ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 63

Toyota Land Cruiser ជាឡានគេលួចច្រើនជាងគេ ៤ឆ្នាំជាប់ៗគ្នា នៅប្រទេសកំណើត

[បរទេស] រថយន្ត Toyota Land Cruiser បានក្លាយជារថយន្តដែលត្រូវបានគេលួចច្រើនបំផុត ជាមួយនឹងការកើនឡើងគួរឲ្យកត់សម្គាល់ក្នុងឆ្នាំ ២០២៤ ដោយមានចំនួន ១ គ្រឿងក្នុងចំនោម ៤គ្រឿងត្រូវបានលួច នេះបើយោងតាមគេហទំព័រ សមាគមធានារ៉ាប់រងទូទៅរបស់ប្រទេសជប៉ុន ។

 

ក្នុងនោះ រថយន្ត Toyota Land Cruiser មានចំនួន ២៧,៥% នៃរថយន្តដែលត្រូវបានគេលួចទាំងអស់ កើនឡើងពី ១៤,៧% បើធៀបកាលពីឆ្នាំ ២០២៣ ហើយនេះក៏​ជា​ឆ្នាំ​ទី​ ៤​ជាប់ៗ​គ្នា​ដែល​ម៉ូដែល​នេះ​បាន​ជាប់​ចំណាត់​ថ្នាក់​កំពូល​ក្នុង​បញ្ជីដែលត្រូវបានគេលួច ។

មិនត្រឹមតែប៉ុណ្ណោះ ម៉ូដែលផ្សេងៗទៀតរបស់ក្រុមហ៊ុន Toyota និង Lexus ដែលបានឈរលេខរៀងទាំង ៤ ដំបូងគេ ក្នុងបញ្ជីកំពូលទាំង ១០ ត្រូវគេលួចជាញឹកញាប់ជាងគេរួមមាន Alphard minivan និង Toyota Prius ។

គួរឲ្យដឹងថា ជាមួយការកើនឡើងនៃការលួចនេះ បាននាំឲ្យមានការកើនឡើងនៃការបង់ប្រាក់ធានារ៉ាប់រងឡើងដល់ទៅ ២០% ដែលស្មើនឹងចំនួនជាមធ្យម ១៨ ៧០០ ដុល្លារ នៅក្នុងប្រទេសជប៉ុន ៕

ផ្ទាំងផ្សាយពាណិជ្ជកម្ម

នៅក្នុងខែកុម្ភៈ ការលក់រថយន្តរបស់ Nio បានកើនឡើង ៦២ភាគរយ

ក្រុមហ៊ុន Nio Group បានប្រកាសជាផ្លូវការថា នៅក្នុងខែកុម្ភៈ ឆ្នាំ២០២៥ ពួកគេបានលក់រថយន្តបានចំនួន ១៣ ១៩២ គ្រឿង កើនឡើង ៦២,២ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន។ ក្នុងចំណោមនោះ មានរថយន្តម៉ាក Nio ចំនួន ៩ ១៤៣ គ្រឿង និងរថយន្ត Onvo L60 ចំនួន ៤ ០៤៩ គ្រឿង។

ចំពោះការលក់សរុបរបស់ Nio Group ក្នុងខែមករា និងខែកុម្ភៈ ក្នុងឆ្នាំ២០២៥ មានចំនួនដល់ ២៧ ០៥៥ គ្រឿង កើនឡើង ៤៩ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន។ ចំណែកឯការចែកលក់សរុបរហូតដល់បច្ចុប្បន្នគឺមានចំនួន ៦៩៨ ៦១៩ គ្រឿង។ ក្នុងនោះការលក់រថយន្តម៉ាក Onvo L60 មានចំនួន ៣០ ៧២២ គ្រឿង។

