ក្រុមហ៊ុន Heritage Customs មកពីប្រទេសហូឡង់ ដែលជា Co-owned របស់អ្នករចនា Niels van Roij បានបង្ហាញគំនូរព្រាងដំបូងនៃរថយន្ត Valiance Convertible ដែលជាកំពូលម៉ូដែលផ្អែកលើ Land Rover Defender ដែលនឹងត្រូវបានផលិតក្នុងចំនួនកំណត់ចំនួន ៥ គ្រឿងសម្រាប់ឆ្នាំ ២០២២ តាមរយៈកម្មវិធី Carchitecture program ។
ការផ្លាស់ប្តូរគឺផ្អែកលើទ្វារពីរ ប្រវែងកង់មុខ-ក្រោយ ខ្លី របស់ Defender 90 វារួមបញ្ចូលការកាត់ដំបូល និងបន្ទះទ្វាខាងក្រោយ ហើយជំនួសវាដោយ semi-electrc soft-top ដែលអាចបត់បាន។ នេះនាំមកនៅអារម្មណ៍បើកចំហដល់អ្នកដំណើរនៃជួរទាំង២ ។
ពណ៌ផ្នែកខាងក្រៅនៃរថយន្តនេះត្រូវបានផលិតឡើងដោយដៃ បំពាក់ដោយស្បែក spinneybeck, ឡូហ្គួ Heritage Customs ធ្វើដោយដៃ និងយ៉ាន់កង់។ ក្រុមហ៊ុនបានសាកល្បងការកំណត់រចនាសម្ព័ន្ធបីផ្សេងគ្នាសម្រាប់ Valiance Convertible ដែលត្រូវបានយកលំនាំតាមឆ្នេសមុទ្រដ៏ស្រស់ស្អាត, Land Rovers’ heritage Côte d’Azur, the Solihull Sand និង Kokkini Paralia។
ម៉ូដែល Côte d’Azur ដែលបានដាក់ឈ្មោះតាមសមុទ្រ Mediterranean ភាគអាគ្នេយ៍ប្រទេសបារាំង ត្រូវបានប្រើជាមួយពណ៌ ខៀវ រួមបញ្ជូលជាមួយកាងពណ៌ខ្មៅ ដំបូលបែប cognac ថាសកង់ប្រភេទ Space Cowboy ទំហំ ២២ អ៊ីញ ស្រោបដោយសំបកកង់ពណ៌ស ខណៈផ្នែកខាងក្នុងបំពាក់ដោយកៅអីស្ព័រ និងចង្កូតដៃបែប Classic ។
ម៉ូដែល Solihull Sand ដែលយកលំនាំតាម Hue l66 ដែលជារថយន្ត Land Rover ដំបូងបង្អស់ដែលចេញពីផលិតកម្ម ដែលមានពណ៌ ប៉ៃតង ជាមួយកាងពណ៌ប្រផេះ, ដំបូលពណ៌ខ្សាច់ និងថាសកង់ប្រភេទ Rock Dust ទំហំ ២០ អ៊ីញពណ៌ស ព្រមទាំងផ្នែកខាងក្នុងបំពាក់ជាមួយកៅអី និង ចង្កូតដៃបែប classic ផងដែរ។
ចុងក្រោយគឺ ម៉ូដែល Kokkini Paralia ដែលយកឈ្មោះតាមឆ្នេសមុទ្រក្រហមនៅប្រទេសក្រិច Santorini ដែលមានពណ៌ក្រហមក្រម៉ៅ ជាមួយកាងពណ៌ខ្មៅ, ដំបូលពណ៌ខ្មៅ, ថាសកង់ប្រភេទ Supersonic ទំហំ ២២ អ៊ីញ ដោយផ្នែកខាងក្នុងបំពាក់ជាមួយ កៅអី និងចង្កូតដៃបែបស្ព័រ។
សម្រាប់តម្លៃរបស់រថយន្តខាងលើនេះមានតម្លៃ ១៦០,០០០ ដុល្លារ ដោយមិនរាប់បញ្ចូលថ្លៃពន្ធ បើប្រៀបធៀបតម្លៃរបស់ Land Rover Defender 90 ទ្វារ៣ នៅអាមេរិក មានតម្លៃចាប់ពី ៥២,៣០០ ដុល្លារ សម្រាប់ Base-spec ជាមួយម៉ាស៊ីនចំណុះ ២.០ លីត្រ P300 ទំហំ ៤ស៊ីឡាំង និង មានតម្លៃរហូតដល់ ១១១៤០០ ដុល្លារ សម្រាប់ម៉ាស៊ីន ៨ស៊ីឡាំង Carpathian Edition ៕
