ម៉ូឌែល Himalayan ម៉ូតូដែលប្រើបានគ្រប់ស្ថានភាពផ្លូវ

December 22, 2021

ជាមួយនឹងបេសកកម្មជាច្រើនទសវត្សរ៍ និងរាប់ពាន់គីឡូម៉ែត្រដែលឆ្លងកាត់ទឹកដី ព្រៃភ្នំជាច្រើនជាមួយម៉ូឌែល Royal Enfield Himalayan បានធ្វើអោយម៉ាស៊ីនមួយនេះមានការវិវត្តន៍កាន់តែច្រើននិងបន្សាំជាមួួយគ្រប់ស្ថានភាពផ្លូវ។ ទាំងអស់នេះហើយដែលធ្វើអោយម៉ូឌែលមួយនេះមានភាពធន់និងរឹងមាំហើយក្លាយជាម៉ូតូដែលប្រើប្រាស់បានគ្រប់ស្ថានភាពផ្លូវទាំងផ្លូវធម្មតា និងផ្លូវពិបាក (on road/off-road)។

Royal Enfield Himalayan គឺជាម៉ូតូដែលបង្កើតឡើងសម្រាប់ដំណើរផ្សងព្រេង និងដំណើរកម្សាន្តទូទៅ។ ត្រូវបានរចនាឡើងដោយ duplex split cradle frame ក៏ដូចជាច្នៃម៉ូដដោយ Harris Performance, Himalayan ជាម៉ូតូដែលមានស្ថេរភាព និងរហ័សរហួនស្ទើរគ្រប់ផ្នែកស្មើគ្នា។ ភាពរឹងមាំនៅផ្នែកខាងក្រោយរបស់ Mono Shock ជាមួយនឹងតំណភ្ជាប់អនុញ្ញាតឱ្យអ្នកធ្វើដំណើរបានយូរ និងផ្តល់នូវបទពិសោធន៍ជិះកាន់តែរលូនដោយមិនគិតពីស្ថានភាពផ្លូវ។ ជាមួយនឹងកំពស់ទំហំ ២២០មីលីម៉ែត្រពីដីរបស់ Himalayan ធានាបាននៅការជំនះពុះពារឧបសគ្គបានយ៉ាងងាយស្រួល មិនថាឆ្លងភ្នំ ទន្លេ អូរ។ អរគុណចំពោះការសម្រិតសម្រាំងឡើងយ៉ាងម៉ត់ចត់នៃការរួមបញ្ចូលគ្នារបស់ទំហំកង់ដែលធ្វើអោយការទប់លំនឹងកាន់តែបត់បែននៅពេលជិះកាត់ ថ្មនិងផ្លូវ។

