ចាប់តាំងពីការចេញលក់ Toyota Land Cruiser 300 Series បានក្លាយជាប្រធានបទមួយដែលត្រូវបានគេនិយាយច្រើនបំផុតអំពីរថយន្តនៅលើបណ្តាញសង្គម។ យ៉ាង​ណា​មិញ Land Cruiser 200 Series ជំនាន់​មុន​ដែល​បាន​ផលិត​តាំង​ពី​ឆ្នាំ ២០០៧ នៅ​តែ​មាន​អ្នក​គាំទ្រ​ស្មោះ​ត្រង់​មួយ​ចំនួន​ធំ។ ដើម្បីបំពេញតាមតម្រូវការរបស់អតិថិជនមកពីប្រទេសអូស្ត្រាលី និងមជ្ឈិមបូព៌ា ក្រុមហ៊ុនជំនាញកែច្នៃរបស់រុស្ស៊ី Khann International បានបង្ហាញរថយន្ត Land Cruiser 200 Expedition ដែលបានកែច្នៃអោយក្លាយជារថយន្តប្រភេទ Off-road ។

ក្រុមហ៊ុនជំនាញកែច្នៃនេះមានមូលដ្ឋាននៅទីក្រុងមូស្គូ ប្រទេសរុស្សី ដែលមានប្រវត្តិផលិត bodyskits សម្រាប់ម៉ូឌែល Toyota និង Lexus។ The Expedition ត្រូវបានរចនាឡើងដើម្បីបង្ហាញពីស្មារតីនៃការផ្សងព្រេងរបស់ Land Cruiser ខណៈពេលដែលការកែលម្អសមត្ថភាព Off-road ដ៏ល្អឥតខ្ចោះនៅលើរថយន្ត SUV នេះ។

ផ្នែក​ខាង​ក្រៅ​របស់​រថយន្ត​ត្រូវ​បាន​រចនា​ឡើង​វិញ​ដោយ​ផ្តល់​ឱ្យ​វា​កាន់​តែ​រឹង​មាំ និង​ទំនើប​ជាង​មុន។ កាងផ្នែក​ខាង​មុខ​ឌីស្សាញឡើង ដែលបំពាក់ជាមួយ​ប៉ាណា, របាការពារ និង​របា​ភ្លើង LED កណ្តាល ខណៈគម្របម៉ាស៊ីនក៏ត្រូវបានរចនាឡើងវិញជាមួយនឹងរន្ធខ្យល់ធំពីរ។

នៅសងខាង គ្រោងកង់ត្រូវបានពង្រីកឡើង ដើម្បីផ្ទុកសំបកកង់ពិសេសធំៗ ដែលភ្ជាប់ជាមួយយ៉ាន់ស្ព័រ ១០ប្រឡោះពណ៌​ខ្មៅ។ រួ​មមួយ​កាង​ខាង​ក្រោយ​ដែល​មាន​បន្ទះ​ប្លាស្ទិក​ជា​ច្រើន​សម្រាប់​ការពារក្នុងការបើកបរផ្លូវលំបាកផងដែរ។

បន្ថែមជាមួយនឹងពណ៌តួរខ្លួនពណ៌លឿង ដែលភ្ជាប់់បន្ថែមមកជាមួយឧបករណ៍សម្រាប់ផ្ទុកឥវ៉ាន់នៅលើដំបូូល, Bodykit និងកង់សាគួរនៅខាងក្រោយ។ សម្រាប់ព័ត៌មានលម្អិតអំពីបច្ចេកទេសនៃកញ្ចប់ Expedition ដោយ Khann ពុំបានបង្ហាញចេញនោះឡើយ។

រថយន្ត Toyota Land Cruiser បានបំពាក់ដោយជម្រើសម៉ាស៊ីនសាំង V8 ចំណុះ ៥.៧ លីត្រ និងម៉ាស៊ីនម៉ាស៊ូត V8 ចំណុះ ៤.៥ លីត្រ ផងដែរ។ បច្ចុប្បន្ននេះ Khann International មិនទាន់បានប្រកាសពីតម្លៃសម្រាប់កំណែ Expedition ទេ ប៉ុន្តែភាគច្រើនទំនងជាមិនថោកទេ៕