គួរឲដឹងថា រថយន្តដែលលក់ដាច់ជាងគេរបស់ក្រុមហ៊ុន Nio មានចំនួន ២ ម៉ូឌែល រួមមានម៉ូឌែល Nio ES6 និង Onvo L60 ដែលជាគូរប្រកួតប្រជែងជាមួយ Tesla Model Y ៕

ផ្ទាំងផ្សាយពាណិជ្ជកម្ម

BYD បង្ហាញចេញ Sealion 07 ជម្រើស PHEV បំពាក់ប្រព័ន្ធបើកបរឆ្លាតវៃ God Eye តម្លៃខ្ទង់ ៣មុឺនដុល្លារ

[ទីផ្សារបរទេស] ក្រុមហ៊ុនផលិតរថយន្ត BYD បានធ្វើការប្រកាសដាក់បង្ហាញចេញលក់ជាផ្លូវការនូវរថយន្ត BYD Sealion 07 DM-i ប្រភេទ SUV ៥កៅអី អគ្គិសនីលាយសាំង បំពាក់ជាមួយប្រព័ន្ធជំនួយការបើកបរឆ្លាតវៃ BYD God Eye C នៅក្នុងទីផ្សារប្រទេសចិន ជាមួយតម្លៃលក់ចាប់ពី ២៧ ​៥០០ ដុល្លារ ដល់ ៣៤ ៣០០ ដុល្លារ។

រថយន្តនេះ មានប្រវែងតួខ្លួនសរុប ៤ ៨៨០ ម.ម ទទឹង ១ ៩២០ ម.ម កម្ពស់ ១ ៧៥០ ម.ម និងប្រវែងគម្លាតកង់មុខ-ក្រោយ ២ ៨២០ ម.ម ខណៈការឌីស្សាញផ្នែកខាងក្រៅ ទទួលបានការឌីស្សាញថ្មីជាមួយប៉ាណាទំហំធំ ចង្កៀងមុខ-ក្រោយ LED រាងស្លីម អូសកាត់ពីផ្នែកម្ខាងទៅផ្នែកម្ខាង ព្រមទាំងប្រើប្រាស់នូវថាសកង់ស្ព័រជាដើម។

រថយន្ត BYD Sealion 07 DM-i ទទួលបានជម្រើសទាំងប៉ុង ១ (2WD) និងប៉ុង ២ (4WD) ប៉ុន្តែជម្រើស4WD មានឈ្មោះ Sealion 07 DM-p ដំណើរការដោយបច្ចេកវិទ្យា DM 5.0 ជំនាន់ទី ៥ របស់ BYD ធ្វើការជាមួយម៉ាសុីនសាំងចំណុះ ១,៥លីត្រ Turbo ទំហំ ៤សុីឡាំង អាចផលិតកម្លាំងបាន ១៥៤​សេះ និងម៉ូទ័រអគ្គិសនីចំនួន ២ អាចផលិតកម្លាំងបាន ២០១ សេះ និង ២៦៨ សេះ ជាន់់ស្ទុះពី ០ ទៅ ១០០គ.ម/ម៉ោង ប្រើពេល ៤,៧វិនាទី។

ចំពោះព័ត៌មានលម្អិតផ្សេងទៀតខាងក្រុមហ៊ុនមិនទាន់ដាក់បង្ហាញចេញនូវឡើយទេ ប៉ុន្តែផ្នែកខាងក្នុងខាងអាចនឹងទទួលបាន Option ដូចគ្នានឹងជម្រើសប្រើអគ្គិសនីសុទ្ធ រួមជាមួយប្រព័ន្ធជំនួយការបើកបរឆ្លាតវៃ BYD God Eye C ៕

ផ្ទាំងផ្សាយពាណិជ្ជកម្ម

Geely បញ្ចេញឡានថ្មី អាចរត់បាន ១ ២០០គីឡូម៉ែត្រ

ក្រុមហ៊ុន Geely បានដាក់បង្ហាញចេញជាផ្លូវការនូវរថយន្ត Geely Galaxy Starshine 8 នៅឯសន្និសីទបច្ចេកវិទ្យាឆ្លាតវៃ Geely AI Intelligent Technology Conference ដោយរថយន្តថ្មីនេះ ជារថយន្តស៊េរីទំនើបប្រភេទ B+ class plug-in hybrid sedan ហើយគ្រោងប្រកាសចេញលក់នៅក្នុងពេលឆាប់ៗខាងមុខនេះ។