ឧបករណ៍ដែលសម្រិតសម្រាំងឡើងសម្រាប់ការធ្វើដំនើរផ្លូវឆ្ងាយត្រូវបានបំពាក់យ៉ាងមុតមាំនៅលើម៉ូតូ Himalayan។ ចំនុះធុងសាំង ១៥លីត្រផ្តល់ចម្ងាយឆ្ងាយប្រហែល ៤៥០គីឡូម៉ែត្រ។ Luggage mounting points សម្រាប់ទ្រនាប់រឹង, Luggage ទន់ និងធុងសាំង jerry cans គឺរួមបញ្ចូលជាមួយការរចនារបស់ម៉ូតូពិតៗ។ ចង្កោមឧបករណ៍សាមញ្ញរក្សាបាននៃល្បឿន ទិសដៅ សីតុណ្ហភាពជុំវិញ ពេលវេលាធ្វើដំណើរ ចន្លោះពេលសេវាកម្ម និងចម្ងាយធ្វើដំណើរផ្សេងៗ។ ចំនុចសំខាន់បំផុតមួយទៀតគឺ ការធ្វើសមកាលកម្ម ergonomical រវាងជើងទម្រ របារដៃ និងកម្ពស់កៅអីផ្តល់នូវឥរិយាបថជិះត្រង់ប្រកបដោយផាសុកភាព ដែលចាំបាច់សម្រាប់ការជិះរយះពេលយូរ។ Royal Enfield Himalayan ភ្ជាប់មកជាមួយសំបកកង់ពីរដែលផ្តល់នូវការក្តាប់ និងដំណើរការប្រកបដោយទំនុកចិត្តលើគ្រប់លក្ខខណ្ឌជាច្រើន។ បន្ថែមពីលើការគ្រប់គ្រងហ្រ្វាំងពេញលេញ ហ្វ្រាំងឌីសខាងមុខទំហំ ៣០០មីលីម៉ែត្រ និង ២៤០មីលីម៉ែត្រ និងហ្វ្រាំង ABS ពីរឆានែលជួយកាត់បន្ថយការប្រឹងប្រែងហ្វ្រាំង។ ការរចនាម៉ូដ Spartan ដែលមិនគួរឱ្យភ័យខ្លាចរបស់ Himalayan ខ្សែកោងកម្លាំងបង្វិលជុំ កម្ពស់កៅអីដែលអាចចូលដំណើរការបាន និងការធ្វើដំណើរការព្យួររយៈពេលយូរ រួមជាមួយនឹងភាពងាយស្រួលនៃភាពជាម្ចាស់ ធ្វើឱ្យ Himalayan ក្លាយជាម៉ូតូដ៏សម្បូរបែបដែលមានសមត្ថភាពសម្រាប់ការជិះរយៈពេលយូរ ខណៈពេលដែលស្មើភាពគ្នាជាជម្រើសច្បាស់លាស់ក្នុងការរុករកផ្លូវក្នុងក្រុងនិងក្រៅក្រុង។

ម៉ូតូ Royal Enfield Himalayan បានឈ្នះពានរង្វាន់ជាច្រើន រួមទាំងពានរង្វាន់ Bike of the Year – Best Touring Light Weight ពីរឆ្នាំជាប់គ្នា (២០២០-២១) នៅប្រទេសថៃ ប្រចាំឆ្នាំលើកទី៤! ពានរង្វាន់ Adventure Tourer ល្អបំផុត (៤០០-៦៥០cc) នៅប្រទេសហ្វីលីពីន និង Best LAMS adventure motorcycle ដោយ Bikesales នៅប្រទេសអូស្ត្រាលី៕

សម្រាប់ព័ត៌មានបន្ថែម៖ https://www.royalenfield.com/

ផ្ទាំងផ្សាយពាណិជ្ជកម្ម

MG Marvel R ទទួលបានលទ្ធផលផ្កាយ ៤ ពីការធ្វើតេស្តង់ដាររបស់ Euro NCAP

December 22, 2021

រថយន្តអគ្គិសនី MG Marvel R ឆ្នាំ២០២១ ទើបទទួលបានការចេញលក់ជាផ្លូវការនៅលើទីផ្សារអ៊ឺរ៉ុប ព្រមទាំងទទួលបាននូវលទ្ធផលផ្កាយ ៤ ពីការធ្វើតេស្តស្តង់ដាររបស់ Euro NCAP។

ជាមួយលទ្ធផលនៃការធ្វើតេស្តនេះ រថយន្ត MG Marvel R ទទួលបានពិន្ទុទៅលើការការពារអ្នកបើកបរចំនួន ៨០ភាគរយ, ការការពារទៅលើកុមារចំនួន ៧៥ភាគរយ, ការការពារអ្នកថ្មើរជើង ឬអ្នកជិះកង់ ចំនួន ៥៥ភាគរយ និងចំនួន ៨០ភាគរយ ទៅលើប្រព័ន្ធសុវត្ថិភាព។

