ដើម្បីជំរុញការលក់ ក្រុមហ៊ុន Geely Group បានសម្រេចបានបន្ថែមមកជាមួយជម្រើសប្រើប្រាស់ម៉ាសុីន PHEV លើរថយន្ត Minivan LEVC L380 ដើម្បីប្រជែងទីផ្សារក្នុងស្រុកនិងទីផ្សារក្រៅ ដោយគ្រោងនាំយករបស់នេះទៅលក់នៅទីផ្សារចក្រភពអង់គ្លេសនៅឆ្នាំក្រោយ។
បច្ចុប្បន្នរថយន្ត LEVC L380 ម៉ូឌែលប្រើអគ្គិសនីសុទ្ធ បានដាក់លក់នៅក្នុងប្រទេសចិន ជាមួយតម្លៃចាប់ផ្តើមពី ២៩៩ ៩០០ យន់ ឬស្មើនិងប្រមាណ ៤១ ៧៧០ ដុល្លារ។ ដើម្បីតម្រូវការតាមទីផ្សារទីក្នុងនៅប្រទេសចិននិងនៅចក្រភពអង់គ្លេស ពួកគេនឹងត្រូវអាប់ដេតបន្ថែមនូវម៉ូឌែលប្រើប្រាស់ថាមពល Plug-in Hybrid ។ តាមការរំពឹងទុកនៅឆ្នាំ២០២៦ រថយន្ត LEVC L380 នឹងចូលទីផ្សារចក្រភពអង់គ្លេស។
ក្រុមហ៊ុន LEVC (London EV Company) គឺជាក្រុមហ៊ុនផលិតរថយន្តតាក់ស៊ីទីក្រុងឡុងដ៍ ស្ថិតនៅក្រោមក្រុមហ៊ុន Geely ហើយមានប្រភពមកពីក្រុមហ៊ុន The London Taxi Corporation Limited និងជាតួអង្គមួយសំខាន់ក្នុងដំណើរអភិវឌ្ឍរថយន្ដថ្មីនេះ។ កន្លងមកក្រុមហ៊ុននេះបានដាក់បង្ហាញរថយន្ដប្រើថាមពលថ្មីរបស់ខ្លួនក្នុងឆ្នាំ២០១៧ ដើម្បីឆ្លើយតបទៅនឹងបទប្បញ្ញត្តិថ្មីសម្រាប់រថយន្តតាក់ស៊ីនៅទីក្រុងឡុងដ៍។
កាលពីឆ្នាំមុន ក្រុមហ៊ុន LEVC បានចាប់ផ្តើមផលិតរថយន្តម៉ូដែលប្រើថាមពលថ្មីទី២ មានឈ្មោះថា L380 minivan។ ដំបូងឡើយ រថយន្តនេះបានចាប់ផ្តើមលក់នៅប្រទេសចិនក្នុងខែកក្កដា ឆ្នាំ២០២៤ ដាក់លក់ជាមួួតម្លៃចាប់ផ្តើមពី ៣៧៩ ០០០ យន់ ឬស្មើនិងប្រមាណ ៥២ ៣៩០ ដុល្លារ។ ទោះជាយ៉ាងណា រថយន្តនេះបានជួបប្រទះបញ្ហាការលក់យឺតយ៉ាវ ដោយលក់បានត្រឹមតែ ១ ៦៨៥ គ្រឿងប៉ុណ្ណោះ ពីខែកញ្ញា ឆ្នាំ២០២៤ ដល់ខែកុម្ភៈ ឆ្នាំ២០២៥ យោងតាមទិន្នន័យពី China EV DataTracker។
នៅក្នុងខែមីនា ឆ្នាំ២០២៥ ក្រុមហ៊ុន Geely បានដាក់លក់រថយន្ត LEVC L380 ជាលើកទី២ នៅក្នុងប្រទេសចិន។ ការដាក់លក់ឡើងវិញនេះ បានបង្ហាញពីការផ្លាស់ប្តូរម៉ូឌែលទៅក្នុងម៉ាក់យីហោ Geely Galaxy។ រថយន្តនេះត្រូវបានប្តូរឈ្មោះទៅជា Geely Galaxy LEVC L380 ហើយអ្វីដែលពិសេសជាងនេះទៅទៀត