រថយន្តនេះ មានប្រវែង ៥ ០១៨ ម.ម ទទឹង ១ ៩១៨ ម.ម កម្ពស់ ១ ៤៨០ ម.ម និងប្រវែងគម្លាតកង់ ២ ៩២៨ ម.ម ដំណើរការដោយបច្ចេកវិទ្យា NordThor EM-P ធ្វើការជាមួយម៉ាស៊ីនចំណុះ ១,៥លីត្រ Turbo ទំហំ ៤ សុីឡាំង ផលិតកម្លាំងបាន ១៦១ សេះ និងម៉ូទ័រអគ្គិសនីចំនួន ១ ផលិតកម្លាំងបាន ២១៥ សេះ ភ្ជាប់ជាមួយប្រអប់លេខ DHT ។ ជាន់ស្ទុះពី ០ ដល់ ១០០ គីឡូម៉ែត្រក្នុងមួយម៉ោង ក្នុងរយៈពេល ៦,៩ វិនាទី និងមានល្បឿនអតិបរមា ២០០ គីឡូម៉ែត្រក្នុងមួយម៉ោង ផ្គួបជាមួយកញ្ចប់ថ្ម Lithium iron phosphate ទំហំ ១៨,៤ និង ២៧,៦៩ គីឡូវ៉ាត់ម៉ោង អាចបើកបរបានចម្ងាយ ១០៤ និង ១៦១ គីឡូម៉ែត្រ ដោយអគ្គិសនីសុទ្ធ និងសរុប ១ ២០០គីឡូម៉ែត្រ។

សម្រាប់ការរចនារបស់ Galaxy Starshine 8 មានការរចនាបែបស្ព័រជាមួយប៉ាណាបិទជិត ចង្កៀងមុខ-ក្រោយរាងស្លីម ទ្វារដៃប្រភេទ hidden door handles និងថាសកង់ស្ព័រជាដើម។

ចំពោះផ្នែកខាងក្នុងវិញ ទទួលបានប្រព័ន្ធកាប៊ីនឆ្លាតវៃ Flyme Auto smart cockpit system ដំណើរការដោយបន្ទះឈីប Qualcomm Snapdragon 8155 និងប្រព័ន្ធជំនួយ​ការ​បើកបរ​ឆ្លាតវៃកម្រិតខ្ពស់៕

ផ្ទាំងផ្សាយពាណិជ្ជកម្ម

ឡានអគ្គីសនីសុទ្ធដំបូងរបស់ Dongfeng-Peugeot ត្រៀមវៃលុកទីផ្សារប្រទេសចិន ជាមួយតម្លៃខ្ទង់ ១មុឺនដុល្លារ

[បរទេស] ក្រុមហ៊ុនផលិតរថយន្ត Dongfeng បានសហការគ្នាជាមួយក្រុមហ៊ុនផលិតរបស់ប្រទេសចំនួន ២ គឺ Peugoet និង Citroen ក្នុងការបង្កើតម៉ាកយីហោរថយន្តថ្មីមួយឲ្យឈ្មោះថា Hedmos automobile សម្រាប់ការផលិតរថយន្តអគ្គីសនីប្រភេទ NEV នៅប្រទេសចិន ។

ជាមួយគ្នានេះ ក្រុមហ៊ុន Hedmos automobile ត្រៀមធ្វើការដាក់លក់នៅរថយន្តអគ្គីសនីសុទ្ធដំបូងគេបង្អស់របស់ពួកគេ នៅខែមេសា ឆ្នាំ ២០២៥ ជាមួយតម្លៃលក់ចាប់ពី ១៣ ៧០០ ដុល្លារ ដល់ ២០ ៦០០ ដុល្លារ នៅទីផ្សារប្រទេសចិន ។