រថយន្ត Marvel R ដំណើរការដោយម៉ូទ័រអគ្គិសនីមួយនៅខាងមុខ និងពីរនៅខាងក្រោយ ដែលផ្គួបចូលគ្នាអាចផលិតកម្លាំងបានសរុប ២៨៤សេះ។ កម្លាំងនេះអាចស្ទុះពី ០ ទៅ ១០០គ.ម/ម៉ ក្នុងពេល ៤,៩វិនាទី និងមានល្បឿនអតិបរមា ២០០គ.ម/ម៉ផងដែរ។ រថយន្តអគ្គិសនីសុទ្ធនេះអាចបើកបរបានចម្ងាយ ៤០០គីឡូម៉ែត្រពេលសាកភ្លើងពេញ ដោយទំហំអាគុយ ៧០គីឡូវ៉ាត់ម៉ោង វាមានគាំទ្រការសាកល្បឿនលឿន ១១គីឡូវ៉ាត់ ដែលអាចសាកពី ០% ដល់ ៨០% ក្នុងពេលត្រឹមតែ ៤០នាទីទៅ។

បន្ថែមពីនេះវាបានបំពាក់ជាមួយប្រព័ន្ធ V2L ដែលអនុញ្ញាតអោយអាគុយ ផ្តល់ថាមពលទៅកាន់ឧបករណ៍ដទៃទៀតដូចជា៖ កង់អគ្គិសនី Scooter, កុំព្យូទ័រ, ស្នប់ខ្យល់ និងឧបករណ៍ដទៃទៀតផងដែរ។ រួមជាមួយប្រព័ន្ធជំនួយការបើកបរ MG Pilot ដែលមានមុខងារចំនួន ១៤មុខងារផងដែរ។ រថយន្តនេះមានតម្លៃចាប់ពី ៤៧ ៦០០ដុល្លារ(៤ម៉ឺនអឺរ៉ូ) ដល់ ៦0 0០០ដុល្លារ(៥ម៉ឺនអឺរ៉ូ) សម្រាប់ទីផ្សារអឺរ៉ុប៕

ផ្ទាំងផ្សាយពាណិជ្ជកម្ម

តាក់ស៊ីនៅទីក្រុង New York ទទួលបាន Ford Mustang Mach-E ពណ៌លឿងដំបូង

December 22, 2021

ក្រុមហ៊ុន Gravity ដែលជាអ្នកចាប់ផ្តើមតាក់ស៊ីនៅទីក្រុងញូវយ៉ក ចង់រក្សាធម្មជាតិបៃតងជាមួយនឹងឡានតាក់ស៊ីអគ្គិសនី ជាលើកដំបូង ដែលរថយន្ត Ford Mustang Mach-E បានបង្ហាញខ្លួននៅលើផ្លូវ Manhattan ហើយ។

អាចត្រូវបានគេសរសើរនៅតាមដងផ្លូវ ឬតាមរយៈកម្មវិធីតាក់ស៊ីពណ៌លឿងស្តង់ដារ Mach-E មានពណ៌ Rally Yellow ហើយភ្ជាប់មកជាមួយការគ្រប់គ្រងអ្នកដំណើរប្រកបដោយថាមពល រួមទាំងអេក្រង់ទំហំ ២២ អ៊ីញផងដែរ តាមរយៈវា អ្នកដំណើរអាចថតរូប Selfie ,ស្តាប់តន្ត្រី ឬមើលវីដេអូ ,បច្ចេកវិទ្យាឆ្លាតវៃសិប្បនិម្មិត Driver-facing ក៏ដូចជាការ កំណត់អត្តសញ្ញាញ និងការពារការរំខាន។

នេះជារថយន្ត Mustang Mach-E ដំបូងដែលជាតាក់ស៊ីពណ៌លឿងនៅក្នុងទីក្រុង New York ប៉ុន្តែវាមិនមែនរថយន្តចុងក្រោយឡើយ ដោយក្រុមហ៊ុន Gravity គ្រោងនឹងដំឡើងរថយន្តប្រើអគ្គិសនីចំនួន ៥០គ្រឿងទៀត ដោយមានម៉ូដែល Tesla មួយចំនួនផងដែរ ។