ផ្ទាំងផ្សាយពាណិជ្ជកម្ម

រថយន្តដំបូងគេក្នុងបណ្តុំនៃរថយន្តទំនើបៗគឺ Chevrolet Camaro ឆ្នាំ ២០១០ ដែលបានចូលរួមក្នុងរឿង Transformers: Dark of the Moon ។ Camaro នេះត្រូវបានបង្កើតឡើងជាពិសេសសម្រាប់ខ្សែភាពយន្តដោយក្រុមហ៊ុន General Motors។

រថយន្ត​នេះ​ក៏​ត្រូវ​បាន​ដាក់​តាំង​បង្ហាញ​នៅ​ក្នុង​ពិព័រណ៍​រថយន្ត​អន្តរជាតិ​ញូវយ៉ក​ក្នុង​ឆ្នាំ​២០១០​ផង​ដែរ។

បន្ទាប់​មក​គឺ​រថយន្ត Mercedes-AMG SLS ដែល​មាន​ក្នុង​រឿង Transformers: Dark of the Moon ផងដែរ។ ដំបូង រថយន្តនេះគឺជាផ្នែកមួយនៃការសាកល្បងសម្រាប់ប្រព័ន្ធផ្សព្វផ្សាយ និងសម្រាប់គោលបំណងបង្ហាញរថយន្ត Mercedes-Benz នៅសហរដ្ឋអាមេរិក។ នៅក្នុងខ្សែភាពយន្ត SLS AMG ត្រូវបានបើកដោយតារាសម្តែង Rosie Huntington ជាមួយនឹងផ្ទៃខាងក្នុងផ្ទាល់ខ្លួន។

ទីបីគឺរថយន្តប៉ូលីស Ford Mustang “Barricade” ដែលត្រូវបានកែប្រែយ៉ាងខ្លាំងនិងបង្ហាញនៅក្នុងខ្សែភាពយន្ត Transformers: The Last Knight ។ ផ្នែក​ខាង​ក្រៅ​របស់​រថយន្ត​ត្រូវ​បាន​លាប​ពណ៌ Deep Impact Blue ជាមួយ​នឹង​ពណ៌​ដ៏​ពិសេស អម​ដោយ​ប្រព័ន្ធ​ភ្លើង LED។

ចុងក្រោយរថយន្ត Lamborghini Aventador LP 700-4 ឆ្នាំ ២០១៤ ត្រូវបានបង្ហាញនៅក្នុងខ្សែភាពយន្ត Transformers: Age of Extinction ។ រថយន្តនេះមានលក្ខណៈផ្ទាល់ខ្លួនសម្រាប់អ្នកដឹកនាំរឿង Michael Bay ជាមួយនឹងផ្នែកខាងក្រៅពណ៌ប្រផេះ Matt Grigio Titans ។ បច្ចុប្បន្ននេះ ODO នៃរថយន្តឈានដល់ ៣ ២០០ គីឡូម៉ែត្រ។ ជាពិសេស ៤ខ្ទង់ចុងក្រោយនៃ VIN នៅលើ Aventador នេះគឺឆ្នាំ ១៩៦៣ ដែលជាឆ្នាំដែល Lamborghini ត្រូវបានបង្កើតឡើង។

យ៉ាងណាមិញចំពោះរថយន្ត​ទាំង ​៤ ​គ្រឿងនេះ ​ត្រូវ​បាន​ទិញ​ពីបណ្តុំរថយន្តផ្ទាល់ខ្លួននៃអ្នកដឹកនាំ​ Michael Bay ហើយ​ត្រូវ​បាន​​លក់​ក្នុង​តម្លៃ ​២​លាន​ដុល្លារ ៕

ផ្ទាំងផ្សាយពាណិជ្ជកម្ម

នៅសល់តែ ១ ខែទៀតប៉ុណ្ណោះ រហូតដល់ដំណាច់ឆ្នាំ ២០២១ បញ្ជីឈ្មោះរថយន្តដែលលក់ដាច់បំផុតប្រចាំឆ្នាំ ត្រូវបានគេបង្ហាញជាបណ្តើរៗហើយ។ នេះជាទ្បានទាំង ១០ ដែល​ទិញ​បាន​ច្រើន​ជាង​គេ​ក្នុង​ឆ្នាំ ២០២១ នៅ​វៀតណាមរួមាន៖