គឺតម្លៃចាប់ផ្តើមរបស់វាបានធ្លាក់ចុះមកត្រឹមតែ ២៩៩ ៩០០ យន់ ឬស្មើនិងប្រមាណ ៤១ ៧៧០ ដុល្លារ។ ទោះជាបីយ៉ាងណា ការផ្លាស់ប្តូរយុទ្ធសាស្ត្រនេះមិនបានជួយបង្កើនបរិមាណលក់របស់ LEVC L380 នោះទេ ដោយសារតែរថយន្តនេះលក់បានត្រឹមតែ ៤៤០ គ្រឿងប៉ុណ្ណោះ ពីខែមីនាដល់ខែកក្កដា ក្រោមម៉ាក់យីហោ Geely Galaxy។
ទោះបីជាយ៉ាងណាក៏ដោយក្រុមហ៊ុន Geely នៅតែមិនបោះបង់ចោលគម្រោងក្នុងការពង្រីកការលក់រថយន្ដ LEVC នេះទេ ដោយសារថ្មីៗនេះគេបានប្រទះឃើញ រថយន្ដនេះនៅក្នុងប្រទេសចិនជាមួយជម្រើស EREV (Extended-Range Electric Vehicle)។ នេះបញ្ជាក់ថា Geely ចង់ផ្តល់ឱកាសមួយទៀតដល់ L380 ដើម្បីប្រកួតប្រជែងនៅក្នុងទីផ្សារ PHEV ក្នុងស្រុកដែលកំពុងអភិវឌ្ឍយ៉ាងឆាប់រហ័ស។ លើសពីនេះ រថយន្ត minivan LEVC L380 ត្រូវបានគេគ្រោងនឹងដាក់លក់នៅចក្រភពអង់គ្លេសក្នុងឆ្នាំ២០២៦។ ដូច្នេះ ក្រុមហ៊ុន Geely អាចនាំយករថយន្តនេះទៅកាន់ទីផ្សារចក្រភពអង់គ្លេសជាមួយនឹងជម្រើសម៉ាស៊ីនពីរប្រភេទ។
រថយន្ត LEVC L380 ម៉ូឌែលថ្មី ត្រូវបានគេប្រទះឃើញនៅក្នុងប្រទេសចិនកាលពីថ្ងៃទី២១ ខែសីហា។ រថយន្ដនេះអាចននឹងប្រើប្រាស់ប្រព័ន្ធថាមពលកូនកាត់ EM Hybrid 2.0 របស់ក្រុមហ៊ុន Geely បានបង្កើតឡើងដោយផ្ទាល់ ហើយប្រព័ន្ធនេះដំណើរដោយការរួមបញ្ចូលគ្នារឲរវាងម៉ាស៊ីនចំហេះខាងក្នុង (ICE) និងម៉ូទ័រអគ្គិសនីជាច្រើនប្រភេទ។
តាមការប៉ាន់ស្មានរថយន្ត LEVC L380 អាចនឹងប្រើប្រាស់ម៉ាស៊ីន PHEV របស់រថយន្ត Geely Galaxy M9 SUV ដែលនឹងចេញក្នុងពេលឆាប់ៗនេះ។ ម៉ាស៊ីននេះដំណើរការរួមបញ្ចូលគ្នាជាមួួម៉ាស៊ីនចំណុះ ១.៥លីត្រ និងម៉ូទ័រអគ្គិសនីចំនួន២ អាចផលិតកម្លាំងសរុបដល់ទៅ ៥២០ គីឡូវ៉ាត់ (៦៩៧ សេះ)។ ការប្តូរទៅប្រើម៉ាស៊ីន PHEV នឹងជួយឱ្យក្រុមហ៊ុន Geely កាត់បន្ថយការចំណាយលើរថយន្ត LEVC L380 ដោយប្រើប្រាស់អាគុយទំហំតូចជាងមុន។ ជំហាននេះនឹងជះឥទ្ធិពលដល់តម្លៃចាប់ផ្តើមនៃរថយន្ត minivan ដ៏ធំនេះនៅក្នុងប្រទេសចិន ហើយអាចនឹងធ្វើឱ្យការលក់កើនឡើងផងដែរ៕