បច្ចុប្បន្ន Model Y កំពុងស្ថិតក្រោមការត្រួតពិនិត្យ Hack-up ចុងក្រោយ ហើយក្រុមហ៊ុននិយាយថា រថយន្តអគ្គិសនី ទាំងអស់របស់ខ្លួននឹងត្រូវសាកថ្មពេញមួយយប់នៅឯកន្លែងសាកថ្ម Manhattan នៅទីប្រជុំជនរបស់ខ្លួននៅលើផ្លូវ West 42nd Street ។

រថយន្តរបស់ក្រុមហ៊ុននឹងត្រូវមានដំបូលបើកបែប panoramic ដើម្បីអាចឲ្យអតិថិជនអាចមើល Skyline នៅទីក្រុង New York ខណៈក្រុមហ៊ុន Gravity និយាយថា រថយន្តទាំងនោះត្រូវបានអនុញ្ញាតឲ្យប្រើប្រាស់ជា cabs ក្រោមកម្មវិធី EV pilot program ដែលអនុម័តដោយ តាក់ស៊ី របស់ NYC និង Limousine Commission ។

ការជិះទាំងអស់នឹងមានតម្លៃតាមអត្រាតាក់ស៊ីពណ៌លឿងស្តង់ដារ NYC ដោយការពារអតិថិជនពីការឡើងថ្លៃ ឬអត្រា Premium ៕

ផ្ទាំងផ្សាយពាណិជ្ជកម្ម

ទ្បាន Chevrolet Corvette C8s ជាង ១២០ គ្រឿងត្រូវបានបំផ្លាញដោយការវាយប្រហារព្យុះ Tornado

December 22, 2021

ទ្បាន Chevrolet Corvette C8s ជាង ១២០ គ្រឿងត្រូវបានបំផ្លាញដោយការវាយប្រហារព្យុះកំបុតត្បូង Tornado ដែលនាំអោយរងការខូចខាតទាំងស្រុង និងលើសពីការជួសជុលនៅរោងចក្រដំឡើងរថយន្ត Chevrolet ក្នុងទីក្រុង Bowling Green រដ្ឋ Ohio សហរដ្ឋអាមេរិកកាលពីចុងសប្តាហ៍មុន។

ការរងផលប៉ះពាល់នេះនាំអោយដាច់បំពង់បង្ហូរប្រេង ដែលធ្វើឱ្យយមានអគ្គិភ័យនៅទីនោះ។ វាមិនច្បាស់ថាតើក្រុមហ៊ុនផលិតរថយន្តរបស់អាមេរិករងការខូចខាតប៉ុន្មាននោះទេ។

សម្រាប់តួរលេខនៃរថយន្ត Corvette C8s ដែលខូចទាំងស្រុង និងលើសពីការជួសជុល ត្រូវបានគេរំពឹងថានឹងកើនឡើងបន្ថែមទៀត។ យានជំនិះដែលនៅក្រៅរោងចក្ររង់ចាំការដឹកជញ្ជូននៅតែត្រូវបានត្រួតពិនិត្យសម្រាប់ការខូចខាត ហើយនឹងមិនត្រូវបានដឹកជញ្ជូនរហូតដល់ការវាយតម្លៃបានបញ្ចប់។

បន្ថែមពីនេះម្ចាស់យានយន្តដែលបំផ្លាញដោយសារព្យុះកំបុតត្បូង Tornado នឹងត្រូវបានទាក់ទងដោយអ្នកចែកចាយ និងបញ្ជាទិញឡើងវិញ។