គួរឲ្យដឹងថា រថយន្តដំបូងគេរបស់ក្រុមហ៊ុន Hedmos automobile ទំនងមានឈ្មោះថា  Fukang 06 ប្រភេទ compact-SUV ជាមួយ​ប្រវែងតួខ្លួនសរុប ៤ ៦៧០ ម.ម  ទទឹង ១ ៩០០ ម.ម និង​កម្ពស់ ១ ៦១៧ ម.ម ។ ដំណើរការដោយម៉ូទ័រអគ្គីសនីចំនួន ១ អាចផលិតកម្លាំងបាន ២១៥ សេះ ផ្គួបជាមួយកញ្ចប់អាគុយប្រភទេសលីចូមដែកផូស្វាតត្រូវបានផ្គត់ផ្គង់ដោយ CALB-Tech ខណៈ ទំហំ ក៏ដូចជាចម្ងាយនៃការបើកបរ ក្រុមហ៊ុនមិនទាន់បង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ Geely Galaxy E8 សាកថ្មពេញប្រើពេលអត់ដល់ ១០នាទី ឯតម្លៃលក់ខ្ទង់ ២ម៉ឺនដុល្លារប៉ុណ្ណោះ

[បរទេស] ក្រុមហ៊ុនផលិតរថយន្ត Geely បានធ្វើការប្រកាសដាក់លក់ជាផ្លូវការនៅរថយន្ត Geely Galaxy E8 ស៊េរីថ្មីចុងក្រោយ ប្រើថាមពលអគ្គិសនីសុទ្ធ នៅទីផ្សារប្រទេសចិន ជាមួយតម្លៃលក់ចាប់ពី ២១ ១០០ ដុល្លារ ។

Geely Galaxy E8 ផលិតឡើងនៅលើគ្រោងឆ្អឹង SEA platform ផ្តល់នៅជម្រើសចំនួន ២ រួមមាន

  • បំពាក់ម៉ូទ័រអគ្គីសនីចំនួន ១ អាចផលិតកម្លាំងបាន ៣៣៥ សេះ ផ្គួបជាមួយអាគុយ ដែលផ្តល់ចម្ងាយនៃការបើកបរបាន ៥៧៥ គីឡូម៉ែត្រ ដល់ ៧០០ គីឡូម៉ែត្រ នៅពេលសាកថ្មពេញម្តង ។
  • បំពាក់ម៉ូទ័រអគ្គីសនីចំនួន ២ អាចផលិតកម្លាំងបាន ៦៣៧ សេះ ផ្គួបជាមួយអាគុយទំហំ ៧៥ គីឡូវ៉ាត់ម៉ោង អាចបើកបរបានចម្ងាយ ៦២០ គីឡូម៉ែត្រ នៅពេលសាកថ្មពេញម្តង ។ សម្រាប់ការសាកថ្មបានពី ៣០-៨០% ប្រើរយៈពេល ៨ នាទីប៉ុណ្ណោះ ។

រថយន្តប្រភេទ sedan នេះមានប្រវែងតួខ្លួនសរុប ៥ ០១០ ម.ម ទទឹង ១ ៩២០ ម.ម កំពស់ ១ ៤៦៥ ម.ម និងប្រវែងគម្លាតកង់មុខ-ក្រោយ ២ ៩២៥ ម.ម ។ សម្រាប់រូបរាង ក៏ដូចជាការឌីស្សាញផ្នែកខាងក្រៅមានភាពស្ព័រ ជាមួយប៉ាណាមុខបិទជិត ចង្កៀងមុខ-ក្រោយប្រភេទ LED ព្រមទាំងថាសកង់ស្ព័រទំហំ ១៩អ៉ីញ ។ លើសពីនេះ ក៏បានបំពាក់កាម៉េរា និងសេនស័រ ដែលជំនួយទៅដល់ប្រព័ន្ធជំនួយការអ្នកបើកបរកម្រិតខ្ពស់ទៀតផង ។