១. VinFast Fadil លក់បាន ២២ ៣៧៥ គ្រឿង

២. Hyundai Accent ១៧ ៤៣៩ គ្រឿង

៣. Toyota Vios ១៧ ១៣៣ គ្រឿង

៤. Ford Ranger ១៤ ៤៦១គ្រឿង

៥. Toyota Corolla Cross ១៣ ៩៤៥ គ្រឿង

៦. Kia Seltos ១៣ ៧៧៧ គ្រឿង

៧. Mitsubishi Xpander ១១ ៦០៦ គ្រឿង

៨. Hyundai Grand i10 ១០ ៣៨០ គ្រឿង

៩. Hyundai Santa Fe ១០ ០៨២ គ្រឿង

១០. Kia Cerato/K3 ៨ ៩៤៥ គ្រឿង ៕

ផ្ទាំងផ្សាយពាណិជ្ជកម្ម

ចំណាត់ថ្នាក់ពេញចិត្តរបស់អតិថិជនអាមេរិកហៅកាត់ថា ACSI គឺជាការវាស់វែងនៃសេវាកម្ម និងផលិតផលផ្អែកលើការពេញចិត្តរបស់អតិថិជន ហើយនៅឆ្នាំ២០២១នេះ ACSI បានប្រមូលមតិពីអតិថិជនផ្នែករថយន្តចំនួន ៤ ៨៨៨នាក់ ដែលត្រូវបានជ្រើសរើសដោយចៃដន្យ និងទាក់ទងតាមរយៈអ៉ីម៉ែលអំឡុងខែកក្កដាឆ្នាំ២០២០ ដល់ខែមិថុនា ឆ្នាំ២០២១។

អតិថិជនទាំងអស់ត្រូវបានស្នើសុំឲ្យធ្វើការវាយតម្លៃបទលើបទពិសោធន៍​របស់ពួកគេ ជាមួយម៉ាករថយន្តធំៗ ដោយលទ្ធផលគឺត្រូវកំណត់ពិន្ទុចាប់ពី ០ ដល់ ១០០។ ជាលទ្ធផលគេឃើញថាម៉ាក Honda ទទួលបានចំណាត់ថ្នាក់លេខមួយ ជាមួយពិន្ទុចំនួន ៨២ពិន្ទុ ដែលមានការកើនឡើង ៤% ធៀបនឹងឆ្នាំមុន។

ម៉ាករថយន្តបន្ទាប់គឺ BMW ដែលទទួលបាន ៨១ពិន្ទុ ខណៈម៉ាក Lexus និង Subaru ទទួលបាន ៨១ពិន្ទុ ស្មើគ្នា ហើយឆ្នាំមុនផងដែរ Lexus គឺជាម៉ាករថយន្តលំដាប់លេខមួយក្នុងតារាងចំណាត់ថ្នាក់ ACSI។ ម៉ាករថយន្តបន្ទាប់ទៀតមានដូចជា Audi, Ram និង Tesla ទទួលបានចំនួន ៨០ពិន្ទុ ចំណែកឯ Hyundai, Mazda និង Toyota ទទួលបាន ៧៩ពិន្ទុ។

គួរដឹងថាម៉ាករថយន្តដែលស្ថិតនៅចំណាត់ថ្នាក់ក្រោមគេនៃម៉ាករថយន្តសរុបចំនួន ២៧ម៉ាក គឺម៉ាក Mitsubishi ដែលទទួលបាន ៧១ពិន្ទុ និងម៉ាក Chrysler ដែលទទួលបាន ៧០ពិន្ទុ។

គួរដឹងថា ACSI បានវិភាគលើសុវត្ថិភាពនៃរថយន្ត, ភាពរឹងមាំនៃការប្រើប្រាស់, សមត្ថភាពរថយន្ត, រូបរាងខាងក្រៅ, ផាសុកភាព, គ្រឿងបរិក្ខារខាងក្នុង, គុណភាពនៃការប្រើជាមួយទូរសព្ទ, បច្ចេកវិទ្យា, កម្រិតស៊ីប្រេង និងការធានាផងដែរ៕

ផ្ទាំងផ្សាយពាណិជ្ជកម្ម