម្រាប់រថយន្តអគ្គិសនីរបស់ក្រុមហ៊ុន Silicon Valley ។ ក្នុងនោះ លោក Xiaolang បានសារភាពពីការលួចឯកសារសម្ងាត់ពាណិជ្ជកម្មតែម្នាក់ឯងនៅក្នុងសវនាការនៅ San Jose រដ្ឋកាលីហ្វ័រញ៉ាក្នុងសប្តាហ៍នេះ ហើយអាចប្រឈមមុខនឹងការជាប់ពន្ធនាគាររហូតដល់ ១០ ឆ្នាំ និងពិន័យជាប្រាក់ចំនួន ២៥០ ០០០ ដុល្លារ ។

ទន្ទឹមនឹងនេះ ក្រុមហ៊ុន XPeng បាននិយាយនៅក្នុងសេចក្តីថ្លែងការណ៍មួយតាមគេហទំព័រ Bloomberg ថា “យើងមិនមានភាពចម្រូងចម្រាសប្រឆាំងនឹងក្រុមហ៊ុន Apple ទេ ហើយមិនមានការជាប់ទាក់ទងជាមួយករណីនេះទេ” ។ “XPeng គោរពយ៉ាងម៉ឺងម៉ាត់ចំពោះច្បាប់ពាក់ព័ន្ធ និងវាយតម្លៃខ្ពស់ចំពោះការការពារកម្មសិទ្ធិបញ្ញា។”

គួរបញ្ជាក់ផងដែរ Xiaolang មិនមែនជាវិស្វករ Apple តែម្នាក់គត់ដែលត្រូវបានគេចោទប្រកាន់ពីបទព្យាយាមលួចលាក់ប្រាប់ក្រុមហ៊ុនរថយន្តចិននោះទេ។ Jizhong Chen ត្រូវបានចាប់ខ្លួននៅឆ្នាំ ២០១៩ មុនពេលទៅកាន់ប្រទេសចិនវិញ ។ សារព័ត៌មាន Bloomberg រាយការណ៍ថា នៅពេលដែលអាជ្ញាធរបានស្វែងរក hard drive ដែលជាកម្មសិទ្ធិរបស់វិស្វករ ពួកគេបានរកឃើញឯកសារសំខាន់ៗរបស់ Apple រាប់ពាន់សន្លឹក និងរូបថតចំនួន ១០០ ដែលថតបាននៅខាងក្នុងរោងចក្រស្វយ័តរបស់ក្រុមហ៊ុន៕

ផ្ទាំងផ្សាយពាណិជ្ជកម្ម

រថយន្ត Toyota Kluger Crown ស៊េរីថ្មី ត្រៀមដាក់លក់នៅចិនថ្ងៃស្អែកនេះ

August 25, 2022

[ទីផ្សារបរទេស] កាលពីពេលកន្លងទៅ ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅរថយន្ត Toyota Kluger Crown ប្រភេទម៉ាស៊ីនសាំង ហើយពេលនេះរថយន្តនេះក៏នឹងត្រូវដាក់លក់នៅក្នុងប្រទេសចិននៅឯពិព័រណ៍រថយន្ត Chengdu Auto Show 2022 នៅថ្ងៃទី ២៦ ខែសីហា ឆ្នាំ ២០២២ ស្អែកនេះ។

រថយន្ត Toyota Kluger Crown ប្រើប្រាស់ជាមួយគ្រោងឆ្អឹង TNGA-K platform មានប្រវែងសរុប ៥ ០១០ ម.ម ទទឹង ១ ៩៣០ ម.ម កំពស់ ១ ៧៥០ ម.ម និងប្រវែងគន្លាតកង់មុខ-ក្រោយ ២ ៨៥០ ម.ម។

ក្រឡេកទៅមើលការរចនាវិញ មិនត្រូវបានរចនាឡើងខុសពីម៉ូដែលរបស់អាមេរិកទេ ដោយបានបំពាក់ជាមួយប៉ាណាមុខប្រភេទ Hexagonal grille អបដោយចង្កៀងមុខ LED និងភ្ជាប់មកជាមួយឡូហ្គោ Crown ផងដែរ។ រីឯព័ត៌មានលម្អិតនៅផ្នែកខាងក្នុង ក្រុមហ៊ុនមិនបានធ្វើការបញ្ចេញនៅឡើយទេ។

ចូលទៅកាន់ផ្នែកម៉ាស៊ីនវិញ រថយន្តនេះដំណើរការដោយម៉ាស៊ីនសាំងចំណុះ ២,០ លីត្រ អាចផលិតកម្លាំងបាន ២៤៤ សេះ និងកម្លាំងរមួល ៣៨០ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ៨ វគ្គ ប្រព័ន្ធបើកបរប៉ុង២ វិលកង់ទាំងអស់។ មិនតែប៉ុណ្ណោះ TOYOTA KLUGER CROWN ក៏បានភ្ជាប់មកជាមួយប្រព័ន្ធសុវត្ថភាព Toyota Safety Sense 2.0 ដែលធ្វើឲ្យរថយន្តនេះបើកបរកាន់តែមានទំនុកចិត្ត៕

ផ្ទាំងផ្សាយពាណិជ្ជកម្ម

Ford លក់កូនឡានភីកអាប់ Maverick ដាច់ខ្លាំងជាងគូប្រជែងពីរដង

August 25, 2022

[ទីផ្សារបរទេស] រយៈពេល៦ខែដំបូងនៃឆ្នាំ២០២២នេះ ត្បិតថាប្រឈមមុខនឹងបញ្ហាសង្វាក់ផ្គត់ផ្គង់ ប៉ុន្តែ Ford អាចលក់រថយន្តភីកអាប់ខ្នាតតូច Maverick បានរហូតដល់ ៣៨ ៧៥៣គ្រឿង ដែលច្រើនជាងគូប្រជែងពីរដងឯណោះ។

គូប្រជែងខ្លាំងក្លាបំផុតរបស់ Ford Maverick ដែលជារថយន្ត Hyundai Santa Cruz នោះ អាចលក់ចេញបានសរុប ១៨ ២០៣គ្រឿង ក្នុងរយៈពេលប្រាំមួយខែដំបូងនៃឆ្នាំ២០២២នេះ។

ក្រឡេកមើលទីផ្សាររថយន្តភីកអាប់ខ្នាតតូចជារួមឃើញថា Maverick កាន់កាប់ចំណែក ៦៧% ខណៈដែល Hyundai Santa Cruz កាន់កាប់ចំណែក ៣៣%។

គួរដឹងថា Maverick និង Santa Cruz ត្បិតថាជាគូប្រជែងគ្នា ប៉ុន្តែតម្លៃមានកម្រិតខុសគ្នាគួរសម ដោយ Maverick មានតម្លៃធូរថ្លៃបំផុតគឺចាប់ពី ២០ ៩៩៥ដុល្លារ ចំណែកឯរថយន្ត Santa Cruz របស់ Hyundai មានតម្លៃចាប់ពី ២៤ ៤៤០ដុល្លារ៕

ផ្ទាំងផ្សាយពាណិជ្ជកម្ម