ខាងក្រោមនេះជាបញ្ជីរាយនាមរថយន្តដែលមានពិន្ទុសរុបខ្ពស់បំផុតនៅក្នុងការធ្វើតេស្តវាយតម្លៃសុវត្ថិភាព និងការបុកប៉ះរបស់ស្ថាប័ន C-NCAP សម្រាប់ស្តង់ដារឆ្នាំ ២០២៤៖
រថយន្ត Aito M8 EREV ដំណើរដោយម៉ាស៊ីនចំណុះ ១.៥ លីត្រ រួចបញ្ចូកជាមួយម៉ូទ័រអគ្គិសនីចំនួន២ 4WD អាចផលិតកម្លាំងអតិបរមាបាន ៣៩២ គីឡូវ៉ាត់ (៥២៦ សេះ)។ រថយន្ដនេះផ្ដល់មកជាមួយជម្រើសអាគុយពីរប្រភេទគឺ៖អាគុយ LFP ឬ ternary NMC មានទំហំ ៣៧ គីឡូវ៉ាត់ម៉ោង ឬ ៥៣.៤ គីឡូវ៉ាត់ម៉ោង ប្រើអគ្គិសនីសុទ្ធអាចបើកបានចម្ងាយ ២០១ គីឡូម៉ែត្រ និង ៣១០ គីឡូម៉ែត្រ គិតស្ដង់ដារវាស់ចម្ងាយ CLTC ។ តែនៅពេលប្រើអគ្គិសនីលាតសាំងអាចបើកបរបានចម្ងាយ ១៤០៥ គីឡូម៉ែត្រ ឬ ១៥២៦ គីឡូម៉ែត្រ អាស្រ័យតាមទំហំអាគុយ៕
បើយោងតាមរូបភាព Teaser ដែលមានបង្ហាញចេញគឺបានឲដឹងថា រថយន្ត Turbio នេះ នឹងមានប្រវែងជិត ៥ម៉ែត្រ និងទម្ងន់ខ្ទង់ ១,៧តោន ឯណ្ណោះ ហើយការរចនា និងរូបរាងវិញ ក៏មានភាពស្ព័រ និងកាច មិនចាញ់រថយន្តរបស់ Bugatti និង Lamborghini ផងដែរ។
នៅថ្ងៃទី ១៩ ខែសីហា បណ្តាញលក់រថយន្តរបស់ក្រុមហ៊ុន Huawei គឺ HIMA (Harmony Intelligent Mobility Alliance) បានប្រកាសថា រថយន្ត Stelato S9T ទទួលបានការកក់ទុកចំនួន ២០ ០០០ គ្រឿង ក្នុងរយៈពេល ២៤ ម៉ោង បន្ទាប់ពីការចាប់ផ្តើមបើកទទួលការបញ្ជាទិញទុកមុននៅប្រទេសចិន។ មន្រ្ដីក្រុមហ៊ុន Stelato បានបញ្ជាក់ថា រថយន្ត Wagon ទីមួយរបស់ពួកគេបានទទួលការកុម្ម៉ង់ចំនួន ១០ ០០០ គ្រឿងក្នុងរយៈពេលត្រឹមតែមួយម៉ោងប៉ុណ្ណោះ។ អតិថិជនដែលចង់កក់រថយន្តនេះតម្រូវឱ្យដាក់ប្រាក់កក់ចំនួន ២ ០០០ យន់ឬស្មើនិងប្រហែល ២៨០ ដុល្លារ។
នៅផ្នែកខាងក្នុងបានបំពាក់មកជាមួយអេក្រង់កម្សាន្ដទំហំ ១៦.១ អុីញ, អេក្រង់កុងទ័រឌីជីថល LCD ទំហំ ១២.៣ អុីញ ស្ថិតនៅពីក្រោយដៃចង្កូតរាងពងក្រពើបីកំណាត់។ អេក្រង់ទីបីទំហំ ១២.៣ អុីញ ត្រូវបានបំពាក់សម្រាប់អ្នកដំណើរខាងមុខ។ ចំណុះកន្លែងដាក់ឥវ៉ាន់របស់រថយន្ត S9T មានរហូតដល់ ៦៦០ លីត្រ។ លក្ខណៈពិសេសផ្សេងទៀតនៃកាប៊ីនរថយន្ត S9T រួមមាន ប្រព័ន្ធបំពងសំឡេង Huawei Sound Speakers ចំនួន ២៥ គ្រាប់ និងទូរទឹកកកដែលមានស្រាប់នៅក្នុងរថយន្ត។