រថយន្ត Chevrolet Corvette C8 ប្រើប្រាស់ម៉ាស៊ីនសាំង V8 ចំណុះ ៦.២ លីត្រ ផលិកម្លាំង ៤៩០សេះ និងកម្លាំងរមួល ៦៣០ ញ៉ូតុនម៉ែត្រ ភ្ជាប់ជាមួយនឹងប្រអប់លេខដៃ ៨ វគ្គ dual-cluth រត់កង់ក្រោយ ដែលអាចបង្កើនល្បឿនពី ០-១០០ ក្នុងមួយម៉ោង ក្នុងរយៈពេល ៣ នាទី។

ផ្ទាំងផ្សាយពាណិជ្ជកម្ម

Tesla ឈប់ទទួលការបញ្ជាទិញឡាន Roadster តម្លៃ ២៥ម៉ឺនដុល្លារ

December 22, 2021

រថយន្ត Tesla Roadster ជំនាន់ទី២ បានបង្ហាញខ្លួនជាគំរូររថយន្ត កាលពីរយៈពេល ៤ឆ្នាំមុន ខណៈលោក Elon Musk អះអាងថា វានឹងបង្ហាញខ្លួនជាផ្លូវការ នៅឆ្នាំ២០២៣។

ឥឡូវនេះ បើតាមប្រភពព័ត៌មានបានឲ្យដឹងថា ក្រុមហ៊ុនផលិតរថយន្តអគ្គិសនីអាមេរិក Tesla បានដកចេញនូវព័ត៌មានតម្លៃ និងឈប់ទទួលការបញ្ជាទិញ សម្រាប់រថយន្ត Tesla Roadster Founders Series ដែលមានតម្លៃ ២៥០ ០០០ដុល្លារហើយ។

គួរឲ្យដឹងដែរថា ក្រុមហ៊ុន Tesla បានបើកឲ្យបញ្ជាទិញរថយន្ត Roadster ចាប់តាំងពីឆ្នាំ២០១៧ ត្រូវកក់លុយមុន ៥០ ០០០ដុល្លារ ប៉ុន្តែរហូតមកដល់ពេលនេះ នៅមិនទាន់បានឃើញផលិតផលសម្រេចពិតចុងក្រោយនៅឡើយទេ។

យ៉ាងណាក៏ដោយ លោក Musk បានបញ្ជាក់ហើយថា រថយន្ត Roadster មិនស្ថិតនៅក្នុងបញ្ជីពិសេស ដែលប្រញាប់ចេញមកប្រឡូកទីផ្សារឡើយ ព្រោះថា Tesla កំពុងចំណាយពេល និងថវិកា ដើម្បីនាំយកភីកអាប់អគ្គិសនីរបស់ខ្លួន គឺ Cybertruck មកលើទីផ្សារមុន៕

ផ្ទាំងផ្សាយពាណិជ្ជកម្ម

កាន់តែងាយស្រួល! ភីកអាប់អគ្គិសនីរបស់ Ford អាចសាកភ្លើងទៅរថយន្តអគ្គិសនីផ្សេងទៀត

December 22, 2021

បញ្ហាអស់សាំងគឺជារឿងមួយដែលកើតឡើងនៅលើរថយន្តដំណើរការដោយម៉ាស៊ីនចំហេះក្នុង រីឯបញ្ហាអស់ថាមពលភ្លើងគឺជារឿងមួយដែលកើតឡើងនៅលើរថយន្តអគ្គិសនី។ ប៉ុន្តែជាមួយបញ្ហានេះ អ្នកប្រើប្រាស់ក៏មានជម្រើសជាច្រើនក្នុងការដោះស្រាយ ជាក់ស្តែងដូចជាម្ចាស់រថយន្ត Fordជាដើម។