ចំពោះនៅផ្នែកខាងក្នុងវិញ មានបំពាក់អេក្រង់លាតសន្ទឹងពេញផ្ទៃតាប្លូទំហំដល់ទៅ ៤៥ អ៉ីញ ជាមួយកម្រិត 8K គាំទ្រដោយឈីប built-in Qualcomm Snapdragon 8295 ក៏ដូចជាអេក្រង់បង្ហាញលើកញ្ចក់ HUD និងឧបករណ៍បំពងសំឡេងចំនួន ២៣ ចំនុច ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ Xpeng G6 សាកថ្មពេញម្តង ជិះបានជិត ៨០០ គីឡូម៉ែត្រ បង្ហាញខ្លួនជាផ្លូវការ

[បរទេស] ក្រុមហ៊ុនផលិតរថយន្ត Xpeng Motors បានធ្វើការបញ្ចេញ និងលក់ជាផ្លូវការនៅរថយន្តXpeng G6 ប្រភេទ SUV ស៊េរីថ្មីចុងក្រោយ ដែលរួមបញ្ចូលការអាប់ដេតបន្ថែម នៅទីផ្សារប្រទេសចិន ជាមួយតម្លៃលក់ចាប់ពី ២៧ ៤៤០ ដុល្លារ ដល់ ៣៨ ០១៥ ដុល្លារ ។

Xpeng G6 ផ្តល់នៅជម្រើសថាមពចំនួន ២ រួមមាន៖

  • ម៉ូទ័រអគ្គីសនីចំនួន ១ ផលិតកម្លាំងបាន ២៩២ សេះ ផ្គួបជាមួយអាគុយ ដែលអាចផ្តល់នៅចម្ងាយបើកបរបាន ៧៥៥ គីឡូម៉ែត្រ នៅពេលសាកថ្មពេញម្តង
  • ម៉ូទ័រអគ្គីសនីចំនួន ២ ផលិតកម្លាំងបាន ៤៨២ សេះ និងកម្លាំងរមួល ៦៦០ ញ៉ូតុនម៉ែត្រ ផ្គួបជាមួយអាគុយ ដែលអាចផ្តល់នៅចម្ងាយបើកបរបាន ៧០០ គីឡូម៉ែត្រ នៅពេលសាកថ្មពេញម្តង ។ ជម្រើសទាំង ២ នេះ អាចសាកថ្មបានពី ១០-៨០% ប្រើរយៈពេល ២០នាទី ពីស្ថានីយសាកថ្មល្បឿនលឿន ។

រថយន្តនេះ មានប្រវែងតួខ្លួនសរុប ៤ ៧៥៣ ម.ម ទទឹង ១ ៩២០ ម.ម កំពស់ ១ ៦៥០ ម.ម និងប្រវែងគម្លាតកង់មុខ-ក្រោយ ២ ៨៩០ ម.ម ។ លើសពីនេះ ទទួលបានការផ្លាស់ប្តូរផ្នែកខាងក្រៅទៅលើចង្កៀងមុខ LED អូសកាត់វែងមួយឆ្នូតឲ្យឈ្មោះថា Galaxy Light Wing ខណៈឡូហ្គោ Xpeng ប្តូរមកដាក់នៅគម្របម៉ាស៊ីន និងថាសកង់ស្ព័រថ្មីប្រភេទ alloy-wheels ទំហំចាប់ពី ១៨ អ៉ីញ ដល់ ២០អ៉ីញ ។

ចំពោះនៅផ្នែកខាងក្នុង ទទួលបានកុងទ័របង្ហាញ​ព័ត៌មានឌីជីថលទំហំ ១០,២៥ អ៉ីញ និងអេក្រង់កំសាន្ត touchscreen ថ្មី មានទំហំ ១៥,៦ អ៉ីញ ក៏ដូចជាកន្លែងសាកថ្មឥតប្រើខ្សែ, ដំបូលកញ្ចក់បើកប្រភេទ Panoramic glass roof រួមទាំងបច្ចេកវិទ្យា Ai ផងដែរ  ៕

ផ្ទាំងផ្សាយពាណិជ្ជកម្ម

Aito បញ្ចេញឡានអគ្គិសនី EV ថ្មី សាកថ្មម្តងជិះបាន ៦០២ គីឡូម៉ែត្រ ឯតម្លៃលក់ខ្ទង់ ៣មុឺនដុល្លារ

[បរទេស] ក្រុមហ៊ុនផលិតរថយន្ត Aito បានធ្វើការដាក់បង្ហាញចេញនៅរថយន្តអគ្គីសនីសុទ្ធ Aito M5 Ultra ស៊េរីថ្មីចុងក្រោយ ប្រភេទ Crossover ជាមួយការបញ្ជាទិញទុកមុននៅទីផ្សារប្រទេសចិន មានតម្លៃលក់ចាប់ពី ៣២ ៧០០ ដុល្លារ ។

សម្រាប់រថយន្ត Aito M5 Ultra ប្រើអគ្គីសនីសុទ្ធនេះ ផលិតឡើងនៅលើគ្រោងឆ្អឹងធ្វើអំពីដែក ដែលផ្តល់នៅភាពរឹងមាំខ្លាំង ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ២៦៨ សេះ ផ្គួបជាមួយអាគុយទំហំ ៨៣ គីឡូវ៉ាត់ម៉ោង អាចបើកបរបានចម្ងាយ ៦០២ គីឡូម៉ែត្រ នៅពេលសាកថ្មពេញម្តង ។

សម្រាប់រូបរាង និងការឌីស្សាញផ្នែកខាងក្រៅ មានលក្ខណៈបែបស្ព័រ ដោយមានប៉ាណាមុខបិទជិត ចង្កៀងមុខ-ក្រោយប្រភេទ LED ព្រមទាំងថាសកង់ស្ព័រប្រភេទ Alloy-wheels ជាដើម ។

ចំពោះនៅផ្នែកខាងក្នុងត្រូវបានឌីស្សាញបែប minimalistic មានភ្ជាប់មកជាមួយកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen សម្រាប់បញ្ជាមុខងារទូទៅនៅលើរថយន្ត ក៏ដូចជាកន្លែកសាកថ្មឥតប្រើខ្សែផងដែរ ។ លើសពីនេះ ក៏បានបំពាក់ដោយប្រព័ន្ធជំនួយការអ្នកបើកដ៏ឆ្លាតវៃកម្រិតខ្ពៃស់ Huawei ADS 3.0 advanced driving system ទៀតផង ៕

ផ្ទាំងផ្សាយពាណិជ្ជកម្ម

ការនាំចេញរថយន្តរបស់ BYD ក្នុងខែកុម្ភៈ កើនឡើង ១៨៨ ភាគរយ!

ក្រុមហ៊ុន BYD បានប្រកាសជាផ្លូវការថា នៅក្នុងខែកុម្ភៈ ឆ្នាំ ២០២៥ ពួកគេបានលក់រថយន្តបានចំនួន ៣២២ ៨៤៦ គ្រឿង កើនឡើង ៨,៩ភាគរយ បើប្រៀបនឹងខែមករា។

ក្នុងនោះ ការនាំចេញរថយន្តរបស់ក្រុមហ៊ុន BYD ក្នុងខែកុម្ភៈ ឆ្នាំ ២០២៥ មានចំនួន ៦៧ ០២៥ គ្រឿង កើនឡើង ១៨៧,៨ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន។