ជាមួយគ្នានេះដែលនៅលើរថយន្ត F-150 Lightning និង F-150 PowerBoost Hybrid វាត្រូវបានបំពាក់មកជាមួយប្រព័ន្ធ Pro Power Onboard System ដែលវាអាចអោយម្ចាស់រថយន្ត អាចជួយរថយន្តអគ្គិសនីផ្សេងទៀតបណ្តោះអាសន្ន ជាមួយសមត្ថភាពសាកថ្មពីរថយន្តមួយទៅរថយន្តមួយទៀត(Vehicle-to-Vehicle) ដែលប្រើប្រាស់នូវរន្ធសាកថ្ម ២៤០វ៉ុល។ ជាក់ស្តែង សម្រាប់ការសាករៀងរាល់ម៉ោង ដោយប្រើឆ្នាំសាកភ្លើងចល័ត Ford Mobile Power Cord វាអាចសាករថយន្ត Mustang Mach-E អាចអោយរវាបើកបរបានចម្ងាយ ៣២គីឡូម៉ែត្រ ឬ ២១គីឡូម៉ែត្រ សម្រាប់ F-150 Lightning និង ១៦គីឡូម៉ែត្រ សម្រាប់ E-Transit។

ដំណើរការនេះគឺសាមញ្ញណាស់ ព្រោះអ្វីដែលម្ចាស់រថយន្តត្រូវធ្វើគឺភ្ជាប់ Adaptor ទៅនឹងឆ្នាំងសាកចល័ត Ford Mobile Power Cord របស់ក្រុមហ៊ុន Ford ហើយបន្ទាប់មកដោតវាទៅក្នុងឡាន។ Ford ក៏បានលើកឡើងអំពីដំណើរការ ជាមួយនឹងរថយន្តអគ្គិសនីដែលមានរន្ធសាក J1772 ដូច្នេះសមត្ថភាពសាកពីរថយន្តទៅរថយន្តមិនត្រូវបានកំណត់តែចំពោះម៉ូដែលដែលផលិតដោយ Blue Oval នោះទេ៕

ផ្ទាំងផ្សាយពាណិជ្ជកម្ម

មកស្គាល់ឡាន Sedan ប្រើប៉ុងពីរ មានតម្លៃសមរម្យ ទាំង ១០ម៉ូដែល ល្អបំផុតប្រចាំឆ្នាំ២០២១

December 22, 2021

បច្ចុប្បន្ននេះ ក្រុមហ៊ុនផលិតរថយន្តជាច្រើនបានផ្តល់ជម្រើសរថយន្ត Sedan ជាមួយនឹងប្រព័ន្ធបើកបរប៉ុងពីរ នៅលើទីផ្សារមួយចំនួន ដែលត្រូវការយ៉ាងចាំបាច់។ នៅក្នុងថ្ងៃនេះ យើងនឹងណែនាំឲ្យប្រិយមិត្តបានស្គាល់នូវ រថយន្តប្រភេទ Sedan ប្រើប៉ុងពីរ ដែលមានតម្លៃសមរម្យ ទាំង ១០ម៉ូដែល ល្អបំផុតប្រចាំឆ្នាំ២០២១។

១) Toyota Camry មានតម្លៃចាប់ពី ២៦ ៦៩៥ ដុល្លារ (តម្លៃនៅបរទេស)

២) Nissan Altima មានតម្លៃចាប់ពី ២៦ ៩៥០ ដុល្លារ (តម្លៃនៅបរទេស)

៣) Kia K5 មានតម្លៃចាប់ពី ២៦ ៤៩០ ដុល្លារ (តម្លៃនៅបរទេស)

៤) Subaru Legacy មានតម្លៃចាប់ពី ២២ ៩៩៥ ដុល្លារ (តម្លៃនៅបរទេស)

៥) Chrysler 300 មានតម្លៃចាប់ពី ៣៤ ៦២៥ ដុល្លារ (តម្លៃនៅបរទេស)

៦) Subaru Impreza មានតម្លៃចាប់ពី ១៨ ៧៩៥ ដុល្លារ (តម្លៃនៅបរទេស)

៧) Subaru WRX មានតម្លៃចាប់ពី ២៧ ៤៩៥ ដុល្លារ (តម្លៃនៅបរទេស)