គួរឲដឹងថា ក្នុងចំណោមរថយន្ត ៣២២ ៨៤៦ គ្រឿង របស់ក្រុមហ៊ុន BYD ដែលបានលក់ក្នុងខែកុម្ភៈ មានរថយន្តម៉ាក BYD (Dynasty និង Ocean Series) ចំនួន ៣០៤ ៦៧៣ គ្រឿង, Denza ចំនួន ៨ ៥១៣ គ្រឿង, Fang Cheng Bao ចំនួន ៤ ៩៤២ គ្រឿង និង Yangwang ចំនួន ១០៥ គ្រឿង។

គួរគូសបញ្ជាក់ផងថា ក្នុងឆ្នាំ ២០២៤ ក្រុុមហ៊ុន BYD បានលក់រថយន្តចំនួន ៤,២៥ លានគ្រឿង កើនឡើង ៤១១ភាគរយ បើប្រៀបធៀបនឹងឆ្នាំ២០២៣ ប៉ុន្តែក្នុងឆ្នាំ២០២៥ នេះ ត្រូវបានរំពឹងថានឹងមានចំនួនលក់ដល់ ៥,៥ លានគ្រឿង៕

ផ្ទាំងផ្សាយពាណិជ្ជកម្ម

ចេញលក់ត្រឹម ២ម៉ោងប៉ុណ្ណោះ ឡានអគ្គីសនីកំពូលល្បឿនរបស់ Xiaomi មានការបញ្ជាទិញដល់ទៅ ១មុឺនគ្រឿង

[បរទេស] កាលពីថ្ងៃទី ១ ខែមិនា ឆ្នាំ ២០២៥ កន្លងទៅ ក្រុមហ៊ុន Xiaomi បានធ្វើការប្រកាសដាក់លក់ជាផ្លូវការនៅរថយន្តអគ្គីសនីសុទ្ធ Xiaomi SU7 Ultra នៅទីផ្សារប្រទេសចិន ដោយទទួលបានការបញ្ជាទិញដល់ទៅ ១គ្រឿង ត្រឹមរយៈពេល ២ម៉ោង បន្ទាប់ពីការដាក់លក់។

សម្រាប់ Xiaomi SU7 Ultra ត្រូវបានដំណើរការដោយម៉ូទ័រអគ្គិសនីចំនួន ៣ អាចផលិតកម្លាំងបានសរុប ១ ៥២៦ សេះ និងកម្លាំងរមួល ១៧៧០ ញ៉ូតុនម៉ែត្រ អាចរត់ស្ទុះពីកុងទ័រ ០-១០០ គីឡូម៉ែត្រ/ម៉ោង ចាយពេលត្រឹមតែ ១,៩៨ វិនាទី ផ្គួបជាមួយអាគុយ Qilin 2.0 high-power battery ទំហំ ៩៣,៧ គីឡូវ៉ាតម៉ោង អាចបើកបរបានចម្ងាយ ៦២០ គីឡូម៉ែត្រនៅពេលសាកថ្មពេញម្តង ហើយការសាកថ្មបានពី ១០-៨០% ប្រើរយៈពេល ១១នាទីប៉ុណ្ណោះ ។

គួរបញ្ជាក់ផងដែរថា សម្រាប់តម្លៃលក់របស់រថយន្ត Xiaomi SU7 Ultra ត្រូវបានក្រុមហ៊ុន Smart phone នេះ ប្រកាសដំបូងមានតម្លៃលក់ដល់ទៅ ១១១ ៨០០ ដុល្លារ សម្រាប់ការបញ្ជាទិញមុន ប៉ុន្តែនៅពេលដាក់លក់ជាផ្លូវការ ជាមួយតម្លៃចុងក្រោយចាប់ពី ៧២ ៨០០ ដុល្លារប៉ុណ្ណោះ ៕

ផ្ទាំងផ្សាយពាណិជ្ជកម្ម
1...626364...1,017ទំព័រ 63 នៃ 1,017

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com