៨) Mazda3 មានតម្លៃចាប់ពី ២៦ ១៥០ ដុល្លារ (តម្លៃនៅបរទេស)

៩) Audi A3 មានតម្លៃចាប់ពី ៣៥ ៩០០ ដុល្លារ (តម្លៃនៅបរទេស)

១០) Mercedes-Benz A-Class មានតម្លៃចាប់ពី ៣៥ ៩៥០ ដុល្លារ (តម្លៃនៅបរទេស)

ផ្ទាំងផ្សាយពាណិជ្ជកម្ម

David Beckham ទិញឡាន Maserati MC20 Fuoriserie Edition ជិះផ្ទាល់ខ្លួន

December 21, 2021

អតីតកីឡាករបាល់ទាត់ដ៏ល្បីឈ្មោះ David Beckham ថ្មីៗនេះ ទើបតែបានទិញរថយន្ត Maserati MC20 Fuoriserie Edition ដើម្បីជិះផ្ទាល់ខ្លួន។

Beckham បាននិយាយថា “កាលពី១ឆ្នាំមុន ខ្ញុំបានទៅរោងចក្ររបស់ Maserati នៅអ៊ីតាលី ដើម្បីរើសយក Option រថយន្ត MC20 របស់ខ្ញុំ”។

គួររំលឹកឲ្យដឹងដែរថា រថយន្ត Maserati MC20 ដែលប្រជែងជាមួយនឹងដៃគូខ្លាំងៗ ដូចជា Lamborghini, Ferrari និង McLaren ថ្មីៗនេះក៏បានជាប់ឈ្មោះជា “Product Design of the Year” ពី European Product Design Award 2021 ផងដែរ។

រថយន្ត Maserati MC20 បានបំពាក់ជាមួយម៉ាស៊ីន ៣,០ លីត្រ twin-turbocharged ទំហំ ៦ស៊ីឡាំង ប្រើប្រព័ន្ធ Dual Injection ដែលបំផុតតាមរថយន្តប្រណាំង F1 ប្រើប្រាស់ប៊ូហ្ស៊ីភ្លោះ (twin-spark plugs) ផ្តល់នូវកម្លាំង ៦២១សេះ កម្លាំងរមួល ៧៣០ញ៉ូតុនម៉ែត្រ។ រថយន្តបំពាក់មកជាមួយប្រអប់លេខអូតូ ៨វគ្គ Dual-clutch បញ្ជូនកម្លាំងទៅកង់ក្រោយ តាមរយៈប្រព័ន្ធគ្រប់គ្រងប៉ុង Limited-slip ដែលអាចឲ្យវារត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលតិចជាង ២,៩វិនាទី ហើយមានល្បឿនអតិបរមាដល់ ៣២៥គីឡូម៉ែត្រក្នុងមួយម៉ោង។

សូមបញ្ជាក់ថា រថយន្ត Maserati MC20 ត្រូវបានដាក់លក់នៅលើទីផ្សារប្រទេសអូស្ត្រាលី ក្នុងតម្លៃ ៣១០ ៦២៩ដុល្លារ រីឯទីផ្សារប្រទេសញូហ្សែលែន មានតម្លៃ ២៥៧ ៣៦១ដុល្លារ៕

ផ្ទាំងផ្សាយពាណិជ្ជកម្ម

Ford បញ្ជាក់ច្បាស់ៗ តម្លៃឡាន Mustang Mach-E ឆ្នាំ២០២២

December 21, 2021

ក្រុមហ៊ុន Ford បានបញ្ជាក់ពីតម្លៃនៃរថយន្តអគ្គិសនី Mustang Mach-E ស៊េរីឆ្នាំ២០២២ របស់ខ្លួនជាផ្លូវការ សម្រាប់ទីផ្សារសហរដ្ឋអាមេរិក។

រថយន្តអគ្គិសនី Mustang Mach-E ឆ្នាំ២០២២ នឹងត្រូវដាក់លក់ក្នុងតម្លៃចាប់ពី ៤៣ ៨៩៥ដុល្លារ ខណៈតម្លៃនេះគឺថ្លៃជាងស៊េរីឆ្នាំ២០២១ ត្រឹមតែ ១ ០០០ដុល្លារប៉ុណ្ណោះ។

អ្វីដែលជាការផ្លាស់ប្តូរគួរឲ្យកត់សម្គាល់បំផុតសម្រាប់ស៊េរីថ្មីនោះ គឺកញ្ចប់អាគុយអគ្គិសនីរបស់វា។ មិនខុសពីមុនឡើយ អតិថិជនអាចជ្រើសរើសប្រភេទ Standard Range (SR) និង Extended Range (ER)។ ម៉ូដែល Standard Range (SR) បំពាក់កញ្ចប់អាគុយអគ្គិសនីទំហំ ៧០គីឡូវ៉ាត់ម៉ោង ខណៈ Extended Range (ER) ប្រើទំហំ ៩១គីឡូវ៉ាត់ម៉ោង។

ជាមួយគ្នានេះដែរ ក្រុមហ៊ុន Ford ក៏បានបន្ថែមពណ៌ថ្មីមួយទៀតសម្រាប់រថយន្ត Mustang Mach-E ស៊េរីឆ្នាំ២០២២ គឺ ពណ៌ខៀវ Ice Blue Silver Metallic ខណៈពេលដែលពណ៌ Grabber Blue Metallic និង Cyber Orange Metallic ក៏មានលើគ្រប់ម៉ូដែលទាំងអស់ មិនមែនតែប្រភេទ High-end ម៉ូដែលដូចមុនទៀតឡើយ៕

ផ្ទាំងផ្សាយពាណិជ្ជកម្ម

ទ្បាន Toyota Corolla Hybrid ស៊េរីឆ្នាំ២០២២ បានបង្ហាញខ្លួនជាលើកដំបូងនៅក្នងសហរដ្ឋអាមេរិក

December 21, 2021

ក្រុមហ៊ុន Toyota បញ្ចេញនូវម៉ូឌែល Corolla ប្រើប្រាស់ម៉ាស៊ីន Hybrid ស៊េរីឆ្នាំ២០២២ ប្រភេទ Sedan បានបង្ហាញខ្លួនជាលើកដំបូងនៅក្នងសហរដ្ឋអាមេរិក។

បន្ថែមពីនេះរថយន្ត Toyota Corolla Hybrid មាន ៤ driving modes ដូចជា៖ normal, eco, sports និង EV។

សម្រាប់រថយន្ត Toyota Corolla Hybrid បានប្រើប្រាស់ម៉ាស៊ីនសាំងចំណុះ ១.៨ លីត្រ ទំហំ ៤ស៊ីទ្បាំង រួមដំណើរជាមួយនឹងម៉ូទ័រអគ្គិសនីពីរ ផលិតកម្លាំង ១២១សេះ។

រថយន្ត Toyota Corolla Hybrid បានបំពាក់នូវអេក្រង់បង្ហាញព័ត៌មាន ទំហំ ៧ អ៊ីញ, ប្រព័ន្ធកម្សាន្តភ្ជាប់មុខងារ Apple CarPlay, Googles និង Android Auto ប្រភេទ Touch screen ទំហំ ៨ អ៊ីញ ។ លើសពីនេះពីវាក៏មាន google’s AI voice recognition assist និង Alexa តភ្ជាប់ជាមួយនឹង Wi-Fi និងប្រព័ន្ធ GPS ផងដែរ។

បន្ថែមពីនេះប្រព័ន្ធ Toyota Safety Sense ត្រូវបានបំពាក់នូវមកស្តង់ដារ ដោយក្នុងនោះរួមមានមុខងារ ដូចជា៖ pre-collision system, Dynamic Radar Cruise Control, (Lane Departure Warning, Lane Trace Assist និង Road Sign Assist ជាដើម ៕